Lajmet

Mbahet takimi i Komisionit për MSA-në, pozitë-opozitë zotohen për bashkëpunim

Published

5 years ago

on

Është mbajtur takimi konstituiv i Komisionit të përbashkët Parlamentar për Stabilizim Asociim BE-Kosovë (KPSA). Këtu pozitë dhe opozitë u zotuan se do të bashkëpunojnë në mes veti.

Kryetari i Kuvendit, Glauk Konjufca, e cilësoi si një nga proceset më të rëndësishme të vendit.

“Jemi bashkë në konstituimin e këtij komisioni të përbashkët që e kemi me Parlamentin Evropian në një fazë të rëndësishme. Jemi bashkë këtu dhe uroj që grupet e juaja parlamentare kanë zgjedh 13 anëtarë dhe përfaqësues në një komision si ky i cili nuk kërkon zbatim të njëanshëm, por është njëri prej proceseve më të rëndësishme të vendit tonë”, tha Konjufca.

Tutje, ai tha se planet tashmë janë bërë dhe ftoi deputetët që të bashkëpunojnë.

“Kosova tashmë e ka planin kombëtar për zbatimin e Stabilizim Asociimit, e gjithashtu duhet ta dimë që Kuvendi është duke mbikëqyrë planin koordinues dhe të marrim reformat e duhura për një komision të mirëfilltë, dhe ju ftoj për bashkëpunim në aktivitete të përbashkëta”, përfundoi Konjufca.

Kryetarja e këtij komisioni, Mimoza Kusari-Lila, tha se takimi i parë do të mbahet në muajin nëntor.

“Në përbërje të këtij komisioni janë 13 deputetë dhe takimi i parë do jetë në muajin nëntor, na mbetet vetëm të caktojmë ditën e takimit. Kemi punuar në disa aspekte duke besuar që do kemi një dinamikë të plotë të punës e që kërkon bashkëpunim”, tha Kusari-Lila.

Nënkryetari i komisionit, Elmi Reçica nga PDK-ja, tha se punët në këtë komision janë vonuar shumë, duke shtuar se nëntori po afron dhe punët duhet përshpejtuar.

“Ne kemi një mundësi që të ecim përpara me konstituimin e komisionit, ka ngecje në punët që janë vonuar shumë, kështu që duhet punuar më shpejtë, pasi nëntori po afron”, tha Reçica.

Ndërsa, Armend Muja nga VV, tha se rëndësia  e këtij komisioni qëndron edhe mbi bazën e planit të punës dhe stërzgjatja e këtij procesi.

Po ashtu, edhe Haki Abazi nga VV, tha se ajo që duhet bërë më shumë se të kaluarën është kohezioni dhe intensiteti i punës.

Ariana Musliu-Shoshi nga PDK-ja, tha se janë pesë takime mbrapa nëse krahasojnë me bashkëpunimin e Departamentit Evropian, dhe që do kenë punë më shumë.

Tutje, Armend Zemaj nga LDK, tha se nuk e ka të qartë se pse ka ndodhur kjo shtyrje e këtij procesi kaq të rëndësishëm, duke kërkuar shtimin e dinamikës së punës.

“Pse kjo shtyrje e këtij procesi dhe raporti që kemi ndërtuar me evropianët, ky është interes i jonë dhe duhet të shtohet dinamika e punës në të gjitha aspektet”, tha Zemaj.

Në anën tjetër, Besnik Tahiri nga AAK, tha se në këtë proces kaq të rëndësishëm për Kosovën nuk ka opozitë-pozitë por të punojnë bashkërisht, dhe të merret më seriozisht puna.

“Në këtë proces nuk ka pozitë-opozitë dhe si rrjedhojë duhet ta tregojmë veten tonë dhe të punojmë bashkërisht. Nëse duhet të marrim me të vërtetë këtë pune atëherë kryetar kërkoj nga ti krijim të ekipit më serioz, dhe të mbahen mbledhje më shumë”, tha Tahiri.

Pal Lekaj nga AAK, tha se puna e parë e këtij komiteti është që të tregohet plani i punës dhe të zbatohet implementimi në kohë të caktuar.

