Lajmet

Margot Robbie flet për filmin e shumëpritur “Barbie”

Margot, 32-vjeç, tha për “Sun” se ky është një nga skenarët më të mirë që ajo ka lexuar ndonjëherë.

Published

on

Aktorja e “Wolf of Wall Street” do të luajë kukullën ikonë në një film me regji të Greta Gerwig që do të shfaqet vitin e ardhshëm, bashkë me aktorin Ryan Gosling, i cili luan të dashurin e saj.

Sipas saj, ky është një nga skenarët më të mirë që ajo ka lexuar ndonjëherë.

“Më duhej të isha pjesë e kësaj historie. Mbaj mend që fola me Ryan para se të fillonim xhirimet dhe ishim shumë të emocionuar që ishim pjesë e këtij skenari të jashtëzakonshëm. Sido që njerëzit presin që të jetë filmi Barbie, ata duhet ta rimendojnë të gjithën sepse Greta ka bërë diçka të veçantë këtu”, tha ajo.

Duke iu referuar mënyrës sesi Barbie ishte pajisur me uniformën e një mjeku për një nga sferat e lodrave, ajo shtoi: “Dhe Barbie është një model i tillë. Ajo ishte një kirurge në fillim të viteve ’70, kur një përqindje e vogël e femrave po aplikonin për shkollën e mjekësisë.

Pritet që Barbie të merr një ndryshim modern duke marrë parasysh lëvizjen MeToo në duart e Gretës filmat e fundit të së cilës ishin “Lady Bird” dhe “Little Women”.

“Me Too” ishte fokusi i filmit të vitit 2019 “Bombshell”, i bazuar në ngacmimet seksuale të grave që punonin në Fox News, dhe i cili shfaqte Margot si Kayla Pospisil.

Aktorja tha atë kohë se vetëm gjatë punës për filmin kuptoi se çfarë ishte ngacmimi seksual.

Margot, e martuar me bashkëshortin e producentit të filmit Tom Ackerley (32), tha për Net A Porter se ajo ka përjetuar ngacmime, por “jo në Hollywood”.

“Unë luftoj për të gjetur shumë gra që nuk kanë përjetuar ngacmime seksuale në njëfarë niveli”, tha ajo.

Lajmet

Qeveria në detyrë mban mbledhje elektronike, merr dy vendime

Published

on

By

Qeveria në detyrë e Kosovës ka mbajtur të martën mbledhje elektronike.

Në këtë mbledhje, janë miratuar dy vendime: Themelimi i Këshillit organizativ për shënimin e 18-vjetorit të Pavarësisë së Kosovës si dhe autorizimi i pagesës në shumë prej 154,000 euro për Bankën Evropiane për Rindërtim dhe Zhvillim (BERZH) për rritjen e kuotës së kapitalit të Qeverisë së Republikës së Kosovës në BERZH.

“Qeveria në detyrë e Republikës së Kosovës ka mbajtur mbledhje elektronike në të cilën ka miratuar këto vendime: Themelimin e Këshillit Organizativ për shënimin e 18-vjetorit të Pavarësisë së Kosovës dhe autorizimin e pagesës në shumë prej 154,000 euro për Bankën Evropiane për Rindërtim dhe Zhvillim (BERZH) për rritjen e kuotës së kapitalit të Qeverisë së Republikës së Kosovës në BERZH”, thuhet në njoftimin e ZKM-së.

Continue Reading

Lajmet

Prokuroria jep detaje se si u arrestuan tre zyrtarët e Komunës së Prishtinës nën dyshimin për ryshfet

Published

on

By

Prokuroria Themelore në Prishtinë ka dalë me komunikatë rreth arrestimit të tre zyrtarëve të Komunës së Prishtinës.

Arrestimi i tyre u bë gjatë një aksioni nën dyshimin e veprës penale ‘’Keqpërdorimi i pozitës apo autoritetit zyrtar’’ nga neni 414 të KPRK-së, dhe veprën penale ‘’Marrja e ryshfetit’’ në bazë të nenit 421 të Kodit Penal të Republikes së Kosovës.

Gjatë zbatimit të masave të veçanta hetimore, janë shoqëruar tre persona, ndër të cilët zyrtari i komunës, A.G., është arrestuar në flagrancë për veprën penale ‘’Marrje e ryshfetit’’ sipas nenit 421 të KPRK-së, me qëllim qe të ndihmojë të dëmtuarin të realizojë një pagesë për punët të cilat i kishte kryer sipas kontratës me komunën.

Prokuroria Themelore në Prishtinë inkurajon të gjithë qytetarët të raportojnë për të gjitha veprat penale të natyrës së korrupsionit”, thuhet në njoftim.

Continue Reading

Lajmet

​Gjendet trupi i Rasim Mehmet Kocit, i zhdukur gjatë luftës

Published

on

By

Pas rreth 27 vjetëve pas luftës, është gjetur trupi i pajetë i Rasim Mehmet Kocit, i cili ishte zhdukur më 1 prill të vitit 1999 në afërsi të fshatit Osek Hylë.

Siç ka njoftuar familja, ai ishte arrestuar nga forcat serbe dhe më pas ishte vrarë e trupi tij ishte zhdukur. Eshtrat e tij janë identifikuar dhe do i dorëzohen familjes të premten, më 30 janar.

Familja Koci është një nga familjet që ka pësuar humbje të rënda gjatë luftës në Kosovë. Përveç Rasim Mehmet Kocit, kjo familje ka dhënë edhe dy martirë të tjerë: Afrim Idriz Koci dhe Besim Idriz Koci, të cilët u vranë brutalisht më 25 mars 1999 nga forcat paramilitare dhe ushtarake serbe. Homazhet për Martirin e luftës Rasim Mehmet Koci do të mbahen më 31 janar 2026, nga ora 12:00 deri në 13:00, në Pallatin e Kulturës në Gjakovë, ndërsa varrimi do të bëhet në ora 13:30, në Varrezat e Dëshmorëve në Qabrat”, shkruan në njoftimin e familjes së Rasim Kocit.

Continue Reading

Lajmet

​Detaje nga takimi i kryeministrit Kurti me ambasadorët, suedez dhe britanik

Published

on

By

Kryeministri në detyrë i Republikës së Kosovës, Albin Kurti, zhvilloi të hënën një takim të përbashkët me ambasadorin e Suedisë në Kosovë, Jonas Ëesterlund, dhe ambasadorin e Mbretërisë së Bashkuar në Kosovë, Jonathan Hargreaves.

Në komunikatën për media thuhet se në këtë takim u diskutua për çështjet aktuale, përmbylljen e procesit zgjedhor të 28 dhjetorit dhe formimin e institucioneve në vijim, prioritetet e qeverisë së ardhshme, si dhe bashkëpunimin në fusha me interes të përbashkët.

Bëhet e ditur se kryeministri në detyrë, Albin Kurti theksoi përkushtimin ndaj sundimit të ligjit në të gjithë Kosovën, pa diskriminim e privilegje për të gjithë qytetarët dhe komunitetet, rritjen e vazhdueshme ekonomike, progresin shoqëror dhe avancimin demokratik, si dhe angazhimin për paqe e siguri, rend publik e kufij të mbrojtur dhe integrimin në Bashkimin Evropian dhe NATO.

Continue Reading

Të kërkuara