

Lajmet
Mbërthimi i traditës dhe inovacionit: Shkolla fillore e UBT-së si model i ri i arsimit
Me një vizion të qartë për arsimin e ardhshëm, përkufizohen standardet e një shkolle të re, duke e kombinuar me të mirat e shkollave më prestigjioze të Evropës dhe Amerikës.
Published
1 year agoon
By
Betim GashiPërparim dhe inovacion, shkolla fillore e Universitetit për Teknologji dhe Biznes është gati për të shkëlqyer në epokën e teknologjisë së avancuar. Në kohën e një revolucioni arsimor, në këtë shkollë fillore tradita takon inovacionin dhe teknologjinë e fundit dhe bëhet pjesë e mësimdhënies së kësaj shkolle.
Me një vizion të qartë për arsimin e ardhshëm, përkufizohen standardet e një shkolle të re, duke e kombinuar me të mirat e shkollave më prestigjioze të Evropës dhe Amerikës. Cilësia evropiane dhe shkëlqimi amerikan janë gërshetuar në formimin e kësaj shkolle, duke krijuar një ambient tërheqës dhe frymëzues për nxënësit.
Në këtë mjedis, nxënësit janë të ftuar të eksplorojnë, të ndërveprojnë dhe të krijojnë përmes platformave të avancuara dhe aplikimeve inovative. Nëpërmjet një përqasje gjithëpërfshirëse dhe multidisiplinare, nxiten kreativiteti dhe aftësitë e nxënësve.
Këtu në Shkollën Fillore të UBT-së, arsimi është më shumë se thjesht një proces, është një aventurë e përbashkët, një rrugë që shndërrohet në një histori të mrekullueshme të suksesit dhe arritjeve personale të nxënësve.
“Shkolla Fillore e UBT-së është pjesë e rëndësishme e shkollave të arsimit parauniversitar të UBT-së, përkatësisht është një nga hallkat e rëndësishme të ekosistemit të UBT-së, veprimtaria e së cilës zhillohet në Parkun Shkencorë Inovativ, në Qytetin e Mençur në Lipjan”, deklaroi drejtoresha e shkollës, Hajrije Devetaku.
Në një epokë ku teknologjia ka ndikim të madh në të gjitha sferat e jetës, shkolla fillore e UBT-së po bën ndryshime të thella në mënyrën se si përgatisin brezat e ardhshëm. Një qëllim i qartë zhvillimor, një infrastrukturë shkollore e përsosur dhe një kuadër profesional i dedikuar, janë disa nga elementët kryesorë që e bëjnë këtë shkollë të shkëlqejë ndryshe.
“Shkolla Fillore e UBT-së është shkolla e parë që implementon tërësisht sistemin e edukimin bazuar në STEM, Inovacion dhe Ekselencë, kjo falë objektivave të qarta zhvillimore të institucionit, infrastrukturës shkollore dhe kuadrit profesional”, deklaroi Devetaku.
Në shkollën fillore të UBT-së, përvoja arsimore është një udhëtim që i frymëzon dhe i nxit nxënësit për të arritur më tepër sesa të imagjinuarin. Në këtë shkollë të përparuar, mundësitë për zhvillim profesional janë të pakufishme, duke i hapur dyert për të kultivuar talente në disiplina të ndryshme
Në bisedë e sipër me nxënësit, mësuam se shkolla u ofron një mjedis që të gjithë trajtohen njësoj.
“Shkolla e UBT-së është shkollë me standarde të larta, pavarësisht statusit ekonomik të nxënësve të gjithë trajtohen njëjtë, nxënësi gjithmonë është në plan të parë dhe përkushtimi i arsimtarëve ndaj nxënësve është shumë i madh”, deklaroi nxënësja Nina Kuçani.
“Shkolla e UBT-së është shkollë shumë e avancuar në aspekte të shumta, kjo shkollë më ka ofruar shumë mundësi dhe shumë kushte në aspektin e zhvillimit profesional”, deklaroi nxënësja Ermirë Sejdiu.
“Shkolla e UBT-së ka qenë shkolla e parë që ka hapur dyert që unë ta zhvilloj talentin tim në muzikë”, deklaroi nxënësja Greta Hoxha.