Related Topics:
Continue Reading

Vendi

Mbi 55% e votave të numëruara, ja kandidatët më të votuar

Published

1 hour ago

on

June 10, 2026

By

Komisioni Qendror i Zgjedhjeve (KQZ) po vazhdon përditësimin e rezultateve për kandidatët për deputetë në platformën zyrtare të Qendrës së Numërimit dhe Rezultateve (QNR). Sipas të dhënave të publikuara deri në orën 08:05, janë procesuar 1,378 nga 2,498 vendvotime, ose 55.16% e totalit në nivel vendi.

Rezultatet e deritanishme tregojnë emrat që po kryesojnë listat e subjekteve kryesore politike në Kosovë, ndërsa renditja mund të ndryshojë me vazhdimin e numërimit të votave.

Lëvizja VETËVENDOSJE! (LVV)

Lëvizja VETËVENDOSJE vazhdon të dominojë me numrin më të madh të votave individuale. Kryeministri Albin Kurti prin bindshëm listën, ndërsa Glauk Konjufca mbetet kandidati i dytë më i votuar i subjektit.

  1. Albin Kurti – 130,818 vota
  2. Glauk Konjufca – 102,908 vota
  3. Albulena Haxhiu – 59,591 vota
  4. Hekuran Murati – 51,738 vota
  5. Donika Gërvalla-Schwarz – 48,061 vota
  6. Xhelal Sveçla – 39,046 vota
  7. Avni Dehari – 35,582 vota
  8. Mimoza Kusari-Lila – 33,403 vota
  9. Hajrulla Çeku – 32,995 vota
  10. Ejup Maqedonci – 29,330 vota

Partia Demokratike e Kosovës (PDK)

Në Partinë Demokratike të Kosovës, Bedri Hamza vazhdon të udhëheqë listën me një diferencë të konsiderueshme. Përparim Gruda dhe Arian Tahiri kompletojnë treshen e parë të kandidatëve më të votuar.

  1. Bedri Hamza – 64,092 vota
  2. Përparim Gruda – 39,993 vota
  3. Arian Tahiri – 34,886 vota
  4. Uran Ismaili – 31,531 vota
  5. Vlora Çitaku – 21,757 vota
  6. Sala Jashari – 21,667 vota
  7. Ganimete Musliu – 16,793 vota
  8. Arben Mustafa – 15,416 vota
  9. Enver Hoxhaj – 14,866 vota
  10. Mërgim Lushtaku – 14,758 vota

Lidhja Demokratike e Kosovës (LDK)

Gara brenda LDK-së po paraqitet më e ngushtë, me Vjosa Osmani Sadriu që aktualisht mban vendin e parë. Pas saj renditet kryetari i partisë, Lumir Abdixhiku, ndërsa Doarsa Kica-Xhelili mbyll treshen e parë.

  1. Vjosa Osmani Sadriu – 42,525 vota
  2. Lumir Abdixhiku – 38,502 vota
  3. Doarsa Kica-Xhelili – 30,033 vota
  4. Hykmete Bajrami – 23,780 vota
  5. Avdullah Hoti – 21,761 vota
  6. Ukë Rugova – 18,238 vota
  7. Kujtim Shala – 17,887 vota
  8. Anton Quni – 14,360 vota
  9. Armend Zemaj – 13,055 vota
  10. Lutfi Haziri – 13,040 vota

Aleanca për Ardhmërinë e Kosovës (AAK)

Në AAK, Ardian Gjini kryeson listën e kandidatëve më të votuar, duke lënë pas edhe liderin e partisë, Ramush Haradinaj. Diferenca mes kandidatëve kryesorë mbetet e ngushtë dhe pritet të ndryshojë me numërimin e votave të mbetura.

  1. Ardian Gjini – 21,843 vota
  2. Ramush Haradinaj – 19,587 vota
  3. Daut Haradinaj – 14,947 vota
  4. Besnik Tahiri – 13,062 vota
  5. Bekë Berisha – 10,623 vota
  6. Burim Ramadani – 9,744 vota
  7. Time Kadrijaj – 9,319 vota
  8. Agim Çeku – 8,347 vota
  9. Arbër Tolaj – 7,715 vota
  10. Albana Bytyqi – 5,434 vota

Rezultatet mbeten preliminare

KQZ ka bërë të ditur se procesi i futjes së të dhënave po vazhdon në Qendrën e Numërimit dhe Rezultateve. Për pasojë, këto rezultate konsiderohen ende preliminare dhe mund të pësojnë ndryshime deri në përfundimin e numërimit të të gjitha votave, përfshirë votat me kusht, ato të personave me nevoja të veçanta dhe votat nga diaspora.

