Lajmet nga UBT

Mbyll punimet aktiviteti i Infermierisë në Konferencën Ndërkombëtare për Shkencë, Teknologji, Biznes dhe Inovacion

Konferenca Ndërkombëtare e UBT-së për Infermieri, ishte e akredituar nga Oda e Infermierëve të Kosovës dhe për rrjedhojë, të gjithë personat që morën pjesë në këtë konferencë patën mundësi të fitojnë pikë (kreditë), që do i shfrytëzojnë për ngritje akademike.

Published

4 years ago

on

Në Konferencën Ndërkombëtare për Shkencë, Teknologji, Biznes dhe Inovacion kanë prezantuar punimet e tyre dhjetëra profesorë dhe ekspertë në fushën e mjekësisë, të ndarë nëpër sesione.

Konferenca Ndërkombëtare e UBT-së për Infermieri, ishte e akredituar nga Oda e Infermierëve të Kosovës dhe për rrjedhojë, të gjithë personat që morën pjesë në këtë konferencë patën mundësi të fitojnë pikë (kreditë), që do i shfrytëzojnë për ngritje akademike.

Temat që u trajtuan dhe u prezantuan në këtë konferencë kryesisht kishin të bënin me sistemin e shëndetësisë në vend, rreth shëndetit mendor, rreth shëndetit publik, si dhe sfidat e stafit shëndetësor gjatë pandemisë COVID-19.

Punimet që janë dorëzuar dhe prezantuar në konferencën e kësaj fushe janë:

Sesioni i parë

Kryesuesi: Naser Rugova

Bashkëkryesuesi: Shqipe Agushi

  • “Incidenca e paraqitjes së hepatitit A në Spitalin Rajonal të Pejës gjatë viteve 2019-2020”, Afrim Zeqiraj, Melisa Zogaj & Zafer Gashi.
  • “Potenciali i rrezatimit elektromagnetik në ambientin jetësor dhe rreziqet e mundshme për botën e gjallë dhe shëndetin e njeriut – rast studimi në Republikën e Kosovës”, Lulzim Thaçi & Shpëtim Kastrati.
  • “Hulumtimi i afërsive gjenetike të fiseve shqiptare në Preshevë”, Naser Kamberi & Hyzer Rizani.
  • “Roli i Inhibitorëve të Pompës Protonike në trajtimin e ezofagut Barrett”, Zaim Gashi, Arjeta Gashi & Fadil Sherifi.
  • “Helicobacter pylori dhe trajtimi i tij”,Zaim Gashi.
  • “Një rast i encefalitit të antitrupave anti-VGKC”, Melihate Pushka & Arieta Hasani – Alidema.
  • “Shëndeti mendor tek pacientet me sëmundje kanceroze”,Gani Halilaj & Djellza Gajtani
  • “Rehabilitimi i skoliozës idiopatike tek adoleshentët me metodën schroth dhe terapi joga”, Ardiana Hajdari & Arsim Hajdari.

