Sport

Liverpooli nis bisedimet me Lille për transferimin e Renato Sanchesit

Liverpool është vendosur të hapë bisedimet me klubin e Ligue 1, Lille, për transferimin e mesfushorit portugez Renato Sanches.

Published

5 years ago

July 7, 2021

Betim Gashi

23-vjeçari ka luajtur në Ligën Premier më parë me Swansea City, por nuk arriti të bindte me nivelin e tij në sezonin e tij debutuese në Angli.

Një fitues titulli në Francë sezonin e kaluar, Sanches gjithashtu u paraqit për Portugalinë në të gjitha ndeshjet e tyre të Euro 2020 para se kombëtarja e tij të eliminohej nga Belgjika në raundin e 1/8-tës.

Vetëm tre sezone pasi ‘dështoi’ te Swansea, trajneri i Reds, Jurgen Klopp ka caktuar fituesin e ‘Golden Boy 2016’ si njeriu që do të zëvendësojë Giorginio Wijnaldum në zemër të mesfushës së tij te Liverpooli.

I njohur për forcën e tij, aftësinë për të dribluar dhe shkathtësinë në mes të fushës, Sanches është i qetë në të tre zonat qendrore të Liverpoolit dhe kjo ka bërë që Klopp ta sheh atë si mesfushorin e ri të ekipit të tij.

Sipas gazetarit italian Nicolo Schira, Liverpool ka “hapur bisedimet” me Lille mbi një transferim të përhershëm dhe se diskutimet tani janë duke vazhduar.

Me dyshime mbi gjendjen afatgjatë të Naby Keita dhe Alex Oxlade-Chamberlain, dhe largimin e Wijnaldum, mesfusha qendrore është një zonë e fushës ku Liverpool ka nevojë për përforcime.

Transferimi i Sanchesit mund t’i kushtojë klubit nga Anfield nga 35 deri në 40 milionë euro.

Sport

Përfaqësuesja e Kosovës në kickboks me paraqitje të shkëlqyer në “Turkish WAKO World Cup”

Published

46 minutes ago

May 18, 2026

UBTNews

Përfaqësuesja e Kosovës në kickboks ka shënuar sukses të jashtëzakonshëm në turneun ndërkombëtar “Turkish WAKO World Cup”, ku morën pjesë afro 3 mijë garues nga 43 shtete të botës.

Për suksesin e sportistëve kosovarë ka reaguar edhe ministri në detyrë i Sportit dhe Rinisë, Blerim Gashani, i cili vlerësoi paraqitjen e tyre, duke theksuar se ata dëshmuan talent, disiplinë dhe potencial të madh për konkurrim në arenën ndërkombëtare.

Në mesin e rezultateve më të mira u veçua Art Dulaj, i cili fitoi medaljen e artë në kategorinë Full Contact pas tri fitoreve me nokaut, duke e ngritur flamurin e Kosovës në majën e podiumit.

Po ashtu, Artor Mehmeti dhe Nart Mehmeti fituan medalje të bronzta, pasi arritën deri në fazën gjysmëfinale të garës.

Vlerësime mori edhe gjyqtari ndërkombëtar Albin Musa për përfaqësimin profesional të Kosovës në këtë turne prestigjioz.

Ministri Gashani theksoi se institucionet do të vazhdojnë mbështetjen për sportistët kosovarë në rrugën drejt sukseseve të reja ndërkombëtare.

Sport

Superliga ndez garën për titull dhe mbijetesë, Prishtina mban kreun

Published

1 hour ago

May 18, 2026

UBTNews

Fundjava në Superligën e Kosovës solli spektakël, rezultate befasuese dhe shumë emocione në stadiumet kosovare, ndërsa gara për kreun dhe mbijetesën po bëhet gjithnjë e më interesante.

Malisheva regjistroi fitore bindëse ndaj Drenica me rezultat 4:1, duke vazhduar formën pozitive këtë sezon.

Në një tjetër përballje interesante, Dukagjini triumfoi 2:0 ndaj Drita, rezultat që konsiderohet ndër surprizat e javës.