 

Continue Reading

Aktualitet

Numërimi i votave nga KQZ: Kush janë kandidatët më të votuar pas 35% të kutive?

Published

17 hours ago

on

June 9, 2026

By

Komisioni Qendror i Zgjedhjeve (KQZ) po vazhdon me procesimin e rezultateve për zgjedhjet e parakohshme parlamentare. Sipas të dhënave zyrtare të orës 16:20, ku janë numëruar 35.27% gara brenda listave partiake tashmë ka marrë formë.

Në listën e Vetëvendosjes, garës i prin bindshëm bartësi i listës dhe lideri i partisë, Albin Kurti, i cili deri më tani ka grumbulluar 80,669 vota. Ai ndiqet nga Glauk Konjufca me 63,340 vota, ndërsa e treta radhitet Albulena Haxhiu me 36,623 vota. Në vendin e katërt pozicionohet Hekuran Murati me 31,943 vota, i pasuar nga Donika Gërvalla-Schwarz me 29,592 vota dhe Xhelal Sveçla me 23,830 vota.Dhjetëshen e parë e përmbyllin Avni Dehari me 21,718 vota, Hajrulla Çeku me 20,472 vota, Mimoza Kusari Lila me 20,464 vota dhe Ejup Maqedonci me 17,858 vota.

Te PDK-ja, procesit të numërimit i prin me shkëputje të ndjeshme bartësi i listës Bedri Hamza, i cili ka siguruar 38,800 vota. Ai ndiqet nga Përparim Gruda që mban vendin e dytë me 24,616 vota, dhe Arian Tahiri i treti me 21,411 vota. Në pozitën e katërt gjendet Uran Ismaili me 19,265 vota, i pasuar nga Sala Jashari me 13,605 vota dhe Vlora Çitaku me 13,369 vota. Lista e më të votuarve te kjo parti vazhdon me Ganimete Musliun me 10,344 vota, Arben Mustafën me 9,374 vota, Mërgim Lushtakun me 9,137 vota dhe Enver Hoxhajn që mbyll top-10-shen me 8,864 vota.

Në radhët e Lidhjes Demokratike të Kosovës, garën e udhëheq bartësja e listës Vjosa Osmani Sadriu, e cila ka marrë 25,820 vota. Ajo ndiqet ngushtë nga kryetari i partisë, Lumir Abdixhiku, me 23,384 vota. E treta në radhë është Doarsa Kica Xhelili me 18,358 vota, e pasuar nga Hykmete Bajrami me 14,488 vota dhe Avdullah Hoti me 13,215 vota.Në vendin e gjashtë radhitet Ukë Rugova me 11,061 vota, i ndjekur nga Kujtim Shala me 10,723 vota dhe Anton Quni me 8,956 vota. Dhjetëshen e parë për LDK-në e plotësojnë Armend Zemaj me 8,103 vota dhe Lutfi Haziri me 7,925 vota.

Në AAK, garës aktualisht i prin kryetari i partisë dhe njëherësh bartësi i listës, Ardian Gjini, me 13,407 vota. Pas tij renditet Ramush Haradinaj me 12,089 vota, ndërsa i treti është Daut Haradinaj me 9,196 vota. Në pozitën e katërt radhitet Besnik Tahiri me 8,066 vota, i pasuar nga Bekë Berisha me 6,451 vota dhe Burim Ramadani me 5,972 vota. Listën e dhjetë kandidatëve më të votuar e përmbyllin Time Kadrijaj me 5,839 vota, Agim Çeku me 5,168 vota, Arbër Tolaj me 4,771 vota dhe Albana Bytyqi me 3,211 vota. /E.A/

Continue Reading

Vendi

Gjimnazi Natyror në UBT International Smart Schools, arsim modern me diplomë të njohur ndërkombëtarisht

