Lajmet

Lufta brutale e Rusisë në Ukrainë na shqetëson të gjithëve

Realiteti i jetës në qytetet e Ukrainës.

Published

3 years ago

on

Nga Manuela Kasper-Claridge

Bora e njollosur me gjak rrethon Bakhmutin. Për muaj të tërë, trupat ruse janë përpjekur ta marrin këtë qytet të vogël në Ukrainën lindore. Rusët kanë sulmuar nga shumë drejtime. Ata u mbështetën nga mercenarët brutalë. Shtëpitë dhe rrugët janë bombarduar pa mëshirë, pa marrë parasysh viktimat civile.

Para se Rusia të niste agresionin në Ukrainë, rreth 70 mijë njerëz jetonin në Bakhmut. Edhe sa kanë mbetur, askush nuk e di sigurt. Por ata që kanë mbetur nuk heqin dorë. Trupat ukrainase vazhdojnë të luftojnë për lirinë e tyre. Ata nuk duan t’ia dorëzojnë Bakhmutin armikut.

Qyteti i vogël është simbol i rezistencës dhe guximit të Ukrainës, i lindur nga dëshpërimi.

Realiteti i jetës në qytetet e Ukrainës

Ajo çka po ndodhë në Bakhmut na shqetëson të gjithëve. Ne nuk mund të mbyllim sytë ndaj asaj që po ndodh në tokën evropiane. Po ndodhin vrasje, tortura dhe dhunim. Kjo luftë nuk është abstrakte. Në luftë ka vdekje dhe popullata civile që është viktimë. Në Bakhmut, Bucha, Irpin dhe Mariupol.

Ne si gazetarë kemi për detyrë t’i dokumentojmë këto tmerre. Por duhet të zgjedhim me kujdes edhe atë që tregojmë. Ne nuk mund ta mbrojmë audiencën nga realiteti brutal. Por ne duhet të mbrojmë dinjitetin e viktimave.

Natyrisht, ne raportojmë edhe sesi popullata civile ia del të përballojë të qenit nën zjarr të vazhdueshëm në një zonë lufte. Si e trajtojnë jetën në të cilën asgjë nuk është e njëjtë me atë që ishte, por ende ka momente gëzimi dhe fuqie.

Propaganda ruse duhet të kundërshtohet

Çfarë është e vërtetë dhe çfarë është gënjeshtër? Nuk është gjithmonë e lehtë të thuash. Sidomos jo në luftë. Gazetarët tanë që punojnë në Ukrainë kanë një nga punët më të vështira. Ata duhet të verifikojnë imazhet dhe videot me kolegët, të flasin me dëshmitarët okularë, të kontrollojnë faktet, të japin kontekstin dhe të vënë në pah se cilat janë informacionet e rreme. Edhe kjo rrezikon të bëhet vetë viktimë e luftës. Puna e tyre nuk mund të vlerësohet mjaftueshëm. Diktatorët i frikësohen kësaj lloj gazetarie të pavarur.

Kjo është arsyeja pse makina propagandistike e Vladimir Putinit po përdor çdo mjet që ka në dispozicion për të parandaluar publikimin e së vërtetës rreth agresionit të Rusisë. As bota dhe qytetarët e saj nuk duhet të mësojnë se çfarë po ndodh realisht në Ukrainë. Por, sa viktima civile janë shkaktuar si rezultat i pushtimit, apo sa të larta kanë qenë humbjet ushtarake për ushtrinë ruse. Heshtja, mbulimi dhe gënjeshtra fshehin gjithçka që nuk i përshtatet imazhit të tyre propagandistik.

Lufta është gjithashtu një betejë për të vërtetën

Është punë e vështirë të përballesh me komentatorët politikë anonim të Rusisë në internet, që janë të sponsorizuar nga shteti, dhe të tërheqësh vëmendjen e njerëzve drejt asaj që po ndodh realisht. Por ia vlen përpjekja. E vërteta duhet të dalë në dritë. Gazetarët e DW-së, si dhe kolegët tanë nga organizata të tjera mediatike, po rrezikojnë shumë për ta bërë këtë të mundshme.

