Sport

Liverpooli është favoriti për ta transferuar Bellingham në verë

Pavarësisht konkurrencës së madhe nga Manchester City dhe Real Madridi, sipas “Sky Sports Germany”.

Publikuar

10 muaj më parë

më

Liverpooli mbetet favoriti për ta transferuar yllin e Borussia Dortmundit, Jude Bellingham këtë verë, pavarësisht konkurrencës së madhe nga Manchester City dhe Real Madridi, sipas “Sky Sports Germany”.

Duke folur për “Transfer Show”, gazetari i njohur i “Sky Germany”, Florian Pletternberg tha se trajneri i Jurgen Klopp është duke insistuar vazhdimisht për ta sjellë 19 vjeçarin në Angli për ta përforcuar mesfushën e tij.

Bellingham ishte lojtar kyç për Anglinë gjatë Kupës së Botës në Katar, dhe po kalon nëpër një formë të jashtëzakonshme me Dortmundin në garat evropiane dhe Bundesliga, duke shënuar plot 10 gola në 23 ndeshjet e zhvilluara në të gjitha garat.

Klopp veçse e ka bërë të ditur këtë janar se skuadra e tij do t’i nënshtrohet disa ndryshimeve të mëdha këtë verë, me Liverpoolin që e ka bërë prioritet blerjen e Bellingham.

“Ne të gjithë mendojmë se Bellingham do të largohet këtë verë, dhe se nuk ka shanse që Dortmundi ta mbajë atë. Por ai ka një kontratë pa një klauzolë lirimi, kështu që çmimi do të jetë tejet i lartë. Dortmundi dëshiron të përfitojë rreth 100-150 milionë euro nga ai këtë verë”, tha Plettenberg.

“Ka tre skuadra që garojnë për të, Real Madridi, Manchester City dhe Liverpooli. Liverpooli është njëri nga favoritët, dhe Jurgen Klopp po insiston, insiston dhe insiston për të dhe thotë se ai është synimi numër një i tij. Klopp nuk ka folur ende me Bellingham personalisht, por bisedimet janë mbajtur me Julian Ward. Tani ata duhet të punojnë se kush duhet të paguajë paratë”, shtoi më tej Plettenberg.

Klopp ka folur më parë për Bellinghamin në publik në shumë raste, dhe e ka cilësuar atë “të jashtëzakonshëm” muajin e kaluar, pas paraqitjeve të tij në Kupën e Botës me Kombëtaren e Anglisë.

Etiketa
Vazhdo të lexosh

Lajmet

“Vajzat dardane janë dëshmia më e mirë si prezantohet shteti dhe kombëtarja”

Publikuar

18 minuta më parë

më

1 Dhjetor, 2023

nga

Kombëtarja e Kosovës e femrave e ka siguruar kualifikimin në Ligën B të Ligës së Kombeve.

Vashat e Kosovë mposhtën me rezultat të thellë 5:1 Kombëtaren e Bullgarisë.

Tani, pas këtij suksesi ka reaguar edhe tifo-grupi “Dardanët” duke thënë se vashat e Kosovës janë mburrja e vendit.

“Vajzat dardane jane deshmia me e mire sesi prezantohet shteti dhe kombetarja. Me fitoren 5-1 kunder Bullgarise u arrit plasimi ne Ligen B te Liges se Kombeve. Angazhimi i vajzave tona duhet te jete nje shembull per te gjithe te tjeret se sa shume duhet nderuar atdheu me paraqitje ne fushe e me me pak llafe perqark.

Urime stafit te trajneres Andersen dhe gjithe futbollisteve arritja e ketij caku. Jeni mburrja e vendit”, shkruante në postimin e “Dardanëve” në Facebook.

Vazhdo të lexosh

Sport

Sot sfida me Bullgarinë, Kosova synon kalimin në Ligën B të Ligës së Kombeve

Publikuar

7 orë më parë

më

1 Dhjetor, 2023

nga

Kombëtarja e Kosovës në konkurrencën e femrave do ta zhvilloj sot ndeshjen kundër Bullgarisë, në kuadër të Ligës së Kombeve.

Ndeshja zhvillohet me fillim nga ora 13:00, në stadiumin “Zahir Pajaziti” në Podujevë.

