Lajmet

Mësonjëtorja e parë shqipe, 137 vjet nga krijimi

Mësonjëtorja e parë u hap më 7 mars të vitit 1887, në një periudhë kur Shqipëria ishte nën pushtimin otoman.

Published

on

Me vendim të qeverisë shqiptare, 7 marsi shpallet “Dita Kombëtare e Mësuesve” dhe mbushen 137 vite nga krijimi i Mësonjëtores së parë shqipe në qytetin e Korçës.

Mësonjëtorja e parë u hap më 7 mars të vitit 1887, në një periudhë kur Shqipëria ishte nën pushtimin otoman. Kjo institucion arsimor u themelua nga një grup intelektualësh rilindasë, duke shënuar një ngjarje të rëndësishme për historinë e arsimit në këtë vend. Shkolla ishte e para në të gjithë territorin e Shqipërisë që ofronte një program të strukturuar dhe laik, me gjuhën shqipe si mjet kryesor të mësimdhënies, shkruan UBTNews.

Dokumentet e kohës tregojnë se aktivitetet e kësaj shkolle ishin të përcjella nga ndjenja patriotike, përkushtimi për arsimimin dhe një dashuri thellë për dijen. Mësonjëtorja e parë shqiptare gëzoi mbështetjen e gjerë të komunitetit korçar dhe të emigrantëve shqiptarë. Në këtë qendër arsimore, nxënësit merrnin mësim në lëndë si shkrim, këndim, gjuhë shqipe, gramatikë shqipe, histori e Shqipërisë, gjeografi, dhe aritmetikë. Kjo shkollë shërbeu si një frymëzim për zhvillimin e arsimit kombëtar dhe ruajtjen e identitetit shqiptar nën kushtet e periudhës së vështirë otomane, shkruan UBTNews.

Kreu dhe udhëhoqi Mësonjëtorjën e Korçës për një periudhë prej afërsisht 15 vitesh ishte Pandeli Sotiri, një mësues dhe drejtor i predikuar. Kjo shkollë e rëndësishme gëzoi strehimin në një shtëpi të dhuruar nga Mandi Tërpo, një patriot i shquar korçar që jetonte në emigracion. Edhe pse përballej me sfida dhe vështirësi, Mësonjëtorja e Korçës mbeti e hapur për një kohë të gjatë, duke shërbyer si një fokus i arsimit kombëtar.

Personazhet e shquara të Rilindjes Kombëtare Shqiptare, si Pandeli Sotiri, Petro Nini Luarasi, Nuçi Naçi, Thoma Avrami, dhe të tjerë, udhëhoqën shkollën me përkushtim. Ata kontribuan në përpjekjet për të përhapur dijen dhe patriotizmin në mesin e popullit. Rilindasit dhe patriotët shqiptarë gjithashtu ishin pionierë në krijimin e teksteve shkollore për nxënësit shqiptarë dhe përpjekën për të siguruar mjete didaktike të nevojshme.

Nxënësit që morën mësim në këtë shkollë kombëtare u edukuan në frymën e patriotizmit dhe u bënë frymëzim për të ndjekur ideologjinë kombëtare. Ata u bënë pjesë e lëvizjes për liri dhe pavarësi, duke u angazhuar si luftëtarë të devotshëm. Ky kontribut i tyre ishte një sukses i madh për popullin shqiptar, duke shënuar një periudhë të rëndësishme për arsimin dhe kulturën kombëtare. Në kujtim të kësaj ngjarje, 7 marsi shënohet si Dita e Mësuesit, festuar me krenari nga të gjithë shqiptarët kudo që ndodhen./UBTNews/

Lajmet

Eva Longoria pozon pranë yllit në Hollywood Walk of Fame, para premierës së filmit të ri

Published

on

Eva Longoria, 50 vjeçe, shkëlqeu teksa pozoi pranë yllit të saj në Hollywood Walk of Fame të mërkurën, pak para premierës së filmit të saj të ri “Alexander And The Terrible, Horrible, No Good, Very Bad Road Trip”, që transmetohet në Disney+ të premten.

Aktorja e “Desperate Housewives” u shfaq elegante me një fustan jeshil ulliri pa rripa, të kombinuar me taka të bardha.

Dukej natyrale me flokët e lëshuar me onde dhe një grim të butë kafe, shkruan DailyMail.

Më pas, Eva mori pjesë në premierën e filmit në Teatrin El Capitan, duke festuar komedinë e saj të re familjare.

Një ditë më parë, ajo u takua me shoqen e saj Lauren Sanchez, e cila pritet të martohet me miliarderin Jeff Bezos këtë verë.

Gjatë një interviste promovuese, Eva ndau kujtime nga fëmijëria e saj në një fermë në Teksas dhe rrëfeu se, si më e vogla e katër motrave, shpesh e konsideronte veten “rosën e shëmtuar”, ndaj vendosi të shquhej për humorin dhe zgjuarsinë e saj.

Në filmin e ri, Longoria luan Val Garcian, një nënë që niset në një udhëtim të çmendur familjar në Kaliforni, duke sjellë në ekran një histori të ngrohtë dhe plot aventura.

Continue Reading

Lajmet

Presidenca kundërshton propozimin për shtrenjtim të rrymës

Published

on

By

Presidenca e Kosovës ka kundërshtuar propozimin për rritjen e çmimit të energjisë elektrike.

Në komentin dërguar Zyrës së Rregullatorit të Energjisë në kuadër të procesit të shqyrtimit të tarifave, Presidenca ka propozuar disa rekomandime për të parandaluar shtrenjtimin e energjisë elektrike.

