Mënyrat më të mira si të humbisni peshë pas të 40-ve

Kësaj grupmoshe i nevojitet të paktën 2 orë e gjysmë aktivitet fizik apo ecje të një niveli mesatar në javë.

Published

2 years ago

June 7, 2023

UBT news

Pas të dyzetave, njeriu e ka më të lehtë për të shtuar në peshë dhe tepër të vështirë për ta humbur atë.

Në këtë aspekt, ka shumë rëndësi jo vetëm mënyra e të ngrënit por edhe mënyra se si trupi akumulon yndyrnat.

Në këtë artikull të AgroWeb.org do të mësoni disa hapa të thjeshtë që ju ndihmojnë të humbisni në peshë pas kësaj moshe.

Hani fruta dhe perime

Gjysma e ushqimit tuaj duhet të jetë e mbushur me perime dhe fruta.

Këto të fundit kanë më shumë ushqyes të nevojshëm sesa kalori apo yndyrna.

Ato ju ngopin dhe ju pengojnë nepsin e tepërt.

Mos hiqni dorë nga mëngjesi

Një mëngjes i shëndetshëm si ai me tërshërë ose bukë me drithëra të plota e fruta, ose vezë frenon dëshirën e tepruar për ushqime jo të shëndetshme mes vakteve.

Më pak ushqim në darkë

AgroWeb.org rekomandon që shumica e kalorive ditore duhen marrë deri në drekë, përpara orës 15:00.

Prandaj në darkë duhet të hani më pak ushqim.

Gjithsesi, gjëja më e rëndësishme është ajo çfarë hani dhe jo koha kur e hani.

Gatuani shëndetshëm

Në vend të të skuqurave, zgjidhni gatime që kërkojnë më pak yndyrë.

Gatimet e pjekura, në avull dhe të zgarës janë më të shëndetshme.

Jini të vëmendshëm ndaj ushqimit

Duke qenë të përqendruar tek pjata juaj dhe jo tek televizori, truri do të jetë në gjendje të kuptojë kur stomaku është i ngopur.

Larg pijeve të gazuara

Pijet energjike dhe ato të gazuara janë të dëmshme. Ato ju bëjnë të shtoni në peshë dhe rrisin rrezikun e diabetit.

Për më tepër, duhet të tregoni kujdes me alkolin sepse ai ju bën më të uritur.

Aktivitet fizik

Dyzet vjeçarët janë tepër të zënë me punë dhe aktivitete familjare.

Koha për aktivitet fizik është shumë e kufizuar, por është shumë e rëndësishme për peshën dhe shëndetin.

Kësaj grupmoshe i nevojitet të paktën 2 orë e gjysmë aktivitet fizik apo ecje të një niveli mesatar në javë.

Pas të dyzetave, njerëzit humbasin masë muskulare dhe është e rëndësishme që ata të fokusohen tek ushtrimet për muskujt.

Merreni stresin lehtë

Stresi ju shtyn drejt zgjedhjeve të gabuara.

Ecni, lexoni, praktikoni frymëmarrjen e thellë kundër stresit dhe mbi të gjitha tregohuni të butë me veten.

Flini mjaftueshëm

Sipas të dhënave të AgroWeb.org, pas të dyzetave, gjumi prishet më lehtë nga problemet e ndryshme.

Mungesa e tij jo vetëm që ndikon në mirëqenien mendore, por edhe ju bën të shtoni në peshë.

Kujdes me tiroiden

Problemet me tiroiden janë shumë të përhapura në këtë periudhë të jetës.

Problemet me të jo vetëm që pengojnë rënien në peshë por edhe shkaktojnë depresion, lodhje dhe dhimbje kyçesh.

Bëni analiza për të kuptuar gjendjen tuaj dhe për të marrë mjekimin e duhur./AgroWeb.org

Multivitaminat, të dobishme apo të tepërta?

Published

3 hours ago

May 23, 2025

Albina Zeneli

E vërteta është që nëse hani një ushqim të pasur me fruta, vitamina dhe ushqime të pasuruara atëherë me siguri po merrni dozën e nevojshme të tyre.

Multivitaminat ofrojnë një formë më të lehtë për të siguruar këto vitamina, por sa të nevojshme janë ato?

