Sport

Mane humb Botërorin “Katar 2022”

Kjo për shkak të një lëndimi në muskul.

Published

on

Sipas raportimeve të fundit, ylli i Senegalit, Sadio Mane si duket e ka humbur Kampionatin Botëror “Katar 2022” pasi që u largua nga përballja e Bayern Munich kundër Werder Bremenit për shkak të një lëndimi në muskul.

Ish-sulmuesi i Liverpoolit u zëvendësua pas 20 minutave lojë në fitoren 6:1 të Bayernit kundër Werder Bremenit, kështu duke pësuar lëndim vetëm dy javë para se të filloj Botërori “Katar 2022”.

Sipas “L’Equipe”, Mane nuk do të jetë pjesë e skuadrës së Senegalit si pasojë e këtij lëndimi, ku kjo paraqet një goditje të madhe për shtetin e tij, i cili po përgatitet për ndeshjet e fazës së grupeve kundër Holandës, Ekuadorit dhe Katarit.

Mane besohet se ka pësuar një lëndim në muskul, dhe do të mbetet jashtë fushave për javë të tëra, gjë kjo që është një problem serioz për trajnerin e Senegalit, Aliou Cisse pak ditë para se ky i fundit të bëjë zyrtare listën e lojtarëve të grumbulluar në këtë Botëror.

Trajneri i Bayernit, Julian Nagelsmann pas ndeshjes kundër Werder Bremenit tha se Manes do t’i duhet një skanim për ta zbuluar shkallën e lëndimit, ndërsa shpresoi se nuk është ndonjë gjë serioze.

Mungesa e Manes do të vërehet tej mase në kampin e Senegalit, ku ylli i Bayernit ka arritur të bëjë 93 paraqitje për vendin e tij dhe ka shënuar 34 gola.

Ai udhëhoqi kombëtaren e tij drejt triumfit në Kupën e Kombeve Afrikane të këtij viti, pasi ata mposhtën Egjiptin me penallti në finale.

Sport

Spanja ndalet pas një serie të gjatë fitoresh, spektakël në Ligën e Kombeve

Published

on

By

Spanja ka pësuar humbje 3:2 ndaj Anglisë, duke i dhënë fund serisë së gjatë të rezultateve pozitive, në një nga përballjet më interesante të mbrëmjes në Ligën e Kombeve të UEFA-s.

Kampionët evropianë nuk arritën ta vazhdonin ecurinë e tyre mbresëlënëse, pasi Anglia arriti të triumfonte në një ndeshje me pesë gola, duke shkaktuar një nga befasitë e mbrëmjes.

Në ndeshjet e tjera, Belgjika shënoi fitore bindëse 4:1 ndaj Italisë, ndërsa Franca triumfoi 2:1 kundër Turqisë.

Kroacia mposhti Çekinë me rezultat 2:1, ndërsa Finlanda realizoi një fitore spektakolare 7:2 ndaj San Marinos.

Ndërkohë, Qiproja fitoi 4:1 ndaj Malit të Zi, kurse Letonia dhe Armenia u ndanë në barazim pa gola, 0:0.

Mbrëmja u karakterizua nga rezultate interesante dhe shumë gola, por vëmendjen kryesore e mori humbja e Spanjës, që u ndal pas një serie të gjatë fitoresh.

D.L

Continue Reading

Sport

Akil Gjakova fiton medaljen e bronztë në Zagreb, afrohet drejt normës olimpike

Published

on

By

Plot pesë fitore ka regjistruar xhudisti kosovar Akil Gjakova të shtunën në Grand Prix të Zagrebit, në Kroaci, ku u stolis me medaljen e bronztë në kategorinë deri në 73 kilogramë.

Pesë fitore në një garë të nivelit të lartë zakonisht mjaftojnë për të siguruar medaljen e artë, por këtë herë Gjakova u ndal në vendin e tretë. Megjithatë, kjo medalje ka rëndësi të veçantë për xhudistin më të mirë të Kosovës, i cili pas një periudhe pritjeje po rikthehet te rezultatet e rëndësishme ndërkombëtare.

Gjakova kishte fituar medaljen e argjendtë në Grand Slamin e Parisit vitin e kaluar, ndërsa këtë vit u rendit i pesti në Kampionatin Evropian dhe në Grand Slamin e Abu Dabit, dy javë më parë. Ai kishte fituar edhe medaljen e bronztë në Lojërat Mesdhetare, ndërsa në disa gara të tjera ishte eliminuar në fazat e hershme.

Me medaljen në Zagreb, 30-vjeçari ka fituar 350 pikë në ranglistën botërore, duke përmirësuar pozicionin e tij dhe duke iu afruar edhe më shumë synimit madhor: pjesëmarrjes në Lojërat Olimpike “Los Angeles 2028”.

Aktualisht, Gjakova ndodhet brenda zonës që siguron normën olimpike. Megjithatë, konkurrenca për një vend në kategorinë deri në 73 kilogramë në përfaqësuesen e Kosovës është e fortë, pasi në këtë kategori garon edhe Dardan Cena. Sipas rregullave olimpike, një shtet mund të përfaqësohet vetëm nga një xhudist në secilën kategori, ndaj gara dhe rezultatet e ardhshme do të përcaktojnë se kush do ta përfaqësojë Kosovën në SHBA.

Gjakova ka marrë pjesë në dy edicionet e fundit të Lojërave Olimpike, ku, pavarësisht paraqitjeve të mira, nuk arriti të fitojë medalje. Tashmë synon paraqitjen e tretë olimpike, me shpresën që kësaj radhe të arrijë edhe te podiumi.

Rëndësinë e këtij rezultati e ka vlerësuar edhe trajneri i Kosovës në xhudo, Driton Kuka.

“Në kategorinë deri në 73 kilogramë konkurrenca gjithnjë është shumë e fortë. Pesë fitoret e Akilit janë shumë të vlefshme. Medalja e bronztë po ashtu. Është medalje me vlerë edhe për Olimpiadë”, ka deklaruar Kuka.

D.L

Continue Reading

Sport

Shqipëria rikthehet në Ligën B, fushatën e mbyll me fitore ndaj Bjellorusisë

Published

on

By

Shqipëria e ka përmbyllur me sukses edicionin e pestë të Ligës së Kombeve të UEFA-s, duke siguruar rikthimin në Ligën B për edicionin 2028/2029.

Kuqezinjtë triumfuan të dielën mbrëma me rezultat 2:0 ndaj Bjellorusisë, në ndeshjen e zhvilluar në Budapest të Hungarisë, ku kundërshtari ishte nikoqir i kësaj përballjeje të xhiros së fundit në Grupin C1.

Fitoren e Shqipërisë e vulosën Rey Manaj dhe Elseid Hysaj. Manaj zhbllokoi rezultatin në minutën e 28-të, ndërsa Hysaj dyfishoi epërsinë në minutën e 57-të, pas asistimit të sulmuesit shqiptar.

Pavarësisht mungesës së Ernest Muçit, një prej lojtarëve më në formë të skuadrës, Shqipëria zhvilloi një paraqitje bindëse dhe krijoi raste të shumta për të shënuar edhe gola të tjerë. Ndeshja u zhvillua në stadium të zbrazët.

Skuadra e drejtuar nga Rolando Maran e përfundoi fazën e grupeve në vendin e parë me 15 pikë, duke regjistruar pesë fitore në gjashtë ndeshje. Humbjen e vetme e pësoi ndaj Finlandës në Helsinki, ndërsa ndaj Bjellorusisë dhe San Marinos regjistroi nga dy fitore.

Ky sukses i mundëson Shqipërisë rikthimin në Ligën B, pasi në dy edicionet e fundit kishte garuar në këtë nivel. Gjithashtu, përfundimi në vendin e parë i siguron asaj vendosjen në vazon e tretë për shortin e kualifikimeve për Kampionatin Evropian 2028.

Pas Shqipërisë, Bjellorusia përfundoi në vendin e dytë me 10 pikë dhe do të luajë në plejof për avancim në Ligën B. Me po aq pikë, Finlanda u rendit e treta, ndërsa San Marino e mbylli grupin në pozitën e fundit pa asnjë pikë.

D.L

Continue Reading

Lajmet

Përzgjedhësi i Izraelit, Ben Shimon: Kosova ka ekip të mirë, jemi në nivel të përafërt

Published

on

By

Përzgjedhësi i Kombëtares së Izraelit, Ran Ben Shimon, ka vlerësuar lart përfaqësuesen e Kosovës në konferencën për media para përballjes së nesërme ndërmjet dy kombëtareve, duke deklaruar se të dyja ekipet kanë nivel të përafërt.

Tekniku izraelit e cilësoi Kosovën si një kundërshtar cilësor, ndërsa shtoi se bilanci i takimeve të kaluara nuk do të luajë rol përcaktues në këtë sfidë.

“Mendoj që Kosova dhe Izraeli pak a shumë e kanë nivelin e njëjtë. Mund të them që të dyja janë ekipe relativisht të vogla. Sa i përket rezultateve të së kaluarës, nuk bazohemi te historia. Kosova me të vërtetë ka një ekip të mirë, por do të shohim se çfarë do të ndodhë”, tha Ben Shimon.

Ndeshja ndërmjet Kosovës dhe Izraelit zhvillohet nesër, ku të dyja përfaqësueset synojnë rezultat pozitiv. Deri më tani, nga tri përballjet e ndërsjella, Kosova ka arritur të shënojë një fitore. /E.A/

Continue Reading

Të kërkuara