Lajmet

Më 18 qershor rreth 24 mijë nxënës do t’i nënshtrohen testit të maturës

Pupovci thotë se presin rezultate pozitive.

Published

4 years ago

on

Zëvendësministri i Arsimit, Dukagjin Pupovci ka deklaruar se testi i maturës shtetërore sivjet do të mbahet më 18 qershor dhe atij pritet t’i nënshtrohen rreth 24 mijë nxënës. Para kësaj pritet të mbahet testi i arritshmërisë për të cilin Pupovci ka bërë të ditur se ndahet në dy ditë, më 4 dhe 14 qershor. Në një konferencë për media, zëvendësministri i Arsimit ka thënë se presin rezultate të sakta për këto dhe testin PISA në mënyrë që të dihet cila është gjendja në arsim.

Pupovci ka thënë se testi i arritshmërisë, të cilit iu nënshtrohen nxënësit që përfundojnë klasën e nëntë, do të organizohet në dy ditë në mënyrë që nxënësve t’u shtrohen më shumë pyetje nga lëndë të caktuara. Ai ka thënë se dita e parë e testit të arritshmërisë do të jetë më 4 qershor ku nxënësit do të testohen për gjuhën shqipe, gjuhën angleze, historinë dhe gjeografinë, ndërsa më 14 qershor nxënësit do t’i nënshtrohen testit nga matematike, fizika, informatika dhe biologjia.

Ndërsa testit të maturës shtetërore, Pupovci ka thënë se pritet t’i nënshtrohen 24 mijë nxënësm por mund të ketë edhe nxënës nga vitet e kaluara.

“Testi i maturës shtetërore këtë vit planifikohet të mbahet më 18 qershor, numri i maturantëve është diku rreth 24 mijë dhe thjesht mund të ketë edhe nxënës të cilët vinë nga vitet e kaluara t’i shtohen këtij numri prej 24 mijë, pra kjo është e ndryshueshme dhe testi po ashtu do të organizohet brenda një dite dhe i ka tri lëndë të përgjithshme dhe një zgjedhore, lëndët e përgjithshme janë matematika, gjuha amtare dhe gjuha angleze, këtu hyjnë të gjithë nxënësit, ndërsa pastaj nxënësit kanë të drejtë të përcaktohen edhe për një lëndë zgjedhore, kështu që tashmë nëpër shkolla kanë filluar përgatitjet”, ka thënë ai.

Duke folur për testimin PISA i cili ka filluar dje, zëvendësministri i Arsimit ka thënë se do të vazhdojë deri më 20 maj dhe nga ai testim presin rezultate të sakta.

“Në lidhje me testin PISA dua t’ju informoj se dje ka filluar testimi dhe do të vazhdojë deri më datën 20 maj, pra janë caktuar qendrat e testimit dhe do të marrin pjesë gjithsej 238 shkolla me 7 mijë nxënës të lindur gjatë vitit 2006, pra këta janë 15 vjeçarët që konsiderohen pavarësisht a vijojnë klasën e nëntë apo të dhjetën, merret kjo grupmoshë, dhe ata do të testohen gjatë kësaj periudhe. Në parim në një shkollë janë përzgjedhur 57 nxënës, e nëse shkolla ka pasur më pak se 57 nxënës të kësaj moshe, atëherë janë marrë të gjithë nxënësit e kësaj moshe”, ka thënë ai.

Në PISA nxënësit testohen në fushën e matematikës, leximin dhe shkencave, ndërsa sivjet fokusi është në lëndën e matematikës.

Ndër të tjera, zëvendësministri i Arsimit ka përmendur edhe zvogëlimin e numrit të nxënësve në sektorin publik për shkak të shpërnguljeve dhe kalimit të nxënësve në shkollat e sektorit privat.

