Lajmet

Lufta në Ukrainë: Zhvillimet e fundit

Kryetari i bashkisë së Bucha, Anatoli Fedoruk thotë se 280 trupa u varrosën në varre masive.

Published

3 years ago

on

Këtu janë zhvillimet më të fundit në luftën në Ukrainë:

Zemërim global për vrasjet e civilëve
Zemërimi global është rritur për shkak të zbulimit të dhjetëra trupave në qytetin ukrainas Bucha, disa me duar të lidhura, pas tërheqjes së forcave ruse nga zona në perëndim të Kievit.

Britania, Franca, Gjermania, Shtetet e Bashkuara, NATO dhe Kombet e Bashkuara u shprehën tmerrin pas raportimeve për vrasjen e civilëve dhe fotografive të AFP-së që tregojnë një rrugë të mbushur me kufoma.

Presidenti francez, Emmanuel Macron thotë se ka “indikacione shumë të qarta të krimeve të luftës” dhe mbështet thirrjet e liderëve të tjerë të BE-së, përfshirë kancelarin gjerman Olaf Scholz, për sanksione të mëtejshme ndaj Moskës.

Presidenti Volodymyr Zelensky i quan trupat ruse “vrasës, torturues, përdhunues, grabitës”, të cilët “meritojnë vetëm vdekjen pas asaj që bënë”.

Kryeministri polak, Mateusz Morawiecki bëri thirrje për një hetim ndërkombëtar për atë që ai e quajti një “gjenocid” të kryer nga trupat ruse.

Prokurorja e përgjithshme ukrainase, Iryna Venediktova thotë se 410 trupa civilë u gjetën nga zonat përreth Kievit, të marra së fundmi nga forcat ruse.

AFP pa të paktën 20 trupa, të gjithë me veshje civile, të shpërndara nëpër një rrugë të vetme në Bucha.

Kryetari i bashkisë së Bucha, Anatoli Fedoruk thotë se 280 trupa u varrosën në varre masive.

Ministria ruse e Mbrojtjes mohon akuzat
Ministria ruse e mbrojtjes thotë se “asnjë banor i vetëm vendas” në Bucha nuk ka pësuar dhunë, duke akuzuar Ukrainën për bombardimin e periferive të saj dhe falsifikimin e imazheve të kufomave në “një prodhim tjetër” për mediat perëndimore.

Moska bën thirrje për një takim të posaçëm të Këshillit të Sigurimit të OKB-së për të diskutuar ato që ajo i quan veprimet e “radikalëve ukrainas”.

Zelensky i drejtohet botës në ceromoninë Grammy
Zelensky bëri një paraqitje surprizë në çmimet muzikore Grammy, duke u shfaqur në një video të regjistruar paraprakisht duke kërkuar mbështetje për vendin e tij.

“Muzikantët tanë veshin parzmore në vend të smokingëve”, thotë ai. “Ata u këndojnë të plagosurve në spitale — madje edhe atyre që nuk mund t’i dëgjojnë. Por muzika do të depërtojë gjithsesi”.

Izolimi i plotë ‘i pamundur’
Zëdhënësi i Kremlinit, Dmitry Peskov thotë se nuk është e mundur të izolohet tërësisht Rusia, duke i thënë televizionit shtetëror rus se bota është “shumë më e madhe se Evropa”.

Sulmet në lindje, jug
Rusia ka shtuar sulmet e saj në Ukrainën lindore, duke vrarë shtatë persona dhe duke plagosur 34 në një zonë banimi të qytetit të dytë më të madh të vendit, Kharkiv, sipas autoriteteve lokale.

Forcat ruse bombardojnë gjithashtu qytetin e afërt Dergachi, duke lënë të paktën tre civilë të vdekur dhe duke plagosur shtatë, tha kryebashkiaku i tij.

Gjashtë persona thuhet se janë vrarë nga sulmet në rajonin lindor të Donetskut dhe një në qytetin lindor të Ukrainës, Rubizhne, ku forcat ruse akuzohen se kanë shënjestruar një spital lokal.

Rusia gjithashtu vazhdon ofensivën e saj në Ukrainën jugore.

Një person është vrarë dhe 14 janë plagosur pas një sulmi rus në qytetin e Mykolaiv, sipas guvernatorit lokal, dhe porti strategjik i Odesës në Detin e Zi është gjithashtu në shënjestër të sulmeve ajrore.

