Lajmet

Macroni fajëson Izraelin për sulm ndaj palestinezëve që ishin duke marrë ndihma, kërkon hetime

Franca bëri thirrje të premten për një hetim të pavarur për vrasjen e dhjetëra njerëzve gjatë një dërgese ndihme.

Published

2 years ago

on

Presidenti francez, Emmanuel Macron fajësoi trupat izraelite për shënjestrimin e civilëve në Gaza, pasi Franca bëri thirrje të premten për një hetim të pavarur për vrasjen e dhjetëra njerëzve gjatë një dërgese ndihme.

Sipas ministrisë së shëndetësisë së Gazës, e drejtuar nga Hamasi, trupat izraelite të enjten hapën zjarr ndaj një turme palestinezësh që vraponin për të rrëmbyer ushqimin nga kamionët e dërgesave në qytetin e Gazës, duke vrarë më shumë se 100 njerëz dhe duke plagosur më shumë se 700, raporton “Politico”.

Izraeli e ka kundërshtuar këtë version të ngjarjeve, duke thënë se shumica e viktimave u shkaktuan në një rrëmujë pasi njerëzit nxituan për të marrë ushqime.

Sipas raporteve të mediave lokale, Forcat e Mbrojtjes të Izraelit (IDF) thanë se ushtarët e saj hapën zjarr vetëm kur u ndjenë të rrezikuar dhe shkaktuan më pak se 10 viktima, raportoi “Times of Israel”.

Macroni të premten dënoi të shtënat, duke përsëritur se “e gjithë popullsia civile duhet të mbrohet”.

“Indinjatë e thellë për imazhet që vijnë nga Gaza ku civilët janë shënjestruar nga ushtarët izraelitë”, tha ai.

Ministri i Jashtëm francez Stephane Sejourne gjithashtu bëri thirrje për një hetim.

“Do të kërkojmë shpjegime dhe do të duhet të ketë një hetim të pavarur për të përcaktuar se çfarë ka ndodhur”, tha ai për radion “France Inter”. “Franca i quan gjërat me emrin e tyre. I thotë gjërat edhe kur bëhet fjalë për të përshkruar Hamasin si terroristë. Por duhet të thotë gjëra edhe kur ka mizori në Gaza”.

Zëdhënësi i Departamentit të Shtetit të ShBA-së, Matthew Miller, tha se Uashingtoni “po kërkon urgjentisht informacion shtesë mbi atë që ka ndodhur”. Udhëheqësit e BE-së dhe disa vende arabe kanë dënuar hapur të shtënat e së enjtes dhe kanë përsëritur thirrjet për një hetim.

Related Topics:
Continue Reading

Vendi

Mbi 100 gramë kokainë dhe marihuanë kapen në Vërmicë

Published

18 hours ago

on

June 19, 2026

By

Dogana e Kosovës, në bashkëpunim me Policinë e Kosovës, ka zbuluar dy raste të substancave narkotike gjatë kontrolleve në Pikën Kufitare të Vërmicës.

Në rastin e parë, gjatë kontrollit të një automjeti që po hynte në Kosovë, janë gjetur 104.90 gramë substancë e dyshuar si kokainë, e fshehur në çantën personale të një udhëtari.

Ndërkaq, në rastin e dytë janë zbuluar 5.53 gramë substancë e dyshuar si marihuanë, e fshehur në bagazhin e një automjeti. Gjatë kontrollit është gjetur edhe një thikë kuzhine e padeklaruar.

Rastet janë proceduar për hetime të mëtejshme nga autoritetet kompetente.

/A.K/

Continue Reading

Vendi

Mbyten dy vajza të mitura në Tale

Published

19 hours ago

on

June 19, 2026

By

Një ngjarje e rëndë ka ndodhur mesditën e sotme në plazhin e Tales, ku dy vajza të mitura, të moshës 11 dhe 9 vjeçe, janë mbytur në det.

