Sport

Lojërat Olimpike në Tokio: Personi më i vjetër në botë tërhiqet nga stafeta e pishtarit

Published

on

Personi më i vjetër në botë është tërhequr përfundimisht nga stafeta olimpike e pishtarit, duke thënë se ajo është e shqetësuar për përhapjen e Covid-19 tek të tjerët në shtëpinë e të të moshuarve.

Kane Tanaka, 118-vjeçare, kishte menduar të merrte pjesë në stafetë për Tokyo 2020 në Fukuoka, Japoni të Jugut, më 11 maj.

Muajin e kaluar, pas rritjes së rasteve me COVID-19, Japonia shpalli gjendje të jashtëzakonshme në qytetet kryesore, Tokio dhe Osaka. Disa të famshëm gjithashtu janë tërhequr për shkak të shqetësimeve në lidhje me virusin.

Tanaka, e cila u lind më 1903, hyri në Librin Guinness në mars të vitit 2019, si personi më i vjetër në botë.

Një zyrtar në shtëpinë e të moshuarve tha se familja e saj u kishte dërguar email organizatorëve të stafetës, duke thënë se ajo “donte të tërhiqej nga stafeta pasi ajo dhe familja e saj ishin të shqetësuar për përhapjen e virusit në shtëpinë e të moshuarve”.

Situata në Japoni

Kufizimet u vendosën në Tokio, Osaka, Kyoto dhe Hyogo më 25 prill, dhe do të zgjasin deri më 11 maj.

Sidoqoftë mediat lokale po raportojnë se qeveria po konsideron zgjatjen e kufizimeve. Por ende nuk dihet nëse këto kufizime do të ndikojnë në Lojërat Olimpike në përgjithësi. Lojërat Olimpike që u shtynë një vit për shkak të pandemisë, planifikohet të fillojnë më 23 korrik.

Sipas transmetuesit NHK, kapaciteti spitalor për pacientë të sëmurë rëndë në Osaka tani ka tejkaluar 99% dhe guvernatori i rajonit tha se ka dyshime nëse gjendja e jashtëzakonshme e prefekturës mund të përfundojë këtë muaj./UBTNews

(Arjeta Ibishi, studente në Media dhe Komunikim në UBT)

Lajmet

​Vdes në moshën 29-vjeçare kampioni amerikan i shahut

Published

on

Kampioni amerikan i shahut dhe komentatori online Daniel Naroditsky ka ndërruar jetë në moshën 29-vjeçare.

Sipas BBC, familja e tij e përshkroi vdekjen si të papritur, pa dhënë shkakun.

Naroditsky ishte një lojtar i talentuar, edukator dhe komentator, i njohur për kanalin e tij në YouTube me afro 500,000 abonentë dhe stream-et në Twitch me 340,000 ndjekës.

Ai luajti një rol kyç në popullarizimin e përmbajtjes së shahut online.

Ai filloi shahun në moshën 6 vjeç, fitoi Kampionatin Botëror të të Rinjve nën 12 vjeç në 2007, dhe në 2013 u bë Grandmaster i SHBA-së. Naroditsky u diplomua në Stanford dhe punoi si trajner shahu në Charlotte, Karolina e Veriut.

Shumë kolegë dhe fansa e përshkruan si një inspirim, historian të shahut dhe dikë që e bënte lojën argëtuese dhe të thjeshtë për të gjithë./S.K/KP/

Continue Reading

Lajmet

Tre kampione sporti apel për kryerjen e mamografisë falas

Published

on

Kryeministri Edi Rama përcolli sot në rrjetet sociale, mesazhet e tri kampioneve të sportit, në disiplinat e atletikës, peshëngritjes dhe boksit, ndërsa ritheksoi thirrjen e vazhdueshme për të bërë mamografinë falas.

Atletja Luiza Gega, Kampione Evrope në Atletikë tha se tetori rozë është një kujtesë për të gjitha gratë se shëndeti është gara më e rëndësishme që mund të fitohet.

“Jam mësuar që gjithmonë të vrapojë pas qëllimeve, po asnjë fitore nuk ka kuptim pa kujdesin për veten. Kontrolli i gjirit nuk është frikë, është forcë, është një hap i vogël që mund të shpëtojë jetë. Prandaj bëje pjesë të rutinës tënde kujdesu për veten, vrapo për jetën”, tha Gega.

Enkileda Carja, kampione Evrope në Peshëngritje iu bashkua këtij apeli për të gjitha gratë dhe vajzat në kryerjen e mamografive falas gjatë tetorit rozë, teksa shtoi se në peshëngritje mësohet çdo ditë se si të ngremë më shumë, po ka një peshë që duhet ta ndahet, pra, atë të përgjegjësisë për shëndetin”.

“Tetori rozë më kujton se forca nuk është fizike, është forcë që përballesh me frikën që të mos anashkalosh shëndetin, të kujdesesh për trupin që të mban në këmbë çdo ditë. Bëje për veten, për ata që të duan, për jetën. Një kontroll i vogël sot mund të shpëtojë nga një peshë e rëndë nesër”, pohoi Carja.

