Kronika e zezë

Lirohet nga akuza ish-zyrtari policor i akuzuar për marrje ryshfeti

Aktgjykimi lirues është shpallur të premten nga gjyqtari Agim Kuçi në Gjykatën Themelore të Prishtinës.

Publikuar

1 vit më parë

më

Gjykata Themelore në Prishtinë, të premten ka shpallur aktgjykim lirues për ish- zyrtarin policor, Sokol Alihajdari, i cili akuzohej për marrje ryshfeti.

Aktgjykimi lirues është shpallur të premten nga gjyqtari Agim Kuçi në Gjykatën Themelore të Prishtinës, raporton “Betimi për Drejtësi”.

“Kjo gjykatë merr aktgjykim lirues pasi që nuk është provuar se i akuzuari ka kryer veprën penale për të cilën është akuzuar”, tha gjykatësi Kuçi.

Kurse lidhur me shpenzimet e procedurës penale, ai tha se të njëjtat do të bien në barrë të Gjykatës Themelore në Prishtinë.

Në fund gjykatësja Kuçi njoftoi palët e pakënaqura se ndaj këtij aktgjykimi kanë të drejtë ankese në afat prej 30 ditësh nga dita e kalimit të kopjes së këtij aktgjykimi në Gjykatën e Apelit përmes kësaj gjykate.

Sipas aktakuzës së ngritur më 15 dhjetor 2016, në dispozitivin e parë, thuhet se i akuzuari Sokol Alihajdari në cilësinë e zyrtarit policor në stacionin Policor Jugu në Prishtinë, në Njësinë e Hetimeve në Sektorin e dhunës në familje, me qëllim që vetes t’i sjellë përfitim pasuror të kundërligjshëm, në atë mënyrë që derisa ishte duke trajtuar raste të dhunës familjare të akuzuarit Ahmet Gërxhaliu dhe të bashkëshortes së tij B.S, i pandehuri Alihajdari në fillim të muajit maj të vitit 2014, derisa i akuzuari Ahmet Gërxhaliu ishte në Stacionin Policor Jugu, akuzuari Alihajdari i kishte kërkuar ryshfet shumën e parave prej 300 euro e pastaj në afërsi të Qendrës Klinike Universitare në Prishtinë (QKUK), ka pranuar ryshfet shumën e të hollave të lartcekur prej 300 euro nga i akuzuari Gërxhaliu, duke i thënë që të hollat të ia vendoste në xhepin e pantollave.

Tutje, sipas të njëjtit dispozitiv thuhet se i pandehuri Gërxhaliu ia kishte dhënë shumën e të hollave të lartcekur të akuzuarit Alihajdari, që ta trajtonte rastin kundër ish-gruas së tij lidhur me djalin e tyre, kurse gjatë muajit qershor të vitit 2014, i akuzuari Alihaidari derisa kishte qenë tek shtëpia e të akuzuarit Gërxhaliu në lagjen e “Spitalit” në Prishtinë, lidhur me rastin e dhunës familjare në mes të akuzuarit Gërxhaliu dhe bashkëshortes se tij, i akuzuari Alihajdari nga i pandehuri Gërxhaliu ka kërkuar dhe pranuar ryshfet shumën e të hollave prej 40 euro, e duke i thënë se nenën e ka të sëmurë, dhe pastaj në muajin gusht të vitit 2014, ka kërkuar dhe pranuar shumën e të hollave prej 200 euro, duke i thënë se i nevojiten për pushim vjetor.

Me këtë rast Alihajdari akuzohet se ka kryer veprën penale “Marrje ryshfetit” nga neni 428 par. 1 të KPRK-së.

Në dispozitivin e dytë të aktakuzës, thuhet se i akuzuari Ahmet Gërxhaliu, i ka dhënë ryshfet zyrtarit policor Sokol Alihajdarit, zyrtar policor, në atë mënyrë që në afërsi të QKUK-së, i ka dhënë ryshfet në fillim te muajit maj të vitit 2014 shumën e të hollave prej 300 euro, duke ia vendosur ne xhepin e pantollave të akuzuarit Sokol Alihajdarit, kurse gjatë muajit qershor të vitit 2014 i ka dhënë ryshfet shumën e të hollave prej 40 euro derisa i akuzuari Alihaidari ishte në shtëpinë e të akuzuarit të lartcekur për të trajtuar rastin e dhunës familjare, si dhe në muajin gusht të vitit 2014, i ka dhënë ryshfet shumën e të hollave prej 200 euro të akuzuarit Alihajdarit për të shkuar në pushim vjetor.

Me këtë i njëjti ngarkohej se ka kryer veprën penale “Dhënie e ryshfetit” nga neni 429 par. 1 të KPRK-së.

Etiketa
Vazhdo të lexosh

Kronika e zezë

Raportohen shtatë raste të dhunës brenda një dite

Rastet kanë ndodhur në Prishtinë, Pejë, Fushë Kosovë, Lipjan, Viti.

Publikuar

18 orë më parë

më

26 Prill, 2024

nga

Shtatë raste të dhunës në familje janë raportuar brenda 24 orëve në Kosovë. Viktimat të gjitha ishin femra, të cilat i kanë raportuar burrat për dhunë. Rastet kanë ndodhur në Prishtinë, Pejë, Fushë Kosovë, Lipjan e Viti.

Raportet e plota të Policisë:

Lipjan/25.04.2024 – 07:36. Viktima femër shtetase e huaj ka raportuar se ka pasur dhunë nga i dyshuari mashkull kosovar. Palët janë intervistuar dhe me urdhër të prokurorit rasti vazhdon në procedurë të rregullt hetimore.

