Lajmet

​Maqedonci: Baza ajrore e Kuçovës, ndikim strategjik në frenimin e atyre që rrezikojnë stabilitetin e Ballkanit

Ministri tha se investimi në këtë industri është tejet i nevojshëm, ndërsa theksoi se do të diskutohet mundësia e bashkëpunimit me ministrin e Mbrojtjes së Shqipërisë, Niko Peleshi.

Published

1 year ago

on

Mundësia e rikthimit të Shqipërisë në industrinë e armëve shihet pozitivisht nga Kosova, madje dhe si një mundësi konkrete bashkëpunimi mes dy vendeve.

Ministri i Mbrojtjes së Republikës së Kosovës, Ejup Maqedonci, në një intervistë për Agjencinë Telegrafike Shqiptare, tha se investimi në këtë industri është tejet i nevojshëm, ndërsa theksoi se do të diskutohet mundësia e bashkëpunimit me ministrin e Mbrojtjes së Shqipërisë, Niko Peleshi.

“Ne mirëpresim çdo zhvillim të industrisë së mbrojtjes në Republikën e Shqipërisë”, theksoi Maqedonci.

“Ne në Kosovë po ndërtojmë konceptin e industrisë së mbrojtjes dhe shpresoj që dy ministrat e Mbrojtjes do ta thellojnë bashkëpunimin në këtë aspekt, veçanërisht në një kohë ku shihet një mungesë e municioneve në stoqet e vendeve shumë të mëdha të NATO-s si pasojë e luftërave të fundit dhe është e domosdoshme dhe e nevojshme”, tha Maqedonci.

“Ne me ministrin Peleshi do ta diskutojmë dhe këtë çështje siç kemi diskutuar dhe çështje të tjera në synimin e përforcimit të mëtejshëm të marrëdhënieve mes dy vendeve”, nënvizoi Maqedonci.

I pranishëm në ceremoninë e çeljes së bazës ajrore taktike të Kuçovës, Maqedonci, tha se kjo bazë ajrore taktike i jep një peshë tjetër gjeostrategjike Ballkanit Perëndimor karshi influencave të Federatës Ruse.

“Së pari me të vërtetë ndihem jashtëzakonisht i nderuar që pata mundësi të marr pjesë në një ceremoni kaq të rëndësishme jo vetëm për Shqipërinë, por për të gjithë Ballkanin Perëndimor. Në ceremoninë e hapjes së bazës ajrore të NATO-s këtu në Kuçovë, që është baza e parë e ajrore e NATO-s në rajonin e Ballkanit Perëndimor”, tha ai.

“Dhe me të vërtetë vlerësoj se pavarësisht se është bazë e operacioneve taktike, ka një impakt strategjik në frenimin e kundërshtarëve dhe atyre që rrezikojnë stabilitetin dhe sigurinë në Ballkanin Perëndimor, por edhe në inkurajimin e të gjithë aleatëve dhe partnerëve për të përballur së bashku sfidat dhe kërcënimet e kohës”, nënvizoi Maqedonci.

“Kjo bazë tregon përcaktimin dhe vendosmërinë e NATO-s për të qenë prezent në Ballkanin Perëndimor, tregon përkushtimin që ka NATO për të sjellë në këtë aleancë dhe vende që s’janë ende pjesë e NATO-s, siç është Kosova. Kjo është shumë e rëndësishme për vetë faktin se një nga qëllimet kryesore të Federatës Ruse, dhe saktësisht të elementëve të Federatës Ruse në Ballkanin Perëndimor është destabilizimi i Ballkanit Perëndimor dhe minimi i integrimit të këtij rajoni në NATO dhe BE. Prandaj mesazhi është shumë e rëndësishëm, pasi prezenca e kësaj baze në Shqipëri është mesazh, tregues që Ballkani Perëndimor është pjesë e familjes së NATO-s”, përfundoi Maqedonci.

Related Topics:
Continue Reading

Lajmet

Zyrtare: Felix transferohet nga Chelsea në Al-Nassr

Published

14 hours ago

on

July 29, 2025

By

Joao Felix është larguar nga Chelsea dhe ka nënshkruar një kontratë të përhershme me Al-Nassr.

Portugezi bëri 20 paraqitje në të gjitha garat për Blues sezonin e kaluar, duke shënuar shtatë gola pas transferimit të tij të verës në Stamford Bridge nga Atletico Madrid.

Ai e kaloi gjysmën e dytë të sezonit 2024/25 si huazim te AC Milan dhe tani është larguar nga “Blutë” në mënyrë të përhershme, duke u bashkuar me skuadrën e Ligës Profesionale Saudite, Al-Nassr.