Propozimi i ZRRE-së ka qenë që rryma të shtrenjtohet për 15 për qind nga prilli.

Megjithatë, sipas komentit të Presidencës, një shtrenjtim i tillë do të sillte barrë të madhe për qytetarët. Presidenca ka thënë se “ky veprim do të mund të shkaktonte valë të re inflacioni në vend dhe të ndikonte drejtpërdrejt në rënien e fuqisë blerëse të qytetarëve”.

“Rritja e çmimit të energjisë ka një efekt të drejtpërdrejtë dhe shumë të rëndësishëm në ekonominë e një vendi. Çmimi i energjisë është i lidhur ngushtë me inflacionin, si dhe me koston e jetesës. Prandaj, shprehim shqetësimin tonë për faktin se një rritje e tillë e çmimit të energjisë do të kishte një ndikim të drejtpërdrejtë në jetën e përditshme të qytetarëve, duke rritur barrën e tyre financiare. Kjo do të përfshinte edhe rritjen e çmimeve të produkteve ushqimore dhe shërbimeve të tjera thelbësore”, thuhet në komentin e dërguar nga Presidenca.

Në komente, Presidenca ka propozuar që si masa të menjëhershme të jenë: Mirëmenaxhimi i shpenzimeve dhe humbjeve, subvencionimi i energjisë, identifikimi i masave shtesë për obligimin e pagesës së faturave mujore në veri, largimi i ose reduktimi i përkohshëm i TVSH-së për energjinë elektrike, dizajnimi dhe prezantimi i programit të shtyrjes së pagesave.

Si masa më afatmesme Presidenca ka rekomanduar: Menaxhimin efikas të KEK-ut dhe planifikimin e burimeve energjetike, rritje të efikasitetit të furnizimit me energji dhe vazhdim të programeve të efiçiencës.

Si masa afatgjata, Presidenca ka rekomanduar: Ndërtimin e kapaciteteve të reja gjeneruese të energjisë elektrike në vend dhe marrëveshje për tregtinë ndërkufitare me shtete aleate.

Pos Presidencës, në ditën e fundit të mundësisë për komentim, këtë e kanë bërë edhe INDEP-i, KEDS-i, KOSTT-i dhe KESCO.

Continue Reading

Lajmet

​Agjencisë së Menaxhimit Emergjent i shtohen edhe 51 zjarrfikës

Published

on

By

Në Akademinë e Kosovës për Siguri Publike – Agjencia e Menaxhimit Emergjent u organizua sot ceremonia e përfundimit të trajnimit bazik për 51 zjarrfikës të rinj.

Trajnimi kishte për qëllim përgatitjen profesionale të pjesëtarëve të Njësive Profesionale të Zjarrfikjes dhe Shpëtimit, në mënyrë që ata të jenë të gatshëm të përballen me sfidat e këtij profesioni dhe të kontribuojnë në strukturat profesionale të zjarrfikjes dhe shpëtimit.

Gjatë trajnimit, pjesëtarët e zjarrfikjes dhe shpëtimit u njohën me teknikat e avancuara të shuarjes së zjarreve, procedurat operative dhe përdorimin e pajisjeve të specializuara.

Përveç aftësive teknike, ata mësuan rëndësinë e disiplinës, bashkëpunimit në ekip dhe elementeve kyçe për suksesin e një zjarrfikësi shpëtues.

Drejtori Ekzekutiv i AME-së, Genc Metaj, vlerësoi punën dhe përkushtimin e zjarrfikësve të rinj, të cilët tashmë janë të gatshëm të shërbejnë me përgjegjësi dhe guxim në mbrojtje të jetës dhe pronës së qytetarëve.

Ai theksoi se ky është një hap i rëndësishëm në ndërtimin e kapaciteteve të shërbimit zjarrfikës në vendin tonë.

Continue Reading

Bota

Macron: Izraeli nuk ka asnjë arsye që të sulmojë Libanin

Published

on

Presidenti i Francës, Emanuel Macron, ka deklaruar se sulmet izraelite në Liban janë të “papranueshme” dhe kanë shkelur marrëveshjen e armëpushimit mes dy shteteve. Ai ka theksuar se nuk ka asnjë arsye që Izraeli të vazhdojë sulmet dhe ka kërkuar respektimin e plotë të marrëveshjes së armëpushimit.

Macron e ka kritikuar ashpër veprimin izraelit, duke theksuar se nuk ka asnjë informacion që të mbështesë pretendimet se Hezbollah ka realizuar ndonjë aktivitet ushtarak në jug të Libanit. “Ne nuk kemi asnjë informacion që tregon ndonjë bombardim apo aktivitet ushtarak nga Hezbollah në jug. Është absolutisht e nevojshme të respektohet plotësisht kuadri armëpushimi që kemi vendosur, për të cilin ranë dakord Libani dhe Izraeli. Kjo nuk u respektua sot nga Izraeli me një veprim të njëanshëm dhe pa pasur asnjë informacion apo provë për ngjarjet që shkaktuan sulmet izraelite,” tha Macron.

Në një përpjekje për të de-eskaluar situatën, Macron ka paralajmëruar se do të diskutojë me presidentin amerikan, Donald Trump, dhe kryeministrin izraelit, Benjamin Netanyahu, me synimin për të gjetur një zgjidhje të mundshme dhe për të siguruar një respektim të plotë të armëpushimit.

Continue Reading

Të kërkuara