Fushë Kosovë/25.04.2024 – 10:00. Është arrestuar i dyshuari mashkull kosovar pasi që pas një mosmarrëveshje dyshohet se kishte ushtruar dhunë ndaj viktimës femër kosovare. Pas intervistimit me urdhër të prokurorit kujdestar, i dyshuari është liruar në procedurë të rregullt.

Prishtinë/25.04.2024 – 13:00. Ankuesja femër kosovare ka raportuar se më datë 03.04.2024 i dyshuari mashkull e kishte dëbuar nga shtëpia e tyre. I dyshuari nuk është hasur ne lokacion, përderisa rasti është duke u hetuar.

Prishtinë/25.04.2024 – 12:30. Është arrestuar i dyshuari mashkull kosovar pasi që dyshohet se i njëjti kishte ushtruar dhunë ndaj viktimës femër kosovare. Pas intervistimit të palëve me urdhër të prokurorit kujdestar, i dyshuari është liruar në procedurë të rregullt.

Prishtinë/ 25.04.2024 – 1 2:30. Viktima femër kosovare ka raportuar se pas një mosmarrëveshje është sulmuar fizikisht nga i dyshuari mashkull kosovar. Viktima ka pranuar tretman mjekësor, ndërsa i dyshuari është intervistuar dhe me vendim të prokurorit është liruar.

Viti/ 25.04.2024 – 19:00. Viktima femër kosovare ka pranuar tretman mjekësor pasi që e njëjta pas një mosmarrëveshje dyshohet se është sulmuar fizikisht nga i dyshuari mashkull kosovar. Palët janë intervistuar dhe me vendim të prokurorit i dyshuari është arrestuar dhe dërguar në mbajtje .

Pejë/25.04.2024 – 13:12. Është arrestuar i dyshuari mashkull kosovar pasi që pas një mosmarrëveshje verbale dyshohet se kishte ushtruar dhunë fizike ndaj viktimës femër kosovare. Viktima nuk ka dëshiruar të marrë tretman mjekësor dhe pas intervistimit është kthyer në shtëpinë e saj. Me vendim të prokurorit kujdestar, i dyshuari është dërguar ne mbajtje./UBTNews/

Vazhdo të lexosh

Kronika e zezë

Në Viti u sekuestruan 300 kg duhan dhe 500 pako cigare

I dyshuari, një 47-vjeçar nga komuna e Vitisë, është dërguar në mbajtje për 48 orë.

Publikuar

2 ditë më parë

më

25 Prill, 2024

nga

Në komunën e Vitisë, Policia e Kosovës ka ndaluar një automjet me targa vendore, në të cilin ka gjetur dhe sekuestruar 500 pako cigare të gatshme dhe 300 kg duhan të grirë refuz, të cilat dyshohet se i kishte kontrabanduar nga Maqedonia Veriore përmes rrugëve malore në fshatin Lubishtë të Vitisë.

Gjithsej janë sekuestruar 500 kg duhan me vlerë mbi 6.000 € ndërsa shmangiet doganore janë mbi 20.000€.

I dyshuari, një 47-vjeçar nga komuna e Vitisë, është dërguar në mbajtje për 48 orë./UBTNews/

Vazhdo të lexosh

Kronika e zezë

Arrestohet një person i dyshuar për sulm seksual në Ferizaj

I njëjti ishte në lidhje dashurie me viktimën e moshës se mitur tani e një vit.

Publikuar

2 ditë më parë

më

25 Prill, 2024

nga

Prokuroria Themelore në Ferizaj, me vendim të Prokurorit të Shtetit, ka ndaluar një person të dyshuar, në kohëzgjatje prej 48-orësh për shkak të dyshimit të veprës penale “Sulmi seksual” sipas KPRK-së.

Në njoftim thuhet se ekziston dyshimi se i njëjti ishte në lidhje dashurie me viktimën e moshës se mitur tani e një vit, andaj me këto veprime dyshohet se ka kryer veprën penale “Sulmi seksual” nga neni 229 të Kodit Penal të Republikës së Kosovës.

“Prokuroria Themelore në Ferizaj, ndaj të dyshuarit Xh.I., brenda afatit ligjor do të parashtrojë kërkesë për caktimin e masës së paraburgimit në Gjykatën kompetente”, thuhet në komunikatë.

Vazhdo të lexosh

Kronika e zezë

Gjuajtje me armë në Prishtinë pas një mosmarrëveshje në komunikacion

Rasti është duke u hetuar.

Publikuar

3 ditë më parë

më

24 Prill, 2024

nga

Policia e Kosovës ka dhënë detaje për të shtënat me armë zjarri në Hajvali. Siç bën të ditur policia në raportin 24-orësh pas një mosmarrëveshjeje në komunikacion, një person ka shtënë me armë zjarri në drejtim të tjetrit.

Në vendin e ngjarjes njësia e hetimeve dhe krimteknikës ka sekuestruar një gëzhojë. Rasti është duke u hetuar.

 “Rr. Brigada 153, Hajvali, Prishtinë. Ankuesi mashkull kosovar ka njoftuar se pas një mosmarrëveshje në komunikacion, një i dyshuar nga një veturë ka shtënë me armë zjarri në drejtim të tij. Në vendin e ngjarjes njësia e hetimeve dhe krimteknikës kanë sekuestruar një gëzhojë. Rasti duke u hetuar”, thuhet në raportin e Policisë së Kosovës.

Vazhdo të lexosh

Të kërkuara