Lajmet

Lushtaku: Deklarata e Kurtit për zgjedhje, hipokrizi dhe marre, dëshiron të mbulojë vendimin për tokat afër Manastirit

Lushtaku thotë se kërkesa e opozitës për të shkuar në zgjedhje është e kahershme, por që kjo nuk mund të bëhet pa mazhorancën.

Published

on

Deputeti i Partisë Demokratike të Kosovës, Mërgim Lushtaku, thotë se gatishmëria e kryeministrit Albin Kurti për të shkuar në zgjedhje, shpërfaq hipokrizi dhe për synim ka mbulimin e vendimit për dhënien e tokës Manastirit të Deçanit.

Lushtaku thotë se kërkesa e opozitës për të shkuar në zgjedhje është e kahershme, por që kjo nuk mund të bëhet pa mazhorancën.

“Është bërë më shumë me e tërheq vëmendjen prej shkeljeve të premtimit të tij dhe parimeve të tij dhe prej mbulimit të hipokrizisë dhe marres çfarë ka ndodhur kohët e fundit sidomos prej vendimit prej tokave të Manastirit të Deçanit”, thotë Lushtaku.

E për ta dërguar vendin në zgjedhje, deputeti i PDK-së kërkon “ndihmën” edhe të Lëvizjes Vetëvendosje. Thotë se vendi duhet të shkojë në zgjedhje të parakohshme për shkak të dëmit që ka shkaktuar kjo qeverisje.

“Po besoj se është qesharake propozimi i tij apo opinioni i tij siç është qesharake e gjithë veprimtaria e tij sepse po del në hipokrizi të thellë me atë çfarë ka filluar me atë çfarë ka ëndërruar dhe me atë çfarë është besuar mandati i tij për kryeministër dhe kjo është qesharake për arsye se ne e dimë se kemi kërkuar qysh moti zgjedhjet duke parë që hipokrizia po e dëmton jo vetëm qeverisjen por edhe vetë shtetin e Kosovës dhe vetë të ardhmen e vendit dhe ne kemi kërkuar qysh moti zgjedhjet. E dimë se numrat i ka pozita, pra shumica parlamentare dhe nuk mund të shkojmë në zgjedhje pa e dhënë fjalën e fundit shumica, në këtë rast Vetëvendosja dhe Albin Kurti”, thotë Lushtaku.

Lajmet

​Shaqiri shkëlqen në fitoren e Baselit ndaj Stuttgartit

Published

on

FC Basel ka marrë fitoren e parë këtë sezon në fazën e grupeve të Europa League, duke mposhtur Stuttgartin me rezultat 2-0.

Albian Ajeti zhbllokoi ndeshjen që në minutën e tretë pas një gabimi në mbrojtjen gjermane. Stuttgart pati mundësinë të barazonte me penallti në minutën e 35-të, por Marwin Hitz priti goditjen e Ermedin Demirović.

Në pjesën e dytë, Xherdan Shaqiri vulosi fitoren e zviceranëve me një gol nga afërsia, duke i dhënë fund serisë prej tre ndeshjesh pa fitore të Baselit në Evropë.

Stuttgart humbi pas tri fitoreve radhazi dhe në ndeshjen e ardhshme do të udhëtojë në Stamboll për t’u përballur me Fenerbahçen./S.K/KP/

Continue Reading

Lajmet

Zhduket një person në Suharekë, Policia: Doli nga shtëpia me 1 tetor 25

Published

on

By

Zhduket një person në Suharekë. Sipas raportit të policisë, viktima mashkull ka dalë nga shtëpia dhe nuk dihet për vendndodhjen.

Është raportuar se viktima mashkull kosovar ka dalë nga shtëpia dhe nuk dihet për vendndodhjen e saj. Rasti nën hetime”, thuhet në raportin 24 orësh të Policisë së Kosovës./D.B/KP

Continue Reading

Lajmet

​Liga Konferenca, Drita nxjerr një pikë si mysafire

Published

on

Drita e Gjilanit ka nisur mbarë sezonin historik të klubit gjilanas në Ligën Konferenca duke luajtur baras në ndeshjen e parë në udhëtim ndaj skuadrës finlandeze KuPS.

