Sport

Mediat gjermane raportojnë se qeveria madrilene nuk do të lejoj futbollistët spanjoll që të luajnë ndaj Kosovës

Published

6 years ago

December 9, 2020

Betim Gashi

Pas shortit kualifikues në Cyrih për grupet eliminatore të Kampionatit Botëror “Katari 2022” sipas medieve gjermane, Spanja synon mos të lejoj përfaqësuesen e saj të luaj kundër përfaqësueses së Kosovës, transmeton “Blic”.

Shorti ka bashkuar reprezentacionin e Serbisë edhe Kosovës, por hyri në fuqi vendimi i UEFA që përfaqësuesja e Kosovës nga grupi “A” të “kalojë” tek Spanja në grupin “B”.

Në këtë grup krahas “verbuesve” të fuqishëm janë edhe Kosova, Suedia, Greqia dhe Gjorgjia. Gazeta e njohur spanjolle “Marka” përkujton se Spanja asnjëherë më parë nuk ka luajtur me Kosovën dhe Madridi nuk ka e njohur Kosovën si shtet, sikur as Greqia edhe Gjorgjia, për dallim nga Suedia, në Gjermani është paraqitur informata se spanjollët nuk do dalin në terren ndaj rivalit të përmendur.

“Për dallim nga pushteti gjeorgjian edhe grek, qeveria e Spanjës në të vërtetë nuk lejon reprezentacionin e vetë që të garoj me Kosovën. Kjo ndalesë është në fuqi sepse ka shumë paralele me atë që po ndodhë në Spanjë me kërkesën për pavarësi të Katalonisë dhe Spanja gjatë është në anën e Serbisë” shkruan sporti 1 gjerman.

A do të mbështes Madridi zyrtar Serbinë në ruajtjen e tërësisë territorial dhe a do ndodhë mos zhvillimi i kësaj ndeshje si dhe çfarë dënimi mund të ketë nga UEFA mbetet të shihet në mars kur nisin kualifikimet shkruan “Blic”.

Siç dihet fituesit e grupeve direkt shkojnë në kampionat, ndërsa dhjetë ekipet e dyta luajnë barazh së bashku me dy ekipet më të mira të vendeve të treta nga Liga e Kombeve që nuk janë kualifikuar direkt.

Këto 12 reprezentacione do ndahen në tri etapa, nga 4 përfaqësuese, ashtu që në fund tri nga këto 12 shtete të shkojnë në Mundial. Kualifikimet do të zhvillohen me proces të përshpejtuar për shkak të pandemisë fillojnë në mars e kryhen në nëntor 2021.

Related Topics:KOSOVA Spanja Kampionati Boterore

Up Next

Formacionet e mundshme: Inter provon të pamundurën ta bëj të mundur

Don't Miss

Erdogan reagon pas shprehjeve raciste të arbitrit të katërt ndaj anëtarit të stafit të Basaksehir

Sport

Kosova nis pa medalje garën në Grand Prix të xhudos

Published

3 hours ago

June 26, 2026

UBTNews

Në Qingdao të Kinës ka nisur të premten Grand Prix i xhudos, ku në ditën e parë u paraqitën tri xhudiste nga Kosova, por pa arritur të sigurojnë vazhdim në garë për medalje.

Në kategorinë deri në 48 kilogramë, Erza Muminoviq e nisi mirë garën duke e fituar luftën e parë ndaj Su Yon Jon nga Koreja e Veriut, por u ndal në xhiron e dytë pas humbjes ndaj kinezes Wenna Zhuang.

Fatjona Kasapi u eliminua në luftën e parë në kategorinë deri në 52 kilogramë, pasi u mposht nga bartësja e parë, gjermanja Mascha Ballhaus.

Ndërkohë, edhe Flaka Loxha u ndal që në përballjen e parë në kategorinë deri në 57 kilogramë, duke pësuar nga Maysa Pardayeva e Turkmenistanit.

Të shtunën në garë për Kosovën do të zbresin Laura Fazliu dhe Dardan Cena.

D.L

Sport

Holanda fiton bindshëm, Tunizia eliminohet pa pikë

Published

4 hours ago

June 26, 2026

UBTNews

Holanda ka regjistruar një fitore të sigurt 3:1 ndaj Tunizisë në Kansas City, duke e mbyllur fazën e grupeve në vendin e parë të Grupit F me shtatë pikë.

