Lajmet

LVV me kritika ndaj qeverisjes së Përparim Ramës

Sipas LVV-së, Prishtina ndodhet në katrahurë dhe kaos.

Published

3 years ago

December 7, 2022

Betim Gashi

Lëvizja Vetëvendosje ka kritikuar qeverisjen e kryetarit të Prishtinës, Përparim Rama. Në 1-vjetorin e marrjes së detyrës së Ramës, asamblistët e Lëvizjes Vetëvendosje në kryeqytet vendosën në sheshin “Nëna Terezë” 12 imazhe, që sipas tyre paraqesin dështimin e kreut komunal në Prishtinë.

Asamblisti i LVV-së, Gëzim Sveçla tha se kryetari Rama e ka futur Prishtinën në katrahurë dhe kaos, ku jeta e qytetarëve është vështirësuar.

“Përmes këtyre 12 pamjeve që i kemi marrë nëpër lagje të qytetit i kemi paraqitur këta 12 muaj të koalicionit LDK-PDK në Prishtinë. Nëse qëndron thënia ‘një foto vlen sa 1000 fjalë’, atëherë këtu kemi 12 mijë fjalë që përshkruajnë katrahurën dhe kaosin në të cilin e kanë futur Prishtinën. Për një vit qeverisje të tyre nuk ka dyshim se jeta e qytetarit të Prishtinës është bërë më e rëndë, më vështirë dhe më pak kualitative se ka qenë para një viti. Sot ka më shumë mbeturina, më shumë rrezik nga qentë endacakë, më shumë tollovi, kolona, pritje, vonesa, parking më të shtrenjtë, taksi me çmime më të larta, më shumë gropa në rrugë, më pak gjelbërim dhe ndriçim. E tëra që kemi parë këto 12 muaj janë disa veprime kozmetike të kryetarit Rama dhe drejtorëve të tij dhe disa vendime të paanalizuara dhe të pamenduara mirë, të cilat veçse e kanë përkeqësuar gjendjen edhe ashtu skajshmërish të keqe”, tha Sveçla.

Ai shtoi se Rama është kryetari me numrin më të ulët të premtimeve të realizuara, derisa Prishtina është e parafundit për nga investimet kapitale.

“I ka bërë saktësisht 206 premtime, por për një vit të gjitha këto mbeten ashtu siç ishin në fillim, vetëm premtime në letër dhe asgjë tjetër. Për më tepër kryetari Rama dhe koalicioni i tij nuk e kanë prezantuar fare programin qeverisës…Për një vit asnjë dëshmi e kreativitetit, asnjë ide inovative, veç testime dhe kamuflime. Është kryetari më numrin më të ulët të premtimeve të realizuara. Prishtina është qyteti i parafundit në Kosovë sa i përket realizimit të investimeve kapitale”, theksoi ai.

Në anën tjetër, asamblistja tjetër nga partia Guxo, Tiera Kasumi-Berisha, tha se ky vit ka qenë vit jo i mirë për Prishtinën

“Ky vit që lamë pas dhe që ishte vit i mbrapsht për Prishtinën. Uroj të mos përsëritet dhe të harrohet sa më parë. Si vit i karakterizuar me çudira të politik bërjes në nivel lokal dhe deri tek keq menaxhimi dhe eskalimi i situatës në shumë fusha”, deklaroi ajo.

Pas fitores në zgjedhjet lokale, kryetari i Prishtinës, Përparim Rama mori detyrën më 7 dhjetor 2021.

Related Topics:Perparim Rama KAos katrahure

Up Next

Qeveria: Presim vlerësimin e situatës në veri për hapat e mëtejmë

Don't Miss

Polonia do të pranojë sistemin gjerman të mbrojtjes ajrore Patriot

Lajmet

Ahmeti reagon pas bllokadës në Trafikun Urban

Published

4 hours ago

November 25, 2025

UBTnews

Ish kryetari i Prishtinës, Shpend Ahmeti ka reaguar pas bllokadës financiare që e la të bllokuar transportin publik në kryeqytet.

Ahmeti përmes një postimi në Facebook tha se transporti publik falas për shumë kategori është barrë financiare për Komunën e Prishtinës duke thënë se “nuk mundesh me liru nga pagesa në fushatë e mas tre ditëve me met pa pare”.

“Kur dikush nga komuna thotë lirimi nga pagesa nuk ka ndikim – rren. Ti mundesh me liru kategori nga pagesa por dikush duhet të paguajë. Ne kemi liru nga pagesa penzionerë, por si komunë kemi paguar për secilin penzionist që kemi liruar, sepse modeli e kërkon. Nuk mundesh me liru nga pagesa në fushatë e mas tre ditëve me met pa pare“, ka shkruar Ahmeti.

