Lajmet

Mbrojtja kundërshton masën e paraburgimit prej 30 ditësh për të dyshuarit për subvencione

Published

6 years ago

on

Ka përfunduar seanca gjyqësore ndaj 11 personave të arrestuar për rastin “Subvencioni 2021”. Pala mbrojtëse e ka kundërshtuar kërkesën e prokurorisë për masën e paraburgimit prej 30 ditësh.

Avokati mbrojtës i B.K, Behar Ejupi tha se mbrojtja e ka kundërshtuar masën e paraburgimit duke i dhënë arsyet. Në të njëjtën kohë, deklaroi se kanë propozuar që e vetmja masë për të dyshuarit te jetë ajo e paraqitjes në stacion policor.

“Tani sa përfundoi seanca dëgjimore lidhur me kërkesën e prokurorisë për caktimin e paraburgimit edhe për klientin tim. Prokuroria pretendon se klienti im ka kryer dy vepra penale ‘dhënie e ryshfetit’ dhe ‘keqpërdorim i detyrë zyrtare’. Konsideron se ka prova të mjaftueshme. Mbrojtja e ka kundërshtuar pasi i njëjti nuk punon në pozitë e që ka kryer veprën penale ‘keqpërdorim i detyrës zyrtare’ ne i kemi dhënë arsye qe mos t’i caktohet masa e paraburgimit. Ne do të presim me kohë, besoj dhe shpresoj se nuk janë plotësuar kushtet që të caktohet kjo masë, duke marrë parasysh që ligjvënësi ka paraparë edhe masa më të buta konform dispozitave ligjore. Ne kemi bërë propozimin që eventualisht nëse gjykata mund të caktojë ndonjë masë lidhur me sigurinë e të pandehurit, në këtë fazë të procedurës mund të jetë paraqitja në stacion policor”, tha ai .

Ejupi tha se klienti i tij është i përfshirë bashkë më vëllain e tij që ka përfituar një subvencion, por që sipas të njëjtit, ajo është marrë sipas ligjit.

“Është me vëllain e tij së bashku dhe të dy dyshohen se kanë dhënë ryshfet lidhur me subvencionet, mirëpo i njëjti ka pranuar një subvencion i cili konsiderohet se është marrë konform normativave në fuqi dhe nuk ka të bëjë asgjë me dhënie të ryshfetit, por aq më pak për veprën penale keqpërdorim i detyrës zyrtare”, tha avokati mbrojtës i B.K.

Kurse, avokati mbrojtës i pandehurit, L.S, Naim Rudari tha se klienti i tij akuzohet për marrje ryshfeti dhe keqpërdorim të detyrës zyrtare. Ai tha se e kanë kundërshtuar masën e paraburgimit prej 30 ditësh të kërkuar nga Prokuroria Themelore në Prishtinë.

“Prokuroria ka paraqitur pikëpamjet e saj, ndërsa ne e kemi kundërshtuar që të gjithë masën e paraburgimit dhe tani pritet vendimi i gjykatës se si do të veprojë lidhur me kërkesën”, tha ai.

Kurse, avokati Arianit Koci, i cili mbron njërin nga të pandehurit nuk ka dashur të flasë për rastin duke thënë se prokuroria nuk iu ka ofruar prova, ndërsa dokumente dhe përgjimet po rrjedhin nëpër medie.

“Prokuroria po e shkel parimin e barazisë për shkak se neve nuk na ka dhënë asnjë provë, ndërsa dokumentet, përgjimet po rrjedhin në media, prandaj unë nuk mund të deklarohem për këtë çështje”, tha ai.

Të mërkurën për dyshimet për marrie ryshfeti lidhur me subvencionet në bujqësi janë arrestuar 11 persona, ndërsa edhe gjatë së enjtes janë arrestuar edhe nëntë persona të tjerë.

Nga bastisja e realizuar më 24 shkurt 2021, në komunën e Prishtinës, Podujevës, Gjilanit, Istogut e Lipjanit, me aktvendim të Prokurorit të Shtetit, janë ndaluar personat me inicialet S.Sh., L.S., S.S., H.M., B.N., K.Z., A.U., D.A., P.K., Sh.K., K.B-S., ndërsa personi me inicialet A.N., vetëm është shoqëruar në stacionin policor dhe i njëjti është liruar në procedurë të rregullt.

Related Topics:
Continue Reading

Vendi

Tensione te Kuvendi për ndryshimet në ligjin për Specialen

Published

10 hours ago

on

October 5, 2026

By

Situata rreth Kuvendit të Kosovës është tensionuar mbrëmjen e sotme, ku janë parë forca të shumta policore të dislokuara në hyrje-daljet e oborrit të ndërtesës. Ndërhyrja e policisë erdhi pasi protestuesit tentuan të bllokojnë rrugëkalimet për të parandaluar largimin e deputetëve nga objekti.

