Lajmet
Maqedoni: Ndotja e ajrit, të sëmurët dhe gratë shtatëzënat me orare të shkurtuara pune
Për të tretën ditë me radhë, qyteti i Kërçovës po përballet me nivele alarmante ndotjeje të ajrit, duke kaluar pragun e alarmit për grimcat suspenduese, që arrin 150 mg/m3. Ministria e Mjedisit dhe Planifikimit Hapësinor ka njoftuar se janë marrë masa të reja për të kufizuar pasojat e ndotjes në shëndetin e qytetarëve.
Masat përfshijnë orë më të shkurtra pune për personat që vuajnë nga sëmundje kronike dhe gratë shtatzëna, ndërsa puna në ambiente të jashtme rekomandohet të kryhet vetëm nga ora 11:00 deri në orën 17:00, për të shmangur ekspozimin ndaj ajrit të ndotur gjatë pjesës më të keqe të ditës.
Ministria e Mjedisit ka theksuar se për të kontrolluar situatën e krijuar, janë intensifikuar kontrollet teknike të makinave, veçanërisht atyre me naftë dhe automjeteve të pa regjistruara. Po ashtu, janë forcuar kontrollet në kantieret e ndërtimit dhe është ndaluar djegia e materialeve në natyrë, e cila ndikon direkt në ndotjen e ajrit.
Për më tepër, rekomandohet që subjektet juridike të lirojnë nga puna gratë shtatzëna, personat mbi 60 vjeç dhe ata që vuajnë nga astma kronike dhe probleme të tjera shëndetësore. Kërçova është aktualisht qyteti më i ndotur në Maqedoninë e Veriut, ndërsa Shkupi, kryeqyteti i vendit, është renditur i 16-ti në botë për ajër të ndotur, sipas IQAir, duke pasur gjithashtu nivele të larta ndotjeje që ndikon në cilësinë e jetës.
Kjo situatë alarmante tregon se nevojitet një ndërhyrje më e fuqishme dhe një angazhim afatgjatë për të përmirësuar cilësinë e ajrit dhe për të mbrojtur shëndetin e qytetarëve nga pasojat e ndotjes së ajrit./UBTNews/
Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.
Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.
‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.
Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.
Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.
Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.
Ky akt përkujton sakrificat e viktimave të luftës dhe mundëson nderimin dhe kujtimin e tyre.
Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.
Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.
Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.
Bota
Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve
Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.
Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.
E zbulon studimi i fundit, ja pse njerëzit me sy blu janë të veçantë
Pse autizmi diagnostikohet më rrallë te vajzat dhe gratë?
Vajza e Tom Hanks flet për fëmijërinë e saj: Vite plot konfuzion dhe dhunë
Një mundësi për të ndikuar në shëndetin dhe mirëqenien shoqërore me Fakultetin e Psikologjisë në UBT
Osmani në Sofje, takoi presidentin bullgar dhe mbretin e Jordanisë
Rivarrosen mbetjet mortore të 10 viktimave të luftës
Kur është koha e duhur për të përdorur vajin e peshkut
Kevin De Bruyne njofton largimin nga Manchester City në fund të sezonit
Shpërthejnë përleshjet në Sudanin e Jugut, 30 të vdekur
-
Bota2 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months agoFluturimet e dëbimit kanë filluar, thotë Shtëpia e Bardhë
-
Bota2 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota3 months agoTrump zbulon listën e zezë të Shtëpisë së Bardhë