“Ende herët për një samit të paqes”
Kryenegociatori rus, Vladimir Medinsky thotë se është shumë herët për një takim të nivelit të lartë midis Zelenskyt dhe Putinit për t’i dhënë fund konfliktit.

Ai thotë se Kievi është bërë “më realist” në qasjen e tij ndaj çështjeve që lidhen me statusin neutral dhe jo-bërthamor të Ukrainës, por një projekt-marrëveshje për paraqitjen në një takim të nivelit të lartë nuk është gati./UBTNews/

Related Topics:
Continue Reading

Lajmet

Sveçla: Aksioni në Kaçanik po vazhdon, ka arrestime të reja

Published

20 hours ago

on

April 25, 2025

By

Ministri në detyrë i Punëve të Brendshme, Xhelal Sveçla deklaroi se ka arrestime të reja që lidhen me vrasjen e rreshterit, Muhamed Lika.

Ai theksoi se operacioni i Policisë së Kosovës në Kaçanik po vazhdon dhe numri i të arrestuarve nuk dihet.

“Tashmë është publike që ka arrestime të reja. Numri përfundimtar ende nuk dihet, për shkak se aksioni është duke vazhduar. Gjitha institucionet ligj-zbatuese janë të vendosura që të luftohet çfarëdo lloj ekstremizmi apo dhune, e cila dëmton institucionet dhe pjesëtarët e saj por po ashtu vetë popullin e saj”, ka thënë Sveçla.

Ai tha se Inspektorati Policor i Kosovës është duke zhvilluar hetime, derisa u pyet se personat e arrestuar kanë qenë në liri ani pse me vepra penale.

“Inspektorati Policor i Kosovës është duke zhvilluar hetime sa i përket kësaj informate, kur t’i kemi të dalurat nga këto hetime pastaj do të marrim masat e nevojshme”, shtoi ai.

Sot, në orët e hershme të mëngjesit, Policia e Kosovës me njësitë e saja relevante ka filluar një operacion policor, në komunën e Kaçanikut.

Ky informacion është konfirmuar për KosovaPress nga zëdhënësi i Policisë së Kosovës, Baki Kelani.

“Edhe në këtë rast pas përfundimit të operacionit policor, i cili po realizohet në bashkëpunim dhe koordinim me organet e drejtësisë, do të bëhen publike informacione shtesë”, tha Kelani.

Më 1 prill, Muhamed Lika ishte gjetur i plagosur rëndë në hyrje të ndërtesës së tij, në rrugën ‘Idriz Seferi’, në Kaçanik rreth orës 23:00. Ai u transportua në Qendrën e Mjekësisë në Kaçanik, por nuk arriti t’u mbijetojë plagëve.

Continue Reading

Lajmet

KEK-u njofton se ka përfunduar me sukses riparimin e njësisë B1: Gjendja është stabile

Published

20 hours ago

on

April 25, 2025

By

Korporata Energjetike e Kosovës tha se kanë përfunduar me sukses punimet për remontin e njësisë B1, të cilat kanë nisur më 23 mars dhe tha se kanë përfunduar përpara afatit të parashikuar.

“Korporata Energjetike e Kosovës njofton opinionin se, falë angazhimit të jashtëzakonshëm të stafit të TCB, punëtorëve, inxhinierëve dhe menaxhmentit, kemi përfunduar me sukses të gjitha punimet e planifikuara për remontin e njësisë B1, i cili kishte nisur më dt: 23.03.2025 dhe ka përfunduar përpara afatit të parashikuar”, njoftoi KEK.

Ai tha se gjatë kësaj periudhe, janë realizuar riparime dhe përmirësime të ndryshme, duke përfshirë ndërrimin e pjesëve të dëmtuara, rinovimin e sistemeve të ndryshme dhe realizimin e procedurave të domosdoshme për stabilitetin dhe efikasitetin e njësisë.

“Falë përgatitjes dhe kontrollit të kujdesshëm, si dhe angazhimit të palodhshëm të ekipit të ekspertëve të TC-B-së, njësia B1 është sinkronizuar me rrjetin elektrik në orën 22:32 të dt: 24.04.2025 dhe aktualisht gjendja e saj është stabile. Kjo arritje është një dëshmi e punës së shkëlqyer të të gjithë të përfshirëve dhe vlerësimit të lartë të performancës gjatë periudhës së remontit”, tha KEK.

