Presidenti i zgjedhur amerikan, Donald Trump, dhe presidenti në largim, Joe Biden, mbërritën në ndërtesën e Kongresit amerikan, ku do të mbahet ceremonia e inaugurimit të Trumpit.

Dy liderët u takuan më herët në Shtëpinë e Bardhë dhe pinë çaj.

Presidenti i ri do të japë betimin në orën 17:47, sipas orës së Kosovës.

Ky moment është simbolik, pasi Trump do të bëhet presidenti i 47-të i Shteteve të Bashkuara.

Për shkak të kushteve të ftohta atmosferike, ceremonia do të zhvillohet brenda ndërtesës së Kongresit, ndryshe nga herët e tjera kur mbahet jashtë.

Prokuroria Themelore në Gjakovë, njofton se me vendim të Prokurorit të Shtetit, ka ndaluar për 48 orë, të pandehurit A.Gj., D.N., dhe E.Q., për shkak siç thuhet të dyshimit të bazuar se në cilësinë e Inspektorëve të ATK-së, në periudha të ndryshme kohore dhe në lokacione të ndryshme në Gjakovë, kishin kërkuar dhe pranuar ryshfet nga pronarë të ndryshëm të bizneseve.

Sipas prokurorisë me këto veprime formohet dyshimi i bazuar se të njëjtit kanë kryer veprën penale “Marrja e ryshfetit” nga neni 421 i KPRK-së.

“Prokuroria Themelore Gjakovë, ka ndërmarr veprime hetimore, duke zbatuar edhe masat e veçanta hetimore, ndaj të njëjtëve. Sipas kërkesës së Prokurorisë Themelore Gjakovë, dhe me urdhëresë të Gjykatës Themelore Gjakovë, me dt.20.01.2025, është kryer bastisje në tri (3) lokacion të ndryshme”, thuhet në njoftim.

Prokuroria Themelore në Gjakovë, njofton po ashtu se ndaj të pandehurve A.Gj., D.N., dhe E.Q., brenda afatit ligjor, do të paraqesë kërkesë për caktimin e masës së paraburgimit në Gjykatën kompetente.

Në një moment të veçantë për historinë politike të SHBA-së, Presidenti aktual Joe Biden dhe Zonja e Parë Jill Biden kanë pritur në Shtëpinë e Bardhë Presidentin e zgjedhur Donald Trump dhe bashkëshorten e tij, Melania Trump. Ky takim, i cili ka ndodhur pak orë para ceremonisë zyrtare të inaugurimit të Trumpit, është shoqëruar me një mikpritje formale, ku dy çiftet kanë ndarë një çaj së bashku.

Ky është takimi i parë mes Presidentit Biden dhe Trumpit gjatë ditës, pasi dy liderët nuk kishin pasur mundësinë të takohej më parë. Takimi ka pasur një karakter simbolik, duke shënuar një hap të rëndësishëm në kalimin e pushtetit në SHBA, i cili shpesh është i mbushur me tensione, por gjithashtu është një mundësi për të përcjellë mesazhe të unitetit dhe bashkëpunimit mes dy administratave, ndonëse ato ndajnë pozita të kundërta politike.

Përpara këtij takimi, disa minuta më parë, anëtarë të familjes Trump ishin parë duke hyrë në ndërtesën e Capitolit, ku Presidenti i zgjedhur do të drejtohet për të vazhduar përgatitjet për ceremoninë e tij të inaugurimit. Ky moment shënon një kalim të rendësishëm në traditën amerikane të inaugurimeve dhe pasueshmërisë në pushtet, duke i dhënë mundësinë Trumpit të marrë detyrën dhe të fillojë mandatin e tij si president i 45-të i Shteteve të Bashkuara të Amerikës./UBTNews/

Çmimi i Bitcoin-it tejkaloi 109.000 dollarë sot, duke arritur nivelin më të lartë të të gjitha kohërave.

Gjatë 24 orëve të fundit, çmimi i kriptomonedhës më të madhe lëvizi midis 99.400 dollarë dhe 109.110 dollarë.

Kujtojmë se çmimi i Bitcoin-it ishte në nivelin 70.000 dollarë përpara zgjedhjeve amerikane në nëntor 2024, ndërsa vlera u rrit për rreth 55 për qind që nga fitorja e zgjedhjeve presidenciale të Donald Trump-it.

Pas fitores, tregu pret zhvillime pozitive për kriptovalutat, pasi ai u zotua se SHBA-ja do të jetë “kryeqyteti kripto” i planetit.

Madhësia e tregut të Bitcoin ka qenë kohët e fundit në nivel 2,14 trilionë dollarë, sipas shifrave të Coinmarketcap, me një vëllim tregtar 24-orësh prej 111,5 miliardë dollarësh.