Lajmet

Marrëveshja pa njohje reciproke, opozita alarmon: Do të mbeten sërish çështje të pazgjidhura

Tahiri thotë se mirëpresin përkushtimin e madh ndërkombëtar për të arritur marrëveshjen finale Kosovë-Serbi.

Publikuar

2 vjet më parë

më

Një ditë pas qëndrimit në Kosovë të emisarit të Shteteve të Bashkuara të Amerikës për Ballkanin Perëndimor, Gabriel Escobar, partitë opozitare kërkojnë nga Qeveria e Kosovës të jetë e kujdesshme në raport me dialogun me Serbinë, pasi sipas tyre çfarëdo marrëveshje pa njohjen reciproke do të linte sërish çështje të pazgjidhura ndërmjet dy vendeve. Megjithatë, në partinë në pushtet i shohin si pozitive idetë e reja për dinamizmin e procesit të dialogut, mirëpo nënvizojnë rëndësinë e njohjes reciproke.

Shefi i grupit parlamentar të AAK-së, Besnik Tahiri thotë se mirëpresin përkushtimin e madh ndërkombëtar për të arritur marrëveshjen finale Kosovë-Serbi. Mirëpo, thekson se ujdia finale duhet të jetë ligjërisht e obligueshme dhe se njohja reciproke të jetë në thelb të saj.

“Shihet një dinamikë dhe një përkushtim më i madh për t’u arritur një marrëveshje finale. Qëndrimi jonë është shumë i thjesht në këtë temë. Një marrëveshje finale e cila është ligjërisht e obligueshme dhe e cila e ka njohjen reciproke thelbin e marrëveshjes është qëndrimi i AAK-së…Ne duhet të fokusohemi që të mbrojmë dhe të ecim përpara me vendimet që i kemi marrë deri më tani, çfarëdo vendimi tjetër është kthim prapa”, thotë ai.

Nevojën për njohje reciproke në marrëveshjen për normalizim të marrëdhënieve e potencon edhe deputeti i PDK-së, Rashit Qalaj. Ai thotë se nëse arrihet ndonjë marrëveshje pa njohje të ndërsjellë, sërish do të mbeten çështje të hapura ndërmjet dy vendeve.

“Ajo çka unë si deputet pres është se marrëveshja finale të jetë njohja reciproke, pasi çdo marrëveshje tjetër do të linte prapë shumë çështje për t’u diskutuar. Nëse kemi një marrëveshje pa e njohur njëri-tjetrin çështjet kryesore do të mbeten pa u zgjidhur”, deklaron Qalaj.

Më kritike për procesin e dialogut është deputetja e LDK-së, Rrezarta Krasniqi. Ajo thotë se Qeveria Kurti është pa strategji dhe transparencë për dialogun, derisa edhe tregon tri parimet kryesore që LDK-ja ka adresuar për këtë proces.

“Kjo qeveri në çështjen e dialogut ka qenë pa strategji dhe pa transparencë. Ne si Lidhje Demokratike e Kosovës kemi tri parime për dialogun, që është mbrojtja e kushtetutshmërisë, njohja reciproke dhe integriteti territorial. Mirëpo ne deri më sot vetëm përmes mediave jemi njoftuar se kur ka pasur takime dhe kur kanë ardhur emisarët ndërkombëtarët në Kosovë. Kryeministri asnjë ditë nuk ka qenë i gatshëm të vjen në Kuvend për çështjen e dialogut”, thekson Krasniqi.

Nga ana tjetër, deputeti i LVV-së, njëherësh, kryetar i Komisionit parlamentar për Punë të Jashtme, Haki Abazi, thotë se nuk ka moment më të volitshëm për arritjen e një marrëveshjeje me Serbinë.

Mirëpo ai është skeptik se Serbia do të pranojë ndonjë propozim konkret për marrëveshjen me Kosovën.

“Kjo është në kuadër të dinamizmit të dialogut edhe me vendosjen e dy këshilltarëve të presidentit Macron dhe kancelarit Scholz. Ky është e mirë, pasi nuk ka moment më të volitshëm që të arrihet në përfundim të këtij procesi të prolonguar dhe mbajtur peng Kosovën. Dialogu duhet të përfundojë. Natyrisht situata në të cilën jemi është që Serbia po tregon që s’ka vullnet minimal politik për një gjë të tillë. Kjo zhveshje para bashkësisë ndërkombëtare të fytyrës së vërtet të Vuçiqit duhet të shkojë edhe me tutje, pasi kemi të bëjmë me një aktor që ka përkrahur dhe vazhdon të përkrahë luftën ruse në Ukrainë. Kjo është faza e fundit, pasi kjo nuk do të thotë se Serbia do të pranojë të bëjë një gjë të tillë”, potencon Abazi.