Sipas njoftimit zyrtar të Policisë, tragjedia ka ndodhur rreth orës 12:50. Pas marrjes së informatës, zyrtarët policorë kanë dalë menjëherë në vendngjarje dhe, në bashkëpunim të ngushtë me pushuesit e tjerë, kanë bërë të mundur gjetjen dhe nxjerrjen e trupave të pajetë në breg.

“Në bashkëpunim me pushuesit, është bërë e mundur gjetja dhe nxjerrja e trupave të pajetë në breg“, thuhet në njoftimin e policisë.  /E.A/

Continue Reading

Vendi

Dyshime për cilësinë: Bllokohen mbi 1 mijë e 400 infuzione në Spitalin e Mitrovicës

Published

20 hours ago

on

June 19, 2026

By

Shërbimi Spitalor Klinik dhe Universitar i Kosovës (ShSKUK) ka njoftuar se ka bllokuar përkohësisht 1,432 njësi të një produkti mjekësor në Spitalin Rajonal “Sami Haxhibeqiri” në Mitrovicë, pas dyshimeve se ai mund të mos jetë brenda specifikave të kërkuara të cilësisë.

Bëhet fjalë për infuzionet e llojit Compound Sodium Lactate (500 ml). Alarmi u ngrit fillimisht nga farmacistja përgjegjëse e spitalit, gjë që vuri në lëvizje Inspektoratin Farmaceutik dhe Agjencinë e Kosovës për Produkte dhe Pajisje Medicinale (AKPPM).

Pas një inspektimi të dytë të kryer më 17 qershor, autoritetet urdhëruan bllokimin e menjëhershëm të këtij kontingjenti deri në pranimin e rezultateve nga analizat laboratorike. ShSKUK ka njoftuar opinionin publik se ky është një masë parandaluese dhe se mbetet e përkushtuar për të garantuar sigurinë e plotë të pacientëve dhe cilësinë e barnave nëpër spitalet publike. /E.A/

Continue Reading

Lajmet

KQZ gati për rezultatet përfundimtare: Përfundon rinumërimi i 185 vendvotimeve

Published

22 hours ago

on

June 19, 2026

By

Komisioni Qendror i Zgjedhjeve (KQZ) ka përmbyllur zyrtarisht procesin e rinumërimit për të gjitha 185 vendvotimet e kontestuara. Sipas zëdhënësit të KQZ-së, Valmir Elezi, procesi ka përfunduar sot në orën 12:00 dhe të dhënat e reja tashmë janë përditësuar në platformën zyrtare të rezultateve.

Me këtë hap, KQZ-ja ka mbyllur teknikisht të gjitha aktivitetet e administrimit të votave dhe është gati për shpalljen e rezultateve përfundimtare të zgjedhjeve të 7 qershorit.

Megjithatë, përpara shpalljes zyrtare, duhet të respektohen afatet ligjore për ankesat e mundshme. Elezi sqaroi se sot përfundon afati për ankesat lidhur me administrimin e numërimit nga dita e mërkurë (17 qershor), ndërsa po ashtu do të pritet nëse do të ketë ankesa për procesin e rinumërimit të përmbyllur sot.

Për më tepër, para se të procedohet tutje, KQZ-ja do të kërkojë një konfirmim zyrtar nga Paneli Zgjedhor për Ankesa dhe Parashtresa (PZAP) për të vërtetuar nëse ka ndonjë ankesë tjetër ende në shqyrtim.

Në fund, Qendra e Numërimit dhe Rezultateve (QNR) do të hartojë një raport të detajuar për gjetjet në secilin prej 185 vendvotimeve. Ky raport synon të konfirmojë se procesi i parë i numërimit nëpër komuna është zhvilluar me saktësi dhe në përputhje të plotë me vullnetin e shprehur të qytetarëve, raporton Ekonomia Online. /Ekonomia Online/ /E.A/

Continue Reading

Të kërkuara