Lajmet

Mark Cuban: Këshillat nga një mentor kur isha 22 vjeç, më vlejnë ende

“Është në rregull të thoni se keni frikë dhe paqartësi”, thotë Cuban.

Published

4 years ago

on

Mark Cuban e kupton që pronarët e bizneseve të vegjël dhe të mesëm po përballen me pasiguri dhe vështirësi në kushtet e pandemisë koronavirus. Por, ai beson se themeluesit e shkathët do ta përballin këtë histori të veçantë dhe të vijnë edhe më të fortë se më parë.

“Ne do të kalojmë në anën tjetër të kësaj epoke, por nuk do të jetë biznes si zakonisht”, thotë Cuban.

Cuban, sipërmarrës i Dallas Mavericks dhe investitor në Shark Tank të ABC, ka kaluar kohë së fundi duke menduar si do të duket e ardhmja. Në mes të prillit, ai u thirr në grupin e punës të ish-presidentit Donald Trump, për të shërbyer në planin e rimëkëmbjes ekonomike, një panel prej 50 këshilltarësh nga shumë sektorë të biznesit, të cilët do të ndihmojnë në formimin e planeve për rihapjen e ekonomisë.

Ai mendon se sipërmarrësit mund të pozicionohen më mirë nëse janë të vetëdijshëm për betejat që kanë përpara dhe të komunikojnë me klientët, punonjësit dhe palët e interesuara.

“Është në rregull të thoni se keni frikë dhe paqartësi”, thotë Cuban, duke theksuar se kështu krijoni një marrëdhënie të ndershme me klientët dhe ka më shumë gjasa që ata t’ju respektojnë”, thotë ai.

Por, çfarëdo që të bësh, bëj diçka, thotë ai. Tani është koha për veprim. Këtu janë sugjerimet kryesore të tij për mënyrën se si jo vetëm të mbijetoni në këtë kohë të pakrahasueshme të pasigurisë, madje të lulëzoni për shkak të saj:

Jini transparent me njerëzit që e njohin më mirë kompaninë tuaj

Kjo vlen veçanërisht për themeluesit në prag të mbylljes. Kuban i inkurajon të jenë pranë punonjësve. “Punonjësit tuaj, në veçanti, e njohin biznesin tuaj”, thotë ai, duke shtuar se, ata janë ekspertë në biznesin tuaj. Nëse ekziston një ide se si të drejtohet ose të ristrukturohet kompania, kjo do të vijë prej tyre”.

Jini të hapur për ndryshime të mëdha

Ju mund të zbuloni se shansi më i mirë i kompanisë tuaj për mbijetesë vjen nga një model biznesi ose linja produkti krejtësisht të ndryshme. Ju duhet të jeni të gatshëm të pranoni ndryshimin dhe të jeni të hapur për një drejtim të ri. “Gjithë sa duhet është një ide e mirë”, thotë Cuban. “Unë bësoj shumë se kur të dalim nga kjo, do të ketë kompani të vogla që lulëzuan sepse ata kishin një vizion tjetër”.

Shkoni majtas kur të gjithë po shkojnë djathas

Cuban foli për shumë emaile që ai merr rreth kompanive që krijojnë maska ose materiale për testimin “Nëse të gjithë po bëjnë të njëjtën gjë, shkoni atje ku nuk janë të gjithë”, thotë ai. “Merruni me gjëra që njerëzit nuk po bëjnë akoma”.

Investoni në marketing

Nëse keni kohë joproduktive, përdoreni atë, thotë Cuban. Shpenzoni kohë kësaj radhe duke rikalibruar biznesin tuaj ose planet e marketingut. Punoni në ato elementë të faqes së internetit që kishit kohë që po kërkonit t’i bëni. Gjithashtu, tani është koha e përsosur për të shpenzuar në marketing, pasi niveli i pagesave për klikim ka rënë. Edhe nëse kompania juaj ka një produkt që nuk është diçka që njerëzit mund të dëshirojnë të blejnë tani, ata do ta kujtojnë kompaninë tuaj. “Ndërtoni atë bazë tani,” thotë ai, “sepse kompanitë që reklamojnë tani do të duken të forta”. (INC)/monitor.al

Related Topics:
Continue Reading

Lajmet

Tentimi i 40-të për konstituimin e Kuvendit

Published

5 seconds ago

on

July 1, 2025

By

Vazhdimi i seancës për konstituimin e Kuvendit të ri të Kosovës do të mbahet sot nga ora 11:00.

Tridhjetenëntë vazhdimet e deritanishme kanë dështuar për formimin e legjislaturës së nëntë të dalë nga zgjedhjet e nëntë shkurtit.

Përveç betimit të deputetëve të zgjedhur, Kuvendi i ri ka mbetur i pa konstituar në mungesë të zgjedhjes së kryetarit të ri dhe nënkryetarëve.

Partia Demokratike e Kosovës, Lidhja Demokratike e Kosovës, Aleanca për Ardhmërinë e Kosovës dhe NISMA nuk po i japin votën kandidates së propozuar për kryetare nga Lëvizja Vetëvendosje, Guxo e Alternativa.