Sesioni dytë

Kryesuesi: Fitim Alidema

Bashkëkryesuesi: Albina Fejza

  • “Roli i institucioneve ligjzbatuese në monitorimin dhe  zbatimin e rregullatives ligjore në fushën e te dhënave dhe statistikave shëndetësore ne Kosove – studim rasti. Shëndeti mendor tek pacientet me sëmundje kanceroze”, Naser Rugova.
  • “Nishani hidatidiform metastatik në mushkëri dhe hemotoraks masiv: një raport rasti”, Shqiptar Demaçi, Lumturije Gashi – Luci,  Eliza Kastrati, Nazmi Kolgeci, Fisnik Kurshumliu & Sueda Latifi
  • “Sëmundja Creutzfeldt-Jakob – Raporti i rastit”, Arieta Hasani – Alidema, Melihate Pushka.
  • “Papa testi si metodë në parandalimin dhe diagnostikimin e patologjisë së qafës së mitrës në Rajonin e Prishtinës”, Hana Xhema-Bejiqi, Shqipe Agushi, Nafije Pajaziti & Blend Bejiqi.
  • “Ndikimi i faktorëve social dhe kulturor në sjelljen e rrezikshme të adoleshentëve në lidhje me pirjen e alkoolit”, Mirlinde Bilalli & Emire Bilalli.
  • “Anafilaksa nga qumështi i lopës tek foshnjat e ushqyer me gji”, Xhevat Kurhasani.
  • “Epidemiologjia e dhimbjes kronike në Kosovë dhe ndikimi i saj në shëndetin publik”, Fadil Kryeziu, Sejran Abdushi, Adem Bytyqi, Violeta Kryeziu & Agron Bytyqi.
  • “Incidenca e paraqitjes së hepatitit A në Spitalin Rajonal të Pejës gjatë viteve 2019-2020”, Afrim Zeqiraj, Zafer Gashi, Shkelzen Elezaj, Dafina Zeqiraj, Melisa Zogaj, Florjana Zogaj, Zenel Shatri & Agim Shabani.

Sesioni i tretë

Kryesuesi: Abdullah Gruda

Bashkëkryesuesi: Fellenza Spahiu

  • “Lirimi i kontraktures së rëndë pas djegies të gishtit tregues me rekonstruksion në dy faza”, Zejnë Buja, Ideal Krekaj, Korab Berisha & Besnik Deliu.
  • “Kujdesi infermieror të pacientet me hemodializë në  spitalin e përgjithëm të Pejës”, Trendelinë Pllana & Time Shabanaj.
  • “Efektet e terapisë së seksit në trajtimin e grave me vaginizëm dhe partnerët e tyre”, Hajrullah Fejza , Ejona Icka & Albina Fejza.
  • “Ca metasatike e gjenderres limfatike aksilare me etiologji primare nga Ca e gjirit me rezultat patohistologjik negativ në Ca të gjandrrës pas mastektomisë bilaterale”, Skender Dreshaj.
  • “Qëndrimet e infermierëve rreth kërkimit shkencor – Një rishikim sistematik”, Abdullah Gruda, Arlinda Demaj & Andrita Kurhasku.
  • “Diabeti Mellitus – Sfidë për infermierët e Kujdesit Parësor Shëndetësor në komunën e Kaçanikut”, Shqipe Agushi, Nafije Pajaziti & Fatbardha Hasaj.
  • “Kolla kronike e shoqëruar me hernie hiatale: dy raporte rastesh”, Skender Telaku, Edmond Islamaj & Mimoza Telaku.
  • “Teratoma cistike mature intramedulare e konus medullaris, një raport rasti dhe një përmbledhje e literaturës së një patologjie të rrallë”, Besnik Elshani, Valon Abdullahu & And Elshani.
  • “Ndikimi i kontrollit të frekuencës ndaj kontrollit të ritmit të zemrës në kualitetin e jetës së pacientëve me fibrilacion atrial”, Sejran Abdushi, Shpend Abdushi, Fadil U. Kryeziu & Gresa Begaj.

Sesioni i katërt

Kryesuesi: Sejran Abdushi

Bashkëkryesuesi: Fadil Kryeziu

  • “Variacioni i niveleve të PSA në serum te pacientët meshkuj të infektuar me COVID-19 me hiperplazi beninje të prostatës (BPH)”, Zafer Gashi, Afrim Zeqiraj, Shkelzen Elezaj & Fitore Gashi.
  • “Analizat biokimike, hematologjike dhe te koagulimit tek pacijente me sëmundje covid 19”, Zafer Gashi, Afrim Zeqiraj, Shkelzen Elezaj & Fitore Gashi.
  • “Incidenca e sëmundjeve orale me mikroorganizma që shkaktojnë sëmundje seksualisht të trasmetushm”, Zafer Gashi, Afrim Zeqiraj & Shkelzen Elezaj.
  • “Kujdesi infermieror te pacientët me kimioterapi”, Drita Berisha.
  • “Vetitë elektrokromike të filmave të hollë hekscianoferrate të nikelit të përgatitura me një metodë të thjeshtë depozitimi kimik”, I. Aliji, J. Velevska & M. Najdoski.
  • “Rëndësia e raportimit të hershëm – në rastet e dhunës seksuale”, Arsim Gerxhaliu, Bergita Curri & Arita Gerxhaliu – Rama.
  • “Sindroma Herlyn-Werner-Wunderlich: një raportim rasti”, Ilir Ahmetgjekaj, Arben Kutllovci & Edita Bajraktari.
  • “Veçoritë e përdorimit të antipsikotikëve në IPFK ne vitin 2021”,Gani Halilaj, Naim Fanaj, Fahri Drevinja & Ajet Bunjaku.
  • “Vlerësimi i njohurive të nënave rreth gjidhënies dhe rëndësia në shëndetin e të porsalindurve”, Drenushë Zuka & Ariana Zenuni.

