Lajmet nga UBT

Me ceremoni solemne, UBT përmbylli vitin 2022 – vit i sukseseve të mëdha

Të gjitha këto suksese u shënuan falë angazhimit dhe përkushtimit të stafit akademik dhe atij administrativ, që sipas rektorit Hajrizi, dëshmon se UBT-ja është vlerë e përbashkët e të gjithë atyre që kontribuojnë për të ndërtuar këtë ekosistem të dijes dhe inovacionit.

Publikuar

Në një ceremoni solemne në Parkun Shkencor Inovativ të UBT-së, në Lipjan, me praninë e rektorit të UBT-së, Prof. Dr. Edmond Hajrizi, stafit akademik dhe atij administrativ, u përmbyll viti 2022, një vit që shënoi suksese të mëdha të UBT-së në sferën e arsimit, edukimit, shkencës dhe teknologjisë.

Të gjitha këto suksese u shënuan falë angazhimit dhe përkushtimit të stafit akademik dhe atij administrativ, që sipas rektorit Hajrizi, dëshmon se UBT-ja është vlerë e përbashkët e të gjithë atyre që kontribuojnë për të ndërtuar këtë ekosistem të dijes dhe inovacionit.

“Dhe ja ku jemi sot, në një moment kur një ëndërr u bë realitet falë punës, angazhimit dhe përkushtimit maksimal të të gjithë juve, që jeni staf akademik, administrativ dhe studentë sot, por edhe të gjithë ata që një pjesë të jetës e kaluan nën çatinë e UBT-së, kontribuuan, u pajisën me dije, dhe sot jetojnë e punojnë në vend dhe jashtë kufijve të shtetit, si qytetarë të suksesshëm”, ka thënë mes tjerash rektori Hajrizi.

Renditja në vendin e gjashtë në botë për revolucionin e katërt industrial nga ËURI, rangimi në mesin e universiteteve më të mira në botë nga Times Higher Education, pjesëmarrja në ngjarjen historike të nënshkrimit të versionit të ri të deklaratës “Magna Charta Universitatum”, bashkëpunime me universitete më presitigjioze dhe institucione të tjera edukativo-arsimore, vendi i dytë në botë dhe medalja e argjendtë erdhi në Kosovë nga olimpiada botërore e robotikës “First Global Challenge”, ishin disa nga arritjet dhe sukseset e UBT-së që karakterizuan vitin 2022.

Në këtë ceremoni u prezantua edhe dokumentari i shkurtër i përgatitur për UBT-në nga stafi i zyrës së Media Grup-it të UBT-së, ku u paraqitën aktivitete, njëherësh sukseset dhe sfidat e institucionit gjatë vitit 2022.

Më pas, për kontributin e dhënë ndër vite, UBT nderoi me mirënjohje punëtorët që për dhjetë vjet i qëndruan besnikë dhe kontribuuan për institucionin.

Lajmet nga UBT

Prorektori Beqaj takon Dekanin e Fakultetit të Shkencave të Zbatuara në Universitetin Shtetëror të Tetovës, Prof Dr. Enis Jakupi

Prorektori Beqaj dhe Dekani Jakupi diskutuan për planifikimin dhe organizimi i një akademie verore të përbashkët për studentët e të dy fakulteteve.

Publikuar

nga

Prorektori dhe Dekani i Fakultetit të Arkitekturës dhe Planifikimit Hapësinor, Binak Beqaj, ka pritur në një takim pune Dekanin e Fakultetit të Shkencave të Zbatuara në Universitetin Shtetëror të Tetovës, Prof Dr. Enis Jakupi. Në këtë takim, u diskutuan për arritjen e bashkëpunimin ndërmjet dy institucioneve.

Prorektori Beqaj dhe Dekani Jakupi diskutuan për planifikimin dhe organizimi i një akademie verore të përbashkët për studentët e të dy fakulteteve, duke ofruar programe të pasura dhe sfiduese për zhvillimin e tyre intelektual, organizimi i ligjëratave tematike nga profesionistë të fushës, duke sjellë për studentët temat dhe trendët më të fundit në arkitekturë, planifikim hapësinor dhe shkencat e zbatuara.

Gjithashtu u tha se do të krijohen  mundësit për vizita studimore reciproke mes studentëve të dy institucioneve për të njohur më mirë praktikat dhe projekte të shkencave të zbatuara në terren.

Ky bashkëpunim synon të thellojë lidhjet akademike dhe të krijojë mundësi për shkëmbim të njohurive dhe përvojave mes studentëve dhe stafit të të dy institucioneve.

Vazhdo të lexosh

Lajmet nga UBT

UBT organizon forumin me temën “Ujë për Paqe” në Ditën Botërore të Ujit

Eventi do të mbahet në Parkun Shkencor Inovativ të UBT-së në Lipjan më 22 mars 2024 nga ora 10:00.

Publikuar

nga

UBT organizon një forum të veçantë për të shënuar Ditën Botërore të Ujit. Tema kryesore e forumit do të jetë “Ujë për Paqe”, duke theksuar rëndësinë e ujit si burim themelor për zhvillimin e qëndrueshëm dhe paqen globale. Eventi do të mbahet në Parkun Shkencor Inovativ të UBT-së në Lipjan më 22 mars 2024 nga ora 10:00.

