Sport

Liverpool nuk njeh kundërshtar, “të kuqtë” avancojnë në finalen e Kupës së Ligës

Published

2 years ago

on

Liverpool ka përmbysur Tottenham-in dhe ka avancuar në finalen e Kupës së Ligës. Të kuqtë triumfuan me rezultatin 4-0, duke përmbysur disavantazhin 1-0 të sfidës së parë.

Liverpool konfirmoi edhe një herë se këtë sezon është pretendent për fitimin e çdo trofeu të mundshëm, jo vetëm në Angli. Skuadra e drejtuar nga Arne Slot zhvilloi një paraqitje perfekte në “Anfield”, duke shtangur Tottenham-in dhe siguruar një vend në finalen e Kupës së Ligës.

Disavantazhi prej një goli nga ndeshja e parë gjysmëfinale nuk e pengoi Liverpool-in, pasi në sfidën e kthimit realizoi një poker golash për të siguruar kualifikimin.

Fraksioni i parë, ashtu si e gjithë loja, foli për vendasit, të cilët kaluan në avantazh me Cody Gakpo në minutën e 34-të. Në atë moment, gjysmëfinalja ishte në baraspeshë, por ashtu siç ka bërë gjatë gjithë sezonit, Liverpool nuk u mjaftua me kaq dhe shënoi edhe tre herë në pjesën e dytë. Salah, Szoboszlai dhe Van Dijk ishin autorët e golave që vulosën fitoren 4-0.

Nga ana tjetër, Spurs-at nuk prodhuan asnjë rrezik për kundërshtarin, madje nuk arritën të godasin asnjëherë në portën e Kelleher-it.

Me këtë triumf, Liverpool avancon në finale, ku e pret Neëcastle, skuadër që ende nuk e ka fituar këtë trofe. Ndërkohë, të kuqtë numërojnë plot 10 tituj të Kupës së Ligës. Finalja do të zhvillohet më 16 mars në “Wembley”.

Related Topics:
Continue Reading

Sport

Briken Calja shkëlqen në Taranto, shpallet kampion dhe thyen rekorde

Published

10 hours ago

on

September 1, 2026

By

Reprezentuesi i Shqipërisë, Briken Calja, është shpallur kampion i Lojërave Mesdhetare “Taranto 2026”, pas një paraqitjeje të jashtëzakonshme në peshëngritje.

Sportisti i Team Albania dominoi garën në kategorinë deri në 75 kilogramë, duke treguar formë të shkëlqyer.

Në stilin e shkëputjes, Calja realizoi tri prova të suksesshme, duke ngritur 147, 152 dhe 154 kilogramë. Me rezultatin maksimal prej 154 kilogramësh, ai fitoi medaljen e artë dhe njëkohësisht vendosi tri rekorde mesdhetare.

Edhe në stilin e shtytjes, Calja vazhdoi me paraqitje mbresëlënëse. Ai ngriti 184 kilogramë, duke vendosur rekordin mesdhetar në këtë stil dhe duke fituar medaljen e bronztë.

Kjo është një tjetër paraqitje e madhe e peshëngritësit shqiptar, i cili i ka dhuruar Shqipërisë një medalje të artë në “Taranto 2026”.

Me suksesin e Caljas, Shqipëria numëron tashmë gjashtë medalje në këto Lojëra: dy të arta, një të argjendtë dhe tri të bronzta.

D.L

Continue Reading

Lajmet

Islam Selmani i artë, medalja e 7-të për Kosovën

Published

11 hours ago

on

September 1, 2026

By

Islam Selmani ka shkëlqyer në Lojërat Mesdhetare “Taranto 2026”, duke fituar medaljen e artë dhe duke i sjellë Kosovës medaljen e shtatë në këto Lojëra.

Karateisti kosovar triumfoi në finale dhe u shpall kampion, duke shkruar një faqe të rëndësishme për karatenë e Kosovës.

Kjo është medalja e parë e artë për Kosovën në karate në “Taranto 2026” dhe medalja e shtatë e delegacionit kosovar.

Një paraqitje fantastike e Islam Selmanit, i cili tashmë është kampion i Lojërave Mesdhetare.

D.L

Continue Reading

Sport

Briken Calja i artë në “Taranto 2026”, Shqipëria fiton medaljen e dytë të artë

Published

12 hours ago

on

September 1, 2026

By

Briken Calja i ka sjellë Shqipërisë medalje të artë në Lojërat Mesdhetare “Taranto 2026”.

Peshëngritësi shqiptar garoi të martën paradite në kategorinë deri në 75 kilogramë, duke shkëlqyer në stilin e shkëputjes.

Calja fitoi medaljen e artë në shkëputje, pasi ngriti me sukses peshën maksimale prej 154 kilogramësh.

Në stilin e shtytjes, shqiptari u rendit i treti, duke fituar medaljen e bronztë me një peshë maksimale prej 184 kilogramësh.

Me këtë sukses, Calja ka kontribuar në një paraqitje të mirë të Shqipërisë në “Taranto 2026”, ku deri tani ka fituar dy medalje të arta, një të argjendtë dhe dy të bronzta.

Foto: euronews

D.L

Continue Reading

Sport

Sigurohet medalja e shtatë për Kosovën, Islam Selmani në finale

Published

13 hours ago

on

September 1, 2026

By

Islam Selmani ka siguruar medaljen e shtatë për Kosovën në Lojërat Mesdhetare “Taranto 2026”, duke shkruar njëkohësisht histori për karatenë kosovare.

Karateisti ynë ka triumfuar në gjysmëfinale dhe është kualifikuar në finale, duke i siguruar Kosovës medaljen e parë në karate në këto Lojëra Mesdhetare.

Selmani tani do të luftojë për medaljen e artë, me synimin për ta kurorëzuar paraqitjen e tij me titullin e kampionit.

D.L

Continue Reading

Të kërkuara