Sesioni i pestë

Kryesuesi: Shqiptar Demaçi

Bashkëkryesuesi: Linda Carkaxhiu

  • “Roli i imazherisë në emergjencat neuroradiologjike”,Edita Bajraktari, Ilir Ahmetgjekaj & Fitim Alidema.
  • “Rëndësia e aplikimit të mjekësisë alternative në kohët postmoderne”,Diana Sejdiu Shala & Arlinda Bricori.
  • “Prezentimi i rasteve të reja me Diabet Melit te fëmijët dhe adoleshentet gjatë periudhës së pandemisë me Covid 19”,Vjosa Mulliqi Kotori, Elida Krasniqi, Afrim Kotori.
  • “Rrugëtimi i infermierëve gjatë pandemisë covid-19 në Prishtinë”, Njomza Shosholli Peja & Argjiro Alija.
  • “Një rishikim i procesit të zhvillimit të shërbimeve shëndetësore në Kosovë në të kaluarën”, Marigonë Rizani & Zekirja Shabani.
  • “Trajtimi i pacientëve me terapi parenteral/infuzion të infektuar me sars-cov-2 në kujdesin parësor shëndetësor”, Agim N. Krasniqi, Leonit Xh. Bytyqi.
  • “Telemjekësia në kujdesin parësor shëndetësor, sfidë apo zgjidhje e problemit të vizitave mjekësore, për klinikat e mjekësisë familjare në zonat rurale!”,Agim N. Krasniqi, Merita Shehu, Violeta Bunjaku, Genc Ymerhalili, Merita Bytyqi, Mirëjeta Cakoli-Bajqinca, Sahit Duriqi.
  • “Relacionet ndërmjet disa parametrave funksional dhe hematologjik të të rinjët e prishtinës dhe sharrit të moshes 16-17 vjeç”, Besir Shaqiri.
  • “Roli i infermierit në trajtim të pacientëve me ambliopi në Republikën e Kosovës”, Albana Hashani Berisha, Njomza Shosholli Peja dhe Blerina Isufi – Zejnullahu.

Related Topics:
Continue Reading

Rajoni

Profesori i UBT-së, Hazir S. Çadraku publikon punim shkencor në Springer për vlerësimin e cilësisë së ujit të Lumit Mirushë

Published

1 hour ago

on

June 19, 2026

By

Profesori i UBT-së, Hazir S. Çadraku dhe MSc. Agron Shala, Instituti Hidrometeorologjik i Kosovës kanë publikuar punimin shkencor me titull “NSF‐WQI Method for Water Assessment – Case Study: Mirushë River, Kosovo” në revistën ndërkombëtare Water Science, botim i Springer Nature.

Punimi aplikon metodën NSF-WQI për vlerësimin e cilësisë së ujërave sipërfaqësore në pellgun e Lumit Mirushë, bazuar në të dhëna të periudhës 2019–2023 nga dy stacione monitoruese në Bajë dhe Volljakë. Studimi analizon parametra kryesorë fiziko-kimikë si temperatura e ujit, turbullira, pH, oksigjeni i tretur dhe materiet e ngurta të tretshme, duke ofruar një vlerësim të detajuar të gjendjes mjedisore dhe ekosistemit ujor.