Ky forum do të mbledhë një spektrum të gjerë të interesuarve, duke u përfshirë edhe Ministria e Planifikimit Hapësinor dhe Infrastrukturës, Ministria e Shëndetësisë, Instituti Kombëtar i Shëndetit Publik, Zyra e Komisionit Evropian në Kosovë, përfaqësues të komunave, donatorë në sektorin e ujërave, ofruesit e shërbimeve të ujit në Kosovë, komuniteti i biznesit, shoqëria civile, shoqatat e ujit, profesionistë dhe ekspertë të pavarur.

Ky aktivitet do të ofrojë një platformë për diskutime dhe shkëmbim të ideve rreth sfidave dhe mundësive në lidhje me menaxhimin e ujit, hulumtimin shkencor, politikat publike, dhe bashkëpunimin ndërkombëtar për të garantuar qasjen e drejtë dhe të qëndrueshme në burimet ujore.

Forumit do t’i jepet rëndësia e duhur për të identifikuar zgjidhje inovative dhe për të përforcuar bashkëpunimin mes të gjithë aktorëve përfshirës në përmirësimin e menaxhimit të ujit dhe promovimin e paqes në Kosovë dhe përtej saj./UBTNews/

Vazhdo të lexosh

Lajmet nga UBT

Përfaqësuesit e UBT-së në Venedik: Mirëpriten nga afaristi i njohur Muharrem Salihu – Marco dhe afarsitë të tjerë shqiptarë

Përfaqësuesit e UBT-së, gjithashtu u mirëpritën edhe nga afaristi i njohur shqiptar Muharrem Salihu – Marco, dhe nga afaristë të tjerë, të cilët shpalosën perspektivat e tyre dhe angazhimin e tyre në Venedik dhe për çështjen shqiptare.

Publikuar

nga

Rektori i UBT-së, Prof. Dr. Edmond Hajrizi, së bashku me Drejtoreshën Fisnete Hajrizi dhe Prorektorin dhe Dekanin e Fakultetit Arkitekturë dhe Planifikim Hapësinor, Binak Beqaj, qëndruan në Venedik të Italisë, për të realizuar një sërë vizitash të rëndësishme.

Përfaqësuesit e UBT-së, gjithashtu u mirëpritën edhe nga afaristi i njohur shqiptar Muharrem Salihu – Marco, dhe nga afaristë të tjerë, të cilët shpalosën perspektivat e tyre dhe angazhimin e tyre në Venedik dhe për çështjen shqiptare.

Vazhdo të lexosh

Lajmet nga UBT

Delegacioni i UBT-së nën udhëheqjen e Rektorit Hajrizi mori pjesë në përfaqësimin e përvitshëm të Kosovës në mbledhjen e AESOP-it – shpalos vizionin dhe modelin e Qytetit të Mençur të UBT-së

Publikuar

nga

Delegacioni i UBT-së për vizitë treditore në Venedik të Italisë: Përfaqëson Kosovën në AESOP shpalos vizionin dhe modelin e Qytetit të Mençur të UBT-së dhe rolin e saj ne edukimin interdisiplinar, ngrit bashkëpunimet ndërkombëtare në fushën e urbanizimit dhe po ashtu viziton Institucione Kulturore dhe mbanë takime me përfaqësues nga kultura dhe biznesi, duke shfaqur identitetit shqiptar në arenën ndërkombëtare.

Rektori i UBT-së, Prof. Dr. Edmond Hajrizi, së bashku me Drejtoreshën Fisnete Hajrizi dhe Prorektorin dhe Dekanin e Fakultetit Arkitekturë dhe Planifikim Hapësinor, Binak Beqaj, qëndruan në Venedik të Italisë, për të realizuar një sërë vizitash të rëndësishme.

Delegacioni i UBT-së nën udhëheqjen e Rektorit mori pjesë në përfaqësimin e përvitshëm të Kosovës në mbledhjen e Asociacionit të Shkollave Evropiane për Planifikimin Urban AESOP. Duke marrë pjesë aktive në debat lidhur me interdisiplinaritetin, Rektori Hajrizi prezantoi modelin e Qytetit të Mençur të UBT-së si model inovativ për interdisiplinaritet dhe ekosistemin inovativ dhe teknologjik.

Në kuadër të takimit në AESOP, delegacioni u takua me Presidentin e AESOP, Prof. Thomas Dilinger, me Sekretarin i AESOP, Prof. Giancarlo Cotella, si dhe me shumë dekanë dhe udhëheqës të shkollave të arkitekturës dhe planifikimit urban dhe universiteteve nga shumë vende evropiane, si: Italia, Austria, Gjermania, Portugalia, Finlanda, Turqia, Polonia, Sllovakia, ku u shpreh gatishmëria e dyanshme për bashkëpunim. Në këtë takim u paraqit dhe kërkesa dhe gatishmëria nga UBT për organizimin e takimit të radhës AESOP Head of Schools dhe Konferencës në vitet në vijim në Kosovë me konkretisht në Parkun Shkencor dhe Inovativ të UBT-së, e cila u mirëprit shumë mirë nga pjesëmarrësit.

Vazhdo të lexosh

Të kërkuara