Shëndet

Mënyrat më të sakta natyrale për shëndetin e trurit

Konsumoni më shumë fibër.

Published

3 years ago

on

Stili i rënduar i jetesës në kohët moderne nxjerr në pah nevojën e menjëhershme për t’i dhënë ndihmën maksimale trurit, këtij organi kaq thelbësor për organizmin.

Sipas të dhënave nga studime të ndryshme, AgroWeb.org liston më poshtë 6 mënyra realiste dhe të çmuara për të përmirësuar shëndetin e trurit nëpërmjet ushqimit.

Konsumoni më shumë fibër

Fibra është e nevojshme për të ushqyer bakteret e shëndetshme në stomak që krijojnë acidet yndyrore, që i japin fuqi proteinave të trurit.

Konsumoni sallata çdo ditë dhe përfshini në regjimin tuaj lulelakrën, brokolin dhe lakrën e kuqe.

Të treja janë të pasura me fibër por me shumë ushqyes të tjerë të rëndësishëm edhe për organet e tjera.

Shmangni ushqimet e shpejta dhe pijet me sheqer

Ngrënia e ushqimeve të përpunuara dhe me ëmbëlsues shtesë, rrit nivelet e sheqerit në gjak.

Një gjë e tillë ezauron enët e gjakut dhe krijon një proces të dëmshëm për proteinat e trurit.

Truri ushqehet me glukozë dhe oksigjen që kalojnë nëpërmjet enëve të vogla të gjakut.

Sheqeri i dëmton ndjeshëm këto enë gjaku dhe rrjedhimisht truri merr më pak glukozë dhe oksigjen.

Të dhënat shkencore thonë se 40% e rasteve të sëmundjes së Alzheimerit i atribuohen rritjes kronike të insulinës që vjen si pasojë e pijeve të ëmbla.

Hani shumë kërpudha

Kërpudhat përmbajnë nivele të larta të dy antioksidantëve të fuqishëm të nevojshëm për jetëgjatësinë.

Studimet kanë konfirmuar se ata që hanë më shumë kërpudha janë më pak të rrezikuar nga skleroza, Alzheimer apo Parkinsoni.

Kërpudhat e llojit ‘porcini’ kanë përmbajtjen më të lartë të antioksidantëve.

Vaj ulliri ekstra i virgjër

Vaji i ullirit ekstra i virgjër mbron jo vetëm trurin por edhe trupin. Ky vaj largon inflamacionin dhe mbron nga sëmundje kronike.

Frenoje nepsin

Nëse keni dëshirë për ushqime të shpejta apo të skuqura, është e rëndësishme të tregoni kujdes me nepsin dhe të mos e teproni.

Nëse dëshironi një ëmbëlsirë, hajeni, por mos e mbushni pjatën.

Të treguarit kujdes me racionet është thelbësore për organizmin.

Edhe perimet e shëndetshme siç është lakra e vogël mund të shkaktojnë probleme serioze nëse i konsumoni më shumë seç duhet.

Konsumoni mish, por mos e teproni!

Mishi i shtazëve të ushqyera natyralisht me bar është i shëndetshëm.

Mishi i gatuar mirë është katalizator i rritjes së trurit.

Mishi i kuq ka ushqyes që e përmirësojnë funksionin e trurit.

Femrat që hanë mish të kuq janë më pak të rrezikuara nga depresioni dhe ankthi.

Megjithatë, duhet të tregoni kujdes me racionet dhe të mos hani mish më shumë se dy herë në javë.

Për më tepër, përveç ushqimit sigurohuni të merrni vitamina të mira për trurin siç janë ato të kompleksit B dhe magnezi./AgroWeb.org

Related Topics:
Continue Reading

Shëndet

Pse dhimbja e shpinës po bëhet sëmundja moderne e epokës së telefonit?

Published

14 minutes ago

on

November 25, 2025

By

Kushdo që përjeton dhimbje në shpinë duhet të ulë përdorimin e tepërt të telefonit.

Qëndrimi për dy deri në katër orë në ditë të përkulur mbi celular i ngarkon vertebrat e para të shtyllës kurrizore me presion deri në 27 kilogramë – thuajse sa pesha e një fëmije 7–8 vjeç.

Dhimbjet e shpinës, të cilat prekin një pjesë të madhe të popullsisë moderne, mund të lidhen me një evolucion jo plotësisht të përsosur.

Me kalimin nga ecja me katër gjymtyrë në ecjen drejt, shtylla kurrizore ka pësuar ndryshime që nuk janë bërë në mënyrë ideale; madje disa tipare të vertebrave të “kushërinjve” tanë primatë mund të jenë trashëguar deri te ne.