Rezultatet tregojnë se cilësia e ujit në Lumin Mirushë varion nga niveli mesatar në të mirë, me ndikime të ndjeshme nga faktorët sezonalë dhe aktivitetet njerëzore në pellg. Studimi thekson rëndësinë e monitorimit të vazhdueshëm dhe masave parandaluese për mbrojtjen e burimeve ujore dhe menaxhimin e qëndrueshëm të ekosistemeve.

Punimi përfaqëson një kontribut të rëndësishëm shkencor në përputhje me politikat evropiane të menaxhimit të ujërave dhe Objektivin e Zhvillimit të Qëndrueshëm 6 (Uji i pastër dhe kanalizimi), duke forcuar rëndësinë e menaxhimit të integruar të burimeve ujore në Kosovë.

Continue Reading

Rajoni

UBT merr pjesë në Forumin vjetor të Cambridge International Education në Tiranë

Published

17 hours ago

on

June 18, 2026

By

UBT mori pjesë në Forumin vjetor të organizuar nga Cambridge International Education në Tiranë, një ngjarje që bëri bashkë liderë të institucioneve arsimore nga Shqipëria, Kosova dhe Mali i Zi.

Delegacioni i UBT-së, i kryesuar nga Rektori Prof. Dr. Edmond Hajrizi, zhvilloi takime dhe diskutime me përfaqësues të Cambridge International Education dhe partnerë rajonalë, duke shkëmbyer përvoja dhe ide mbi zhvillimet më të reja në programet ndërkombëtare të arsimit.

Forumi shërbeu si një platformë e rëndësishme për forcimin e bashkëpunimit ndërinstitucional dhe avancimin e standardeve të arsimit ndërkombëtar. Një nga momentet kryesore të aktivitetit ishte prezantimi i zhvillimeve lidhur me njohjen e kualifikimit Cambridge A Levels, një hap i rëndësishëm për arsimin në rajon.

Pjesëmarrja e UBT-së në këtë forum konfirmon përkushtimin e institucionit për të qenë pjesë e rrjeteve më prestigjioze ndërkombëtare dhe për të sjellë mundësi të reja akademike për studentët dhe komunitetin arsimor.

Continue Reading

Lajmet

Profesioni më i kërkuar tani edhe në UBT: 93% e industrisë botërore konfirmon epokën e Fintech-ut

Published

18 hours ago

on

June 18, 2026

By

UBT ka sjellë zyrtarisht në Kosovë programin e ri të akredituar Fintech dhe Analitika e Biznesit, duke iu përgjigjur kështu drejtpërdrejt transformimit të plotë digjital që po kalojnë bankat, institucionet financiare dhe kompanitë teknologjike në mbarë botën.

Ky program unik bashkëvepron në një linjë me financat tradicionale me teknologjinë e avancuar, inteligjencën artificiale, analizën e të dhënave dhe sistemet moderne bankare, me synimin e qartë për të përgatitur profesionistët e rinj për tregun global të punës.

Përmes një kurrikule të pasur, studentët do të zhvillojnë kompetenca elitare në fusha kyçe si Digital Banking, Financial Technologies, Business e Data Analytics, Artificial Intelligence në financa, Blockchain, pagesa digjitale si dhe në menaxhimin e riskut financiar.

Kërkesa e jashtëzakonshme për ekspertë të Fintech-it nuk është thjesht një trend kalimtar, por një realitet i konfirmuar nga raportet më prestigjioze të industrisë globale, të cilat i renditin këta profesionistë në krye të listave për nga kërkesa dhe niveli i lartë i pagave në tregun ndërkombëtar.

Sipas të dhënave të fundit, plot 93% e kompanive Fintech të analizuara raportojnë se konceptet si bankimi i hapur (open banking) dhe financat e hapura (open finance) janë temat më relevante që po formësojnë dhe prekin të ardhmen e këtij sektori.

