Kronika e zezë

Lirohet edhe një tjetër serb i arrestuar për sulm ndaj gazetarëve në veri

Ai u arrestua më 19 qershor në Leposaviq, ndërsa më 16 qershor për sulm ndaj gazetarëve.

Published

1 year ago

July 19, 2023

Betim Gashi

Urosh Vukashinoviq, i cili u arrestua një muaj më parë në Leposaviq nën dyshimet për sulm ndaj gazetarëve, sot do të lirohet nga paraburgimi me kusht, ka konfirmuar për KoSSev avokati i tij ligjor, Nebojsha Vlajiq.

“Po, U.V. do të lirohet me kusht sot. Aktualisht jemi duke i zgjidhur dokumentet lidhur me këtë dhe ai do të lirohet gjatë ditës”, tha Vlajiq.

Ai u arrestua më 19 qershor në Leposaviq, ndërsa më 16 qershor për sulm ndaj gazetarëve.

Më pas nga Leposaviqi është transferuar në stacionin policor në pjesën jugore të Mitrovicës, prej nga është transferuar në burgun e Podujevës dy ditë më vonë, ku i është caktuar masa e paraburgimit për një muaj.

Në ditën kur u arrestua U.V, avokati i tij deklaroi në një konferencë për shtyp se klienti i tij nuk kishte asnjë lidhje me akuzat ndaj tij.

Në mbrojtje të U.V. dolën publikisht edhe kolegët e tij. Në atë kohë ata theksuan se ishin të befasuar me arrestimin e tij, pasi U.V. ai nuk është një person që “ekspozohej publikisht, dhe që nuk shkoi në turmë apo nuk nxitonte në sulme dhe lëvizje të nxituara”.

Kujtojmë, po ashtu me kusht, të premten dhe dy ditë më parë u liruan edhe dy serbët e mbetur të akuzuar nga autoritetet kosovare për sulme ndaj ekipeve mediale.

U.V. është edhe serbi i katërt nga tetë të arrestuarit gjatë këtyre dy muajve – i cili la paraburgimin me kusht.

Related Topics:gazetaret sulm Urosh Vukashinoviq

Up Next

Një muaj paraburgim për Ilir Avdullahun, i dyshuar për vrasjen e Triumf Rizës

Don't Miss

Ndalohet një person për “Keqpërdorim të pozitës” dhe për “Falsifikim të dokumentit zyrtar”

Kronika e zezë

Arrestohen tre persona për fajde në Prizren

Published

1 month ago

October 2, 2024

UBTnews

Policia e Kosovës ka arrestuar sot tre persona në Prizren nën dyshimet se janë të përfshirë në veprat penale fajde dhe detyrim.

Në vendbanimet e personave të dyshuar janë sekuestruar dy automjete, para dhe dëshmi të rëndësishme, të cilat do të përdorën si dëshmi në procedura të mëtutjeshme.

Dyshohet se këta persona duke kanosur viktimën, në vazhdimësi kanë tentuar ta detyrojnë që të veprojë kundër pasurisë së tij.

Të dyshuarit pas intervistimit, me aktvendim të prokurorit ndalohen për 48 orë.

Kronika e zezë

Një qytetar në veri të Mitrovicës sulmohet, fyhet në gjuhën shqipe dhe serbe

Published

1 month ago

October 1, 2024

UBTnews

Policia e Kosovës ka njoftuar se në Mitrovicë të Veriut është raportuar një rast sulm dhe fyerje.

Sipas policisë, ankuesi ka njoftuar se derisa ishte duke ecur në trotuar me tre persona, dy motorë skuter me nga dy persona të cilët kanë qenë duke lëvizur në rrugë i kanë fyer në gjuhen shqipe dhe në gjuhen serbe dhe të njëjtit i kanë gjuajtur me një shportë plastike duke e goditur viktimën.

“Viktima nuk ka pësuar lëndime trupore, ndërsa të dyshuarit janë larguar në drejtim të urës lindore”, thuhet në njoftim.

Kronika e zezë

Aksident i rëndë trafiku në Lipjan, lëndohet një këmbësor

Published

1 month ago

October 1, 2024

UBTnews

Një këmbësor ka pësuar lëndime të rënda dje si pasojë e një aksidenti në Lipjan. Deri tek aksidenti ka ardhur pasi një burrë duke e drejtuar një motoçikletë e ka goditur këmbësorin viktimën mashkull kosovar.

“Rr. Avdi Kelmendi, Lipjan 30.09.2024-15:20. Raportohet se i dyshuari mashkull kosovar derisa ishte duke drejtuar një motoçikletë e ka goditur këmbësorin viktimën mashkull kosovar. Si pasojë e aksidentit viktima ka pësuar lëndime të rënda trupore. I dyshuari është arrestuar dhe me vendim të prokurorit dërgohet në mbajtje”, thuhet në njoftim.

Kronika e zezë

Shpërthim në Podujevë, policia po e heton rastin

Published

1 month ago

September 30, 2024

UBTnews

Policia e Kosovës ka njoftuar se një shpërthim ka ndodhur në Podujevë në orët e para të së dielës. Rasti është trajtuar si shkaktim i rrezikut të përgjithshëm dhe është duke u hetuar.

“Ankuesi mashkull kosovar ka raportuar se ka dëgjuar një shpërthim. Në vendin e ngjarjes ku dyshohet se ka ndodhur shpërthimi kanë dalë njësitet përkatëse policore, me ç’rast është njoftuar edhe njësia për deminim dhe hetuesia”, thuhet në raportin 24-orësh të Policisë.

Lidhur me rastin thuhet se është njoftuar edhe prokurori dhe hetimet janë duke vazhduar.