Emisari i ShBA-së për Ballkanin Perëndimor, Gabriel Escobar, gjatë qëndrimit në Kosovë tha se mbështesin propozimin franko-gjerman për marrëveshjen e normalizimit të marrëdhënieve Kosovë-Serbi, madje tha se arritja e kësaj ujdie është çështje javësh.

Siç është raportuar në medie në Kosovë, propozimi franko-gjerman, në momentin aktual nuk përfshinë njohjen reciproke ndërmjet dy vendeve, e njëjta vetëm do t’i hapë rrugë anëtarësimit të Kosovës në strukturat euro-atlantike, po ashtu edhe një përafrim të Serbisë në rrugën evropiane. Ndërsa në momentin e anëtarësimit të dy vendeve në Bashkimin Evropian do të kushtëzohet njohja e ndërsjellët.

Escobar sot ka qëndruar edhe në Serbi, ku është takuar me presidentin serb, Aleksandër Vuçiq dhe kryeministren Ana Bërnabiç.

Etiketa
Vazhdo të lexosh

Lajmet

Drama Kurti-Rama, probleme të protagonizmit personal të dy kryeministrave

Publikuar

5 orë më parë

më

16 Qershor, 2024

nga

Ditët e fundit u vërshuan me reagime raportet ‘e ngurta’ mes kryeministrit të Kosovës, Albin Kurti dhe kryeministrit të Shqipërisë, Edi Rama. Ky i fundit qëndroi për vizitë në Kosovë më 10 qershor në shënimin e 25-vjetorit të Çlirimit të Kosovës, porse në agjendën e tij nuk kishte takim të planifikuar me homologun e tij nga Kosova.

Mospajtimet e dy udhëheqësve politikë nisën që nga 7 korriku i vitit të kaluar, kur Rama kishte anuluar pjesëmarrjen e kabinetit të tij në mbledhjem e përbashkët të dy qeverive.

Megjithatë analistja politike, Afërdita Maliqi në një prononcim për UBTNews tha se brishtësia e raporteve mes kryeministrave shqiptarë e ka zanafillën që nga fillimi i qeverisjes së Kurtit.

“Problemet mes dy kryeministrave nuk është që janë sotshme, datojnë pothuajse qëkur ka ardhur kryeministri Kurti në pushtet. Nëse ju kujtohet kryeministri Kurti pati konkuruar në zgjedhjet në Shqipëri dhe kishte shkuar me votu atje dhe prej aty kanë filluar ato ndërstramcat mes të dy kryeministrave. Kryeministri Rama e ka thumbuar ndonjëherë kur ju ka thënë mundësia, ndërkaq kryeministri Kurti ka dëshiruar të jetë ai lideri i të gjithë shqiptarëve në Ballkan për të cilën nuk ka pranuar kryeministri Rama”, deklaroi Maliqi.

Vlerëson se mospajtimet rrjedhin si pasojë e protagonizmit personal të dy kryeministrave.

“Nga ana e kryeministrit Kurti protagonizmin me qenë lider i Ballkanit për shkak se është përzier në zgjedhjet në Shqipëri, ëshët përzier në zgjedhjet në Luginë të Preshevës, është përzier në zgjedhejet në Maqedoninë e Veriut, d.m.th kur në Kosovë vlojnë problemet ne e shohim kryeministrin duke u marr pjesë nëpër fushata dhe duke u mbështetur në parti të caktuara”, shtoi ajo.

“Në këtë pikë problemet mes dy kryeministrave i shoh më shumë probleme personale dhe probleme të protagonizmit personal të tyre”, thotë ajo.

Gjatë vizitës së tij në Kosovë, Rama u takua me të parën e shtetit, Vjosa Osmanin. Ai mori pjesë edhe në një konferencë ndërkombëtare për ish-presidentin Ibrahim Rugova të organizuar nga Lidhja Demokratike e Kosovës./UBTNews/

Teksti: Dea Berisha

Vazhdo të lexosh

Lajmet

​Piramida e Tiranës nderohet me çmim nga “WAN Awards EMEA”

Publikuar

2 ditë më parë

më

15 Qershor, 2024

nga

Piramida e Tiranës ka marrë një tjetër çmim nga juria e “WAN Awards EMEA”, vlerësuese e projekteve arkitekturore më novatore nga e gjithë bota.