Dhe ata kanë mbështetjen e popullit ukrainas. Ata duan që bota të dijë se çfarë sakrificash po bën vendi i tyre dhe çfarë po bëjnë për të luftuar. Se ka rezistencë aktive ndaj forcave ruse në pjesë të Ukrainës nën okupim dhe se ka krime të tmerrshme lufte që po kryhen nga agresorët.

Raporte të tilla nuk po transmetohen nga mediat ruse të kontrolluara nga shteti. Kjo luftë është një luftë për të vërtetën dhe kontrollin narrativ.

Për shumë njerëz, një vit qëkur Rusia pushtoi Ukrainën do të thotë një luftë dramatike për mbrojtjen dhe lirinë e vendit të tyre. Një luftë që meriton mbështetjen e çdo evropiani.

Nga ana jonë, ne si gazetarë ofrojmë informacion falas dhe të paanshëm. Kjo është puna jonë. E rëndësishmja, ne ofrojmë informacion bazë, kontekst dhe jemi transparentë se si e marrim informacionin tonë, në mënyrë që audiencat tona të mund të formojnë opinionet e tyre. Mbi situatën në Bakhmut dhe në të gjithë Ukrainën.

Mbi atë se çfarë është e vërtetë dhe çfarë është propagandë./UBTNews/

Related Topics:
Continue Reading

Lajmet

​Rritet numri i përfituesve nga skemat e pensioneve

Published

4 hours ago

on

January 21, 2026

By

Agjencia e Statistikave të Kosovës (ASK) bën të ditur se në muajin dhjetor 2025, krahasuar me muajin dhjetor 2024, është rritur numri i përfituesve nga disa skema pensionale dhe sociale.

Sipas ASK-së, rritje e numrit të përfituesve është shënuar në: skemën për Pensionet Paraplegjike dhe Tetraplegjike (12,6%); skemën e pensioneve të Forcës së Sigurisë së Kosovës (8,6%); skemën për përkrahje financiare familjeve që kanë fëmijë me aftësi të kufizuara (8,0%); skemën e pensioneve bazike të moshës (7,5%); skemën e kompensimit për punëtorët e arsimit që punuan gjatë vitit shkollor 1990/91 deri në vitin shkollor 1998/99 (5,1%); skemën e pensioneve për personat me aftësi të kufizuara (4,5%); si dhe skemën për veteranët e luftës (2,7%).

Po ashtu, rritje është shënuar edhe te skema e kompensimeve për personat e verbër (1,2%) dhe skema e pensioneve të Trupave Mbrojtëse të Kosovës (TMK) (0,8%).

Ndërsa, në muajin dhjetor 2025, krahasuar me muajin dhjetor 2024, kishte rënie të numrit të përfituesve nga: skema për pensionet invalidore me 27,5 %; skema për pensionet e Trepçës me 20,6 %; skema për pensionet familjare me 10,6 %; skema e ndihmës sociale me 10,3 %, skema e pensioneve kontribut-paguesve të moshës me 2,0 %, skema për familjet e dëshmorëve dhe invalidët e luftës e1,4 %).

Continue Reading

Lajmet

Profesorët e Fakultetit të Medias dhe Komunikimit publikojnë në revistën e indeksuar në Scopus

Published

5 hours ago

on

January 21, 2026

By

Profesorët e Fakultetit të Medias dhe Komunikimit në UBT, dr. Votim Hanoli dhe dr.Ferid Selimi, së bashku me koautoren Elda Sinani, publikuan punimin “Hedonizmi në epokën digjitale: Një analizë e përdorimit të rrjeteve sociale si burim kënaqësie”, në revistën ndërkombëtare “Architectural Image Studies”, e indeksuar në platformën Scopus.

