Lajmet

Metodat efikase për trajtimin e lëkurës së djegur nga dielli

Published

on

Çdo person ka pësuar të paktën një herë në jetë djegie të lehta të lëkurës të shkaktuara nga ekspozimi i pakujdesshëm në diell.

Pas çdo djegieje të tillë pasojnë zbokthimi dhe qërimi i lëkurës, andaj është shumë me rëndësi që të zbatohet kujdes i veçantë dhe adekuat për lëkurën, veçmas gjatë periudhës së verës.

Në vijim janë disa udhëzime praktike për të shmangur telashet e padëshiruara dhe irrituese të lëkurës në sezonin e pushimeve.

Përdorimi i kremrave

Nevoja për të hequr me duar lëkurën e vdekur trupore bëhet e domosdoshme, porse këshillohet që një gjë e tillë assesi të mos bëhet.

Kjo pasi që çdo heqje e përshpejtuar e lëkurës së djegur mund ta ngadalësojë procesin e rigjenerimit të saj. Mënyra më e mirë e veprimit është që të lejohet që lëkura të “zhvishet vetvetiu” dhe të lirohet nga qelizat e vdekura.

Për këtë duhet përdorur kremra dhe losione hidratuese, të cilat e ushqejnë lëkurën. Porse një tjetër preparat i efektshëm është edhe mjalti.

Procesi i qërimit të lëkurës mund të zgjasë dy deri në katër ditë, pasi që skuqja nga djegia të zhduket, apo edhe pas shtatë ditësh, varësisht nga ashpërsia e djegies së pësuar.

Mjerisht, zbokthimi i lëkurës së djegur nuk mund të parandalohet. Është me rëndësi që të përdoren rregullisht kremrat e ​​diellit dhe të shmanget ekspozimi i tepruar para rrezeve të diellit.

Ushqimi i lëkurës

Mirëpo duhet ditur se qërimi i lëkurës ka një qëllim specifik. Në këtë mënyrë, trupi i eliminon qelizat e dëmtuara të lëkurës si rrjedhojë e ekspozimit në rrezet UV të diellit.

Një tjetër lajm i mirë lidhur me procesin është se procesi i shërimit mund të përshpejtohet me anë të disa preparateve që tashmë gjenden në shtëpitë e akëcilit.

Përveç përdorimit të kremrave dhe losioneve hidratuese, si dhe mjaltit, për ushqimin dhe përgatitjen e lëkurës mund të përdoret edhe mielli i tërshërës të njomur në qumësht.

Porse një ndihmesë efikase për lehtësimin e pasojave të djegies janë edhe kompresat e ftohta. Për këtë mund të përdoren peshqirët e njomur në qumësht, por edhe në çajin jeshil, i cili ka veti të shumta ushqyese për lëkurën dhe trupin në përgjithësi.

Lajmet

​Kosova në qendër të basketbollit evropian

Published

on

Federata e Basketbollit e Kosovës (FBK) do të organizojë dy nga ngjarjet më prestigjioze të basketbollit evropian, duke e vendosur Kosovën në një skenë të lartë ndërkombëtare jo vetëm sportive, por edhe diplomatike.

Për herë të parë, në bashkëpunim me FIBA Evropën, FBK do të jetë nikoqire e FIBA Europe U14 Get-Together dhe e takimit të Komisionit të të Rinjve të FIBA Evropës (FIBA Europe Youth Commission).

Sipas njoftimit të FBK-së, ngjarjet do të mbahen në Prishtinë, më 17-19 tetor 2025.

“FIBA Europe U14 Get-Together zhvillohet përgjatë tri ditëve, ndërsa më 17 tetor mbahet edhe takimi i Komisionit të të Rinjve të FIBA Evropës. FIBA Europe U14 Get-Together – Investim në gjeneratat e reja. Kjo ngjarje përvitshme e FIBA Evropës organizohet çdo vit në një shtet të ndryshëm, me synim edukimin e trajnerëve të rinj dhe fuqizimin e gjeneratave të ardhshme të basketbollistëve. Në Prishtinë do të mirëpriten rreth 80 trajnerë nga i gjithë kontinenti, të cilët do të ndjekin ligjërata nga figura të njohura dhe të specializuara të basketbollit evropian”, thuhet në njoftim.

