Lajmet

Mbi 70 shkolla kalojnë në mësim online

Kryetari i AKK-së, Sazan Ibrahimi tha se situata është duke u përkeqësuar.

Published

on

Asociacioni i Komunave të Kosovës po mban takimin me drejtorët komunalë të arsimit, për të diskutuar për situatën me pandeminë në shkolla. Numri i madh i mësimdhënësve të infektuar dhe zëvendësimi tyre është një nga sfidat në nivel vendi. Kryetari i AKK-së, Sazan Ibrahimi tha se situata është duke u përkeqësuar.

“Mbi 70 shkolla janë duke vijuar mësimin ‘online’. Situata është duke u përkeqësuar. Të kemi rekomandime për tejkalimin e mundshëm. Në vendet urbane dallon shumë me ato rurale. Reforma në arsim duhet të fillojë nga komunat. Do të kemi një takim me Ministrinë e Arsimit për reformat në arsim”, ka thënë ai.

Drejtori i Arsimit në Fushë Kosovë, Samir Shahini tha se tri shkolla në këtë komunë kanë kaluar në mësim ‘online’. Përveç kësaj sfide, ai u shpreh se kanë një numër të madh të mësimdhënësve të cilët janë jashtë listës së pagave.

“Mbi 250 nxënës aktualisht janë të infektuar dhe mbi 20 mësimdhënës të infektuar në nivel komune. Kemi numër të madh të mësimdhënësve që janë jashtë listës së pagave. 53 mësimdhënës janë jashtë listës së pagave”, tha ai.

Drejtoresha e Arsimit në komunën e Vitisë, Fatbardha Emini u shpreh se deri më tani janë testuar mbi 1500 nxënës. Sipas saj, më mirë do të ishte të zëvendësohet pushimi pranveror.

“Virusi është i pranishëm sidomos në lokalitete ku ka numër më të madh të nxënësve. Tani më procedurat e rekrutimit të mësimdhënësve zhvillohet me Ligjin për Zyrtarët Publik që minimumi i konkursit publik është 45 ditë. Duhet me qenë të koordinuar që të paktën procedurat e rekrutimit me qenë të njëjtat në të gjitha komunat. Sepse diku është konkursi gjashtë ditë, diku 45 ditë. Të zvogëlohet afati i rekrutimit kur ka raste të sëmundjeve”, tha ajo.

Edhe drejtori i Arsimit në Ferizaj, Afrim Llabjani tha se në këtë komunë çdo ditë e më shumë po përkeqësohet situata me pandeminë.

“Momentalisht 98 mësimdhënës i kemi të infektuar, 437 nxënës, 11 personel tjetër dhe për momentin nëntë shkolla i kemi në mësim ‘online’. Dilemat janë se a të kalojmë në mësim ‘online’ dhe është një situatë se duhet të dimë në fund se çfarë do të bëjmë. Në Ferizaj çdo ditë me keq po shkojmë, ta shohim sot dhe nesër si po veprojmë”, tha ai.

Aktualitet

Vazhdojnë kërkimet për 33-vjeçarin që dyshohet se u mbyt në Ujman

Published

on

Operacioni i kërkimit për mërgimtarin që ra të dielën në Liqenin e Ujmanit po vazhdon ende. Që të dielën pasdite thuhet se ai u hodh në liqenin e Ujmanit, dhe nuk u pa më në sipërfaqe. Policia dhe ekipet e kërkim-shpëtimit janë angazhuar për ta gjetur 33 vjeçarin, por deri më tani nuk ka asnjë gjurmë.

Shoqata e Kosovës për Kërkim dhe Shpëtim ka thënë mbrëmë se operacioni i kërkimit duke vazhduar dhe se çdo informacion zyrtar do të bëhet publik vetëm nga institucionet kompetente dhe ekipet e përfshira në terren.

“Shoqata e Kosovës për Kërkim dhe Shpëtim njofton opinionin publik se informacionet që po qarkullojnë në rrjete sociale lidhur me lokalizimin e trupit të personit të mbytur në Ujman janë të pabazuara dhe pa fakte.

Kërkimet ende janë në vazhdim dhe çdo informacion zyrtar do të publikohet vetëm nga institucionet përkatëse dhe nga ekipet e angazhuara në terren. Lusim qytetarët dhe mediat që të mos shpërndajnë lajme të pavërteta që vetëm sa krijojnë konfuzion dhe pengojnë operacionet e kërkim-shpëtimit”, thuhet në njoftim.

Policia ka njoftuar për rastin edhe në raportin 24 orësh.