Spektakël me gjashtë gola u zhvillua në duelin ndërmjet Prishtina dhe Ferizaj, ku skuadrat ndanë pikët pas barazimit 3:3.

Fitore të rëndësishme në udhëtim arriti Llapi, që mposhti Gjilani me rezultat 2:1.

Ndërkohë, Ballkani fitoi me vështirësi ndaj Prishtina e Re me rezultat 3:2, në një ndeshje dramatike deri në fund.

Pas kësaj xhiroje, Prishtina vazhdon të kryesojë tabelën e Superligës, ndërsa Ferizaj dhe Prishtina e Re mbesin në zonën e fundit të renditjes.

Sport

FC 2 Korriku kampion në Ligën e Parë dhe BPB Ligën U17

Published

1 hour ago

May 18, 2026

UBTNews

FC 2 Korriku ka kurorëzuar një sezon të jashtëzakonshëm në futbollin e vajzave, duke fituar titullin e kampionit në Ligën e Parë për seniore dhe njëkohësisht duke triumfuar edhe në BPB Ligën U17 – Grupi A. Me këtë sukses, ekipi i senioreve ka siguruar promovimin në Superligën e Kosovës.

Ky triumf i dyfishtë vjen si rezultat i një pune të vazhdueshme dhe të përkushtuar nga klubi, i cili që nga viti 2020 ka investuar në zhvillimin e futbollit të vajzave në kryeqytet. Pas suksesit shumëvjeçar në akademinë e djemve, FC 2 Korriku ka arritur të ndërtojë edhe një ekip konkurrues të vajzave, që tashmë do të jetë pjesë e elitës së futbollit kosovar.

Nga klubi kanë vlerësuar se ky sukses është fryt i vizionit të qartë, punës profesionale dhe përkushtimit të futbollisteve, trajnerëve dhe stafit drejtues gjatë gjithë sezonit.

Urime për futbollistet, trajnerët dhe gjithë kontribuuesit për këtë arritje të madhe, me dëshirën që rrugëtimi në Superligë të sjellë edhe më shumë suksese dhe rezultate pozitive për klubin dhe futbollin e vajzave në Kosovë.

Sport

Trepça mposht Bashkimin dhe mbërrin në 3-0 në finale

Published

2 hours ago

May 18, 2026

UBTNews

Trepça ka shënuar një fitore jashtëzakonisht të rëndësishme ndaj Bashkimit me rezultat të ngushtë 80-84, në një atmosferë fantastike në palestren “Sezai Surroi” në Prizren, duke krijuar kështu një epërsi komode prej 3-0 në serinë finale të Playoff-it në Superligën e Kosovës në basketboll.

Ndeshja e tretë finale e këtij edicioni ofroi një luftë të madhe sportive dhe dramë deri në sekondat e fundit të takimit. Mitrovicasit e nisën më mirë ndeshjen duke e mbyllur pjesën e parë me një epërsi prej 10 pikësh, mirëpo prizrenasit nuk u dorëzuan dhe reaguan fuqishëm në pjesën e dytë. Bashkimi arriti ta përmbiste rezultatin dhe madje kaloi në avantazh gjatë çerekut të fundit, përpara se Trepça të tregonte karakter në momentet vendimtare dhe ta riktente epërsinë për ta mbyllur sfidën me triumf.

Te skuadra e Trepçës më të dalluarit në parket ishin Kenneth Hasbrouck me 22 pikë të shënuara dhe Dardan Kapiti, i cili kontribuoi me 14 pikë e 9 kërcime. Në anën tjetër, te Bashkimi nuk mjaftoi loja e shkëlqyer e Shannon Shorter, i cili ishte më efikasi i ndeshjes me 25 pikë e 5 kërcime, i ndihmuar edhe nga Jalen Riley që shtoi 22 pikë. Ndeshja e katërt e kësaj serie finale, ku Trepça mund të shpallet kampion, do të zhvillohet sërish në Prizren.