Beta karoteni

Gjendet tek karrotat, patatet e ëmbla dhe specat jeshilë. Ky antioksidant transformohet në vitaminë A dhe është i rëndësishëm për shëndetin e syve, sistemin imunitar e lëkurën. Një studim tregoi që suplementët rrisin rrezikun e tumorit të mushkërive tek duhanpirësit. Nëse pini duhan, mos merrni suplementë, merrni beta karotenin nga frutat dhe perimet.

Kalciumi

Organizmi ka nevojë për kalcium, që gjendet tek produktet si qumështi, kosi dhe djathi, për të ruajtur shëndetin e kockave. Suplementët nuk janë ide e keqe nëse nuk përdorni produktet blegtorale. Nëse jeni të predispozuar ndaj gurëve në veshka ose nëse jeni mbi moshën 70 vjeç, atëherë mos merrni suplementë të kalciumit.

Suplementet shtonin rreziqet ndaj sëmundjeve kardiake tek femrat që sapo kishin kapërcyer menopauzën.

Edhe nëse vendosni të merrni suplementë mos merrni më shumë se 500 miligramë në një dozë, kombinoni me vitaminë D për të përmirësuar përthithjen e kalciumit në organizëm.

Acidi folik

Acidi folik që parandalon defektet e fetusit gjendet në drithrat e pasuruara, perimet me ngjyrë të gjelbër të errët, legume, agrumet, buka dhe makaronat. Marrja e 400 mikrogramëve në ditë ose 600 për gratë shtatzëna ose lehona, nuk është një angazhim i jashtëzakonshëm. Kjo sasi vjen edhe nga ushqimi, suplementët ose të dyja së bashku.

Hekuri

Ndoshta ushqimet me hekur nuk ju pëlqejnë, por ky mineral është thelbësor për funksionin e duhur të qelizave të kuqe të gjakut. Përpiquni të merrni hekur nga burime tjera si: Mishi, peshku, arrorët, barishtet. Nëse jeni anemikë ose shtatzëna, mund të keni nevojë për suplementë. Por vetëm në bashkëpunim me mjekun.

Multivitamina

Faktet mbi rolin e multivitaminave në parandalimin e kancerit të gjirit janë të limituara. Madje, studimet nuk nxorrën konkluzione të qarta nëse ia vlente barra qeranë për të marrë multivitamina. Multivitaminat nuk janë një ide e keqe, por mos prisni vlera të jashtëzakonshme ose që ato t’ju shpëtojnë jetën.

Kaliumi

Ul presionin e gjakut dhe rregullon rrahjet e çrregullta të zemrës dhe kundërveprojë ndaj niveleve të larta të sodiumit. Gjendet tek bananet, rrushi i thatë, barishtet, portokalli dhe qumështi.

Vitamina D

Ndihmon organizmin në përthithjen e kalciumit është e nevojshme për shëndetin e kockave. Ajo merret nga ekspozimi në diell. Nëse fëmijët marrin pak vitaminë D, janë të rrezikuar nga osteoporoza dhe rakitizmi. Të dhënat tregojnë që vitamina ul rrezikun e diabetit 1 dhe 2, sklerozës së shumëfishtë etj, por studimet nuk kanë arritur në përfundime të qarta.

Mjaftojnë pak rreze dielli dhe ushqime të mira për të marrë dozën e nevojshme por sërish mangësitë ndaj kësaj vitamine nuk janë të pazakonta. Suplementët mund të jenë një ide e mirë, veçanërisht nëse nuk keni ekspozim të mirë në diell, nëse jeni mbi 50 vjeç ose keni një lëkurë me ngjyrë të errët.

Vitamina E

Njëherë e një kohë, shkencëtarët mendonin që ky antioksidant mbron zemrën. 600 njësi të kësaj vitamine të marra çdo ditë as nuk parandalonin problemet, as nuk ulnin shanset për atak në zemër tek femrat në moshë. Harroni suplementët dhe merreni vitaminën E nga ushqimet siç janë : veza, kikirikët, drithërat e pasuruar, dhe barishtet. Kini parasysh që gatimi dhe ruajta e ushqimeve të pasura me vitaminë E e ul sasinë përfundimtare të saj që përfundon në organizëm.

Shëndeti

5 sinjale të fshehura që trupi të dërgon kur je nën stres

Published

4 hours ago

May 23, 2025

Albina Zeneli

Stresi është pjesë e pashmangshme e jetës moderne, trupi na dërgon shenja të fshehura për gjendjen tonë emocionale dhe i injorojmë. Njohja e këtyre sinjaleve mund të ndihmojë në parandalimin e problemeve më serioze shëndetësore.

