Sport

Më të mirët e vitit 2023, Drilon Hajrizi dhe Arbnore Përquku marrin çmimet

Published

2 years ago

on

Federata e Basketbollit e Kosovës organizoi sonte ceremoninë e Laureatëve të Vitit 2023, ku u zgjodhën më të mirët e këtij viti në basketboll si dhe u nderuan edhe ata që kanë kontribuar për sportin e basketbollit.

Çmimet kryesore, basketbollisti dhe basketbollistja më e mirë e vitit shkuan për Drilon Hajrizin e KB Trepçës dhe Arbnore Përqukun e KB Bashkimit.

Me këtë rast, për mediat foli kryetari i Federatës së Basketbollit të Kosovës, Arben Fetahu i cili vitin që po e lëmë pas e cilësoi si vitin më të mirë për basketbollin e Kosovës.

“Këtë vit që po e lëmë pas, po e them padyshim që ka qenë sigurisht viti më i mirë për basketbollin e Kosovës, të gjithë ju e keni thënë pa përjashtim. E di që kemi shumë probleme, e di që kemi shumë telashe, nuk e kemi të lehtë, por megjithatë është viti kur e kemi pas konsolidimin më të mirë si sektor, është viti kur i kemi thyer të gjitha rekordet sa i përket cilësisë, shikueshmërisë, stabilitetit financiar, sponsorizimin dhe përkrahjen që e kemi pasur prej sektorit publik. Vërtet jemi shumë të lumtur që kemi arritur në këtë pikë, por para vetes e kemi vitin 2024, i cili është viti me më së shumti aktivitete sportive në basketboll ndonjëherë në historinë tonë, dhe do të jetë vit sfidues siç ka qenë ky i sivjetmi. Duhet thënë, për të gjithë ne që punojmë në basketboll në çfarëdo cilësie, e dimë se sa e vështirë është të menaxhohet një klub, të jesh lojtar në Kosovë, të jesh një përfaqësues i institucioneve, udhëheqës me sportin, por jemi të bindur që e kemi një grup shumë të mirë dhe do ta çojmë përpara basketbollin…Viti 2024 do të jetë, jam i bindur, edhe më i suksesshëm se sa ky që po e lëmë pas. Jam i bindur që secili prej nesh jemi më mirë se sa që kemi qenë para 3-4 vjetësh, por gjithashtu jam i bindur se vitin e ardhshëm do ta kemi edhe një situatë më të mirë. Faleminderit të gjithëve për kontributin, ky është sukses i gjithë juve”, tha Fetahu.

Ndërkaq, kryetari i FBK-së, Fetahu zbuloi edhe logon e Superligës së Femrave, si dhe identitetin e ri në basketbollin femëror.

Më poshtë mund të gjeni çmimet e ndara në ceremoninë e sotme nga FBK-ja.

Çmimi për veteranët e basketbollit

Masar Nixha

Resmije Juniku

Çmimi për punëtorin më të dalluar të vitit

Kryetari i KB Vëllaznimit, Ideal Bakija

Çmimi për gjyqtarin më të mirë të vitit

Xhelal Mumini

Çmimi i publikut – çmimi i basketbollistit më të dashur për publikun

Drilon Hajrizi

Elektra Zykajt

Çmimi i shpresave të vitit

Basketbollistes së KB Prishtina – Malvina Haziri

Basketbollistit të GBA Lions – Jon Ismajlit

Çmimi për trajnerin më të mirë të vitit

Dritëro Sefaja – Përzgjedhës i përfaqësueses U20 te meshkujt

Çmimi i klubit më të mirë

KB Peja – meshkujt

KB Bashkimi – femrat

TOP 5 – Femrat

Astera Tuhina (Washington Cougars)

Aulona Muhadri (Kapitenia e KB Bashkimit)

Elektra Zykaj (Kapitenia e KB Prishtinës)

Vanesa Bojku (Kapitenia e KB Penzës)