Kërkesa kryesore e protestuesve është miratimi i plotë në lexim të dytë i ndryshimeve ligjore për Gjykatën Speciale, proces ky që aktualisht mbetet në pikëpyetje.

Për të menaxhuar situatën dhe për të shmangur përshkallëzimin e mëtejshëm, në perimetrin e Kuvendit janë zhvendosur edhe njësite speciale policore për kontrollin e turmave. Ndërtesa vazhdon të mbetet nën monitorim të rreptë sigurie. /E.A/

Continue Reading

Aktualitet

Përfundon takimi mes Kurtit dhe Hamzës

Published

11 hours ago

on

October 5, 2026

By

Ka përfunduar takimi mes kryeministrit Albin Kurti dhe kryetarit të Partisë Demokratike të Kosovës, Bedri Hamza.

Siç bëhet e ditur pas takimit është parë të mblidhet grupi parlamentar i PDK-së.

Ende nuk ka deklarime për media.

Continue Reading

Vendi

United Hospital pasuron ekipin mjekësor me ortopedin dhe traumatologun Dr. Arzen Balidemaj

Published

11 hours ago

on

October 5, 2026

By

United Hospital ka mirëpritur në ekipin e saj mjekësor Dr. Arzen Balidemaj, specialist i Ortopedisë dhe Traumatologjisë, duke zgjeruar kështu gamën e shërbimeve profesionale për trajtimin e sëmundjeve dhe dëmtimeve të sistemit muskuloskeletal. Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Dr. Balidemaj sjell në United Hospital përvojën dhe njohuritë e fituara në fushën e ortopedisë, si dhe standarde të trajtimit të bazuara në praktikat evropiane.

Sipas njoftimit të spitalit, ai është i certifikuar nga AGA dhe EndoCert në Gjermani.

United Hospital fuqizon mjekësinë moderne me ekspertë të njohur dhe profesionistë të rinj

United Hospital po vazhdon të ndërtojë një standard të ri në shërbimet shëndetësore në Kosovë, duke zgjeruar vazhdimisht ekipin me mjekë të dëshmuar, kuadro me renome dhe profesionistë të fushave të ndryshme të mjekësisë.

Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Në këtë rrugëtim të zhvillimit dhe inovacionit, United Hospital po e pasuron ekipin e vet edhe me emra të rinj të mjekësisë, të cilët me profesionalizmin, përkushtimin dhe përvojën e tyre po sjellin energji të re dhe po kontribuojnë në ngritjen e cilësisë së kujdesit shëndetësor.

Një nga këta profesionistë është edhe Dr. Arzen Balidemaj, specialist i Ortopedisë dhe Traumatologjisë, i cili tashmë i është bashkuar ekipit të United Hospital. Me përvojën e tij dhe kualifikimet profesionale, ai sjell ekspertizë të avancuar në trajtimin e sëmundjeve dhe dëmtimeve të nyjeve, ortopedisë sportive dhe traumatologjisë.

Ky është vizioni i United Hospital: të sjellë ekspertizën te pacienti, të hapë rrugë për risi në mjekësi dhe të ndërtojë një ekip ku profesionalizmi, teknologjia dhe përkushtimi ndaj pacientit bashkohen në një standard të ri të kujdesit shëndetësor.

Fokusi i tij profesional përfshin trajtimin e problemeve të nyjeve, dëmtimeve sportive dhe rasteve traumatologjike, ndërsa ndër shërbimet që do të ofrojë janë:

Endoprotetika e nyjeve të mëdha, përfshirë shpatullën, gjurin dhe kërdhokullën;

Kirurgjia artroskopike dhe minimalisht invazive;

Ortopedia sportive dhe trajtimet për ruajtjen e nyjeve;

Ndërhyrjet kirurgjikale në shpatull, kërdhokull, gju, dorë, bërryl dhe shputë.

Me angazhimin e Dr. Balidemajt, United Hospital synon të vazhdojë zgjerimin e shërbimeve të specializuara dhe t’u ofrojë pacientëve qasje në trajtime bashkëkohore në fushën e ortopedisë dhe traumatologjisë.

Për të caktuar një vizitë:
📞 046 60 70 70
📍 M2 Prishtinë–Ferizaj, Km 7, Prishtinë, Kosovë

United Hospital – kujdes i specializuar për shëndetin e nyjeve dhe sistemit muskuloskeletal./rajonipress/

Continue Reading

Lajmet

Kurti dhe Hamza takohen në Kuvend

Published

12 hours ago

on

October 5, 2026

By

Ka filluar takimi mes kryetarit të Lëvizjes Vetëvendosje, Albin Kurti, dhe kryetarit të PDK-së, Bedri Hamza, raporton Ekonomia Online.

Takimi mes dy liderëve politikë po zhvillohet në objektin e Kuvendit të Kosovës.

Takimi vjen në një kohë kur në Kuvend po zhvillohen diskutime për çështje të rëndësishme politike dhe institucionale./EO/A.K/

 

Continue Reading

Të kërkuara