Luka Donçiq në histori të NBA-së

Published

6 years ago

January 5, 2021

Betim Gashi

Slloveni Luka Donçiq ka hyrë në histori të ligës më të fortë të basketbollit në botë, NBA.

21-vjeçari të hënën u bë basketbollisti i katërt për arritjen më të shpejtë të 1000 pikëve, 1000 kërcimeve dhe 1000 asistimeve në NBA.

Ai udhëhoqi Dallas Mavericks në fitoren 113:100 ndaj Houston Rockets.

Ndeshjen e mbylli me 33 pikë, 16 kërcime e 11 asistime duke regjistruar dyshifrorin e trefishtë të parë sivjet.

Ky ishte dyshifrori i trefishtë i 26-të në karrierën e tij të shkurtër. Është hera e tretë që ai ka realizuar më shumë se 30 pikë, 15 kërcime e 10 asistime në një ndeshje.

Arritjen e re ai e bëri me 139 ndeshje duke u treguar më efikas edhe se legjenda LeBron James.

Para tij janë vetëm Oscar Robertson, Ben Simmons e Magic Johnson.

Related Topics:NBA UBTSPORT Luka Donçiq

Up Next

Galatasaray i interesuar për Muriqin

Don't Miss

City po ruan para për Messin, De Bruyne nuk kënaqet me ofertën e re për kontratën

Akil Gjakova mbyll garën pa medalje në Abu Dhabi

Published

4 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

4 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

6 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/