Këngëtarja dhe aktorja Ariana Grande konfirmoi se ka rezultuar pozitive me COVID-19, pas një periudhe intensive udhëtimesh dhe paraqitjesh publike për promovimin e filmit të saj të ri, Wicked: For Good.

Lajmin ajo e bëri të ditur përmes një postimi në Instagram Story, ku ndau një foto nga paraqitja e saj në The Tonight Show Starring Jimmy Fallon, vetëm pak çaste para se të shfaqte simptomat, me mbishkrimin: “Moments before Covid”.

Ariana ka qenë këto ditë në një tur global, duke udhëtuar nga një kontinent në tjetrin për premierat dhe eventet promocionale të filmit.

Gjatë premierës në New York, nuk doli në tapetin e kuq për të treguar solidaritet me Cynthia Erivo, e cila humbi zërin për shkak të një viroze. Infektimi e detyroi Arianën të anulojë paraqitjen në The Kelly Clarkson Show, si dhe disa sesione Q&A me fansat.

Interesante është si Ariana, ashtu dhe Cynthia, rezultuan pozitiv me COVID edhe gjatë xhirimeve të filmit, por në periudha të ndryshme.

Megjithatë, filmi pritet të ketë një start të suksesshëm në kinema, me të ardhura të parashikuara rreth 150 milionë dollarë në hapje, duke shënuar një nga daljet më të shumëpritura të vitit. /A.Z/UBT News/

Aktorja Greer Grammer ka treguar për mungesën e kontaktit me babanë e saj, Kelsey Grammer, për 12 vjet gjatë fëmijërisë.

Në një intervistë për podcast-in Pretty Basic, ajo tha se nuk kishte pasur kontakt me të nga mosha 4 deri në 16 vjeç.

Greer shpjegoi se një keqkuptim i zakonshëm mbi të është se, duke pasur mbiemrin e Kelsey Grammer, njerëzit supozojnë se ajo ka rritur në një botë luksi dhe privilegji. Ajo tha:

“Babai im më la kur isha katër vjeç dhe nuk e pashë deri në moshën 16 vjeçare.”

Aktorja shtoi se e kishte takuar një herë në moshën 11 vjeç, por kjo nuk pati shumë ndikim.

Sot, Greer dhe Kelsey kanë një marrëdhënie të mirë, ku ai ka kontribuar financiarisht për fëmijët dhe shkollimin e saj.

Greer është fëmija më i madh i Kelsey, i vetmi nga lidhja me Barrie Buckner, babai i saj muajin e kaluar priti një djalë. /A.Z/UBT News/

Këngëtarja 33-vjeçare Demi Lovato, e cila u martua këtë vit me Jordan “Jutes” Lutes, thotë se për vite me radhë ka ndier presionin shoqëror për t’u martuar herët.

Në një intervistë për Who What Wear, ajo u shpreh se gjithçka ndodhi natyrshëm dhe se tani është më e lumtur se kurrë.

“I thashë burrit tim sot: ‘Nuk e kam ndier kurrë më shumë dashuri për ty. As nuk e mendoja se mund të rritej kaq’”, ka treguar ajo.

Demi, e cila ka pasur më herët lidhje me Joe Jonas, Wilmer Valderrama dhe Max Ehrich, thotë se përvojat e së kaluarës i kanë mësuar rëndësinë e punës me veten.

“Nuk isha bërë ende kujdesin e duhur për veten. Universi të shpërblen kur punon me veten. U përgatita për të qenë e vetme dhe vetëm atëherë isha gati të ndaja jetën me dikë tjetër,” ka thënë ajo.

Ajo ka folur edhe për vendimin për të qenë e hapur me fansat rreth sfidave personale.

Pas trajtimit në rehabilitim më 2010 për çrregullim bipolar dhe bulimi, këngëtarja thotë se ndjeu përgjegjësi të tregonte të vërtetën e saj.

“Kisha një shpërthim publik në moshën 18 vjeçare, për të cilin kam folur edhe në dokumentarët e mi,” u shpreh Demi. /A.Z/UBT News/