Shkolla fillore e UBT-së ka një infrastrukturë të avancuar dhe hapësira ku nxënësit mund të zhvillojnë aktivitetet e tyre në mënyra të ndryshme dhe inovative. Në dispozicion të tyre janë laboratorë të teknologjisë të pajisur me pajisje moderne dhe teknologji të fundit, ku ata mund të eksperimentojnë dhe të zhvillojnë projekte në fusha të ndryshme të teknologjisë.
Përveç kësaj, klaset janë të pajisura me laptopë dhe pajisje të nevojshme teknologjike, duke e bërë mësimin të përshtatshëm dhe të avancuar nëpërmjet përdorimit të mjeteve digjitale.
“Në këtë orë mësimore ose më saktësisht këtë njësi mësimore do ta zhvillojmë përmes platformës EON XR që është platforma më e re e teknologjisë dhe është një platform shumë e mirë dhe bashkëpunuese me nxënësit dhe ofron një mundësi shumë të mirë për ta zhvilluar temën mësimore dhe për të parë gjërat nga afër. Sot temë diskutimi është Smartphone, ku flitet në detaje për pjesët e telefonit, mbështjellësin, pjesët e brendshme që nuk shihen, për cka I përdorim, cfarë aplikacione ka, mund të shohim edhe me video evoluimin e telefonit ndër vitesh prej kohës kur ka qenë me antenë e deri tash”, deklaroi profesoresha e TIK-ut, Arbnora Musliu.
Përvojat e nxënësve të shkollës fillore të UBT-së tregojnë se kanë mundësinë të eksplorojnë dhe të zhvillojnë aftësitë e tyre në programim. Në këtë mjedis të përgjithshëm të promovuar për teknologjinë, nxënësit kanë arritur të eksplorojnë dhe të mësojnë gjuhë programimi.
“Në shkollën tonë kam arritur të mësojë programim si Python, JavaScript dhe Microbit”, deklaroi nxënësja Noa Shabani.
Në një botë ku teknologjia po ndryshon shpejtësisht mënyrën si mësojmë dhe zhvillohemi, nuk ka më vend për metoda të vjetra dhe statike të mësimit. Është koha për inovacion dhe për të përshpejtuar procesin e arsimit. Në këtë kontekst, Clasa 3.0 në UBT shkëlqen si një pararendëse e arsimit të ardhshëm.
Duke e lehtësuar procesin mësimor dhe duke e fuqizuar nxënësin, Clasa 3.0 po bën një dallim të vërtetë në botën e arsimit. Aty theksohet rëndësia e kësaj përpjekjeje, duke e shndërruar atë në një udhërrëfyes për arsimin e ardhshëm.
“Me qëllim të lehtësimit të procesit mësimor, promovimit dhe fuqizimit të inovacionit dhe në interes të zhvillimit të qëndrueshëm të nxënësve Clasa 3.0 në UBT, është pjesë e rëndësishme e të gjitha proceseve mësimore në shkollë, përmes së cilës gërshëtohen praktikat më inovative të realitetit virtual dhe realitetit të shtuar virtual”, deklaroi drejtoresha e shkollës, Hajrije Devetaku.
Kjo qendër e mësimit u ka krijuar nxënësve një hapësirë ku teoria bëhet realitet. Laboratori i Fizikës është një prej burimeve më të rëndësishme për këtë përvojë të shkëlqyer të mësimit. Në këtë laborator të avancuar, teoria bëhet e gjallë dhe shfaqet përpara syve tanë në formë praktike.
“Në laboratorin e fizikës ku puna teorike mund të pasqyrohet në pjesën praktike, këtu kemi të pasqyruara disa elemente të cilat shërbejnë për pjesën e praktikës, si shmbull reostatin, magnetin, pirunin akustik, gjilpërën magnetike, qarqe të ndryshme elektrike, lavjerrësin matematik, ku cdo fenomen që e kemi në pjesën teorike ne mund ta praktikojmë këtu në shkollat e UBT-së, më konkretisht në laboratorin e fizikës. Mjetet që i posedojmë në këtë laborator të fizikës janë mjetet më moderne që ekzistojnë në tregun tonë që domethënë cdo gjë që mund të pasqyrohet kështu është një gjë e mirë për arsye se pjesa teorike mund të praktikohet në mënyrën më të mirë të mundshme”, deklaroi profesori i Fizikës, Visar Sutaj.