Arbnore Përquku (KB Bashkimi)

Top 5 – Meshkujt

Arian Qallaku (KB Peja)

Arti Hajdari (KB Peja, KB Prishtina, KB Proton Cable Prizreni)

Gëzim Morina (Kapiteni i KB Golden Eagle Ylli)

Dardan Berisha (Kapiteni i Sigal Prishtinës)

Drilon Hajrizi (KB Trepça)

Basketbollisti më i mire i vitit 2023

Drilon Hajrizi

Basketbollistja më e mirë e vitit 2023

Arbnore Përquku

Related Topics:
Continue Reading

Lajmet

Talenti kosovar i Bayern Munich, Erblin Osmani, viziton FFK-në dhe ndjek stërvitjen e Kombëtares

Published

5 hours ago

on

June 1, 2026

By

Futbollisti i ri dhe premtues kosovar, Erblin Osmani, i cili është pjesë e klubit gjerman Bayern Munich, ka vizituar sot Federatën e Futbollit të Kosovës (FFK).

Osmani, i cili po qëndron në Kosovë për pushimet verore, u prit në ambientet e FFK-së, ku pati rastin të njihet më nga afër me aktivitetet e federatës dhe të ndjekë seancën stërvitore të Kombëtares së Kosovës në stadiumin “Fadil Vokrri”.

Sipas FFK-së, vizita e tij përfaqëson lidhjen e fortë që talentët kosovarë, të cilët po zhvillojnë karrierën e tyre në klubet më të njohura evropiane, vazhdojnë ta ruajnë me vendlindjen.

Erblin Osmani konsiderohet një nga talentët e rinj që po ndërton karrierën e tij në futbollin evropian, ndërsa Federata e Futbollit e Kosovës e vlerësoi si pjesë të gjeneratës së re që po promovon Kosovën në arenën ndërkombëtare të futbollit.

FFK i ka uruar Osmanit suksese të mëtejshme dhe arritje të reja në karrierën e tij sportive.

 

Continue Reading

Sport

Dardanët rikthehen në stërvitje, fokus te sfida ndaj Andorrës

Published

9 hours ago

on

June 1, 2026

By

Kombëtarja e Kosovës ka rikthyer fokusin te sfida e radhës pas ndeshjes miqësore të zhvilluar të enjten në Pragë ndaj Çekisë. Dardanët kanë vazhduar përgatitjet për përballjen e ardhshme kundër Andorrës, me stafin teknik që po punon për ta mbajtur ekipin në formën optimale.

Seanca e sotme stërvitore u zhvillua në stadiumin Stadiumi Fadil Vokrri, ku morën pjesë 11 futbollistë. Ndërkohë, pjesa tjetër e skuadrës ndoqi një program rigjenerues në hotel, pas angazhimit në ndeshjen e fundit ndaj Çekisë.

Stërvitja u fokusua në aspektet taktike dhe fizike, ndërsa atmosfera në kampin e Kosovës mbetet pozitive para miqësores së dytë. Stafi teknik synon të shfrytëzojë këto ditë për të përgatitur sa më mirë ekipin dhe për t’u dhënë mundësi lojtarëve të ruajnë ritmin e garës.

Dardanët do të vazhdojnë me seancat stërvitore në ditët në vijim, me fokus maksimal te ndeshja kundër Andorrës, e cila do të shërbejë si një tjetër test i rëndësishëm për ekipin kombëtar.

Continue Reading

Sport

Nga Drenica te Napoli, rrugëtimi i jashtëzakonshëm i Amir Rrahmanit

Published

9 hours ago

on

June 1, 2026

By

Kapiteni i Kosovës, Amir Rrahmani, vazhdon të shkëlqejë në futbollin italian, duke u konfirmuar si një nga mbrojtësit më të mirë në Serie A. Pas një sezoni të jashtëzakonshëm me SSC Napoli, ai është përfshirë në formacionin më të mirë të sezonit 2025/26 nga SofaScore, falë paraqitjeve të qëndrueshme dhe rolit të tij kyç në repartin defensiv të skuadrës napolitane.