Ky revolucion ka krijuar një hapësirë të re mundësish për inovacion dhe zgjerim të tregut, ku madje 67% e këtyre kompanive deklarojnë se kanë përfituar direkt nga zbatimi i këtyre kornizave moderne, me një interes jashtëzakonisht të lartë të shprehur në rajonet në zhvillim si MENA, LAC dhe SSA.

Duke u bazuar në këto dinamika globale, UBT synon që përmes këtij programi të ndërtojë gjeneratën e re të liderëve të transformimit digjital në sektorin financiar. Ky mision jetësohet përmes ekosistemit unik që ofron UBT, duke përfshirë laboratorët e teknologjisë së fundit, partneritetet e fuqishme ndërkombëtare dhe një bashkëpunim të vazhdueshëm e strategjik me industrinë, duke u garantuar studentëve një pasaportë të sigurt drejt një karriere të suksesshme dhe elite. /E.A/

Aplikimet e hershme kanë filluar, këtu gjeni link-un për aplikim.

 

Continue Reading

Lajmet

UBT mirëpret partnerët ndërkombëtarë të projektit STM-Tourism për zhvillimin e turizmit të qëndrueshëm dhe sipërmarrjes

Published

19 hours ago

on

June 18, 2026

By

Parku Shkencor, Inovativ dhe Teknologjik i UBT-së mirëpriti partnerë akademikë, përfaqësues institucionesh, organizata të sektorit të turizmit dhe ekspertë ndërkombëtarë në kuadër të takimit ndërkombëtar të projektit STM-Tourism – Sustainable Tourism Mastery for VET and Entrepreneurship, një iniciativë që synon zhvillimin e aftësive profesionale dhe promovimin e turizmit të qëndrueshëm në Ballkanin Perëndimor.

Në këtë takim u diskutua mbi trendet më të reja në turizmin e qëndrueshëm, kompetencat e nevojshme për tregun e punës, transformimin digjital të sektorit dhe rolin e arsimit në përgatitjen e profesionistëve të së ardhmes.

Gjatë sesionit të hapur me palët e interesit, pjesëmarrësit trajtuan nevojat e sektorit të turizmit në rajon, analizën e boshllëqeve në aftësi profesionale, si dhe mundësitë për ndërtimin e programeve moderne që kombinojnë inovacionin, sipërmarrjen dhe qëndrueshmërinë.

Në këtë kontekst, UBT prezantoi përvojën në zhvillimin e arsimit në fushën e turizmit, duke qenë themelues i programeve të specializuara në këtë sektor dhe që vazhdon të integrojë praktikat më të avancuara evropiane në kurrikulat e tij.

Përmes bashkëpunimeve me universitete dhe institucione ndërkombëtare, përfshirë partnerë nga Austria dhe vende të tjera evropiane me traditë të zhvilluar turistike, UBT po krijon mundësi të reja për studentët që të përfitojnë njohuri dhe përvoja të harmonizuara me standardet ndërkombëtare.

Në kuadër të projektit STM-Tourism, UBT udhëheq aktivitete të rëndësishme që lidhen me identifikimin e praktikave më të mira ndërkombëtare dhe zhvillimin e kornizave moderne të kurrikulave, duke kontribuar drejtpërdrejt në përgatitjen e një gjenerate të re profesionistësh të aftë për t’iu përgjigjur sfidave të industrisë së turizmit.

Takimi shërbeu gjithashtu si platformë për shkëmbimin e përvojave ndërmjet universiteteve, odave ekonomike, organizatave të punësimit dhe institucioneve publike, me synimin e krijimit të një ekosistemi më të fuqishëm për zhvillimin e turizmit të qëndrueshëm dhe sipërmarrjes në rajon.

Përmes projekteve të tilla ndërkombëtare, UBT vazhdon të forcojë rolin si lider në arsimin e lartë, inovacionin dhe zhvillimin e programeve që ndërlidhin akademinë me nevojat reale të tregut të punës, duke kontribuar në avancimin e sektorëve strategjikë për zhvillimin ekonomik dhe shoqëror të vendit.

Continue Reading

Të kërkuara