Teknologji

Microsoft rikthen ndihmësin virtual ”Clippy”

Emoji-t e rinj do të dalin në muajt e ardhshëm.

Published

4 years ago

July 19, 2021

Betim Gashi

Clippy, ndihmësi virtual i paraqitur në versionet e hershme të Office, do të kthehet si një emoji, njoftoi vetë Microsoft.

“Kur po mendonim se si të riskiconim kapësin e letrës, thamë “pse jo?”, shpjegoi Claire Anderson, kreu i Microsoft.

“Është një mënyrë për të nderuar atë që ishim, ndërsa kërkojmë një stil të ri, por si shumë gjëra nostalgjike, ne e dimë se mund të jetë polarizuese”, shtoi ajo.

Kthimi i “Clippy”-t, i pranishëm për herë të parë në Windows 97 dhe “i pushuar” në 2004, u njoftua me një cicërimë, me atë të së cilës kompania kërkoi të paktën 20 mijë pëlqime për të vazhduar, të marra në një kohë të shkurtër.

Emoji-t e rinj do të dalin në muajt e ardhshëm.

Shumë do të jenë në 3D dhe të animuar, ndërsa do të shtohen pesë krejtësisht të rinj, që kanë lidhje me botën e zyrave, si “je në heshtje”.

Teknologji

Kontroll më i rreptë në Snapchat, procesi i ri që duhet ta kalojnë përdoruesit në Australi

Published

22 minutes ago

December 11, 2025

UBT News

Snapchat, një nga platformat më të përdorura nga adoleshentët në Australi, ka nisur të përdorë softuerin e kompanisë me bazë në Singapor, k-ID, për të parandaluar përdorimin e aplikacionit nga fëmijët nën moshë.

Kjo kompani ofron teknologji për verifikimin e moshës për shërbime të ndryshme digjitale, përfshirë lojërat online dhe rrjetet sociale.

Në Snapchat, përdoruesve u shfaqet një kërkesë për të verifikuar moshën e tyre përmes disa metodave, ndër to edhe dërgimi i një selfie-je që analizohet nga softueri për të përcaktuar moshën.

Disa përdorues pretendojnë se kanë gjetur mënyra për ta anashkaluar këtë sistem, p.sh duke përdorur fotografi të personave më të rritur.

Drejtori i çështjeve korporative të k-ID, Luc Delaney, tha për BBC-në se verifikimi i moshës mbetet një “luftë e vazhdueshme” për kompanitë që merren me këto shërbime.

Ai thekson se softueri do të zhvillohet më tej me kalimin e kohës, sidomos pasi të zbulohen metoda të reja që përdoruesit përdorin për të mashtruar sistemin.

“Ne nuk i inkurajojmë njerëzit të përpiqen të tejkalojnë këto mekanizma, se përfundojnë të përjashtuar nga platforma”, shtoi Delaney. /A.Z/UBT News/

Teknologji

Nga boom në rënie, blerja e automjeteve elektrike nuk është më prioritet

Published

23 hours ago

December 10, 2025

UBT News

Interesi për automjetet elektrike në Holandë ka pësuar rënie të ndjeshme.

Sipas një studimi të ANWB-së, për herë të parë pas disa vitesh rritjeje, vetëm 23% e qytetarëve holandezë planifikojnë të kalojnë në automjete elektrike brenda pesë viteve të ardhshme — nga 28% sa ishte më herët.

Kjo rënie prej pesë pikësh përqindjeje tregon një kthesë të madhe në trendet e mëparshme.

Ndërkohë, numri i personave që nuk synojnë të blejnë vetura elektrike është bërë më i madh se i atyre që shprehin interes.

ANWB këtë ndryshim e lidh me politikat e reja të qeverisë holandeze, e cila ka reduktuar stimujt për veturat elektrike.

Nga viti 2024, pronarët e këtyre automjeteve do të paguajnë taksën mbi automjetet motorike (MRB), gjë që e rrit kostën e mbajtjes së tyre.

Përveç heqjes së përfitimeve, mbeten të pranishme edhe shqetësimet e zakonshme: çmimet e larta të automjeteve elektrike, frika për degradimin e baterive dhe vështirësitë e ngarkimit në shtëpi. /A.Z/UBT News/

Teknologji

Syzet e mençura të Google pritet të dalin në treg në vitin 2026

Published

2 days ago

December 9, 2025

UBT News

Google planifikon të lansojë më 2026 syzet e saj të para të mundësuara nga inteligjenca artificiale, në përpjekje për të konkurruar me Meta në tregun në rritje të pajisjeve AI.

Kompania po bashkëpunon me Samsung, Gentle Monster dhe Warby Parker, me një marrëveshje prej 150 milionë dollarësh. Google ofron dy lloje syzesh: modele vetëm audio që lejojnë komunikim me asistentin Gemini dhe syze me ekran të integruar për navigim dhe përkthime.

Pajisjet funksionojnë mbi Android XR. Warby Parker ka konfirmuar se modelet e para dalin në 2026.

Ky rikthim vjen pas përpjekjes së dështuar të Google Glass, ndërsa Sergey Brin tha se teknologjia e avancuar e sotme mundëson përdorime shumë më efikase.

Tregu i syzeve inteligjente po rritet, me Meta që kryeson falë syzeve Ray-Ban Meta dhe modeleve me ekran të integruar. Edhe Snap e Alibaba janë futur në këtë garë.

Google prezantoi gjithashtu përditësime të reja për kufjet Galaxy XR, si lidhja me PC dhe një modalitet udhëtimi për përdorim në avionë e makina. /A.Z/UBT News/

Teknologji

Google dhe Apple po lehtësojnë ndërrimin midis Android dhe iOS

Published

2 days ago

December 9, 2025

UBT News

Sipas një raporti të ri, Google dhe Apple po punojnë së bashku për ta bërë ndërrimin midis sistemeve të tyre operative mobile më të lehtë se kurrë.

Rezultati i parë i kësaj bashkëpunimi shfaqet në versionin më të fundit të Android Canary, i cili është aktualisht i dedikuar vetëm për zhvillues dhe do të duhet kohë derisa të vijë në versionin Beta dhe më pas në një version të qëndrueshëm të Android.

Nga ana e saj, Apple planifikon të përfshijë këtë veçori në një version të ardhshëm të iOS 26.

Kjo do të mundësojë që më shumë lloje të dhënash të jenë të transferueshme nga Android në iOS dhe anasjelltas, si dhe do të shtohen funksionalitete të reja.

Për të kaluar nga iOS në Android përdoret aplikacioni Android Switch, ndërsa për të kaluar nga Android në iOS përdoret Move to iOS.

Funksionaliteti, i integruar në të dy sistemet operative, do ta bëjë procesin e thjeshtë dhe shpresohet të mos zgjasë shumë për t’u lansuar. /A.Z/UBT News/