Ukrainasit po përpiqen të fshijnë gjurmët e luftës në fshatrat e marra nga trupat ruse në rajonin e Kharkiv.
Banorët e fshatit Mala Rohan, që mban plagët e konflikteve të dhunshme, po riparojnë shtëpitë e tyre të dëmtuara dhe po rifillojnë bujqësinë. Në hyrje të fshatit tërheqin vëmendjen makinat civile dhe të blinduara të shtypura nga tanket.
Vasiliy Zabara, një banor, tha se nuk prisnin që një sulm i tillë të kryhej kundër vendit të tij.
“Kishte një rrezik, por ne nuk prisnim që Rusia të na sulmonte kaq shpejt”, tha ai.
“Një kolonë me tanke dhe mjete të blinduara ruse nisi të hynte në fshat më 26 shkurt, dy ditë pas fillimit të luftës. Ushtria ruse u vendos në fshat, krijoi një bazë të përkohshme dhe filloi të sulmonte rajonin e Kharkiv prej andej. Katër ditë pasi hynë në fshat, ushtarët rusë kontrolluan të gjitha shtëpitë”, kujton 71-vjeçari.
Duke thënë se për shkak të përplasjeve të forta në fshat janë strehuar në magazinë poshtë shtëpisë së tyre, ai ka rrëfyer: “Në strehë qëndruam një muaj, moti ishte i ftohtë, temperatura ishte nën zero. Kisha vajzat e mia, gruan dhe nipin 12-vjeçar me mua. Të gjithë ishim shumë të frikësuar”.
Ushtarët ukrainas hynë në fshat më 27-28 mars dhe rifituan kontrollin, tha Zabara, duke shtuar se përleshjet më të ashpra në fshat u zhvilluan gjatë këtyre dy ditëve.
Avionët rusë godasin rajonin çdo ditë dhe askush nuk mund të parashikonte se ku do të binin raketat, tha Zabara, duke shtuar se tingujt e shpërthimeve tashmë janë bërë pjesë e përditshmërisë së tyre.
Ai tha se po përpiqet të riparojë shtëpinë dhe hambarin e tij të dëmtuar në fshat me ndihmën e fqinjëve të tij.
“Jeta vazhdon. Ne duhet të jetojmë disi, duhet të vazhdojmë jetën tonë, nuk kemi zgjidhje tjetër“, përfundoi ukrainasi. /UBTNews/
Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.
Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.
“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.
Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/
Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.
“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.
Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.
Ndërkohë, rikthimi në sfidën e së shtunës kundër Lorient shihet më pak i mundshëm.
Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.
Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.
Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.
Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.
Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/
Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.
37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.
“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.
Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.
Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.
“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.
Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/