Sipas ekspertëve, personat që vuajnë nga probleme të shpinës mund të kenë një strukturë të shtyllës kurrizore më të ngjashme me atë të shimpanzeve, e cila është më pak e përshtatshme për të përballuar ngarkesën që krijon ecja në këmbë. /A.Z/UBT News/

Continue Reading

Shëndet

Pa karbohidrate, pa stres! Ushqimet që ju ndihmojnë të bini në peshë

Published

6 hours ago

on

November 25, 2025

By

Eliminimi i karbohidrateve nga dieta është një strategji efektive për të humbur peshë. Më poshtë gjeni disa ushqime që përmbajnë pak ose aspak karbohidrate:

Kërpudhat – Të varfra në karbohidrate, të pasura me lëndë ushqyese hekur, kalcium, dhe magnez. Ofrojnë sasi të mirë antioksidantësh.

Midhet – Të gjitha llojet janë të pasura me proteina, vitamina të grupit B, minerale si fosfori dhe hekuri, dhe nuk përmbajnë karbohidrate.

Vezët – Një zgjedhje e zakonshme në dietat pa karbohidrate falë vlerave të larta ushqyese.

Karkalecat dhe gaforret – Janë burim i shkëlqyer proteinash dhe nuk përmbajnë karbohidrate.

Mishi i kuq – Nuk ka karbohidrate, ndaj mund të konsumohet lirshëm, por gjithmonë me masë për një dietë të balancuar.

Farat e kungullit – Të përsosura për ata që janë në dietë, ofrojnë shije të këndshme pa karbohidrate të larta. Përmirësojnë shëndetin e zemrës, ulin stresin dhe forcojnë sistemin imunitar.

Mishi i bardhë – Konsiderohet më i shëndetshëm se mishi i kuq. Mund të konsumohet nga pula, lepuri apo peshku.

Djathi – Sidomos Grana Padano, djathë tradicional italian i pasur me minerale dhe pa karbohidrate.

Gjalpi – Përdoret në gatime dhe nuk përmban karbohidrate, por duhet konsumuar në sasi të moderuara. /A.Z/UBT News/

Continue Reading

Shëndet

Gripi nuk ka shanse! Këshilla praktike për të qëndruar të shëndetshëm

Published

22 hours ago

on

November 24, 2025

By

Stina e vjeshtës dhe dimrit shpesh shoqërohet me rritje të rasteve të gripit dhe infeksioneve të frymëmarrjes, për shkak të motit të ftohtë dhe ndryshimeve të papritura të temperaturës.

Megjithëse ilaçet mund të jenë opsion, ekzistojnë disa mënyra natyrale për të lehtësuar simptomat/parandaluar përkeqësimin e sëmundjes.

Uji dhe lëngjet: Konsumimi i lëngjeve ndihmon në parandalimin e dehidratimit dhe lehtëson rrjedhjen e hundëve. Pini ujë, lëngje frutash, supë me lëng pule ose ujë të ngrohtë me mjaltë dhe limon. Shmangni pijet me kafeinë, që mund të shkaktojnë etje.

Ujë me kripë: Gargara me ujë të ngrohtë dhe kripë ndihmon për të qetësuar fytin e irrituar dhe për të lehtësuar simptomat e ftohjes.

Supë me lëng pule: Studimet kanë treguar se supa e pulës ka efekt antiinflamator dhe ndihmon në rrjedhjen e hundëve, duke kufizuar aktivitetin e viruseve në pjesën e brendshme të hundës.

Antihistamina: Përdorimi i saj mund të lehtësojë rrjedhjen e hundëve, teshtimat, lotimin e syve dhe kollitjen.

Lagështira: Ajri i thatë favorizon përhapjen e viruseve. Përdorni aparate për lagështi, por kujdesuni t’i pastroni rregullisht sipas udhëzimeve të prodhuesit, për të shmangur mykun dhe bakteret.

Këto masa të thjeshta e ndihmojnë trupin të përballojë gripin më lehtë dhe të ruani shëndetin gjatë muajve më të ftohtë. /A.Z/UBT News/

 

Continue Reading

Shëndet

Këto janë përfitimet e xhenxhefilit për shëndetin

Published

23 hours ago

on

November 24, 2025

By

Xhenxhefili është një nga erëzat më të shëndetshme dhe konsumimi i tij i rregullt sjell shumë përfitime për organizmin.

Përmirëson qarkullimin e gjakut

Xhenxhefili përmban minerale të rëndësishme si magnezi, kromi dhe zinku, që ndihmojnë në përmirësimin e qarkullimit të gjakut. Ai është i dobishëm kur jeni të sëmurë dhe keni ethe apo temperaturë të lartë.

Ndihmon në luftimin e inflamacioneve

Dhimbjet e vazhdueshme dhe inflamacionet shkojnë dorë për dore. Xhenxhefili njihet si anti-inflamator natyral, i cili lehtëson dhimbjet dhe përmirëson  gjendjen e përgjithshme të trupit.

Si ta përdorni xhenxhefilin?

Mund të përdoret në shumë forma, i freskët, në pluhur a i ëmbëlsuar. Për efekt shërues kur jeni ftohur, zien xhenxhefil në ujë të vluar, shtoni limon e një lugë mjaltë. Ky kombinim është i shkëlqyer për të lehtësuar simptomat e përshpejtuar shërimin. /A.Z/UBT News/

Continue Reading

Të kërkuara