Kryeministri Edi Rama bëri sot të ditur se juria e “WAN Awards EMEA”, e cilëson Piramidën e Tiranës si një “projekt të guximshëm”, të hapur për publikun, dhe e rrethuar nga një ansambël kutish shumëngjyrëshe, të shpërndara brenda dhe përreth ndërtesës origjinale.

Juria e “WAN Awards EMEA” vlerëson se transformimi i Piramidës tregon se si një ndërtesë mund të përshtatet për një “erë të re”, duke ruajtur historinë e saj komplekse.

“Në vend që struktura të shembej më kot, guaska e saj e fortë prej betoni është përshtatur sipas parimeve të “ekonomisë qarkulluese”. Fletë të mëdha xhami me nivele zëvendësojnë xhamat midis trarëve të betonit të Piramidës, duke mbrojtur brendinë nga shiu, ndërsa njëkohësisht e mbajnë atë të hapur ndaj elementëve të natyrës”, vlerëson juria.

Arkitektja e njohur Eva Jiricna, kryetare e jurisë së “WAN Awards EMEA” vlerësoi projektuesit për këtë zgjidhje kaq të mirë, “për t’i treguar publikut se pak humor mund të shërojë edhe plagët më të thella”./ATSH/

Vazhdo të lexosh

Lajmet

Aksionarët e Tesla-s padisin Elon Musk për devijimin e burimeve në kompaninë e tij të AI

Publikuar

2 ditë më parë

më

15 Qershor, 2024

nga

Aksionarët e Tesla kanë ngritur një padi kundër CEO-s, Elon Musk dhe bordit të kompanisë për zhvendosjen e burimeve dhe talentit nga prodhuesi i makinave elektrike dhe përdorimin e tyre në vend të kësaj për kompaninë e inteligjencës artificiale (AI) të Musk, xAI.

Disa aksionarë pohuan se Musk u përpoq për vite me radhë ta poziciononte Tesla-n si një kompani robotike dhe AI-në ​​dhe jo si një prodhues automjetesh.

Sipas padisë e cila u ngrit në shtetin amerikan të Delaware, Musk “devijoi talentin dhe burimet e pakta nga Tesla në xAI dhe mblodhi miliarda dollarë për xAI ndërsa pretendonte aksesin e xAI në të dhënat e lidhura me AI të Tesla”.

Padia, e raportuar fillimisht nga TechCrunch dhe Business Insider, vjen menjëherë pasi Musk hoqi dorë nga padia e tij kundër OpenAI, kompania e cila qëndron pas ChatGPT, te e cila ai ishte një investitor origjinal./UBTNews/

Vazhdo të lexosh

Lajmet

Gjermania kap sasi rekorde të kokainës

Publikuar

2 ditë më parë

më

14 Qershor, 2024

nga

Autoritetet gjermane njoftuan sot për sekuestrimin e rreth 35 ton kokaine, në atë që besohet të jetë kapja më e madhe në llojin e tij.

Droga u zbulua për herë të parë në portin e Hamburgut vitin e kaluar, por autoritetet nuk kanë dhënë asnjë informacion prej muajsh për shkak të hetimeve në vazhdim, sipas mediave gjermane.

Sipas Ministrisë së Drejtësisë të North Rhine-Westphalia, vlera e vlerësuar në rrugë e 35 tonëve kokainë ishte disa miliardë euro.

Gjatë bastisjeve të policisë, të paktën shtatë të dyshuar u arrestuan në disa shtete federale, duke përfshirë Hamburgun, Berlinin, Bavarinë dhe Saksoninë e Ulët.

Tri portet më të mëdha në Evropë – Roterdami, Antverpen dhe Hamburgu – përdoren shpesh nga kartelet për kontrabandë të drogës nga Amerika e Jugut.

Në vitin 2021, zyrtarët doganorë në Hamburg sekuestruan 16 ton kokainë, me një vlerë rruge prej afro 3.5 miliardë euro. Ishte kapja më e madhe e vetme e kokainës deri më tani në Gjermani. /AA

Vazhdo të lexosh

Të kërkuara