Sport

Manchester Unitedi etiketon katër zëvendësues të mundshëm për Paul Pogba

Published

on

Ylli i Manchester Unitedit, Paul Pogba mund të largohet nga Old Trafford në këtë afat transferimi për t’u transferuar të Paris Saint-Germain në Ligue 1.

Sipas raporteve, Unitedi po shqyrton mundësinë e arkëtimit të parave nga Pogba, pasi është gati ta lejoj atë të bashkohet me PSG-në.

Francezi ka vetëm një vit nga kontrata e tij aktuale dhe me klubin që heziton ta humbasë atë për herë të dytë falas, një ndarje këtë verë për 50 milionë euro është shumë e mundshme.

Sipas Daily Mail, Unitedi është duke duke shqyrtuar nëse do të shesin 28-vjeçarin këtë verë, me interesin e PSG-së duke i vënë ato “nën presion”.

Padyshim, një talent si Pogba nënkupton që ai ia vlen të ruhet. Por, duke pasur parasysh situatën e tij kontraktuale, ky është një rast kur duhet të shitet tani ose të lejohet të largohet falas në verën e 2022.

Duke qenë kështu, Express Sport ka hedhur një vështrim në lidhje me zëvendësuesit e mundshëm të Pogbas, teksa ka etiketuar katër lojtarë si pasues të mundshëm të francezit.

Jack Grealish (Aston Villa)

Unitedi dhe Ole Gunnar Solskjaer në veçanti – janë gjithashtu admirues të mëdhenj të reprezentuesit anglez, ashtu sikurse rivalët e Manchester Cityt.

Solskjaer dëshironte që Glazers të paguanin 75 milionë funte për 25-vjeçarin vitin e kaluar, por iu tha se ai ishte thjesht shumë i shtrenjtë.

Por, këtë verë, me Unitedin që admiron Grealish për lidershipin, kreativitetin dhe kërcënimin e tij sulmues, është e mundur që ata të zgjedhin të rivalizojnë fqinjët e tyre kur bëhet fjalë për nënshkrimit të tij.

Eduardo Camavinga (Rennes)

Gjatë javëve të fundit, United ka qenë i lidhur fortë me adoleshentin e Rennes, Camavinga, i cili tashmë ka kaluar dy vjet në ekipin e parë francez, pavarësisht se është 18 vjeç, dhe gjithashtu ka bërë tre paraqitje për kombëtaren.

United e ka ndjekur gjerësisht lojtarin dhe madje ka zgjedhur të nënshkruajë me Hannibal Mejbri para Camavingas në verën e vitit 2019.

Megjithatë, ekziston një problem. Disa drejtues brenda Djajve të Kuq besojnë se ai do të preferonte një lëvizje në Real Madrid ose PSG dhe nuk duan të nënshkruajnë një lojtar që nuk dëshiron të jetë plotësisht në Old Trafford.

Saul Niguez (Atletico Madrid)

Ditët e Saul Niguez në Atletico Madridi duket se janë të numëruara, pasi ata duan ta heqin spanjollin nga fatura e pagave ndërsa kërkojnë të ekuilibrojnë librat financiar pas pandemisë.

S​iç qëndrojnë gjërat, Liverpooli dhe Barcelona kanë qenë dy klubet më të lidhura me një lëvizje për mesfushorin, por kishte pretendime në fillim të javës se Unitedi ishte gjithashtu pjesë e garës dhe agjenti i lojtarit tashmë ishte në ‘negociata të avancuara’.

Saul u refuzua nga Unitedi në vitin 2014, por klubi e kuptoi se ata ishin gabim. Si pasojë, është e mundur që ata do të kërkojnë ta sjellin atë si një zëvendësues të mundshëm të Pogbas.

Declan Rice (West Ham United)

Ndërsa Declan Rice nuk do të ishte domosdoshmërisht një zëvendësues i drejtpërdrejtë i Pogbas, ai është ende nën shqyrtim nga Unitedi.

Ata e dinë që West Ham do të jetë ekipi i vështirë për të negociuar për anglezin, të cilin ata besojnë se ia vlen rreth 100 milionë funte.

Megjithatë, United mund të tundohet të provojë, veçanërisht nëse ata fitojnë 50 milionë euro nga shitja e Pogbas.

Rice admirohet nga John Murtough dhe Darren Fletcher.

Por, Djajtë e Kuq do të përballen me konkurrencën nga Chelsea kur bëhet fjalë për ta transferuar atë, pasi Thomas Tuchel është një admirues i madh i mesfushorit.