Ndryshimet në lëkurë

Akne të papritura, skuqje ose irritime mund të jenë më shumë sesa probleme kozmetike, ato janë përgjigje e trupit ndaj stresit të akumuluar.

Dhimbje të pashpjegueshme stomaku

Një nga mënyrat më të zakonshme me të cilat trupi reagon ndaj stresit është përmes tretjes. Dhimbjet, fryrja ose shqetësimet e vazhdueshme në stomak mund të jenë sinjal që diçka nuk është në rregull emocionalisht.

Rënie e flokëve

Nëse vëreni se po humbni më shumë flokë se zakonisht, kjo mund të jetë shenjë e stresit të lartë. Rënia shpesh ndodh me vonesë pas një periudhe të gjatë tensioni.

Ëndrra të çuditshme ose të shqetësuara

Stresi ndikon në cilësinë e gjumit. Nëse po përjetoni ëndrra të pazakonta, ankthioze ose zgjoheni të lodhur, mund të jetë një shenjë që mendja juaj po përpunon stresin në mënyrë të pavetëdijshme.

Lodhje kronike

Ndiheni të lodhur edhe pas gjumit? Lodhja e vazhdueshme, është alarm i qartë që trupi po përpiqet të përballojë nivele të larta stresi. Ekspertët këshillojnë që të mos injorohen shenjat e të merren hapa të thjeshtë për menaxhimin e stresit si aktiviteti fizik, meditimi, ndarja e kohës për veten dhe kërkimi i ndihmës profesionale kur është e nevojshme.

Shëndeti

Fëmijët para ekranit: Si po u rrezikohet e ardhmja nga teknologjia?

Published

1 day ago

May 22, 2025

Albina Zeneli

Teknologjia ka ndryshuar rrënjësisht mënyrën se si fëmijët mësojnë, komunikojnë dhe kalojnë kohën e lirë.

Por, përdorimi i pakontrolluar i pajisjeve digjitale sjell edhe rreziqe serioze për shëndetin dhe mirëqenien e tyre.

Një raport i fundit i Organizatës për Bashkëpunim dhe Zhvillim Ekonomik ka identifikuar pasoja shqetësuese për fëmijët nga përdorimi i tepruar i teknologjisë.

Shëndeti

Çfarë duhet të bëni gjithmonë dy orë para udhëtimit?

Published

1 day ago

May 22, 2025

Albina Zeneli

Aeroplanët, trenat dhe autobusët janë vende ku ajri riqarkullon. Kjo shkakton stres, ndërprerje të gjumit dhe ekspozim ndaj mjediseve të reja për udhëtarët, gjë që krijon kushte për një sistem imunitar të dobësuar.

Shumë njerëz shpesh neglizhojnë marrjen e suplementeve dietike që shkatërrojnë mikrobet, gjë që padyshim mund të jetë e dëmshme për shëndetin e tyre.

“Mendojeni si të mbani çadër para se të dilni në shi, në vend që të prisni derisa të lageni. Këto suplemente përmirësojnë funksione të caktuara imune, por ky përmirësim zgjat vetëm disa orë”, tha Burgis për CME Vacations.

Gjatë udhëtimeve më të gjata, merrni një dozë shtesë, por në një kohë të arsyeshme.

“Kam parë shumë keqkuptime midis udhëtarëve, nga teprimi me marrjen e vitaminave gjatë udhëtimit deri te fajësimi i cilësisë së ajrit në aeroplan”, tha ai.

Zinku ndihmon në parandalimin e shumëzimit të viruseve dhe infektimit të traktit respirator, ka veti anti-inflamatore dhe antioksiduese që mbrojnë nga sëmundjet autoimune dhe alergjitë. Një këshillë tjetër është të merrni kapsula zinku në vend të pilulave. Vitamina C gjithashtu forcon sistemin imunitar.

“Kjo nuk kërkon marrjen e suplementeve të shtrenjta ose ndonjë regjimi të veçantë. Vetëm suplemente të zakonshme e të përballueshme që merren në kohën e duhur”, tha ai. Rekomandohet të merrni 15 deri në 25 miligramë zink dhe 500 deri në 1,000 miligramë vitaminë C.