Albulena Haxhiu në gjashtë tentime ka dështuar të kalojë provimin dhe në mungesë të kësaj Lëvizja Vetëvendosje, Guxo e Alternativa po kërkojnë komision për votim të fshehtë, për të cilën gjë Aleanca për Ardhmërinë e Kosovës ka kërkuar interpretim nga Gjykata Kushtetuese. Kjo e fundit përmes një aktgjykimi ka vendosur të enjten, më 26 qershor, që Kuvendi duhet të konstituohet brenda tridhjetë ditësh.

Kujtojmë, zgjedhjet parlamentare janë mbajtur më nëntë (9) shkurt. Mbledhja e parë për konstituimin e Kuvendit të ri është mbajtur më pesëmbëdhjetë (15) prill. Që nga ajo datë çdo dyzetetetë (48) orë po mbahen vazhdime të seancës konstituive pa arritur ndonjë rezultat konkret.

Continue Reading

Lajmet

Arrestohen tre zyrtarë policorë në Klinë, dyshohen se keqtrajtuan një qytetar gjatë arrestimit

Published

17 hours ago

on

June 30, 2025

By

Prokuroria Themelore në Pejë njofton se në koordinim me Inspektoratin Policor të Kosovës, pas grumbullimit të provave dhe analizimit të tyre, kanë arrestuar sot tre zyrtarë policorë, të cilët dyshohen se gjatë arrestimit të një personi kanë tejkaluar autorizimet e tyre dhe kanë keqtrajtuar fizikisht të njëjtin derisa i njëjti ishte i prangosur.

“Me urdhër të prokurorit të shtetit, tre të dyshuarit (zyrtarë policorë) janë ndaluar për 48 orë për veprën penale “Keqtrajtim gjatë ushtrimit të detyrës zyrtare ose autorizimeve publike”, thuhet në njoftim, raporton “Betimi për Drejtësi“.

Bëhet e ditur se hetuesit e IPK-së me autorizim të Prokurorisë Themelore në Pejë do të ndërmarrin edhe veprime tjera hetimore drejt ndriçimit të plotë të të gjitha rrethanave që ndërlidhen me këtë rast.

Një ditë më parë, Inspektorati Policor i Kosovës (IPK) njoftoi se i ka rekomanduar Policisë së Kosovës suspendimin e tre zyrtarëve policorë të Stacionit Policor të Klinës.

Në njoftim thuhej se incidenti ku dyshohet se janë përfshirë tre zyrtarët policorë raportohet të ketë ndodhur më 28 qershor 2025 në rrugën “Ismail Qemajli” në qytetin e Klinës, përkatësisht në oborrin e shtëpisë së një qytetari.

“Bazuar nga të gjeturat e hetimit fillestar ekziston dyshimi se zyrtarët policorë kanë tejkaluar autorizimet e tyre gjatë përdorimit të forcës ndaj një qytetari përderisa në deklaratat e tyre dhe në raportet zyrtare është prezantuar një version që rezulton të jetë në kundërshtim të plotë me pamjet e incizuara dhe provat faktike. Në bazë të kompetencave të përcaktuara me Ligjin për Inspektoratin Policor të Kosovës, hetuesit e IPK-së kanë rekomanduar suspendimin ndaj tre zyrtarëve policorë të përfshirë si të dyshuar për veprën penale “Keqtrajtim gjatë ushtrimit të detyrës zyrtare ose autorizimeve publike”, njoftoi IPK-ja.

Continue Reading

Lajmet

Nga 1 Korriku nis patrullimi i përbashkët mes Policisë së Kosovës dhe asaj të Shqipërisë

Published

18 hours ago

on

June 30, 2025

By

Në kuadër të sezonit veror dhe rritjes së fluksit të qytetarëve që udhëtojnë nga Kosova drejt Shqipërisë, nga data 1 korrik 2025 do të nisë zyrtarisht patrullimi i përbashkët ndërmjet Policisë së Shtetit dhe Policisë së Kosovës në territorin shqiptar.

Ky zhvillim vjen pas nënshkrimit të një Memorandumi Bashkëpunimi nga Drejtori i Përgjithshëm i Policisë së Shtetit, Ilir Proda, dhe homologu i tij nga Kosova, Kolonel Gazmend Hoxha.

“Qëllimi i këtij bashkëpunimi është forcimi i sigurisë rrugore, menaxhimi më efikas i trafikut në akset kryesore që lidhin të dy vendet, si dhe parandalimi i shkeljeve dhe aksidenteve rrugore gjatë muajve të verës”, thuhet në njoftimin e policisë së shtetit.

Continue Reading

Lajmet

​Osmani do t’i ftojë në takim liderët e partive, kërkon zbatim të aktgjykimit të Kushtetueses

Published

18 hours ago

on

June 30, 2025

By

Presidentja Vjosa Osmani do t’i ftojë liderët e partive politike në takime në ditët në vijim, tha për KosovaPress, këshilltari për media, Bekim Kupina.

Ai tha se Osmani pret që partitë e përfaqësuara në Kuvend ta zbatojnë Aktgjykimin e Gjykatës Kushtetuese dhe ta përfundojnë seancën konstituive brenda 30 ditësh, siç ka kërkuar gjykata.

“Nëse paraqitet nevoja, presidentja mbetet e gatshme t’i drejtohet Gjykatës Kushtetuese për sqarime shtesë”, tha ai.

Continue Reading

Të kërkuara