Sport

Mësohet miqësorja e radhës e Kombëtares së Shqipërisë

Bëhet fjalë për Lihtenshtajnin, me të cilin FSHF ka rënë dakord për një ndeshje miqësore, që do të bëhet para nisjes së Kampionatit Evropian.

Published

3 years ago

February 22, 2024

Betim Gashi

Së fundmi është mësuar kundërshtari i radhës së Kombëtarës së Shqipërisë. Kështu pas zyrtarizimit të miqësoreve të marsit, ndaj Kilit dhe ndaj Suedisë, është zyrtarizuar edhe njëra prej ndeshjeve të muajit qershor.

Bëhet fjalë për Lihtenshtajnin, me të cilin FSHF ka rënë dakord për një ndeshje miqësore, që do të bëhet para nisjes së Kampionatit Evropian.

Lajmi është konfirmuar edhe nga Federata e Futbollit në Lihtenshtajn, që pranon se një nga miqësoret e tyre do të jetë ajo ndaj Shqipërisë, teksa thekson se mbetet për t’u përcaktuar data, ora dhe vendi.

“Në qershor, dy finalistë të Europianit do të duan të kontrollojnë formën e tyre kundër Lihtenshtajnit pak para fillimit të EURO 2024-ës. Fillimisht, në fillim të muajit në një vend dhe datë ende të pacaktuar, do të luajmë kundër Shqipërisë, më pas në 8 qershor në Bukuresht kundër Rumanisë”, thuhet në komunikatën e Federatës së Lihtenshtajnit.

Në muajin qershor kombëtarja e kuq e zi pritet të zhvillojë tri ndeshje miqësore, me trajnerin brazilian, Sylvinho, i cili do të përgatisë skuadrën para se të nisë Kampionati Evropian./UBTNews/

Related Topics:Suedia Kombetarja e Shqiperise Kili

Up Next

Efekti i teknologjisë në futboll

Don't Miss

Ish-portieri i Manchester City njofton tërheqjen nga futbolli

Vendi

Akil Gjakova mbyll garën pa medalje në Abu Dhabi

Published

3 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

4 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

6 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/