Kronikë e zezë

Merret vendimi për kosovarin që vrau gruan e kunatën në Gjermani

Pas vuajtjes së dënimit, kosovari do të dëbohet nga Zvicra për 15 vjet.

Published

4 years ago

on

Në burg ai duhet t’i nënshtrohet terapisë ambulatore për pesë vjet

58-vjeçari kosovar, i cili ka goditur për vdekje me thikë gruan dhe kunatën e tij në Hausen (AG) në fillim të janarit 2018, është dënuar me burgim të përjetshëm.

Gjykata e Qarkut në Brugg AG e ka shpallur atë fajtor për vrasje të shumëfishtë, shkruan sda.ch.

Pas vuajtjes së dënimit, kosovari do të dëbohet nga Zvicra për 15 vjet. Në burg ai duhet t’i nënshtrohet terapisë ambulatore për pesë vjet, transmeton albinfo.ch. Ai duhet të bëjë po ashtu pagesa të zhdëmtimit për të afërmit e viktimave, përfshirë tre fëmijët e tij.

Gjykata e Qarkut, me këtë vendim ka përmbushur kërkesat e prokurorit. Vendimi nuk është ende i plotfuqishëm. Ai mund të atakohet në Gjykatën e Lartë të Kantonit të Aargau.

I akuzuari kishte deklaruar se kishte qenë në vetëmbrojtje pasi, sipas tij,  gratë e kishin sulmuar atë me thika. Për këtë arsye, avokati i tij mbrojtës ka bërë lutje për  pafajësi të plotë dhe kompensim të një çerek milioni franga zvicerane për dënimin e mëparshëm me burg.

Por, bazuar në provat ekzistuese, gjykata nuk ka dyshuar se burri kishte vrarë gruan e tij 38-vjeçare dhe motrën e saj 31-vjeçare që ishte në vizitë, me dy dhe tre plagë thike në apartamentin e familjes në Hausen në mëngjesin e 8 janarit 2018. Pastaj ai kishte  vënë  një thikë në dorën e kunatës së vdekur dhe i ka shkaktuar plagë sipërfaqësore vetes.

Ndërsa ai thoshte se mezi i kishte shpëtuar vdekjes. Lëndimet duhet të jenë shkaktuar nga përleshja, përcjell albinfo.ch. Ai nuk ka lëndouar askënd me qëllim.

Gjykimi në Gjykatën e Qarkut në Brugg u zhvillua në sallën e sporteve në Hausen për shkak të mungesës së hapësirës. Filloi të hënën.

Related Topics:
Continue Reading

Vendi

Vdes një grua në Dragash pas shpërthimit të bombolës së gazit

Published

2 days ago

on

October 10, 2025

By

Një grua ka humbur jetën në Dragash, si pasojë e shpërthimit të një bombole gazi në shtëpinë e viktimës.

Sipas Policisë, vdekjen e viktimës e ka konstatuar mjeku, derisa trupi i saj është dërguar në IML për obduksion.

“Raportohet se viktima femër kosovare ka mbetur pa shenja jete, dyshohet si pasojë e shpërthimit të një bombole gazi në dhomën e shtëpisë ku kishte qenë duke qëndruar. Njësitet policore dhe ekipi mjekësor kanë dalë në vendin e ngjarjes dhe nga mjeku është konstatuar vdekja e viktimës. Lidhur me rastin është informuar prokurori me urdhrin e të cilit trupi i pajetë i viktimës është dërguar në IML për obduksion”, thuhet në njoftimin e PK-së./S.K/EO/PK/

Continue Reading

Lajmet

​Parandalohet një rast kontrabande në Morinë, arrestohen dy persona

Published

2 days ago

on

October 10, 2025

By

Policia e Shtetit ka arrestuar shtetasit F. M. (52) dhe B.L. (55) pasi gjatë kontrollit në automjetet e tyre në Morinë janë gjetur mallra kontrabandë në vlerë mbi gjysmë milionë euro.

Gjatë operacionit Tarifa, në dalje të Shqipërisë, shërbimet e Policisë Kufitare Morinë kaluan në vijë të dytë për kontroll të detajuar, automjetin furgon me drejtues shtetasin B. L. dhe automjetin tip “Volkswagen”, me drejtues shtetasin F. M.

Gjatë kontrollit në automjetin me drejtues shtetasin F. M., u gjetën 1006 kuti me medikamente mjekësore të ndryshme, disa arka me 41.000 tableta dhe 2.194 telefona mobilë, ndërsa gjatë kontrollit në furgonin me drejtues shtetasin B. L., u gjetën 62 thasë me duhan, me peshë 930 kg.

Mallrat me vlerë rreth 54 milionë e 350 mijë lekë (562 mijë euro), u sekuestruan në cilësinë e provës materiale bashkë me dy automjetet.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme./S.K/KP/

Continue Reading

Vendi

Arrestohet një person në Prizren, dyshohet se sulmoi fizikisht një shtetase gjermane

Published

3 days ago

on

October 9, 2025

By

Një person është arrestuar në Prizren nën dyshimin se ka sulmuar fizikisht një shtetase gjermane pas një mosmarrëveshje të momentit.

Ngjarja ka ndodhur dje në rrugën “Rrust Kabashi”, teksa viktima ka pranuar trajtimin mjekësor në Emergjencën e Spitalit të Prizrenit, teksa më pas është transferuar në QKUK.

I dyshuari është arrestuar dhe është dërguar në mbajtje me vendim të prokurorit.

“Rr. Rrust Kabashi Prizren 08.10.2025 – 04:00. I dyshuari mashkull kosovar, pas një mosmarrëveshjeje të çastit ka sulmuar fizikisht viktimën femër shtetase e Gjermanisë. Viktima ka pranuar trajtim mjekësor në Emergjencën e Spitalin e Prizrenit e më pas është transferuar në QKUK për trajtim të mëtejmë. I dyshuari është arrestuar dhe me vendim të prokurorit është dërguar në mbajtje“, thuhet në raportin e Policisë së Kosovës/S.K/KP/PK/.

Continue Reading

Lajmet

Gjendet pa shenja jete një person në Prishtinë

Published

3 days ago

on

October 9, 2025

By

Policia e Kosovës ka njoftuar se është gjetur një person mashkull kosovar pa shenja jete në Prishtinë.

Pas konstatimit të vdekjes, trupi i viktimës është dërguar në IML për obduksion.

Në raportin e policisë thuhet se rasti është duke u hetuar edhe më tej.

“Prishtinë 08.10.2025 – 20:10. Raportohet se viktima mashkull kosovar, është gjetur pa shenja jete. Trupi i pa jetë i viktimës është dërguar në IML për obduksion. Rasti është duke u hetuar“, thuhet në raportin e Policisë së Kosovës./S.K/KP/PK/

Continue Reading

Të kërkuara