Qendra Kinematografike e Kosovës ka emëruar Këshillin e ri Profesional, kjo me vendim të Ministrisë së Kulturës Rinisë dhe Sportit.

Nga tani e tutje pjesë e këtij këshilli do të jenë: Eroll Bilibani, Agnes Nokshiqi, Nita Deda, Urtina Hoxha, Brikena Mulliqi, njëherësh përfaqësuese e MKRS-së

Kjo u bë e ditur nga QKK-ja përmes një postimi në Facebook.

“Jemi shumë të lumtur të ju njoftojmë se Qendra Kinematografike e Kosovës, me vendim të Ministrise së Kulturës Rinisë dhe Sportit, në pajtim me legjislacionin në fuqi, ka emëruar Këshillin e ri Profesional. Ky këshill do të luajë një rol kyç në mbështetjen e Qendrës Kinematografike, duke ndihmuar institucionin të zhvillojë dhe përmirësojë politikat dhe iniciativat që shërbejnë filmbërësve në Kosovë”, thuhet mes tjerash në njoftimin e tyre, përmes të cilit i bashkangjitën edhe një fotografi.

Qendra Kinematografike e Kosovës është institucioni kryesor publik i filmit në Kosovë, i cili mbështet dhe promovon industrinë kinematografike vendore në nivel kombëtar dhe ndërkombëtar.

Ajo vepron si fondi publik i filmit dhe autoriteti qendror për çështjet e kinematografisë, me qëllim arritjen e objektivave të interesit publik në fushën e kinematografisë.

Nëse jeni ndjerë ndonjëherë të turpëruar për diçka që keni bërë apo diçka që ju ka ndodhur, nuk jeni vetëm.

Turpi është emocion universal që na prek të gjithëve në një mënyrë ose tjetër. Por, çfarë është turpi dhe si mund ta kuptojmë dhe menaxhojmë më mirë këtë emocion kaq të fuqishëm?

Turpi është një ndjenjë e mosvlerësimit dhe dështimit, që vjen si pasojë e ndjenjës se nuk jemi të denjë apo të vlefshëm.

Ndryshe nga faji, i cili lidhet me veprimet tona (“kam bërë diçka të gabuar”), turpi lidhet me identitetin tonë (“jam diçka e gabuar”).

Kjo ndjenjë mund të shkaktojë një ndjesi të fortë të izolimit dhe dyshimit te vetja.

Pse ndihemi të turpëruar?

Mund të jenë të shumta e të ndryshme për çdo individ, disa nga shkaqet më të zakonshme përfshijnë:

Normat shoqërore dhe kulturore

Ato që shoqëria jonë konsideron të pranueshme apo të papranueshme luajnë një rol të madh në krijimin e ndjenjës së turpit.

Pritshmëritë personale

Standardet që vendosim për veten tonë mund të jenë të pamundura për t’u arritur, duke na bërë të ndihemi të turpëruar kur nuk i arrijmë.

Përvojat e kaluara

Turpi mund të rrjedhë nga përjetimet traumatike ose nga kritikat e ashpra të të tjerëve.

Efektet e turpit në shëndetin mendor

Turpi mund të ketë pasoja të rënda për shëndetin mendor, përfshirë ankthin, depresionin e izolimin social. Turpi ndikon në marrëdhëniet tona me të tjerët.

Si ta përballojmë turpin?

Duhet të bëjmë një hap prapa të kuptojmë burimin e këtij emocioni.

Pranoni dhe përqafoni emocionet tuaja

Pranojeni turpin si një pjesë e natyrshme të përvojës njerëzore dhe mos e injoroni

Flisni me dikë

Ndarja e ndjenjave tuaja me një mik të besuar a terapist ndihmon në zbutjen e ndjenjës së izolimit

Kujdesi për veten

Praktikoni kujdesin për veten përmes aktiviteteve që ju sjellin kënaqësi

Sfidoni mendimet negative

Përpiquni të sfidoni mendimet negative e krijoni një “bisedë” më të butë me veten

Turpi është emocion i vështirë për t’u përballuar, por me kohë e përpjekje, mësojmë të jetojmë me të dhe të mos lejojmë të na kontrollojë jetën. Mos harroni, çdo emocion ka një qëllim dhe na ndihmon të kuptojmë më mirë veten dhe botën përreth nesh. /UBT News/

Hailey Bieber ka tërhequr vëmendjen e të gjithëve në paraqitjen e saj të fundit në Los Angeles.

Themeluesja e brendit Rhode, doli për darkë së bashku me disa nga mikeshat e saj më të njohura, shkruan DailyMail.

Hailey u pa duke hyrë në restorantin luksoz Alba në West Hollywood, e shoqëruar nga mikeshat e saj të ngushta si Kylie Jenner dhe Bella Hadid.

E veshur me një fustan me pika bardh e zi që i theksonte linjat elegante dhe trupin e saj të hollë, Hailey shfaqej e buzëqeshur teksa mbante për dore Kylie-n në hyrje të restorantit.

Unaza e martesës nga Justin mund të dallohej duke shkëlqyer në dorën e saj të majtë, mes një koleksioni aksesorësh që përfshinte edhe një palë syze elegante të errëta – të veshura natën.

Ndërkohë, Bella kishte veshur një fustan të zi elegant, të ngushtë pas trupit, me një prerje katrore në pjesën e sipërme dhe fund pak nën gjunjë, që i nxirrte në pah figurën e supermodeles.

Kylie po ashtu tërhoqi vëmendjen duke veshur një fustan të ngushtë të zi.