Lajmet

Mediat italiane: Mundësi shkëmbimi mes Edon Zhegrovës dhe Folarin Balogunit

Published

on

By

Edon Zhegrova mund të largohet nga Juventusi gjatë afatit kalimtar të janarit, ndërsa një destinacion i mundshëm për të është Monaco. Në anën tjetër, në Torino po shqyrtohet mundësia e transferimit të sulmuesit amerikan Folarin Balogun, në një marrëveshje që mund të përfshijë shkëmbimin e dy futbollistëve.

Sipas Gazzetta dello Sport, duke cituar gazetari Giovanni Albanese, Zhegrova nuk është i kënaqur me trajtimin si rezervist te Juventusi dhe po e sheh me interes mundësinë e transferimit në Monaco, klub që është në kërkim të një futbollisti në pozitën e tij. Në anën tjetër, edhe Balogun nuk po gjen hapësirën e dëshiruar në skuadrën franceze, ku konkurrenca me talentin në ngritje Paris Brunner ia ka vështirësuar aktivizimin. Sulmuesi amerikan e sheh me interes mundësinë për t’u transferuar te Juventusi.

Klubi italian është në kërkim të një qendërsulmuesi për janarin, pasi trajneri Luciano Spalletti kërkon një profil më fizik në repartin sulmues. Një prej objektivave mbetet Alexander Sorloth i Atletico Madridit, ndërsa bisedimet për të pritet të rifillojnë së shpejti.

Megjithatë, ideja e Balogunit ka disa pikëpyetje. Sulmuesi 25-vjeçar është më shumë një lojtar lëvizës sesa një qendërsulmues fizik i tipit Sorloth, të cilin e preferon Spalletti.

Për më tepër, Balogun ka një pagë të përballueshme prej rreth 3.5 milionë eurosh në vit, por Juventusi do ta konsideronte marrëveshjen interesante vetëm nëse Monaco do të pranonte një huazim pa obligim blerjeje.

Kjo do t’i mundësonte klubit torinez ta testonte sulmuesin në Serie A përpara se të vendoste për një investim që mund të arrinte në 45 deri në 50 milionë euro.

Kështu, janari mund të sjellë një lëvizje interesante në aksin Torino–Monte Carlo, me Zhegrovën që kërkon më shumë minuta dhe Balogunin që synon një aventurë të re në Itali. /E.A/ 

 

Continue Reading

Sport

Barcelona synon përforcime në mbrojtje në janar: Josko Gvardiol dhe Jonathan Tah në listën e dëshirave

Published

on

By

Barcelona po shqyrton mundësinë e përforcimit të repartit defensiv gjatë afatit kalimtar të janarit 2027, duke vënë në shënjestër mbrojtësin e Manchester Cityt, Josko Gvardiol, dhe atë të Bayern Munichut, Jonathan Tah.

Sipas raportimeve të së përditshmes spanjolle AS, drejtori sportiv Deco ka eksploruar mundësitë për afrimin e të dy futbollistëve, ndërsa trajneri Hansi Flick ka dhënë dritën e gjelbër për një përforcim në këtë repart, nëse e lejojnë kushtet financiare. Megjithatë, pengesa kryesore për katalanasit mbetet nevoja për të krijuar fillimisht hapësirë në kufirin e pagave para se të veprojnë në treg.

Josko Gvardiol është një nga lojtarët më të pëlqyer nga Deco, pasi 24-vjeçari kroat mbulon me sukses si qendrën e mbrojtjes ashtu edhe krahun e majtë — dy pozicione ku Barcelona kërkon alternativa. Katalanasit kishin kërkuar informacione për të te Manchester City gjatë bisedimeve të zhvilluara për çështjen e Rodrit, por operacioni vlerësohet tejet i vështirë, pasi kampioni anglez nuk ka dhënë asnjë sinjal se është i gatshëm ta lërë të lirë.

Alternativa tjetër në listën e klubit spanjoll është qendërmbrojtësi gjerman Jonathan Tah, për situatën e të cilit Barcelona ka kërkuar informacione në prag të merkatos dimërore, raporton Sky Sport Germany. 30-vjeçari ishte synim i katalanasve edhe në vitin 2025 pas mbylljes së kontratës me Bayer Leverkusenin, por zgjodhi t’i bashkohej Bayern Munichut, me të cilin është i lidhur deri në qershor të vitit 2029.

Ndonëse gjatë këtij sezoni Tah ka pasur minutazh të luhatshëm për shkak të rotacionit të trajnerit Vincent Kompany me Dayot Upamecanon dhe Kim Min-jae, ai mbetet pjesë e planeve të bavarezëve. Sipas raportimeve nga Gjermania, Bayerni nuk e shqyrton largimin e tij dhe as vetë lojtari nuk ka shprehur dëshirë për t’u larguar, ndërsa gazeta BILD shton se pavarësisht kontakteve me rrethin e futbollistit, ende nuk ka një kërkesë zyrtare nga ana e Barcelonës.

