Lajmet

Lufta në Ukrainë: Zhvillimet e fundit

Scholz përjashton transferimin e avionëve luftarakë.

Published

on

Qyteti strategjik i Vuhledar në Ukrainën lindore ka përjetuar luftime të ashpra ndërsa forcat ruse përpiqen të marrin kontrollin e qendrës kryesore logjistike. Sulmet ruse kanë vrarë gjithashtu civilë në rajonet Kherson dhe Zaporizhia.

Këtu gjeni lajmet më të fundit rreth ngjarjeve kryesore sa i përket Ukrainës:

Luftimet e ashpra në Ukrainën lindore: Rajoni lindor i Donetskut vazhdon të shohë disa nga luftimet më intensive dhe ushtria ukrainase tha se forcat ruse po përpiqen të avancojnë drejt Lyman, Bakhmut dhe Avdiivka. Për më tepër, luftimet po intensifikohen edhe rreth qytetit Vuhledar.

Civilë të vrarë në Ukrainën jugore dhe verilindore: Rajoni jugor i Khersonit ka pasur gjithashtu luftime të ashpra dhe të paktën tre persona u vranë nga bombardimet ruse në qytetin Kherson të dielën. Tetë civilë të tjerë pësuan lëndime, tha administrata ushtarake rajonale. Në verilindje të Ukrainës, të paktën një person u vra dhe tre u plagosën në qytetin e Kharkiv gjatë së dielës, përcjell UBT News.

Kremlini thotë pretendimi i Johnson se u kërcënua nga Putin është “një gënjeshtër”: Të hënën, Kremlini tha se pretendimi i ish-kryeministrit britanik, Boris Johnson se presidenti rus Vladimir Putin e kërcënoi atë me një sulm raketor “është një gënjeshtër”. Johnson tha se Putini e bëri kërcënimin përpara pushtimit, “ai më kërcënoi në një moment dhe më tha: ‘E di, Boris, nuk dua të të lëndoj, por me një raketë do të më merrte vetëm një minutë'”.

Scholz përjashton transferimin e avionëve luftarakë:
Kancelari gjerman Olaf Scholz tha se ai nuk parashikon dërgesa të avionëve luftarakë në Ukrainë. “Çështja e avionëve luftarakë nuk shtrohet fare”, tha ai në një intervistë me Tagesspiegel. Ai paralajmëroi kundër “hyrjes në një konkurrencë të vazhdueshme për të tejkaluar njëri-tjetrin kur bëhet fjalë për sistemet e armëve”.

Vendimi për të lejuar atletët rusë në Lojërat Olimpike ndez kritika: Këshilltari presidencial ukrainas Mykhailo Podolyak e ka cilësuar Komitetin Olimpik Ndërkombëtar (IOC) si një “promovues të luftës, vrasjeve dhe shkatërrimit” pas vendimit të tij për të shqyrtuar mundësinë që atletët rusë të konkurrojnë në 2024 Lojra Olimpike.

“E pakuptimtë” përfshirja në bisedimet e paqes, thotë zyrtari rus: Vendimi i SHBA-së dhe aleatëve të NATO-s për të dërguar tanke në Ukrainë e ka bërë “të kotë” përfshirjen e Moskës në çdo bisedim me Kievin, tha zëvendësministri i Jashtëm rus, Sergei Ryabkov./UBTNews/

Aktualitet

UBT përgatit liderët e së ardhmes në energji: Edhe pak vende të lira për regjistrim

Published

on

UBT njofton se kanë mbetur edhe pak vende të lira për regjistrim në programin Inxhinieri e Energjisë, një ndër drejtimet më inovative dhe më me perspektivë për të ardhmen.

Ky program synon të përgatisë profesionistë të aftë të kombinojnë energjitë tradicionale dhe burimet e rinovueshme, të përdorin teknologjitë më të fundit dhe të menaxhojnë në mënyrë efikase resurset energjetike, duke kontribuar në ndërtimin e një të ardhmeje të gjelbër dhe të qëndrueshme.

Të gjithë të interesuarit që regjistrohen përfitojnë nga bursa 20%, një lehtësim i rëndësishëm për të rinjtë që duan të jenë pjesë e gjeneratës së re që transformon industrinë energjetike.

Falë qasjes moderne të mësimdhënies, laboratorëve të pajisur me teknologjitë më të reja dhe stafit akademik me përvojë, studentët e UBT-së jo vetëm që fitojnë njohuri teorike, por edhe aftësi praktike që i bëjnë të kërkuar në tregun vendor dhe ndërkombëtar të punës.

Regjistrimi bëhet thjeshtë dhe shpejt përmes linkut: APLIKO TANI ONLINE!