Continue Reading

Lajmet

Vazhdojnë regjistrimet në UBT International Smart Schools – Shkollat më inovative të mesme në vend

Published

20 hours ago

on

April 25, 2025

By

Në UBT International Smart Schools po vazhdojnë regjistrimet për vitin e ri shkollor, në institucionin që tashmë njihet si një ndër platformat më të avancuara arsimore në Kosovë dhe rajon. Këto shkolla të mesme ofrojnë një model të veçantë të arsimit, duke kombinuar pjesën teorike me atë praktike, teknologjinë me kreativitetin, dhe edukimin me zhvillimin e lidershipit.

UBT International Smart Schools janë të parat në Kosovë dhe rajon që kanë zbatuar edukimin 4.0 – një model që përfshin përdorimin e teknologjive të avancuara, si dhe metodave moderne të mësimdhënies. Kjo qasje inovative mundëson që nxënësit të përgatiten për sfidat reale të së ardhmes dhe të dalin në tregun e punës apo arsimit të lartë me njohuri të thelluara dhe përvoja konkrete.

Përmes kurrikulave të harmonizuara me ato evropiane dhe amerikane, nxënësit zhvillojnë aftësi të avancuara akademike, teknike dhe shoqërore. Mësimi zhvillohet në ambiente moderne, të pajisura me laboratorë, pajisje teknologjike dhe hapësira të dizajnuara për të nxitur të menduarit kritik dhe bashkëpunimin.
Zgjedh programin që i përshtatet pasioneve dhe ambicieve të tua:

•     Gjimnazi TIK – Për të rinjtë që duan të jenë pjesë e botës së teknologjisë dhe inovacionit.
•     Gjimnazi Natyror – Për ata që kanë pasion për shkencat natyrore dhe kërkimin shkencor.
•     Gjimnazi Gjuhësor – Për nxënësit që duan të përparojnë në gjuhë të huaja dhe komunikim ndërkombëtar.
•     Asistent Dentar
•     Bashkëpunëtor Profesional i Infermierisë
•     Teknik i Farmacisë
•     Teknik i Laboratorit Mjekësor
•     Teknik i Optikës – Opticient

Formimi i liderëve të së nesërmes nis në UBT International Smart Schools

UBT International Smart Schools janë shkollat me synimin në zhvillimin e liderëve, inovatorëve dhe profesionistëve të së ardhmes. Me mentorim nga profesorë të kualifikuar, me praktika dhe projekte reale, si dhe me mundësi të shumta për pjesëmarrje në gara, konferenca dhe bashkëpunime ndërkombëtare, këto shkolla ofrojnë më shumë se një arsim – ofrojnë një përvojë jetësore.
Regjistrohu tani dhe bëhu pjesë e një udhëtimi edukativ që formëson të ardhmen tënde!

Për më shumë informata dhe aplikim: https://ubt.school/
046 332 233

Continue Reading

Lajmet

Duda Balje: Nuk ndryshojmë qëndrim për koalicion me Vetëvendosjen

Published

21 hours ago

on

April 25, 2025

By

Deputetja nga radhët e komunitetit boshnjak dhe kryetare e Unionit Socialdemokrat, Duda Balje, ka deklaruar se partia e saj nuk ka ndryshuar qëndrim sa i përket bashkëpunimit me Lëvizjen Vetëvendosje. Deklarata e saj erdhi si përgjigje ndaj deputetit të VV-së, Arbër Rexhaj, i cili kishte përmendur një ofertë për pozitë ministrore ndaj Unionit Socialdemokrat.

“Unë jam mbrapa qëndrimit, të cilin e kemi marrë si parti. Ne nuk e ndryshojmë qëndrimin,” u shpreh Balje.

Ajo gjithashtu reagoi ndaj komenteve të Rexhajt lidhur me deputetët me pak vota, duke rikujtuar se ajo dhe partia e saj kanë mbështetur Vetëvendosjen në të kaluarën.

“Arbër Rexhaj ka pasur një pikëpyetje se çka është duke ndodhur me deputetët që i kanë pasur 500 vota. Unë e kam një përgjigje për Arbërin se ku ishte Arbëri kur ne kemi votuar për qeverisjen lokale të VV-së dhe për kryeministrin Kurti. Unë i them se kjo nuk ka logjikë prej Arbërit,” tha Balje

Continue Reading

Të kërkuara