Me një fitore eventuale, Kosova do ta siguronte kalimin në Ligën B të Ligës së Kombeve. Dardanet kanë shtatë pikë në vendin e parë në grup, kurse Bullgaria është e dyta me katër pikë.

Vazhdo të lexosh

Sport

Cristiano Ronaldo përballet me një padi prej 1 miliard dollarësh për reklamat e Binance

Publikuar

1 ditë më parë

më

30 Nëntor, 2023

nga

Futbollisti Cristiano Ronaldo po përballet me një padi kolektive në SHBA për promovimin e tij të Binance, shkëmbimit më të madh të kriptomonedhave në botë.

Paditësit pretendojnë se miratimi i tij i shtyu ata të bënin investime me humbje. Ata po kërkojnë dëmshpërblim prej “një shume që tejkalon” 1 miliard dollarë (790 milion £).

Në nëntor të vitit 2022, Binance njoftoi koleksionin e tij të parë “CR7” të “NFT” në partneritet me Ronaldon, për të cilin futbollisti tha se do t’i shpërblente fansat “për të gjitha vitet e mbështetjes”.

NFT-të janë asete virtuale që mund të blihen dhe shiten, por që nuk kanë formën e tyre të botës reale – me fjalë të tjera ato ekzistojnë vetëm në mënyrë digjitale. Në përgjithësi, ato përdoren për të shënuar pronësinë e diçkaje, si p.sh. një fotografi ose video në internet.

“CR7” i referohet inicialeve dhe numrit të fanellës së Ronaldos, dhe përdoret si markë në një gamë produktesh që e kanë ndihmuar atë të bëhet një nga atletët më të pasur në tokë, shkruan BBC.

Në një video të mediave sociale duke njoftuar partneritetin, Ronaldo u tha investitorëve të mundshëm “ne do të ndryshojmë lojën NFT dhe do ta çojmë futbollin në nivelin tjetër”.

NFT-ja më e lirë nga koleksioni ishte me çmim 77 dollarë kur doli në shitje në nëntor të vitit 2022 – por një vit më vonë, çmimi i tij ishte rreth 1 dollarë.

Binance, i akuzuar nga Departamenti Amerikan i Drejtësisë për shkelje të sanksioneve dhe pastrim parash, përballet me një dënim prej 4.3 miliardë dollarësh.

Subjekte të tjera, duke përfshirë Major League Baseball dhe Formula 1, po përballen gjithashtu me padi në grup në lidhje me promovimet e kriptomonedhave.

Ronaldo dhe Binance, duke planifikuar bashkëpunime të ardhshme, nuk i janë përgjigjur kërkesave të BBC-së për koment.

Vazhdo të lexosh

Sport

Sot tetë vjet më parë, Kobe Bryant njoftoi për pensionimin nga basketbolli

Publikuar

2 ditë më parë

më

29 Nëntor, 2023

nga

Sot tetë vjet më parë, legjenda e basketbollit, Kobe Bryant njoftoi për pensionimin e tij si basketbollist, respektivisht më 29 nëntor të vitit 2015.

Koby Bryant kaloi vitet e hershme të jetës së tij në Itali, dhe iu bashkua NBA direkt nga shkolla e mesme, raporton KosovaPress.

Një nuhatës i shkëlqyer i koshit, Bryant fitoi pesë tituj të kampionatit NBA dhe u shpall MVP në vitin 2008 sa ishte te LA Lakers. Edhe pse sezonet e tij të mëtejme u karakterizuan me lëndime të shumta, ai tejkaloi legjendën Michael Jordan si i treti në listën e basketbollistëve që kanë shënuar më së shumti pikë në NBA në dhjetor të vitit 2014 dhe më pas u pensionua në vitin 2016, pasi që shënoi 60 pikë në ndeshjen e fundit të karrierës së tij.

Në vitin 2018, Bryant fitoi çmimin për filmin më të mirë të animuar të shkurtër “Dear Basketball”.

Më 26 janar të vitit 2020, tragjikisht, Bryant u përfshi në një aksident me helikopter, që la të vdekur atë, vajzën e tij Gigin (13 vjeçare) dhe shtatë persona të tjerë.

Vazhdo të lexosh

Të kërkuara