Lajmet

Microsoft: Hakerët iranianë kanë vënë “në shënjestër” zgjedhjet amerikane

Published

12 months ago

on

Një grup hakerësh iranianë po vëzhgon në mënyrë aktive faqet e internetit të lidhura me zgjedhjet e nëntorit dhe mediat amerikane. Aktivitetet e hakerëve sugjerojnë se ata po përgatiten për më shumë “operacione të ndikimit të drejtpërdrejtë”, sipas një shkrimi në blogun e kompanisë Microsoft të botuar të mërkurën.

Hakerët, të cilëve firma Microsoft u ka vënë nofkën “Cotton Sandstorm”, janë të lidhur me Korpusin e Gardës Revolucionare Islamike të Iranit. Sipas kompanisë amerikane, ata kanë ndërmarrë operacione kibernetike të kufizuara zbulimi duke vënë në shënjestër shumë faqe në internet të lidhura me zgjedhjet amerikane të disa shteteve fushëbetejë.

Në muajin maj, hakerët skanuan gjithashtu një media të paidentifikuar amerikane për të hulumtuar dobësitë e saj.

Kandidatja demokrate për Shtëpinë e Bardhë, Nënpresidentja Kamala Harris, konkurron përballë rivalit republikan Donald Trump, në zgjedhjet presidenciale të 5 nëntorit, për të cilat sondazhet sugjerojnë se është një garë jashtëzakonisht e ngushtë.

“Cotton Sandstorm” do të rrisë aktivitetin e saj me afrimin e zgjedhjeve, duke patur parasysh ritmin e veprimeve të grupit dhe historinë e ndërhyrjeve në zgjedhje, thuhet në hulumtimet e firmës Microsoft. Kjo është veçanërisht shqetësuese për shkak të përpjekjeve të kaluara të grupit, thotë firma amerikane.

Një zëdhënës i misionit iranian në Kombet e Bashkuara tha se: “Akuza të tilla janë tërësisht të pabaza dhe krejtësisht të papranueshme. Irani nuk ka asnjë motiv dhe as synim për të ndërhyrë në zgjedhjet amerikane”.

Në vitin 2020, grupi “Cotton Sandstorm” ndërmori një operacion kibernetik për të ushtruar ndikim në prag të zgjedhjeve presidenciale të atij viti, sipas zyrtarëve amerikanë.

Duke u identifikuar si gjoja “Proud Boys”, një organizatë e ekstremit të djathtë, hakerët u dërguan banorëve të Floridës mijëra emaile, duke i kërcënuar ata që të votonin për kandidatin Trump.

Grupi publikoi gjithashtu një video në mediat sociale, me pretendimin se vinte nga hakerë aktivistë, ku i tregonin ata duke hetuar një sistem zgjedhor. Ndërsa kjo përpjekje iraniane nuk ndikoi në sistemet individuale të votimit, synimi ishte mbjellja e kaosit, konfuzionit dhe dyshimeve, thanë në atë kohë zyrtarët amerikanë.

Pas zgjedhjeve të vitit 2020, grupi i hakerëve “Cotton Sandstorm” ndërmori gjithashtu një operacion tjetër kundër Shteteve të Bashkuara duke nxitur dhunën kundër zyrtarëve zgjedhorë, të cilët kishin hedhur poshtë pretendimet për mashtrime zgjedhore në shkallë të gjerë, tha firma Microsoft.

Zyra e Drejtorit të Zbulimit Kombëtar, e cila po koordinon përpjekjet federale për të mbrojtur zgjedhjet nga ndikimi i huaj, iu referua një deklarate të kohëve të fundit ku thuhet se: “Aktorët e huaj, veçanërisht Rusia, Irani dhe Kina, mbeten të vendosur për të përçarë popullin amerikan dhe për të minuar besimin e tyre tek sistemi demokratik në vend”.

Related Topics:
Continue Reading

Lajmet

Rama nga Londra: Kosova s’duhet të merret me Serbinë, por të përmbushë detyrimet ndaj BE-së

Published

13 hours ago

on

October 21, 2025

By

Në Londër po zhvillohet një tryezë me temën “Ballkani Perëndimor dhe Bashkimi Europian”, ku ndër folësit kryesorë është edhe kryeministri i Shqipërisë, Edi Rama.

I pyetur për pozicionin e Kosovës në rajon dhe për ecurinë e saj drejt anëtarësimit në Bashkimin Europian, Rama u shpreh se Prishtina duhet të fokusohet tek përmbushja e detyrimeve që burojnë nga dialogu me Serbinë dhe jo tek vetë raportet dypalëshe.

