Shëndeti

Mëngjeset perfekte

Mëngjeset perfekte për lëkurë fantastike dhe plot shkëlqim.

Published

4 years ago

June 11, 2021

Betim Gashi

Vakti i parë i ditës përbën një shans të rëndësishëm për tu ushqyer shëndetshëm por jo vetëm kaq. Sipas ekspertëve të shëndetit, njerëzit duhet të hanë mëngjes si një mbret, drekë si një princ dhe darkë si një i varfër.

Mëngjesi ideal, sipas tyre, duhet ta mbajë njeriun të kënaqur, të ngopur dhe energjik gjithë paraditen. Ai duhet të përfshijë drithëra të plota, proteinë, yndyrna të shëndetshme, fruta, perime dhe ujë.

Më Shumë Fibër
Shoqata Amerikane e Zemrës këshillon që njerëzit të konsumojnë 25-30 gramë fibër në ditë. Fibra është e mirë jo vetëm për sistemin tretës por edhe për eliminimin e toksinave që shkaktojnë inflamacion në lëkurë. Fibra gjendet tek frutat, perimet, tërshëra, etj. Një mëngjes ideal për lëkurën do të ishte: bukë e thekur me drith të plotë me avokado, tërshërë me fara lini dhe fruta pylli etj.

Më Shumë Proteinë
Proteina ka rol shërues dhe rimëkëmbës. Për shembull, kur njeriu konsumon një vezë apo një fetë salmoni, trupi i shpërbën ato në amino acide të cilat janë të nevojshme për të formuar inde të reja, hormone, enzima dhe rruaza të kuqe. Për shëndetin e lëkurës, ekspertët rekomandojnë të paktën 15 gramë proteinë në mëngjes. Për të plotësuar këtë nevojë ju mund të hani më shumë vezë, gjizë, kos, etj.

Mos Harroni Frutat dhe Perimet
Mëngjesi është koha ideale për të ngrënë fruta dhe perime në mënyrë që të merrni më shumë vitamina, minerale dhe antioksidantë të cilët mbrojnë lëkurën tuaj nga dëmet e shkaktuara prej radikaleve të lira të cilat shkaktojnë rrudha dhe njollat e moshës. Ekspertët këshillojnë të hani më shumë fruta pylli, agrume dhe barishte të cilat ofrojnë vitaminën A dhe vitaminën C, një duo fantastike për shëndetin e lëkurës.

Yndyrna të Shëndetshme
Yndyrnat mono dhe polio-të-pangopura që gjenden tek avokado, salmoni, arrorët dhe farat janë fantastike për të ushqyer lëkurën dhe përmirësuar elasticitetin e saj. Për më tepër, këto yndyrna janë një burim i shkëlqyer i vitaminës E, e cila e mbron lëkurën nga dëmet e shkaktuara prej radikaleve të lira. Në këtë aspekt, nuk duhet të harroni acidet yndyrore Omega-3, të cilat gjenden tek salmoni dhe peshq të tjerë të yndyrshëm por edhe arrat dhe farat chia./AgroWeb

Shëndeti

Ushqimet më të mira kundër fryrjes së stomakut

Published

7 hours ago

May 8, 2025

Albina Zeneli

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Shëndeti

Qëndrimi ulur për periudha të gjata rrit rrezikun për sëmundje kronike

Published

11 hours ago

May 8, 2025

Albina Zeneli

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Shëndeti

Të mirat dhe “dëmet” nga konsumimi i fasuleve

Published

12 hours ago

May 8, 2025

Albina Zeneli

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

13 hours ago

May 8, 2025

Albina Zeneli

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!