Ambienti i kwsaj shkolle ofron një gamë të gjerë burimesh që ndihmojnë në zhvillimin individual dhe në përkushtimin për të arritur suksesin, laboratorë për gjitha drejtimet, punëtori të ndryshme, klasë të pajisura me teknikë dhe teknologji, biblioteka e pasur qw shfrytëzohet si qendër e leximit, ku nxënësit gjejnë jo vetëm libra për të zgjeruar njohuritë e tyre, por edhe një ambient të frytshëm për të studiuar, punuar me grup dhe ndjekur pasionet e tyre.
Pastaj, salla e muzikës, një vend ku tingujt dhe meloditë përhapin frymën e tyre magjike. Nxënësit përdorin këtë hapësirë për të eksperimentuar me instrumentet, për të krijuar muzikë të tyre origjinale dhe për të përcjellë emocionet e tyre përmes artit të tingullit.
Por çfarë është më e rëndësishme, në të gjitha këto ambiente, janë nxënësit që dalin në pah. Ata janë burimi i çmuar. Janë ata që shfrytëzojnë këto burime në mënyra të paparashikueshme dhe të frymëzueshme./UBTNews/
Realizoi: Dionesa Ebibi
Aktualitet
Regjistrohu tani në Gjuha Angleze në UBT dhe përfito bursë 20%
Published
9 hours agoon
August 29, 2025By
Driton Iseni
UBT njofton se kanë mbetur edhe pak vende të lira për regjistrim në programin Bachelor Gjuha Angleze, një drejtim studimor që hap mundësi të shumta karriere në arsim, përkthim, diplomaci, media dhe organizata ndërkombëtare.
Përmes këtij programi, studentët përgatiten jo vetëm në aspektin gjuhësor dhe kulturor, por edhe në atë profesional, duke u bërë të aftë të kontribuojnë në tregun vendor dhe global.
UBT ofron bursë prej 20% për të gjithë ata që regjistrohen në këtë program, duke i dhënë mundësinë studentëve të sigurojnë arsimim cilësor dhe të përballueshëm financiarisht.
Studentët e interesuar mund të aplikojnë online përmes platformës: APLIKO TANI ONLINE!
Aktualitet
Në zyrën e Ivica Daçiqit mbërrin një zarf me tre plumba
Published
10 hours agoon
August 29, 2025By
UBT News
Në Qeverinë e Serbisë ka mbërritur një zarf i adresuar për ministrin e Brendshëm, Ivica Daçiq, brenda të cilit janë gjetur tre plumba, njoftoi më 29 gusht Ministria e Punëve të Brendshme (MUP).
Sipas njoftimit, zarfi është vërejtur të enjten gjatë procesit të rregullt të ndarjes së postës.
“Gjatë kontrollit të sigurisë me pajisje me rreze X, në zarf u gjetën tre plumba”, thuhet në komunikatën e MUP-it.
Autoritetet shtuan se policia ka identifikuar dhe gjetur personin që më 26 gusht kishte dorëzuar dërgesën në një degë të Postës së Serbisë në Pozharevc.
Nuk është bërë i ditur identiteti i të dyshuarit.
Aktualitet
U përurua çerdhja e re për 60 fëmijë në Fushë Kosovë
Published
10 hours agoon
August 29, 2025By
UBT News
Në Fushë Kosovë u përurua një çerdhe e fëmijëve në Fushë Kosovë, investim ky i Ministrisë së Arsimit , në vlerë prej rreth 415 mijë euro.
Kjo çerdhe për 60 fëmijë me një hapësirë prej 750 m² u tha është e pajisur me të gjitha mjetet e nevojshme për kujdesin dhe zhvillimin e fëmijëve tanë të gjithë hapësirat në këtë çerdhe të re.
Kryeministri në detyrë, Albin Kurti, tha se vetëm gjatë këtij mandati qeverisës në komunën e Fushë Kosovës, në fushën e arsimit janë bërë investime kapitale me vlerë prej 5.6 milionë euro, duke shtuar se treguan kështu përkushtimin për gjeneratat e reja, të cilat duhet të kenë arsim cilësor dhe mirëqenie të garantuar.