 

Continue Reading

Lajmet

Sfida vendimtare në Dublin: Kosova kërkon fitoren ndaj Irlandës për plejofin e Ligës A

Published

on

By

Kombëtarja e Kosovës luan sonte nga ora 20:45 në Dublin ndeshjen vendimtare të xhiros së fundit të Grupit B3 të Ligës së Kombeve përballë Irlandës, sfidë kjo që përcakton vendin e dytë në grup dhe përfaqësuesen e fundit që do të zërë vend në vazon e dytë për shortin e kualifikimeve të Kampionatit Evropian “Euro 2028”, i cili tërhiqet në muajin dhjetor.

Për “Dardanët”, të cilët e fituan duelin e parë në Prishtinë me rezultat 1-0 më 24 shtator, mjafton edhe një barazim për të siguruar vendin e dytë në grup, çka u garanton automatikisht pjesëmarrjen në plejofin për inkuadrim në Ligën A të Ligës së Kombeve, si dhe pozicionimin në vazon e dytë të shortit evropian. Nga ana tjetër, Irlandës i duhet patjetër fitorja për të shmangur rënien në vazon e tretë. Vlen të ceket se në këtë fazë të plejofit do të paraqitet edhe Serbia, por përballjet mes saj dhe Kosovës nuk lejohen nga UEFA.

Pavarësisht se barazimi i kryen punë Kosovës, përzgjedhësi Franco Foda ka bërë të qartë në konferencën për shtyp të mbajtur të hënën se skuadra e tij nuk do të futet në fushë me llogari, por për të kërkuar fitoren.

“Presim të jetë ndeshje ndryshe nga ajo që ishte në Prishtinë. Jemi të vetëdijshëm që Irlanda është kombëtare shumë e fortë dhe këtë e ka treguar në ndeshjet e kaluara, sidomos kundër Austrisë në shtëpi ku morën avantazhin prej 2-0. Megjithatë, ne jemi këtu për të marrë rezultat pozitiv dhe do të tentojmë të marrim fitore”, deklaroi Foda.

Tekniku gjerman e refuzoi idenë se ndeshja do të jetë e lehtë, duke shtuar se qasja ofensive që pritet nga irlandezët mund t’i krijojë hapësira Kosovës. “Nuk mund të futesh në ndeshje për të kërkuar barazimin, në fushë duhet të futesh për të fituar. Presim që Irlanda të luajë lojë më ofensive dhe kjo do të nënkuptonte që ne do të kemi më shumë hapësira, të cilat shpresoj t’i shfrytëzojmë nëpërmjet kundërsulmeve”, përfundoi Foda. /E.A/

Continue Reading

Lajmet

Gjermania shkëlqen ndaj Holandës, Brajan Gruda protagonist me gol dhe dy asistime

Published

on

By

Kombëtarja e Gjermanisë e ka mbyllur fazën e grupeve në vendin e parë, pasi shënoi një fitore bindëse me rezultat 5-0 ndaj Holandës, në një përballje ku spikati futbollisti shqiptar Brajan Gruda, me një gol të shënuar dhe dy asistime.

Gjermanët e dominuan takimin dhe zhbllokuan rezultatin në minutën e 41-të përmes Derry Scherhant, i cili shënoi pas asistimit të Joshua Kimmich. Në pjesën e dytë, “Pancerat” thelluan ndjeshëm epërsinë, duke nisur me golin e Florian Wirtz në minutën e 60-të për 2-0.

Pesë minuta më vonë, Nico Schlotterbeck realizoi golin e tretë pas një asistimi nga goditja e lirë të Brajan Grudës. Mesfushori ofensiv ishte protagonist edhe në minutën e 71-të, duke asistuar sërish për Florian Wirtz që shënoi golin e katërt. Paraqitjen e tij fantastike Gruda e vulosi në minutën e 77-të, kur realizoi golin e pestë dhe përfundimtar pas një topi të kthyer brenda zonës.

Në takimin tjetër të këtij grupi, Greqia mposhti Serbinë me rezultat minimal 1-0, falë golit të Georgios Masouras në minutën e 69-të, pas asistimit të Vangelis Pavlidis.

Pas mbylljes së ndeshjeve, Gjermania, Holanda dhe Greqia e përfundojnë grupin me nga 11 pikë secila, por falë golaverazhit superior, Gjermania renditet në krye të tabelës, ndërsa Serbia mbetet e fundit me zero pikë. /E.A/

Continue Reading

Të kërkuara