Lajmet

Merkel në Tiranë, Dervishi: Vizitë lamtumire. Mesazhet qëndrojnë, por nuk ka pritshmëri

Dervishi: Fokusi i Gjermanisë ka qenë më shumë te stabiliteti në Ballkan më shumë se te demokracia.

Published

on

Rezultatet e procesit të Berlinit janë një dekadë larg pritshmërive. Kështu u shpreh në studion e “Ditarit” në A2 CNN analisti Lutfi Dervishi në prag të vizitës së kancelares gjermane, Angela Merkel, në Shqipëri, të cilën e shikon si një vizitë lamtumire të saj para largimit nga politika gjermane.

“Rezultatet e procesit të Berlini janë larg pritshmërive, por diçka ka filluar. Ne jemi shumë larg arritjes së kësaj gjëje, minimuni një dekadë. Jemi në fazën që ky projekt duhet shtyrë më tej dhe perspektiva e rajonit të mbetet e hapur. Vizita e Merkel sot është vizitë lamtumire e përgatitur nga ish-diplomati gjerman i ndjerë që u emërua ambasador në Pekin dhe ndërroi jetë, një njeri mjaft miqësor me Ballkanin, dhe ka qenë sugjerimi i tij ta përmbyllte në Ballkan”.

Sipas tij, mesazhet e procesit të Berlinit qëndrojnë, por nuk pritet ndonjë ndryshim. Dervishi thekson se fokusi i Gjermanisë ka qenë më shumë te stabiliteti në Ballkan më shumë se te demokracia.

“Mesazhet qëndrojnë, nuk presim ndonjë kthesë, janë dy nivele të vizitës është theksi për të ecur më tej me projektet që u nisën para 7 vjetësh në Berlin. Nuk do të ketë ndonjë pritshmëri. Vendi të jetë stabël, por nuk duhet të harrojnë demokracinë. Askush nuk ka prioritet Shqipërinë. Dhe ne jemi në pandemi dhe pamë që u përqendruan të mendojnë situatën brenda vetes. Ne nuk e dimë ç’kriza na presin.

Dervishi thekson se ajo që kërkohet është kryerja e reformave, por shton se vendi ynë është larg thithjes së kompanive të mëdha gjermane në vend.

 “Vendi është më i sigurt nëse bëhen disa reforma. Gjykata të sigurta, ne jemi ende shumë larg. Gjermania ka një përvojë të vetën me integrimin. Të gjithë vendet e rajonit. Nga pikëpamja e biznesit kompanitë e mëdha nuk do të vijë kurrë, ato që kërkohen janë kompani të vogla e të mesme, ne jemi shumë larg arritjes së kësaj gjëje, minimuni një dekadë”.

Continue Reading

Lajmet

Osmani në Sofje, takoi presidentin bullgar dhe mbretin e Jordanisë

Published

on

By

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Continue Reading

Lajmet

Rivarrosen mbetjet mortore të 10 viktimave të luftës

Published

on

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

on

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

on

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Të kërkuara