Takimi i Komisionit të të Rinjve të FIBA Evropës -Diplomaci sportive në veprim

Kosova do të bëhet qendra ku mblidhen drejtuesit më të lartë të basketbollit evropian me kryetarë dhe sekretarë të federatave kombëtare nga gjithë kontinenti.

FBK ka nderin të mirëpresë Zorge Garbajosa, Kryetar i FIBA Evropës dhe udhëheqës i Komisionit, Kamil Novak, drejtor ekzekutiv i FIBA Evropës, si dhe shumë drejtues të tjerë të federatave evropiane.

Kryetari i FBK-së, Arben Fetahu, i cili është edhe nënkryetar i këtij komisioni, do të jetë nikoqir i takimit, duke përfaqësuar Kosovën me dinjitet në këtë forum të lartë ndërkombëtar.

“Ky organizim është shumë më tepër sesa një aktivitet sportiv. Është një mesazh i fuqishëm se Kosova është pjesë aktive e familjes evropiane të basketbollit dhe se sporti ynë po bëhet një urë e rëndësishme diplomatike me botën. Përmes këtyre ngjarjeve, jo vetëm që fuqizojmë trajnerët dhe të rinjtë tanë, por edhe forcojmë imazhin e Kosovës si vend mikpritës dhe partner i denjë në arenën ndërkombëtare.”, tha sekretarja e përgjithshme e FBK-së, Elvira Dushku.

Kosova, përmes FBK-së, po tregon se është gati të jetë nikoqire e ngjarjeve të mëdha dhe një faktor i respektuar në basketbollin evropian./S.K/KP/FBK/

Continue Reading

Aktualitet

​Zyrtarisht shkarkohet kryebashkiaku i Tiranës Erion Veliaj

Published

on

Këshilli Bashkiak pas fjalëve të kryetarëve të grupeve të Këshilltarëve në mbledhjen për shkarkimin e kryebashkiakut të Tiranës Erion Veliaj, ka hedhur në votim propozimin për shkarkimin e tij.

Këshilltarët kanë votuar shkarkimin e tij si mazhorancë dhe opozitë me 51 vota pro.

Në mbledhje mungojnë 3 anëtarë të këshillit bashkiak, Anuela Ristani, kryetare e komanduar dhe këshilltarët e majtë Gazmend Paja dhe Joleza Koka.

Të premten, Veliaj i dërgoi një letër Këshillit Bashkiak duke kërkuar të marrë pjesë në mbledhje. Sekretari i Këshillit, Behar Zeneli iu përgjigj se në rast se kryebashkiaku nuk mund të paraqitet fizikisht në mbledhje, mund të dërgojë pretendimet me shkrim.

Kryetari i Bashkisë Erion Veliaj, akuzohet nga SPAK për korrupsion dhe abuzim me detyrën.

Erion Veliaj është shkarkuar nga posti me shumicë votash, pasi për shkarkimin e tij votuan Partia Socialiste, Partia Demokratike, Nisma Thurrje dhe PS Nisma. Ndërkohë, Lëvizja për Zhvillim Kombëtar dhe Bindja Demokratike nuk morën pjesë në votim.

Gjithashtu, këshillitarët, Aldo Merkoci, Gazment Paja, Joleza Koka dhe Alfred Muharremi nuk morën pjesë në procesin e votimit./S.K/KP/Euronews/

Continue Reading

Aktualitet

​Trump para OKB-së: U dhashë fund shtatë luftërave, Kosovë-Serbi në mesin e tyre

Published

on

Presidenti i Shteteve të Bashkuara të Amerikës (SHBA), Donald Trump, ka përsëritur në fjalimin e tij para Organizatës së Kombeve të Bashkuara, se u ka dhënë fund shtatë luftërave.