Ndeshja u zhvillua në stadiumin Tammela në Tempere të Finlandës, me kapacitet prej tetë mijë ulësesh.

Polaku Piotr Parzyszek solli KuPS në epërsi në minutën e 74-të, pas asistimit nga Voutilainen.

Skuadra gjilanase u rikthye në lojë me golin e Albert Dabiqajt në minutën e 80-të, pas asistimit të Blerton Shejit.

Njëherësh Dabiqaj shënoi golin historik për Dritën në Ligën Konferenca pasi ky është goli i parë i skuadrës gjilanase në debutimin e saj në këtë ligë, e cila ka 36 ekipe evropiane,/S.K/KP/

Continue Reading

Botë

​SHBA gati të blejë aksione në kompanitë australiane të minierave

Published

on

Qeveria amerikane është gati të blejë aksione në kompanitë australiane të minierave si pjesë e një pakete për të financuar furnizimet me minerale dhe për të zvogëluar varësinë nga Kina, thanë udhëheqësit e biznesit australian pas një vizite në Uashington.

Oferta e qeverisë amerikane është pjesë e një plani për të krijuar zinxhirë furnizimi alternativë pas kufizimeve të eksportit të Kinës, raportojnë mediat amerikane.

Mineralet kryesore të teknologjisë përfshijnë litiumin, kobaltin dhe metalet e rralla të tokës, të nevojshme nga një gamë e gjerë industrish, duke përfshirë energjinë e pastër, gjysmëpërçuesit dhe armët.

Zyrtarët e qeverisë amerikane u kanë thënë kompanive të paraqesin oferta, duke vënë në dukje se kanë ndërmend të financojnë blerjen përmes kanaleve dhe programeve të ndryshme, tha Andrew Worland, drejtor ekzekutiv i International Graphite, e cila po ndërton një minierë dhe një fabrikë përpunimi në Australi.

Në shtator, përfaqësuesit e 15 kompanive australiane në sektorin kryesor të mineraleve, përfshirë Worland, vizituan Uashingtonin dhe Nju Jorkun për t’u takuar me zyrtarë amerikanë.

Ata u takuan gjithashtu me ish-drejtorin ekzekutiv të kompanisë minerare Newmont, David Copley, dhe Joshua Kroon, zëvendësndihmës sekretar për mineralet dhe metalet kryesore në Agjencinë e Tregtisë Ndërkombëtare të Departamentit të Tregtisë të SHBA-së.

Departamenti i Energjisë i SHBA-së bleu dje një aksion prej 5 për qind në Lithium Americas të Kanadasë dhe gjithashtu u bë pronar i një aksioni prej 5% në një minierë litiumi që kompania kanadeze po zhvillon në Nevada.

Australia është e gatshme t’u shesë aksione aleatëve, përfshirë Britaninë, aksione në rezervat e reja strategjike të mineraleve kryesore, për t’u lejuar atyre të zvogëlojnë varësinë e tyre nga Kina.

Qeveria australiane njoftoi krijimin e rezervave në fund të prillit, duke vënë në dukje se do të investojë 1.2 miliardë dollarë australianë (670 milionë euro) në këtë projekt me qëllim krijimin e një zinxhiri të ri furnizimi që mund të konkurrojë me Kinën dominuese.

Kina është prodhuesi kryesor në botë i 30 nga 50 mineralet e konsideruara si kryesore nga Shërbimi Gjeologjik i SHBA-së. Australia, nga ana tjetër, ka depozita që janë ndër më të mëdhatë në botë.

Pritet që këto rezerva të jenë temë kryesore e negociatave midis kryeministrit australian Anthony Albanese dhe presidentit amerikan Donald Trump më 20 tetor në Uashington./S.K/KP/

Continue Reading

Të kërkuara