“Këtë vit kemi një zvogëlim mjaft të madh të nxënësve në sektorin publik, diku rreth 12 mijë nxënës dhe kjo ka ndodhur si për shkak të çështjeve demografike, pra zvogëlimit të natalitetit pastaj shpërnguljeve por edhe kalimit të një numri të nxënësve në shkollat e sektorit privat. Kjo ka shkaktuar një tepricë të rreth 2 mijë mësimdhënësve në sistemi ne arsimit por dua të ju siguroj se për këta mësimdhënës janë siguruar pagat edhe për vitin 2023 dhe ne në bashkëpunim me komunat do të bëjmë përpjekje që kjo tepricë të shfrytëzohet për një organizim më të mirë brenda shkollave”, ka thënë ai

Sipas tij, këta mësimdhënës do të angazhohen për shërbime shtesë në shkolla të cilat deri tani nuk janë realizuar për shkak të mungesës së financave.

Pupovci gjithashtu ka deklaruar se në vitin 2023 parashihet të angazhohen edhe 300 asistentë për fëmijët me nevoja të veçanta.

Related Topics:
Continue Reading

Lajmet

FSK merr pjesë në ushtrimin shumëkombësh “Saber Junction 26” në Gjermani

Published

3 hours ago

on

September 10, 2026

By

Kontingjenti i Forcës së Sigurisë së Kosovës (FSK), i përfaqësuar nga një kompani këmbësorie e Regjimentit të Tretë të Forcave Tokësore, ka marrë pjesë në ushtrimin shumëkombësh “Saber Junction 26”, të zhvilluar në Qendrën e Gatishmërisë Shumëkombëshe në Hohenfels të Gjermanisë.

Sipas FSK-së, kompania kosovare është integruar në Brigadën Ajrore 173 të Ushtrisë së Shteteve të Bashkuara, përkatësisht në Batalionin 3-504 “Blue Devils”.

Pas fazës së planifikimit, koordinimit dhe trajnimit, pjesëtarët e FSK-së janë angazhuar në operacione të ndryshme në terren, përfshirë operacione sigurie në mbështetje të zbarkimit ajror, patrulla luftarake dhe operacione mbrojtëse.

Sipas njoftimit, pjesëmarrja në këtë ushtrim ka mundësuar zhvillimin e mëtejshëm të aftësive të komandimit dhe kontrollit, planifikimit dhe ekzekutimit të operacioneve, si dhe rritjen e ndërveprueshmërisë me Ushtrinë Amerikane dhe forcat e vendeve partnere.

Integrimi i kompanisë së FSK-së në një formacion shumëkombësh ka shërbyer edhe për testimin e aftësive të saj në një mjedis kompleks dhe dinamik trajnues, krahas njësive partnere.

Gjatë “Observation Day”, aktivitetet e kontingjentit të FSK-së janë përcjellë nga Komandanti i Komandës së Forcave Tokësore, gjeneral brigade Mehmet Lladrovci, dhe rreshter majori i KFT-së, Naim Smakolli.

Pjesëmarrja në ushtrime të tilla, sipas FSK-së, kontribuon në rritjen e gatishmërisë operacionale, profesionalizmit dhe kapaciteteve për të vepruar krah për krah me ushtritë partnere në operacione shumëkombëshe./A.K/

Continue Reading

Lajmet

Gjashtë motoçikleta sekuestrohen në Pejë për kundërvajtje në trafik

Published

3 hours ago

on

September 10, 2026

By

Policia e Kosovës ka njoftuar se sot, më 10 shtator, në Pejë janë sekuestruar gjashtë motoçikleta për kundërvajtje në komunikacion.

Sekuestrimi është kryer nga Njësia e Trafikut për Qytet e Stacionit Policor në Pejë, në kuadër të planit operativ “Siguria në shkolla”, i cili do të vazhdojë edhe në ditët në vijim.

Sipas Policisë, motoçikletat janë sekuestruar për kundërvajtje të ndryshme, përfshirë drejtimin pa patentë shoferi, pa regjistrim dhe pa helmetë.

Drejtoria Rajonale e Policisë në Pejë ka bërë të ditur se aktivitetet në terren do të vazhdojnë me qëllim të parandalimit të aksidenteve në komunikacion.

Policia ka paralajmëruar “zero tolerancë” ndaj të gjithë kundërvajtësve në trafik./A.K/

Continue Reading

Lajmet

UBT vazhdon të forcojë bashkëpunimet ndërkombëtare dhe lidhjet institucionale me partnerë evropianë

Published

4 hours ago

on

September 10, 2026

By

UBT vazhdon të forcojë bashkëpunimet ndërkombëtare dhe lidhjet institucionale me partnerë evropianë. Në kuadër të këtyre përpjekjeve, Zëvendësdekani i Departamentit të Turizmit në UBT, Prof. Alban Fejza, zhvilloi një takim në Ambasadën e Italisë në Kosovë, së bashku me Prof. Raffaella Ritucci dhe Lirdion Blakaj.

Gjatë takimit u diskutua për mundësitë e konkretizimit të bashkëpunimeve të ndërsjella me UNITO – University of Turin dhe UNITA – Universitas Montium, aleanca universitare evropiane e koordinuar nga UNITO.

Diskutimi u fokusua në mundësi konkrete për bashkëpunim akademik, mobilitet, ndërkombëtarizim dhe zhvillimin e iniciativave të përbashkëta, me synim që interesat e përbashkëta të shndërrohen në hapa konkretë.

Ky takim përbën një hap të rëndësishëm në drejtim të forcimit të lidhjeve akademike dhe institucionale ndërmjet UBT-së, partnerëve italianë dhe hapësirës evropiane të arsimit të lartë.

Continue Reading

Lajmet

Tenderi afro 400 mijë eurosh për kamionë në Ekoregjion, aktakuzë ndaj tre personave

Published

4 hours ago

on

September 10, 2026

By

Prokuroria Speciale ka ngritur aktakuzë ndaj tre personave, B.Sh., A.G. dhe R.Z., si dhe ndaj subjektit juridik SH.P.K. “D.C & E”, për veprat penale “Keqpërdorim i pozitës apo autoritetit zyrtar”, “Keqpërdorimi dhe mashtrimi në prokurimin publik” dhe “Mbajtja në pronësi, kontroll ose posedim të paautorizuar të armëve”.

Sipas aktakuzës, më 7 qershor 2023 dhe gjatë periudhës 18 shtator 2023 deri më 16 nëntor 2023, në Prizren, B.Sh., në cilësinë e kryeshefit të KRM “Eko Regjioni”, në bashkëkryerje me zyrtarin e kësaj kompanie, A.G., kanë tejkaluar kompetencat e tyre me qëllim të përfitimit të dobisë pasurore për vete dhe për subjektin juridik SH.P.K. “D.C & E”.

A.G. dhe B.Sh. akuzohen se, në kundërshtim me legjislacionin për prokurimin publik, kanë krijuar mundësi që tenderin “Furnizimi me kamiona kompaktor dhe autobusë për nevojat e KRM ‘Ekoregjioni’”, në vlerë prej 385 mijë e 500 eurosh, ta përfitojë SH.P.K. “D.C & E”.

Sipas Prokurorisë, me këto veprime buxhetit të KRM “Ekoregjioni” i është shkaktuar dëm në shumën prej 233 mijë e 685.37 eurosh.

Ndërkaq, R.Z. akuzohet për veprën penale “Keqpërdorimi dhe mashtrimi në prokurimin publik”. Sipas aktakuzës, ai u ka paguar B.Sh. dhe A.G. shpenzimet e një udhëtimi jashtë territorit të Kosovës, me qëllim të koordinimit të veprimeve inkriminuese dhe ndikimit në dhënien e tenderit.

Prokuroria pretendon se R.Z. paraprakisht kishte arritur marrëveshje të kundërligjshme me të pandehurit, përmes së cilës ishin përshtatur specifikat teknike të tenderit./A.K/

Continue Reading

Të kërkuara