“Që të jetë e suksesshme Kosova duhet të harrojë Serbinë, fjalë për fjalë dhe duhet të realizojë të gjitha pikat që kanë të bëjnë me dialogun e ndërmjetësuar nga BE-ja, pavarësisht nga Serbia, pra ata t’ia lënë topin në fushë Serbisë dhe të ecin para drejt Europës duke lënë Europën të merret me Serbinë dhe mos ta lënë çështjen e Serbisë të shndërrohet në çështje fajësimi midis të dyjave. Megjithatë, është mendimi im ky, unë respektoj atë që vendosin udhëheqësit e zgjedhur të Kosovës për vendin e tyre”, tha ai./EO

Continue Reading

Lajmet

Supremja: Pranohet ankesa e kandidatit të pavarur për kryetar të Kllokotit, rrëzohet vendimi i PZAP-së

Published

13 hours ago

on

October 21, 2025

By

Kolegji i Gjykatës Supreme e ka pranuar si të bazuar ankesën e kandidatit të pavarur për kryetar të Komunës së Kllokotit, Arber Emini, dhe ka prishur vendimin e Panelit Zgjedhor për Ankesa dhe Parashtresa (PZAP), të datës 15.10.2025.

Sipas Supremes, çështja është kthyer në rivendosje në PZAP.

“Bazuar në shkresat e lëndës, Arber Emini me datë 13.10.2025, është ankuar në PZAP, me pretendimin se “me datë 12.10.2025 në Zgjedhjet Lokale në Kllokot, Serbia ka ndërhyrë në sistemin zgjedhor në Komunën e Kllokotit, duke fabrikuar dëshmi mjekësore serbe të strukturave paralele për t’u shfrytëzuar votuesit me asistencë të përdorin këtë vërtetim mjekësor”, thuhet në komunikatë.

Më tej thuhet se Gjykata Supreme e Kosovës vlerëson se PZAP, gabimisht ka vendosur kur e ka hedhur poshtë ankesën e ankuesit, për faktin se nga pretendimet që dalin nga ankesa, i njëjti është ankuar për procesin dhe parregullsitë gjatë ditës së votimit dhe jo kundër rezultateve preliminare të tabuluara nga KQZ, ashtu siç ka pretenduar PZAP në vendimin e saj.

“Andaj, në rivendosje, PZAP, udhëzohet që t’i evitojë shkeljet e theksuara në Aktvendimin e Gjykatës Supreme, AA.nr.93/2025, dhe të vendos në mënyrë meritore lidhur me ankesën e kandidatit të pavarur për kryetar të Komunës së Kllokotit, Arber Emini”, thuhet në njoftim.

Zgjedhjet e rregullta komunale janë mbajtur më 12 tetor./KP

Continue Reading

Lajmet

Rrahje dhe gjuajtje me armë zjarri në qendër të Podujevës, policia jep detaje

Published

13 hours ago

on

October 21, 2025

By

Pak qaste më parë ka ndodhur një rrahje dhe gjuajtje me armë zjarri në Podujevë.

Lajmin e ka konfirmuar Flora Ahmeti zëdhënëse e Policisë së Kosovës për Rajonin e Prishtinës.

Sipas Ahmetit lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast.

Ajo tha se sot rreth orës 14:30 është pranuar informata për një rrahje dhe shkrepje të armës në Podujevë.

“Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes nga një mjet i fortë (shkop) është lënduar një person i cili është dërguar për trajtimin e nevojshëm mjekësor. Lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast”, thuhet në përgjigjen e zëdhënëses Ahmeti.

Ajo ka shuar se aktualisht policia po vazhdon punën për zbardhjen e rrethanave dhe motiveve që karakterizojnë ngjarjen./KP

Continue Reading

Lajmet

​Vdes në moshën 29-vjeçare kampioni amerikan i shahut

Published

14 hours ago

on

October 21, 2025

By

Kampioni amerikan i shahut dhe komentatori online Daniel Naroditsky ka ndërruar jetë në moshën 29-vjeçare.

Sipas BBC, familja e tij e përshkroi vdekjen si të papritur, pa dhënë shkakun.

Naroditsky ishte një lojtar i talentuar, edukator dhe komentator, i njohur për kanalin e tij në YouTube me afro 500,000 abonentë dhe stream-et në Twitch me 340,000 ndjekës.

Ai luajti një rol kyç në popullarizimin e përmbajtjes së shahut online.

Ai filloi shahun në moshën 6 vjeç, fitoi Kampionatin Botëror të të Rinjve nën 12 vjeç në 2007, dhe në 2013 u bë Grandmaster i SHBA-së. Naroditsky u diplomua në Stanford dhe punoi si trajner shahu në Charlotte, Karolina e Veriut.

Shumë kolegë dhe fansa e përshkruan si një inspirim, historian të shahut dhe dikë që e bënte lojën argëtuese dhe të thjeshtë për të gjithë./S.K/KP/

Continue Reading

Të kërkuara