Presidenti i Izraelit, Isaac Herzog, ka dekoruar kryeministrin shqiptar, Edi Rama, me Medaljen Presidenciale të Nderit në një ceremoni të organizuar të dielën në Jerusalem. Herzog ka theksuar se lidhja mes Izraelit dhe Shqipërisë po thellohet gjithnjë e më shumë, duke përmendur angazhimin e Shqipërisë në mbështetje të popullit hebre gjatë Holokaustit.

Herzog ka lavdëruar mikpritjen shqiptare gjatë periudhës së Holokaustit, duke nënvizuar se kodi shqiptar i besës dhe kurajoja e popullit shqiptar për të mbrojtur hebrenjtë e ndihmuan ata të shpëtonin nga persekutimi nazist. Ai tha se kjo traditë e integritetit dhe nderit është ende e pranishme në udhëheqjen e Shqipërisë sot, duke përfshirë angazhimin e vendit në luftën kundër antisemitizmit dhe urrejtjes.

Sipas raportimeve nga Jpost.com, Herzog e ka dekoruar Ramën për qëndrimin e tij të fortë në mbështetje të Izraelit, pas sulmit të Hamasit më 7 tetor 2023. Po ashtu, ai ka theksuar se lidhja shqiptaro-izraelite është forcuar edhe përmes fluturimeve të drejtpërdrejta dhe nënshkrimit të një marrëveshjeje për një projekt të përbashkët mjekësor.

Nga ana e tij, Rama ka shpërndarë pamje nga ceremonia dhe ka theksuar se kjo dekoratë është një “nderim i duhur për shembullin që shqiptarët i lanë botës gjatë Holokaustit”, duke mos dorëzuar asnjë hebre tek nazistët. Ai ka shtuar se Shqipëria është një vend ku nuk ka vend për asnjë formë urrejtjeje fetare apo etnike, përfshirë edhe antisemitizmin.

Ushtria izraelite ka shkatërruar 90 për qind të lagjeve të banuara në qytetin jugor të Gazës, Rafah, që nga tetori i vitit 2023, njoftuan autoritetet lokale. Sipas Zyra e Mediave të Qeverisë së Gazës, forcat izraelite kanë rrafshuar një sipërfaqe prej 12 kilometrash katrorë në Rafah, duke e kthyer qytetin në një nga shembujt më të tmerrshëm të gjenocidit dhe spastrimit etnik në kohët moderne.

Përveç dëmtimit të masiv të infrastrukturës, zyra njoftoi se 85 për qind e rrjetit të kanalizimeve në qytet është shkatërruar, duke krijuar kushte për përhapjen e sëmundjeve. Të gjitha 12 qendrat mjekësore të Rafahut janë jashtë funksionit, duke përfshirë spitalin Abu Youssef al-Najjar, i cili u shkatërrua gjatë ofensivës izraelite. Shkollat dhe institucionet arsimore gjithashtu u shkatërruan, me tetë shkolla të dëmtuara rëndë.

Në një tjetër pasojë të sulmeve, 100 xhami u shkatërruan ose u dëmtuan në Rafah. Gjithashtu, 22 nga 24 puset e qytetit u shkatërruan, duke lënë dhjetëra mijëra banorë pa ujë të pijshëm të pastër.

Rafah është një qytet që mbulon 60 kilometra katrorë dhe ka një popullsi prej rreth 300,000 banorësh. Ky është vetëm një fragment i situatës tragjike që po ndodhi në Gaza, ku mbi 50,700 palestinezë, shumica gra dhe fëmijë, janë vrarë që nga fillimi i sulmeve izraelite në tetor 2023./UBTNews/