Continue Reading

Lajmet

Rastet e para të sëmundjes “Gjuha e Kaltër” konfirmohen në Kosovë, AUV merr masa parandaluese

Published

14 hours ago

on

July 29, 2025

By

Agjencia e Ushqimit dhe Veterinarisë (AUV) ka konfirmuar sot, më 29 korrik 2025, rastet e para të sëmundjes virale “Gjuha e Kaltër” në dy ferma: në fshatin Marec (Prishtinë) dhe në fshatin Brus (Lipjan).

Sëmundja, e cila transmetohet nga mushkonjat e llojit Culicoides, prek ruminantët si delet, dhitë dhe gjedhët, por nuk transmetohet te njerëzit.

Për të parandaluar përhapjen e saj, AUV ka ndaluar lëvizjen e kafshëve në të gjithë territorin e Kosovës dhe ka vendosur masa të rrepta biosigurie.

Fermat e prekura janë vendosur në karantinë të plotë, ndërsa fermerët janë urdhëruar të përdorin masa të dezinfektimit dhe të shmangin kontaktin ndërmjet tufave. Po ashtu, është pezulluar puna në të gjitha tregjet e kafshëve, dhe Policia e Kosovës, bashkë me autoritetet komunale, do të mbikëqyrin zbatimin e vendimit.

Continue Reading

Lajmet

FSK konfirmon gjetjen e trupit të pajetë të 33-vjeçarit të zhdukur në liqenin e Ujmanit

Published

15 hours ago

on

July 29, 2025

By

Forca e Sigurisë së Kosovës (FSK) ka konfirmuar gjetjen e trupit të pajetë të 33-vjeçarit që ishte zhdukur ditë më parë në liqenin e Ujmanit.

Në një njoftim zyrtar, FSK bëri të ditur se pas kërkimeve intensive, është lokalizuar trupi i viktimës, i cili më pas i është dorëzuar Policisë së Kosovës dhe ekipit të forenzikës për procedurat e mëtejme ligjore.

Njoftimi:

FSK-ja gjen trupin e pajetë të personit të zhdukur

Pas ftesës së Qendrës së Situatave të Qeverisë së Republikës së Kosovës, dhe koordinimeve me partnerët për angazhimin e Ekipeve të FSK-së, Komandanti i FSK-së Gjenerallejtënant Bashkim Jashari ka urdhëruar ekipet e Kërkim Shpëtimit në Ujëra, për realizimin e operacionit humanitar në kërkim të personit të raportuar si i zhdukur. Me pranimin e urdhërit, ekipet e FSK kanë marrë të gjitha masat dhe në koordinim me partnerët ndërkombëtarë dhe qëndror janë angazhuar në operacion e kërkimit të personit të zhdukur.

Falë intesitetit të lartë të kërkimit dhe profesionalizmit të ekipeve tona në terren, pas disa orësh kërkimi në bashkëpunim me Policinë e Kosovës, AME dhe KFOR, kanë arritur të gjejnë trupin e pajetë në zonën e liqenit të Ujmanit.

Pas evakuimit, trupi i pajetë i viktimës i është dorëzuar Policisë së Kosovës dhe ekipit të forenzikës për procedurat e mëtejme.

Continue Reading

Lajmet

​Presidenti i Milanit thyen heshtjen për Ardon Jasharit

Published

15 hours ago

on

July 29, 2025

By

Presidenti i Milanit, Paolo Scaroni, këmbëngul se Ardon Jashari dëshiron t’i bashkohet Rossonerëve ‘me çdo kusht’, por gjigantët e Serie A nuk duan të ofrojnë shumë. Milani mbetet në kërkim të talentit zviceran Jashari, por oferta e tyre e fundit me vlerë 33.5 milionë euro plus bonuset u refuzua nga Club Brugge.

“Nuk duam të ofrojmë shumë, por ai dëshiron të vijë me çdo kusht”, tha presidenti i Milanit, Scaroni, të martën, nëpërmjet “Calciomercato”

Scaroni iu përgjigj shpejt një pyetjeje nga një gazetar në Lega Serie A në Milano, përpara një takimi me presidentët e tjerë të Serie A.

Gjatë të njëjtit takim, drejtuesit e Interit dhe Atalantës pritet të vazhdojnë negociatat për Ademola Lookman .

Drejtori i Milanit, Igli Tare, tha të dielën se Milani nuk do të bënte një ofertë tjetër për Jasharin, pavarësisht se e dinte se çmimi i kërkuar nga Club Brugge për 22-vjeçarin është vendosur në 40 milionë euro.

Jashari nuk ishte pjesë e skuadrës së Club Brugge për dy ndeshjet e para garuese këtë sezon.

Milani ka bërë ndryshime të mëdha në mesfushë këtë verë, duke shitur Tijjani Reijnders te Manchester City dhe duke nënshkruar me Samuele Ricci dhe Luka Modric.

Continue Reading

Të kërkuara