Lajmet

Më shumë se 1000 të vdekur pas tërmetit të fuqishëm në Afganistan

Sipas një zyrtari rajonal, tërmeti ka plagosur shumë të tjerë.

Published

3 years ago

June 22, 2022

UBT news

Më shumë se 1000 njerëz u vranë pas një tërmeti me magnitudë 5.9 ballë që goditi Afganistanin lindor.

Sipas një zyrtari rajonal, tërmeti ka plagosur shumë të tjerë.

Fatkeqësia humanitare vjen në një kohë të vështirë për vendin që po udhëhiqet nga talibanët, aktualisht në kushte të këqija sa i përket urisë dhe krizave ekonomike.

Goditjet u shënuan në orën 1:24 të mëngjesit rreth 46 kilometra në jugperëndim të qytetit të Khost, i cili shtrihet afër kufirit të vendit me Pakistanin, sipas USGS.

Tërmeti u regjistrua në një thellësi prej 10 kilometrash, sipas USGS, i cili e caktoi atë në nivel alarmi të verdhë – që tregon një ndikim relativisht të lokalizuar.

Shumica e vdekjeve ishin në provincën Paktika, në rrethet Giyan, Nika, Barmal dhe Zirok, sipas Ministrisë së Shtetit për Menaxhimin e Fatkeqësive.

Numri i të vdekurve është më shumë se 1,000 dhe të paktën 1,500 njerëz janë plagosur “vetëm në rrethet Gayan dhe Barmal të provincës Paktika”, tha për CNN, Mohammad Amin Hozaifa.

Zyrtari pret që numri i viktimave të rritet ndërsa misionet e kërkimit dhe përpjekjeve vazhdojnë./UBTNews/

Lajmet

Arrestohet një shtetas serb në Kamenicë, solli mall ilegalisht nga Serbia

Published

10 seconds ago

September 9, 2025

UBTnews

Policia e Kosovës njofton se kanë parandaluar kontrabandimin me mallra nga Serbia në Kamenicë.

Sipas policisë, një traktor që drejtohej nga i dyshuari shtetas i Serbisë në të cilën kishte të ngarkuar mall (ushqim për peshq) të cilin dyshohet se e kishte futur në Republikën e Kosovës nga Serbia përmes rrugëve ilegale, në vlerë rreth 10 mijë euro.

“Kamenicë / 08.09.2025 – 20:20. Njësia policore ka ndaluar një traktor që drejtohej nga i dyshuari shtetas i Serbisë në të cilën kishte të ngarkuar mall (ushqim për peshq) të cilin dyshohet se e kishte futur në Republikën e Kosovës nga Serbia përmes rrugëve ilegale. Vlera e mallit llogaritet rreth 10.000 €”, thuhet në raportin 24 orësh të Policisë.

Policia njofton po ashtu se i dyshuari është arrestuar dhe pas inicimit të rastit me vendim të prokurorit është dërguar në mbajtje, ndërsa malli është dërguar në terminalin doganor./D.B/KP

Lajmet

Kosova mposht Suedinë në stadiumin “Fadil Vokrri”

Published

2 minutes ago

September 9, 2025

UBT News

Kombëtarja e Kosovës ka arritur një fitore të madhe mbrëmë në stadiumin “Fadil Vokrri” në Prishtinë duke mposhtur Suedinë me rezultat 2-0.

Dardanët zhvilluan një ndeshje të shkëlqyer dhe falë golave të Elvis Rexhbecajt dhe Vedat Muriqit siguruan fitoren e parë në kuadër të grupit B në kualifikimet për Kampionatin Botëror 2026.

Me këtë sukses, Kosova regjistron tri pikët e para në grup dhe rikthehet fuqishëm në garë pas humbjes në ndeshjen e parë. Dardanët do të rikthehen në fushë në muajin nëntor, kur do të zhvillojnë duelet e radhës në këtë cikël kualifikues./S.K/KP/ FFK/

Lajmet

Policia shqipton mbi 2000 gjoba trafiku për 24 orët e fundit

Published

10 minutes ago

September 9, 2025

UBTnews

Policia e Kosovës ka shqiptuar 2088 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 38 aksidente trafiku me dëme materiale, 36 aksidente trafiku kanë përfunduar me të lënduar.

Policia e Kosovës ka arrestuar 20 persona, 14 janë dërguar në mbajtje, kurse 2 persona janë në vuajtje të dënimit/D.B/KP

Lajmet

Komuna e Prishtinës njofton se nga nesër rikthehet funksionaliteti i plotë i “Prishtina Parking

Published

40 minutes ago

September 9, 2025

UBTnews

Komuna e Prishtinës ka njoftuar se nga nesër do të rikthehet funksionaliteti i plotë i “Prishtina Parking”.

Sipas njoftimit, në përputhje me vendim të Gjykatës Supreme nesër hyn në fuqi zbatimi i plotë i rregullores për rregullimin e parkingjeve në kryeqytet.

“Njoftojmë qytetarët se shfrytëzimi i parkingjeve publike të menaxhuara nga “Prishtina Parking” bëhet vetëm me pagesë, sipas tarifave zyrtare. Çdo parkim pa pagesë do të sanksionohet me gjoba dhe masa ndëshkuese, në përputhje me legjislacionin në fuqi“, thuhet në njoftim./D.B/KP