Kujtojmë se Komuna e Prishtinës dhe Qeveria në detyrë përkatësisht Ministria e Financave i kanë vënë fajin njëra-tjetrës për alokimin e buxhetit të kryeqytetit./KP

Lajmet

Rahovec: Vajza e mitur largohet nga shtëpia, raportohet e zhdukur në polici

Published

4 hours ago

November 25, 2025

UBTnews

Një qytetar nga Rahoveci ka raportuar në polici se vajza e tij e mitur është larguar nga shtëpia dhe aktualisht nuk dihet vendndodhja e saj.

Rasti është paraqitur më 20 nëntor 2025, rreth orës 13:30, në stacionin policor në rrugën “Xhelal Hajda”. Sipas ankuesit, vajza është larguar nga shtëpia dhe deri tani nuk ka informacione se ku mund të ndodhet.

“Ankuesi mashkull kosovar, ka raportuar se vajza e tij e mitur është larguar nga shtëpia dhe nuk dihet asgjë për vendndodhjen e saj“, thuhet në raportin e Policisë së Kosovës.

Lajmet

Leposaviq: Arrestohet një person pasi sulmoi babanë e tij nën ndikim të alkoolit

Published

4 hours ago

November 25, 2025

UBTnews

Një rasti i dhunës në familje ka ndodhur mbrëmjen e 23 nëntorit në Leposaviq, ku një mashkull kosovar është arrestuar nga Policia e Kosovës pasi dyshohet se ka sulmuar fizikisht babanë e tij.

Sipas njoftimit zyrtar, sulmi ka ndodhur rreth orës 23:00, në momentin kur i dyshuari ishte nën ndikim të alkoolit. Pavarësisht incidentit, viktima – babai i tij – ka refuzuar që të marrë trajtim mjekësor.

Me vendim të prokurorit, i dyshuari është dërguar në mbajtje në stacionin policor deri në këndellje.

“Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet“, thuhet në raportin e Policisë së Kosovës./KP

Lajmet

Dhjetë raste të dhunës në familje raportohen brenda një dite, viktimë gratë

Published

4 hours ago

November 25, 2025

UBTnews

Gratë vazhdojnë të përjetojnë dhunën nga bashkëshortët e tyre. Një rast i rëndë u raportua të hënën ku në fshatin Gadime të Lipjanit një grua u sulmua me sëpatë nga ish-bashkëshorti, për çka policia ka njoftuar si rasti “vrasje në tentativë”.

Mirëpo në raportin 24 orësh, policia ka njoftuar edhe për dhjetë (10) raste të dhunës në familje e ku në shumë prej nëntë prej tyre viktimë janë gratë, në një rast tjetër që raportohet në Leposaviq viktimë ishte babai.

Në tri prej rasteve, të dyshuarit janë liruar në procedurë të rregullt

Rastet e dhunës në familje të raportuara vetëm brenda një dite

· Prishtinë 24.11.2025-02:00. Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

· Prishtinë 24.11.2025-05:00. Raportohet se viktima femër kosovare, ka pësuar dhunë nga bashkëshorti i saj. Me vendim të prokurorit, pas intervistimit palët janë liruar dhe rasti shkon në procedurë të rregullt.

· Fushë Kosovë 24.11.2025-16:00. Është arrestuar i dyshuari mashkull kosovar, pasi që i njëjti ka ushtruar dhunë fizike ndaj bashkëshortes se tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit lirohet në procedurë të rregullt.

· Prishtinë 23.09.2025-NN. Me 24.11.2025 ankuesi mashkull kosovar, ka raportuar se ka dhunë psikike të vazhdueshme nga ish bashkëshortja e tij edhe pse ka urdhër mbrojtës. E dyshuara është arrestuar dhe pas intervistimit me vendim të prokurorit është liruar në procedurë të rregullt.

· Podujevë 24.11.2025-20:00 . Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

DHUNË NË FAMILJE

· Gjilan 24.11.2025-09:15. Është arrestuar i dyshuari mashkull kosovar, pasi që kishte ushtruar dhunë fizike ndaj bashkëshortes së tij. Nuk raportohet për të lënduar, ndërsa me vendim të prokurorit, i dyshuari është dërguar në mbajtje.

· Gjilan 24.11.2025-14:30. Është arrestuar i dyshuari mashkull kosovar, pasi që kishte ushtruar dhunë ndaj bashkëshortes së tij. Viktima ka pranuar tretman mjekësor, ndërsa me vendim të prokurorit, i dyshuari është dërguar në mbajtje.

DHUNË NË FAMILJE

· Pejë 24.11.2025 – 07:30. Ankuesja femër kosovare, ka informuar se djali i saj i dyshuari mashkull kosovar, ka ushtruar dhunë psikike ndaj saj. Pas intervistimit me vendim të prokurorit palët janë liruar dhe rasti shkon në procedurë të rregullt.

· Pejë 24.11.2025-22:00. Është arrestuar i dyshuari mashkull kosovar, pasi që i njëjti nën ndikim të alkoolit ka kanosur bashkëshorten e tij, duke shkelur edhe urdhrin mbrojtës. Me vendim të prokurorit, i dyshuari është dërguar në mbajtje.

DHUNË NË FAMILJE

Leposaviq 23.11.2025-23:00. Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet.