Sport

“Luan si në oborrin e shtëpisë”, Luis Enrique elozhe për Gabin pasi theu rekordin

Gavi u bë lojtari më i ri në historinë e Spanjës që debuton me fanellën e kombëtares.

Published

4 years ago

on

17 vjeç dhe 60 ditë. Gavi u bë lojtari më i ri në historinë e Spanjës që debuton me fanellën e kombëtares duke thyer një rekord që zgjaste që nga viti i largët 1936.

Nuk ishte thjesht një debutim pasi talenti i Barcelonës i mahniti të gjithë me paraqitjen e tij dhe në konferencën pas ndeshjes, Luis Enrique mund të thoshte vetëm elozhe për të.

“Ne kemi thënë tashmë se është një rast unik, ai po luan sikur të ishte në oborrin e shtëpisë së tij. Është kënaqësi të shoh një lojtar me këtë cilësi dhe personalitet. Ai është e ardhmja e ekipit kombëtar si shumë lojtarë të tjerë që kemi në këtë grup”.

Për të hyrë më në detaje, trajneri spanjoll foli për talentin 17-vjeçar dhe ku e pranoi se është me fat që ka në përbërje një grup të tillë dhe ka mundësinë të zgjedh mes shumë lojtarëve të talentuar.

“Gavi ka bërë një paraqitje të madhe, por nuk është normale. Është diçka e jashtëzakonshme, luan shumë dhe mirë, me shumë personalitet. Jo vetëm që është e ardhmja e Kombëtares, por tashmë e shohim se është edhe e tashmja. Por përveç Gavit, të tjerë si Sarabia, Ferran, Busquets, Koke … me pak fjalë, të gjithë ata që kanë dalë kanë qenë në një nivel të shkëlqyeshëm. Gavi nuk më ka habitur. Ai ka personalitet, guxim, cilësi, futboll … është gjithashtu një mrekulli fizike. Ai kishte për detyrë të mbulonte idhullin e tij, Verrati, dhe ai ka përmbushur më shumë se sa duhet. Është e tashmja e Spanjës, por është e nevojshme t’u jepet normalitet dhe natyralitet këtyre të rinjve. Rruga është vendosur nga Koke, Busquets, Azpilicueta, me pak fjalë, veteranët e deri tek të rinjtë”, përfundoi trajneri spanjoll./Ora News/.

Related Topics:
Continue Reading

Sport

Nis gara për organizimin e Botërorit të Klubeve, FIFA shqyrton mundësinë për ta luajtur në dimër

Published

3 hours ago

on

July 1, 2025

By

FIFA po shqyrton mundësinë që edicioni i ardhshëm i FIFA Club World Cup të zhvillohet gjatë dimrit, një ndryshim që shkakton trazira në kalendarin e kampionateve europiane.

Katari, vendi që organizoi Kupën e Botës në 2022, ka shprehur interesin për të qenë nikoqiri i radhës së këtij turneu të zgjeruar, pas edicionit të parë këtë verë në SHBA. Për shkak të temperaturave gjatë verës në Katar, turneu duhet të mbahet në dhjetor, siç ndodhi edhe me Kupën e Botës në 2022.

Sipas raportimeve të The Guardian, përfaqësues të Katarit kanë zhvilluar bisedime me zyrtarët më të lartë të FIFA-s në SHBA për një mundësi ndryshimi të vendit të organizimit. Katar synon të organizojë këtë turne në dhjetor 2029.

Ky plan po ndeshet me kundërshtime të forta nga ligat evropiane, përfshirë Premier League, që paralajmërojnë ndërprerje të rëndësishme në sezon. Në 2022, zhvendosja e Kupës së Botës në dimër kishte detyruar ndalimin e kampionateve për më shumë se një muaj, një përvojë që ligat dëshirojnë ta shmangin.

Katar ofron ofertë të fortë duke pretenduar se mund të organizojë një Club World Cup me zero emetime karboni. Stadiumet e ndërtuara për Kupën e Botës janë ende të gatshme, gjë që do të ulë kostot dhe do të minimizojë udhëtimet për tifozët. Lojtarët janë ankuar për kushtet e motit gjatë turneut të fundit, me disa ndeshje të pezulluara për shkak të bubullimave e stuhive të verës në SHBA, përfshirë edhe ndeshjen Chelsea-Benfica që u ndërpre për dy orë.

Sindikatat e lojtarëve, si FifPro, kanë shprehur shqetësime për sigurinë e mirëqenien e sportistëve, ekspertët paralajmërojnë se situata e motit pritet të jetë sfiduese edhe në Kupën e Botës 2026 që zhvillohet në SHBA, Meksikë e Kanada.