Published

17 hours ago

on

June 9, 2026

By

Nëse dëshironi një arsimim modern që kombinon shkencën, teknologjinë dhe zgjidhjen e sfidave reale të botës së sotme, atëherë Gjimnazi Natyror në UBT International Smart Schools është zgjedhja ideale për ju.
Falë akreditimit nga Cambridge International Education, nxënësit përfitojnë një diplomë të njohur ndërkombëtarisht, e cila u hap dyert drejt universiteteve prestigjioze dhe mundësive të shumta akademike në mbarë botën.
Nxënësit përfitojnë nga laboratorë modernë dhe të pajisur me teknologjinë më të avancuar, ku teoria shndërrohet në praktikë përmes eksperimenteve dhe hulumtimeve shkencore. Këtu, të rinjtë nuk mësojnë vetëm konceptet shkencore, por i zbatojnë ato në situata konkrete, duke zhvilluar aftësi analitike dhe kërkimore.
Programi mësimor është i orientuar drejt zgjidhjes së problemeve reale, përmes projekteve inovative që fokusohen në teknologjinë e gjelbër, qëndrueshmërinë dhe zhvillimin e ideve kreative për të ardhmen. Nxënësit angazhohen në projekte të bazuara në realitet, të cilat i përgatisin për sfidat akademike dhe profesionale të shekullit XXI.
Një nga veçoritë kryesore të këtij programi është mësimi praktik, ku çdo njohuri teorike shoqërohet me aplikim konkret. Përmes projekteve ndërdisiplinore, nxënësit mësojnë të punojnë në ekip, të analizojnë të dhëna dhe të zhvillojnë zgjidhje inovative.
Për më tepër, ata përfitojnë mentorim nga ekspertë të fushës, profesionistë dhe akademikë që i udhëzojnë në zhvillimin e ideve, projekteve dhe karrierës së tyre të ardhshme.
Në UBT International Smart Schools, Gjimnazi Natyror nuk është vetëm një program mësimor, është një hap drejt krijimit të shkencëtarëve, inovatorëve dhe liderëve të së ardhmes.
Edhe pak vende të lira kanë mbetur, ndërsa regjistrimet e hershme po vazhdojn në UBT International Smart Schools.

Continue Reading

Lajmet

UBT vazhdon mbështetjen për maturantët: Mijëra nxënës ndjekin javën e dytë të programit përgatitor për Testin e Maturës 2026

Published

17 hours ago

on

June 9, 2026

By

Nxënësit e vitit të fundit të shkollave të mesme anë e mbanë Kosovës po vazhdojnë të ndjekin me interes të lartë programin intensiv përgatitor për Testin e Maturës Shtetërore 2026, i cili po organizohet në ambientet moderne të UBT-së.

Ky program tashmë ka hyrë në javën e tij të dytë, duke bërë bashkë qindra dhe mijëra nxënës të cilët synojnë të konsolidojnë njohuritë e tyre përpara këtij rrugëtimi të rëndësishëm akademik. Për t’u siguruar që studentët e së ardhmes të jenë sa më të gatshëm, trajnimet po fokusohen me përkushtim në lëndët kryesore si Gjuhë Shqipe, Gjuhë Angleze dhe Matematikë, si dhe në lëndët kryesore zgjedhore si Teknologji e Informacionit dhe Komunikimit (TIK) dhe Biologji.

Për t’u dalë në ndihmë të gjithë nxënësve dhe për të lehtësuar qasjen e tyre, UBT e ka shtrirë këtë program përtej kryeqytetit.

Përveç në Prishtinë, trajnimet përgatitore po zhvillohen paralelisht dhe me të njëjtin intensitet edhe në qendrat e UBT-së në qytetet e tjera përfshirë Ferizajn, Prizrenin dhe Pejën. Përmes angazhimit të kuadrove profesionale dhe stafit të përzgjedhur akademik të UBT-së, maturantët po marrin njohuritë e nevojshme, strategjitë dhe teknikat e duhura për ta kaluar me sukses këtë sfidë.

Ky organizim tradicional rikonfirmon përkushtimin e vazhdueshëm të UBT-së për të ngritur cilësinë e arsimit dhe për t’i përkrahur të rinjtë në tranzicionin e tyre drejt studimeve universitare dhe karrierës profesionale.

Continue Reading

Të kërkuara