Ajo pohoi se kanceri i gjirit nuk zgjedh moshë, profesion apo stil jete, prandaj kontrolli i rregullt është një raund që secila prej nesh duhet ta fitojë.

Ministria e Shëndetësisë dhe Mirëqenies Sociale e ka shtrirë fushatën e saj sensibilizuese jo vetëm në tetor, por gjatë gjithë vitit, përmes mamografive stacionare apo njësive lëvizëse në qytete të ndryshme të vendit.

Tetori Rozë është muaji i ndërgjegjësimit për kancerin e gjirit, që synon rritjen e kujdesit dhe vëmendjes për diagnostikim të hershëm dhe trajtim në kohë të kësaj diagnoze./S.K/KP/

Continue Reading

Lajmet

Arsenal- Atletico Madrid, derbi i së martës në Champions

Published

on

Gara në Ligën e Kampionëve vazhdon me ndeshjet e xhiros së tretë të fazës së ligës, ku sot janë nëntë ndeshjet e para të xhiros së tretë, kurse vëmendja do të jetë në stadiumin “Emirates” në Londër.

Nga ora 21:00 takohen Arsenali dhe Atletico Madridi, në ndeshjen më interesante të së martës.

Arsenali ka fituar dy ndeshjet e para, njëjtë si Bayerni, Real Madridi, PSG-ja, Interi e Qarabagu. Skuadra e Mikel Artetas në xhiron e parë fitoi 2:0 në udhëtim tek Athletic Bilbao, ndërsa në të dytën fitoi po me 2:0 ndaj Olympiacosit.

Skuadra e Diego Simeones, Atletico Madridi, në xhiron e parë humbi 3:2 nga Liverpooli, ndërsa në të dytën e shkatërroi, 5:1, skuadrën gjermane, Eintracht Frankfurt.

Arsenali është në moment të mirë edhe në Premier League. Pas xhiros së tetë udhëheqë në tabelë me 19 pikë. Në fundjavë “topçinjtë” fituan 1:0 ndaj Fulhamit.

“Ishte një fillim i mahnitshëm i edicionit për ne. Por gjëja më e rëndësishme është se si përfundon kampanja. Është mirë që jemi në moment pozitiv. Ekipi është plot me besim dhe ne jemi në ecuri të mirë. Por na pret rrugë e gjatë. Gjëja e mirë është që në aspektin mental jemi gati për ndeshje dhe që të japim më të mirën”, ka thënë mesfushori i Arsenalit, Mikel Merino.

Trajneri i Arsenalit, Mikel Arteta, foli me respekt për Simeonen dhe punën që e ka bërë ai tek Atletico.

Ndërkohë, Simeone ka theksuar se në Londër kanë udhëtuar për fitore.

“Kemi ardhur me shpresë për ndeshje të madhe dhe për të siguruar fitoren që na duhet. Synojmë fitore në udhëtim në Ligën e Kampionëve. Do t’i qasemi ndeshjes me intensitetin që e meriton”, ka theksuar Simeone.

Të martën janë edhe disa ndeshje të tjera interesante:

Nga ora 18:45, Barcelona e pret Olympiacosin dhe llogarit në fitore tjetër.

Në termin të njëjtë zhvillohet ndeshja mes Kairat Almatyt dhe Pafosit qipriot.

Fituesi në fuqi i Ligës së Kampionëve, Paris Saint Germaini nuk pritet të ketë punë të lehtë ndaj Bayer Leverkusenit në Gjermani. Leverkuseni është nënkampion i Gjermanisë.

Fitore në udhëtim synojnë edhe dy skuadrat e mëdha italiane.

Kampioni i Italisë, Napoli, luan në Holandë ndaj PSV-së, ndërsa Interi luan në Belgjikë ndaj Royale Union.

Ndërkohë Manchester City i Pep Guardiolas është mysafir i Villarrealit në Spanjë.

Copenhagen- Dortmund dhe Newcastle United-Benfica janë ndeshjet tjera sonte./S.K/EO/

Continue Reading

Lajmet

​Yildiz: Nuk më pëlqen të krahasohem me Del Pieron

Published

on

Sulmuesi turk, Kenan Yildiz është gati për përballjen e madhe të Ligës së Kampionëve mes Real Madridit dhe Juventusit.

Yildiz që mban fanellën me numrin 10 te bardhezinjtë, foli për emocionet e tij në një intervistë për faqen zyrtare të UEFA-s, ku pranoi se është i motivuar nga pritshmëritë që ka publiku, por shtoi se nuk i pëlqejnë krahasimet.

“Jam vetvetja. Nuk dua të krahasohem me askënd.”, tha Yildiz.

Lidhur me ndeshjen në stadiumin Santiago Bernabeu, ai u shpreh:

“Është fantastike. Çdo fëmijë ëndërron të luajë në atë stadium. Tani kjo ëndërr është bërë realitet. Shpresoj të zhvillojmë një ndeshje të madhe.”/S.K/KP/

 

Continue Reading

Të kërkuara