Ky punim trajton marrëdhënien mes hedonizmit dhe përdorimit të rrjeteve sociale në kontekstin e epokës digjitale. Në një shoqëri gjithnjë e më të ndërvarur nga teknologjia dhe komunikimi virtual, rrjetet sociale janë shndërruar në mjete të fuqishme për përmbushjen e nevojave emocionale dhe psikologjike të individëve, përfshirë kënaqësinë e menjëhershme, vëmendjen dhe vlerësimin social.

Duke u mbështetur në teori të tilla si Teoria e Kultivimit (George Gerbner), dhe Teoria e kornizimit (Framing) e (Goffman), studimi eksploron motivimet hedoniste që qëndrojnë pas sjelljes së përdoruesve në platformat digjitale.

Për të analizuar këtë fenomen, u realizua një studim empirik ku të dhënat tregojnë se shumica e të rinjve e përjetojnë përdorimin e rrjeteve sociale si një burim kënaqësie të menjëhershme, sidomos në lidhje me marrjen e pëlqimeve, ndarjen e përmbajtjeve personale dhe ndërveprimet sociale. Megjithatë, një pjesë e konsiderueshme e të anketuarve raportuan gjithashtu ndjenja boshllëku, ulje të vetëbesimit dhe varësi emocionale ndaj këtyre platformave.

Rezultatet sugjerojnë se rrjetet sociale funksionojnë si një mekanizëm i fuqishëm për përmbushjen e nevojave hedoniste, por gjithashtu ngrenë shqetësime lidhur me ndikimet afatgjata në mirëqenien psikologjike. Punimi përfundon me sugjerime për ndërgjegjësim mediatik dhe përdorim më të vetëdijshëm të teknologjisë dhe mediave sociale./UBTNews

Linku i revistës: Architectural Image Studies, 2184-8645

https://journals.ap2.pt/index.php/ais

https://www.scopus.com/sourceid/21101247624

Continue Reading

Lajmet

“Liria ka Emër” thërret protestë më 17 shkurt, me moton “Drejtësi jo politikë”

Published

5 hours ago

on

January 21, 2026

By

Me moton “Drejtësi jo politikë”, më 17 shkurt në sheshin “Skëndërbeu” do të protestohet në mbrojtje të ish-krerëve të Ushtrisë Çlirimtare të Kosovës.

Kjo protestë do të fillojë në orën 14:00 dhe organizohet në përvjetorin e shpalljes së Pavarësisë së Kosovës.

Protesta kësaj radhe organizohet nga organizata “Liria ka Emër”.

Ne një konferencë për media, përfaqësues të kësaj organizate kanë përmendur shkeljet që janë bërë gjatë këtij procesi gjyqësor, për cka thanë se përmes protestës do të kërkojnë drejtësi.

Vitin e kaluar janë organizuar pesë protesta me thirrjet “Drejtësi per Çlirimtarët”.

Protesta e parë është mbajtur në Prishtinë, më pas në Hagë, Tiranë, Strasburg e në Shkup.

Continue Reading

Aktualitet

UBT në BETT 2026 në Londër – prezanton modelin unik të Smart City

Published

6 hours ago

on

January 21, 2026

By

Si i vetmi institucion nga rajoni, UBT po prezantohet me hapësirën e vet në panairin më të madh botëror të teknologjisë në arsim, BETT 2026 në Londër, krahas kompanive globale si Google, Meta dhe të tjera.

Në këtë ngjarje globale, UBT prezanton platformën unike inovative për Smart City (All-in-One Solution), si dhe zgjidhje inovative në fushën e EdTech-ut, platformat digjitale dhe projektet kërkimore për transformimin e arsimit përmes inteligjencës artificiale.

Ekipi i UBT-së, gjatë tri ditëve, do të prezantojë përpara mijëra pjesëmarrësve dhe përfaqësuesve të sektorit të arsimit dhe industrisë edukative, duke ofruar produkte teknologjike, shërbime dhe sisteme smart për tregun global.

Continue Reading

Të kërkuara