Trump ka përmendur edhe Kosovën dhe Serbinë, duke thënë se ka qenë shumë i zënë këtë mandat duke u përpjekur të shpëtojë miliona jetë.

“Kam përfunduar shtatë luftëra. Në çdo rast, mijëra njerëz do të vriteshin, si në Kamboxhia dhe Tajlandë, Kosovë dhe Serbi, Kongo dhe Ruandë, Indi dhe Pakistan, Izrael dhe Iran, Egjipt dhe Etiopi, Armeni dhe Azerbajxhan. Asnjë president, kryeministër apo shtet nuk ka bërë diçka të ngjashme, dhe unë e arrita këtë brenda shtatë muajsh. Jam shumë i nderuar që e bëra”, tha Trump.

Sipas tij, asnjë president, kryeministër apo shtet nuk ka bërë diçka të ngjashme.

Trump tha se Kombet e Bashkuara madje nuk u përpoqën të ndihmojnë në asnjërën prej tyre.

“Është shumë keq që u detyrova ta bëja vetë këtë, në vend të Kombeve të Bashkuara. Kombet e Bashkuara madje nuk u përpoqën të ndihmojnë. Kam përfunduar shtatë luftëra, jam marrë me liderët e të gjitha atyre vendeve, dhe nuk kam marrë asnjë telefonatë apo ofertë ndihme nga OKB-ja për të finalizuar marrëveshjet”, tha ai.

Presidenti amerikan folur edhe për ekonominë e SHBA-së gjatë mandatit të tij të dytë, duke thënë se ndodhet në një gjendje më të mirë se më përpara. /S.K/KP/

Continue Reading

Aktualitet

John Stewart Duncan ka përfunduar dëshminë në Speciale

Published

on

Ish-diplomati britanik, John Stewart Duncan, e ka përfunduar dëshminë e tij në mbrojtje të ish-krerëve të UÇK-së pranë Dhomave të Specializuara të Kosovës në Hagë. 

Ish-diplomati Duncan, i cili gjatë viteve ’90 ishte këshilltar politik i Wesley Clark, komandantit të atëhershëm të NATO-s, në fillim të dëshmisë së tij para Dhomave të Specializuara të Kosovës në Hagë, foli për rolin e tij në Kosovë.

Ai tha se detyra e tij ishte ta informonte Clarkun gjeneralin që udhëhoqi fushatën bombarduese kundër caqeve serbe në vitin 1999.

Ai tha se se nuk ka parë komunikata të UÇK-së ku të jenë përmendur ekzekutime, dhe gjithashtu, theksoi se nuk ka pasur dëshmi se ka ekzistuar një Shtab i Përgjithshëm sipas pikëpamjeve ushtarake.

Duke u përgjigjur në pyetjet e mbrojtjes së Thaçit të hënën, ai tha se Thaçi shihej si politikan dhe jo komandant i UÇK-së.

“Asnjëherë nuk e kam parë të jepte direktiva apo urdhra, ishte qartë që kishim të bënim me dy lloj njerëzish, e para, kishim të bënim me ushtarakun apo oficerin e nivelit të lartë, dhe e dyta ishte politikani. Kjo ishte përshtypja që më është krijuar mua”, tha ai.

Duncan shtoi se UÇK-ja nuk kishte strukturë hierarkike.

Ky ishte dëshmitar i tretë, pasi në Dhomat e Specializuara të Kosovës në Hagë u dëgjua ish-ndihmëssekretari amerikan të Shtetit, James Rubin, dhe ish-këshilltari ligjor i delegacionit të Kosovës në negociatat në Rambuje, Paul Williams.

Seanca e radhës, me dëshmitarin tjetër do të mbahet të hënën, 29 shtator./S.K/KP/

 

Continue Reading

Të kërkuara