Continue Reading

Aktualitet

​Nora Gjakova nis rrugëtimin si trajnere e xhudos

Published

on

Federata e Xhudos së Kosovës ka nisur një kapitull të ri me përfshirjen e kampiones olimpike, Nora Gjakova, në rolin e trajnere asistente të ekipit të meshkujve. Ajo tashmë i është bashkuar stafit teknik dhe po punon me plot energji e përkushtim në stërvitjet që po mbahen në Bordeaux të Francës.

Në këtë grumbullim, ekipi i meshkujve po përgatitet intensivisht për garat e rëndësishme që i presin në muajt e ardhshëm. Nën drejtimin e trajnerëve dhe me mbështetjen e Norës, xhudistët Akil Gjakova, Shpati Zekaj, Dardan Cena dhe Anes Veseli po zhvillojnë seanca të forta stërvitore, duke dhënë maksimumin në çdo hap të përgatitjeve.

Përfshirja e Nora Gjakovës në stafin e trajnerëve shihet si një vlerë e madhe për ekipin, duke sjellë përvojën e saj të pasur ndërkombëtare dhe frymën e suksesit që ka shoqëruar karrierën e saj si sportiste.

Kosova shpreson se ky kombinim i përvojës dhe energjisë së re do të sjellë rezultate të reja pozitive për xhudon kosovare në arenën ndërkombëtare.

Continue Reading

Bota

Presidenti serb Vuçiq do të jetë pjesëmarrës në paradën ushtarake në Kinë

Published

on

Presidenti i Serbisë Aleksandar Vuçiq do të jetë pjesë e paradës ushtarake në Kinë, duke dëshmuar kështu lidhjet e ngushta të Beogradit zyrtar me regjimin komunist në Pekin.

Me ftesë të presidentit kinez Xi Jinping, 26 liderë të huaj do të marrin pjesë në përkujtimet e Ditës së Fitores në Pekin, njoftoi të enjten ndihmës ministri i Jashtëm Hong Lei.

Kina do të organizojë një paradë masive ushtarake më 3 shtator për të përkujtuar 80-vjetorin e fitores ndaj Japonisë dhe përfundimin zyrtar të Luftës së Dytë Botërore.

Në mesin e shumë liderëve që do të marrin pjesë janë edhe lideri rus Vladimir Putin, me të cilin regjimi në Beograd mban lidhje të ngushta, lideri veri-korean Kim Jong-Un dhe përfaqësues nga Vietnami, Laosi Mongolia, Nepali, Kazakistani, Uzbekistani, Irani, Kongo, Zimbabveja, Sllovakia, Kuba etj.

Continue Reading

Aktualitet

Gjykata Supreme refuzon ankesën e Korab Mushkolajt për certifikim në zgjedhjet lokale

Published

on

Gjykata Supreme e ka hedhur poshtë ankesën e kandidatit të Partisë Demokratike të Kosovës për kryetar të Deçanit, Korab Mushkolaj, paraqitur kundër vendimit të PZAP-së pasi iu refuzua certifikimi për zgjedhjet e 12 tetorit.

“Ankesa është e pa themeltë”, ka vendosur Supremja.

Zyra për Regjistrim, Certifikim dhe Kontrollin Financiar të Subjekteve Politike pas vërtetimit se Mushkolaj është i angazhuar me aktemërim të përhershëm të Ministrisë së Jashtme si zyrtar i lartë, i pati kërkuar PDK-së që ta zëvendësojë atë, por partia pati refuzuar ta bëjë këtë gjë. Zyra më pas ka rekomanduar certifikimin e të gjithë kandidatëve të tjerë të PDK-së, përveç Mushkolajt. PZAP po ashtu ia ka refuzuar ankesën Mushkolajt, siç parashihet me Ligjin për Shërbimin e Jashtëm, i cili nuk lejon kandidimin e një anëtari të shërbimit të jashtëm.

Gjykata Supreme e ka pranuar konstatimin e PZAP-së, teksa ka theksuar se moscertifikimi i Mushkolajt nuk është i kundërligjshëm.

“Prandaj, nga këtu, kjo Gjykatë, konsideron se në rastin konkret juridik, është marrë vendim i drejtë, me të cilin nuk është bërë diskriminim dhe lidhur me rastin konkret nuk është cenuar e drejta zgjedhore dhe ndonjë e drejtë themelore e paraparë me Ligj dhe me Kushtetutën e Republikës së Kosovës, nuk janë shkelur parimet themelore të procesit zgjedhor të parapara shprehimisht me dispozitat e nenit 4 të Ligjit Për Zgjedhjet e Përgjithshme në Republikën e Kosovës dhe me dispozitat përkatëse të Konventës Evropiane të Drejtave të Njeriut”, thuhet në vendim.

Continue Reading

Të kërkuara