Rrahmani, i lindur në Prishtinë më 24 shkurt 1994, karrierën e nisi në Kosovë me Ramiz Sadikun dhe Drenicën, për të vazhduar më pas te Partizani në Shqipëri. Më vonë ai u transferua në Kroaci, ku luajti për RNK Split dhe Dinamo Zagreb, duke fituar dy tituj kampionë dhe Kupën e Kroacisë. Pas aventurës së suksesshme te Hellas Verona, në vitin 2020 ai iu bashkua Napolit, ku u shndërrua në një nga lojtarët më të rëndësishëm të skuadrës.

Me Napolin, Rrahmani ka fituar dy tituj të Serie A dhe është bërë një nga liderët e ekipit. Deri më tani ai ka zhvilluar mbi 180 ndeshje me fanellën e klubit italian dhe ka realizuar më shumë se 10 gola, shifra mbresëlënëse për një mbrojtës qendror. Në sezonin e fundit ai u dallua veçanërisht në fitoren 3:0 ndaj Pisës, ku u shpall “Lojtari i Ndeshjes”. Mbrojtësi kosovar realizoi një gol me kokë pas asistimit të Eljif Elmasit dhe u vlerësua me notën 9.3 nga SofaScore, pasi përveç golit dominoi edhe në fazën mbrojtëse.

Përveç suksesit në nivel klubesh, Rrahmani mbetet një figurë kyçe për Përfaqësuesen e Kosovës. Si kapiten i ekipit kombëtar, ai ka zhvilluar dhjetëra ndeshje ndërkombëtare dhe ka kontribuar me disa gola, duke u shndërruar në një nga futbollistët më të rëndësishëm në historinë e futbollit kosovar.

Në një intervistë të fundit për Radio CRC, Rrahmani foli për lidhjen e tij të veçantë me Napolin, duke deklaruar se pas kaq shumë vitesh në qytetin italian, ai e konsideron Napolin si shtëpinë e tij të parë. Ai gjithashtu theksoi se synon të vazhdojë të kontribuojë për klubin dhe të arrijë sa më shumë paraqitje me fanellën e kaltër.

Falë profesionalizmit, paraqitjeve të qëndrueshme dhe rolit të liderit si te Napoli ashtu edhe te Kosova, Amir Rrahmani vazhdon të jetë një nga emrat më të respektuar të futbollit shqiptar në arenën ndërkombëtare.

Continue Reading

Sport

Gresa Bakraqi fiton medaljen e argjendtë në Kampionatin Evropian në Monako

Published

9 hours ago

on

June 1, 2026

By

Atletja kosovare Gresa Bakraqi ka arritur një sukses të rëndësishëm ndërkombëtar, duke fituar medaljen e argjendtë në Kampionatin Evropian të shteteve në zhvillim, që u mbajt në Monako.

Bakraqi shkëlqeu në disiplinën e 1500 metrave, ku siguroi vendin e dytë dhe medaljen e argjendtë, duke u bërë e vetmja garuese nga Kosova që u ngjit në podium në këtë kampionat.

Atletja kosovare, e cila është bursiste e Komiteti Olimpik i Kosovës në kuadër të programit për përgatitjet drejt Lojërat Olimpike Los Angeles 2028, vazhdon të tregojë formë të lartë dhe potencial të madh në arenën ndërkombëtare.

Suksesi i Bakraqit përbën një tjetër arritje të rëndësishme për atletikën kosovare dhe një motiv shtesë për përfaqësimin e Kosovës në garat e ardhshme evropiane dhe botërore.

Me këtë rast, urime për medaljen e fituar iu drejtuan Gresës dhe Federata Atletike e Kosovës për paraqitjen e suksesshme në këtë kampionat.

Continue Reading

Të kërkuara