Ndeshja nisi furishëm për holandezët, të cilët kaluan në epërsi që në minutën e tretë pas një autogoli të Ellyes Skhirit. Vetëm katër minuta më vonë, Brian Brobbey dyfishoi avantazhin, duke e çuar rezultatin në 2:0.

Tunizia u rikthye në lojë në minutën e 54-t me golin e Hazem Mastourit, por Holanda reagoi shpejt. Në minutën e 62-të, Jan Paul van Hecke vulosi fitoren me golin për 3:1.

Me këtë disfatë, Tunizia i humbi të tre ndeshjet e grupit dhe i jep fund paraqitjes në turne.

D.L

Sport

Japonia pa humbje, Suedia kalon si e treta

Published

5 hours ago

June 26, 2026

UBTNews

Japonia dhe Suedia kanë siguruar kualifikimin në fazën e nokautit të Kupës së Botës, pasi barazuan 1:1 në ndeshjen e fundit të Grupit F.

Takimi, i zhvilluar të premten në Arlington para rreth 70 mijë shikuesve, ishte vendimtar për renditjen përfundimtare të grupit. Japonia kaloi në epërsi në minutën e 56-të me golin e Daizen Maedës, ndërsa Suedia reagoi shpejt dhe barazoi gjashtë minuta më vonë, kur Anthony Elanga realizoi për 1:1.

Japonia e mbylli fazën e grupeve pa humbje, duke grumbulluar pesë pikë dhe duke siguruar vendin e dytë në grup. Ndërkohë, Suedia, që në kualifikime kishte përfunduar pas Kosovës, avancoi nga pozita e tretë me katër pikë.

Në fazën e nokautit kualifikohen tetë përfaqësueset më të mira të vendeve të treta nga 12 grupet e turneut, ndërsa Suedia ishte njëra prej tyre.

Për Japoninë, ky është kualifikimi i tretë radhazi nga faza e grupeve dhe i pesti në shtatë pjesëmarrje në Kupën e Botës.

Edhe Suedia vazhdon serinë pozitive, pasi ka kaluar fazën e grupeve në secilin prej katër edicioneve të fundit në të cilat është kualifikuar.

D.L

Foto: aljazeera

Sport

Fitorja ndaj SHBA-së nuk i mjaftoi Turqisë për kualifikim

Published

5 hours ago

June 26, 2026

UBTNews

Turqia e mbylli me fitore paraqitjen në Kupën e Botës, por suksesi 3:2 ndaj SHBA-së nuk mjaftoi për të siguruar një vend në fazën e nokautit.

Në ndeshjen e zhvilluar në Inglewood, të premten në mëngjes sipas kohës së Kosovës, turqit triumfuan falë një goli dramatik të Kaan Ayhan në minutën e 98-të. Megjithatë, dy humbjet e mëparshme ndaj Australisë dhe Paraguait rezultuan fatale për ekipin turk, që e mbylli garën në vendin e fundit të Grupit D me tri pikë.

SHBA-ja, pavarësisht humbjes, e ruajti pozitën e parë në grup me gjashtë pikë dhe avancoi në fazën tjetër. Australia u rendit e dyta me katër pikë, ndërsa Paraguai përfundoi i treti, gjithashtu me katër pikë, dhe pritet të sigurojë kalimin tutje si një nga ekipet më të mira të vendeve të treta.

Për Turqinë shënuan Arda Güler në minutën e 10-të, Burak Yılmaz në të 31-tën dhe Kaan Ayhan në minutën e 98-të. Për SHBA-në realizuan Auston Trusty në minutën e tretë dhe Sebastian Berhalter në minutën e 49-të.

Amerikanët, të cilët e kishin siguruar më herët kualifikimin, u paraqitën me një formacion të ndryshuar, duke aktivizuar nëntë lojtarë të rinj nga minuta e parë.

Turqia kishte udhëtuar drejt SHBA-së me pritshmëri të larta, pasi në plejof kishte eliminuar Kosovën, por dështimet në dy ndeshjet e para ia pamundësuan vazhdimin e garës.

Në ndeshjen tjetër të Grupit D, Australia dhe Paraguai barazuan 0:0.

D.L

Foto:.theguardian