Edhe Kupa e Botës 2034 në Arabinë Saudite të zhvendoset në dimër për shkak të kushteve klimatike.

Continue Reading

Sport

Messi drejt rikthimit në Barcelonë?

Published

4 hours ago

on

July 1, 2025

By

Kanë kaluar katër vite që kur Lionel Messi u largua nga Barcelona, por fansat ende ëndërrojnë rikthimin e legjendës argjentinase te klubi i zemrës së tij.

Në moshën 38-vjeçe, Messi luan në MLS me Inter Miami, ku kontrata e tij zgjat deri më 31 dhjetor 2025, spekulimet për një rikthim të mundshëm te Barcelona janë rikthyer fuqishëm në media.

Sipas gazetarit Esteban Edul nga ESPN Argentina, Messi po konsideron të lërë MLS-në rreth gjashtë muaj përpara FIFA Botërorit 2026, me synimin për të luajtur në një ligë më konkurruese dhe për t’u përgatitur më mirë për turneun.

Bisedimet për rinovimin e kontratës me Inter Miami janë pezulluar, duke lënë të hapur mundësinë e largimit në dritaren e transferimeve dimërore. Messi u shpall kampion bote me Argjentinën në Botërorin 2022 në Katar dhe do të hyjë në Botërorin 2026 si kampion në fuqi, me shpresën për të mbrojtur titullin.

Nëse vendos të largohet nga MLS, lidhjet për rikthimin në Barcelonë do të rifillojnë, siç ndodhi edhe kur u largua nga PSG në 2023.

Raportime të fundit sugjerojnë se marrëdhënia e prishur me bordin drejtues të Barcelonës, nën presidencën e Joan Laportas, e bën një rikthim të vështirë.

Gazetari Guillem Balague, i afërt me kampin e Messit, deklaroi në shkurt se ish-kapiteni i Barcelonës nuk do ta konsideronte kthimin te klubi për aq kohë sa Laporta do të jetë president. Me gjashtë muaj të mbetur deri në fund të kontratës me Inter Miami, mbetet për t’u parë nëse Barcelona do të përpiqet të zbusë marrëdhëniet dhe t’i japë mundësinë yllit të tyre të madh të bëjë një rikthim madhështor.

 

 

Continue Reading

Sport

Jashari e do vetëm Milanin, ky i fundit e ka “fatin” e tij në dorë

Published

6 hours ago

on

July 1, 2025

By

Milani e ka vënë në shënjestër Ardon Jasharin për repartin e mesfushës: lojtari i lindur në vitin 2002 shihet si përforcimi ideal për mesfushën e re që do t’i vihet në dispozicion trajnerit Allegri.

Negociatat me Club Brugge – siç ka treguar edhe rasti i Charles De Kaetelare – nuk janë të lehta: ende nuk ka një marrëveshje mes dy klubeve.

Megjithëse ka interes nga klube të tjera evropiane, qëndrimi i lojtarit është i qartë: ai dëshiron Milanin.

Gazetari dhe eksperti i transferimeve, Fabrizio Romano komentoi këtë çështje në platformën “X”:

“Sipas informacioneve, Ardon Jashari nuk po negocion me klube të tjera në këtë fazë: ai dëshiron t’i bashkohet Milanit. Ka marrë vendimin dhe është i bindur se Milani është destinacioni ideal për të ardhmen. Oferta aktuale është rreth 30 milionë euro plus bonuse, por nuk mjafton pasi Club Brugge kërkon më shumë. Tani është në dorë të klubit.”

Ardon Jashari u transferua te Club Brugge verën e kaluar për shumën e gjashtë milionë eurove nga Luzerni.

Vetëm në vitin e tij të parë në Belgjikë, Jashari fitoi dy çmime: “Lojtari i Ri më i Mirë i Sezonit” dhe “Lojtari më i Mirë i Sezonit”.

 

Continue Reading

Sport

Donis Avdijaj bëhet me ekip të ri

Published

21 hours ago

on

June 30, 2025

By

Donis Avdijaj është bërë me ekip të ri.

Futbollisti kosovar është transferuar tek ekipi Wolfsberger AC.

Klubi austriak e ka bërë publik lajmin përmes faqes së vetë zyrtare në rrjetet sociale, përcjell “Gazeta Express”.

“RZ Pellets WAC e ka transferuar ish-lojtarin e Hartberg, Donis Avdijaj, si transferim i lirë. Avdijaj, i cili do ta veshë fanellën me numër 10 në Lavanttal, tani do të jetë në kërkim të golave për ekipin tonë. Mirë se vjen në Wolfpack, Donis”, shkroi klubi austriak.

Continue Reading

Të kërkuara