“Të investosh në çerdhe për fëmijë dhe edukim të hershëm, do të thotë të investosh në të ardhmen e shtetit. Pikërisht në vitet e para të jetës aty ku hidhen themelet për zhvillimin, lumturinë dhe suksesin e fëmijëve të Kosovës, nesër profesionistë e kuadro, që do të udhëheqin institucionet, ekonominë, shoqërinë, politikën e kështu me radhë”, tha Kurti.
Në përurim mori pjesë edhe ministrja në detyrë e Arsimit, Arbërie Nagavci.
Kurti njoftoi se për ndërtimin edhe të një çerdhe tjetër publike, me vlerë mbi 1.2 milionë euro, po në Fushë Kosovë.
Pas përurimit të Çerdhes së fëmijëvë, kryeministri në detyrë Kurti vizitën e tij e vazhdoi me vënien e gurthemelit të Shkollës Fillore dhe të Mesme të Ulët, po ashtu në Fushë Kosovë, investim i Ministrisë së Arsimit, me një sipërfaqe prej 8,000 metra katror, për 1500 nxënës, me vlerë të investimit prej 3.8 milionë euro.
Aktualitet
Kurti për akuzat ndaj UÇK-së: Manipulohet një kapitull për të cilin Basha s’ka faj
Published
10 hours agoon
August 29, 2025By
UBT News
Kryeministri në detyrë, Albin Kurti, foli lidhur me zhurmën publike rreth artikullit ku bashkautor është kryetari i zgjedhur i Kuvendit të Kosovës, Dimal Basha kundër UÇK-së.
Ai kritikoi qeveritë e kaluara, duke thënë se janë vendimet e atyre qeverive i kanë shkaktuar probleme Kosovës dhe se të tilla s’po i shkakton artikulli me bashkautor Bashën.
“Unë besoj që problemet që i kemi sot në Kosovë nuk i kemi nga një deformim e keqinterpretim i një artikulli me bashkautorësi ku ky nuk është autor i atij kapitulli të para më shumë se një dekade. Problemet i kemi kur është nënshkruar ‘Zajednica’ në 2013-tën, problemet i kemi kur janë amnistuar kriminelët serbë në veri, po astu në 2013-tën, problemet i kemi kur është votuar Gjykata Speciale në 2015-n, problemet i kemi kur është themeluar Lista Serbe në bashkëpunim me Beogradin në vitin 2013, problemet i kemi politikanët e Kosovës kanë bërë qeveri duke u varur nga Lista Serbe, problemet i kemi kur kanë hyrë në pazare për ndarje të Kosovës – jo te ky farë artikulli ku manipulohet një kre, në të cilin ky s’ka fare autorësi”, tha Kurti .
Kryeministri në detyrë tha se buja që bëri ky shkrim është keqinterpretim dhe deformim.
“Dimal Basha e ka dhënë sqarimin për atë publikim që është bërë para më shumë se një dekade. Ai ka thënë se kapitulli që e ka shkruar nuk ka të bëjë me UÇK-në. Edhe në fjalimin e tij pas zgjedhjes si kryetar Kuvendi, ai shprehu vlerësimet më të larta për këtë vlerë të kombit shqiptar”, tha Kurti.
Kryeministri në detyrë këto deklarata i bëri në komunikim me gazetarë në Fushë Kosovë, ku mori pjesë në përurimin e një Çerdheje për fëmijë.

Regjistrohu tani në Gjuha Angleze në UBT dhe përfito bursë 20%

Në zyrën e Ivica Daçiqit mbërrin një zarf me tre plumba

U përurua çerdhja e re për 60 fëmijë në Fushë Kosovë

Kurti për akuzat ndaj UÇK-së: Manipulohet një kapitull për të cilin Basha s’ka faj

Supremja hodhi poshtë ankesën e VV-së kundër vendimit të PZAP-së për Listën Serbe

Presidentja Osmani kërkon zgjidhje urgjente për konstituimin e Kuvendit

FSK-ja realizon ushtrimin fushor “Ujku shigjetë” pesë ditë

Hoti: Janë gjetur mbetjet mortore të nëntë personave të zhdukur, pesë lokacione pritën të hapen

Një vdekje e dyshimtë në Skenderaj
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA