Disa nga skulpturat më të vogla që u krijuan ndonjëherë do të shfaqen në Wollaton Hall në Nottingham.

Shtëpia madhështore do të mbajë ekspozitën e botës së zhdukur nga muaji prill deri në muajin tetor.

Artisti Willard Wigan krijoi 20 copëza arti mikroskopike në kuadër të koleksionit të tij për të theksuar çështjet mjedisore.

Këshilli i Qytetit të Nottinghamit tha se është i emocionuar për ekspozitën, e cila do të mbahet në galeritë e saporinovuara.

Ekspozita fokusohet në biodiversitetin në rrezik dhe nis së bashku me një galeri të re të historisë natyrore në Wollaton Hall, e cila thekson nevojën për të studiuar taksiderminë për të mbështetur ruajtjen globale./UBTNews/

Një kopsht paqeje ukrainas i krijuar për t’u dhënë refugjatëve “një ndjenjë të atdhedashurisë” po krijohet në Liverpool.

Kopshti, i cili ka bimë të origjinës në Ukrainë, po ndërtohet në periudhën kur qyteti po përgatitet të mbajë konkursin e këngës, Eurovision. Qyteti po organizon konkursin në emër të Ukrainës më 13 maj.

Projektuesi i kopshtit, Peter Lloyd shpreson se “pamja dhe aroma” e kopshtit “autentik” ukrainas do të sjellë rehati te njerëzit.

“Shpresoj që kopshti të sjellë një pjesë të vogël të Ukrainës në Liverpool që të gjithë do ta vlerësojnë”, tha ai.

Kopshti do të hapet më 5 maj./UBTNews/

Gati gjysma e mjaltit në tregjet e Bashkimit Evropian dyshohet se është false, sipas një hetimi të BE-së.

Hulumtimi, i udhëhequr nga Zyra Kundër Mashtrimit e Komisionit Evropian (OLAF) dhe Qendra e Përbashkët Kërkimore (JRC), zbuloi mashtrimin masiv dhe se shumë mund të blejnë mjaltë të falsifikuar të etiketuar si autentik, njofton Euronews.

Sipas hetimeve të Komisionit Evropian, janë testuar 320 mostra dhe 147 (46%) e mostrave të mbledhura të importit të mjaltit dyshohet se janë të falsifikuara me shurupe dhe për rrjedhojë në mospërputhje me kërkesat e Direktivës së BE-së për mjaltin.

Dyshohet se mjalti është prerë me shurupe sheqeri të bëra nga orizi, gruri ose panxhari i sheqerit.

Shumica e mjaltit të rremë sillet nga Turqia (93%) dhe Kina (74%).

Të dhjetë llojet e mjaltit futura përmes Mbretërisë së Bashkuar nuk i kaluan testet dhe u shënuan “jo në përputhje”.

Raporti tregon se mjalti i importuar nga Britania e Madhe kishte një shkallë dyshimi prej 100%, me JRC që sugjeron se mjalti mund të jetë prodhuar në vende të tjera përpara se të përpunohej në Mbretërinë e Bashkuar dhe të rieksportohej në BE.

Kurth mjalti

‘Nga kosheret’ është veprimi i koordinuar i BE-së, i udhëhequr nga Drejtoria e Përgjithshme e Komisionit Evropian për Shëndetin dhe Sigurinë Ushqimore (DG SANTE), me autoritetet kombëtare të 18 shteteve që janë pjesë e Rrjetit të Mashtrimit Ushqimor të BE-së, OLAF dhe i Komisionit Evropian Qendra e Përbashkët Kërkimore (JRC).

Vendet pjesëmarrëse ishin: Belgjika, Bullgaria, Çekia, Danimarka, Finlanda, Franca, Gjermania, Greqia, Hungaria, Irlanda, Italia, Lituania, Polonia, Rumania, Spanja dhe Suedia, si dhe Norvegjia dhe Zvicra.

133 biznese (70 importues dhe 63 eksportues) u konstatuan të përfshira në ngarkesat me mjaltë të dyshuar si të falsifikuar. 44 operatorë të tjerë janë hetuar deri më sot, thotë OLAF./syri.net

Alexander Novak, zëvendëskryeministër i Rusisë, tha se shitjet e naftës ruse në Indi u rritën 22-fish në vitin 2022 pas saksioneve të vendosura kundër Moskës për shkak të pushtimit të Ukrainës.

Vitin e kaluar, kur vendet evropiane kërkuan t’i dhënë fund varësisë së tyre nga energjia ruse dhe vendosën sanksione ndaj Moskës, Rusia ka zhvendosur eksportet e naftës në Indi dhe Kinë.

Novak tha se eksportet e energjisë ruse u “ridrejtuan” në “tregjet e vendeve mike”, duke shtuar se të ardhurat nga energjia përbënin 42% të buxhetit federal të Rusisë në vitin 2022. Sipas tij, industria energjetike e Rusisë është e qëndrueshme pavarësisht sfidave me të cilat përballet si pasojë e sanksioneve perëndimore.

Më parë India ka eksportuar sasi të mëdha të naftës nga Afrika dhe rrallë blinte naftë ruse për shkak të kostove të larta të transportit. Por vitin e kaluar rafinerët në Indi u bënë klientët kryesorë të naftës së Moskës./UBTNews/