 

Continue Reading

Lajmet

​Drita përballet Copenhagenit në stadiumin “Fadil Vokrri”

Published

on

Stadiumi “Fadil Vokrri” do të jetë sonte skenë e një ndeshjeje të zjarrtë në kuadër të rrethit të dytë kualifikues të Ligës së Kampionëve, ku Drita do të përballet me skuadrën daneze Copenhagen, në ndeshjen e kthimit që nis në orën 20:00.

Takimi i parë i zhvilluar në Danimarkë përfundoi me fitoren 2-0 të vendasve, duke vendosur Dritën në një pozitë jo të lehtë. Megjithatë, skuadra gjilanase është e vendosur të japë gjithçka në fushë për të realizuar një përmbysje të madhe dhe për të vazhduar ëndrrën evropiane.

Përkrahja e tifozëve pritet të jetë e madhe në “Fadil Vokrri”, ku atmosfera do të jetë elektrizuese në përkrahje të bardhekaltërve.

Në lojë është më shumë se një kualifikim, është krenaria, historia dhe dëshira për ta çuar më tej emrin e Kosovës në arenën ndërkombëtare të futbollit.

Continue Reading

Aktualitet

112 vjet nga Konferenca e Londrës

Published

on

Janë bërë 112 vjet që kur përfundoi punimet Konferenca e Londrës, në të cilën u vendos përgjysmimi i trojeve shqiptare dhe fati i saj. Pas shumë diskutimesh, më 29 korrik 1913, ambasadorët morën një vendim formal për të njohur Principatën e Shqipërisë si shtet sovran të pavarur nga Perandoria Osmane, duke e copëtuar edhe njëherë dhe duke marrë dy të tretat e trojeve shqiptare.

Nga kjo konferencë Shqipëria doli e përgjysmuar në kufijtë e saj. Konferenca u diktua prej shpërthimit të Luftës së Parë Ballkanike ku morën pjesë fuqitë e mëdha të Evropës, përfaqësuesi i Perandorisë Otomane dhe përfaqësues të fuqive ballkanike, me përjashtim të Shqipërisë (që nuk njihej) dhe Greqisë.

Nga kjo konferencë doli Traktati i Londrës, mbi ndarjen e territoreve që dolën jashtë Perandorisë Otomane prej fuqive të mëdha dhe aleatëve të tyre, por mbeti i fshehtë deri në Konferencën e Versajës (1918).

Të gjitha fuqitë e mëdha paraqitën versionin e tyre të hartës së Shqipërisë, por harta më e favorshme për shqiptarët ishte ajo e propozuar nga Austro-Hungaria.

Pas shumë diskutimesh, më 29 korrik 1913, ambasadorët morën një vendim formal për të njohur Principatën e Shqipërisë si shtet sovran të pavarur nga Perandoria Osmane, duke e copëtuar edhe njëherë dhe duke marrë dy të tretat e trojeve shqiptare.

Harta me propozimet e Qeverisë së përkohshme të Vlorës për hartën e Shqipërisë, propozimet e Francës, Rusisë dhe ligës së Ballkanit ( Serbia, Bullgaria dhe Greqia) si dhe kufijtë e tanishëm të propozuar dhe miratuar nga konferenca e Londrës  që tani quhet Shqipëri.

Konferenca e Ambasadorëve filloi punimet në dhjetor 1912, duke vazhduar deri më 29 korrik 1913.

Continue Reading

Kulturë

​Sopranoja me famë botërore Marigona Qerkezi performon në kryeqytet

Published

on

Në ambientet e Bibliotekës Kombëtare në Prishtinë vazhdoi festivali ndërkombëtar i operës Rame Lahaj, ku nën tingujt e pianistes amerikane Jess Rucinski, sopranoja me famë botërore Marigona Qerkezi performoi vepra nga kompozitorë të mëdhenj.

Veprat ishin nga kompozitorë si Vincenzo Bellini, Giacomo Puccini dhe Giuseppe Verdi, por edhe kompozitorë shqiptarë si Prenk Jakova.

Festivali Ndërkombëtar i Operës Rame Lahaj, do të vijojë më 29 korrik tek Universiteti i Arteve në Prishtinë, 30 korrik te hapësira e jashtme e Bibliotekës Kombëtare në Prishtinë.

Eventi kryesor Gala Night “Rame Lahaj & Friends” mbahet në sheshin “Skënderbeu” në Prishtinë, më datë 2 gusht 2025.

Continue Reading

Të kërkuara