Lajmet

Linja Emirates pezullon të gjitha fluturimet për në Nigeri pas ngecjes së fondeve

Linja ajrore tha se nuk ka pasur “asnjë përparim” nga autoritetet nigeriane për një zgjidhje.

Published

on

Ministria e aviacionit të Nigerisë thotë se është duke “punuar fort” për të liruar fondet e bllokuara për linjën ajrore Emirates pasi kompania pezulloi fluturimet për në Nigeri duke filluar nga muaji i ardhshëm.

Emirates njoftoi në një deklaratë se ka pezulluar operacionet e fluturimeve brenda dhe jashtë Nigerisë për shkak të pamundësisë së saj për të riatdhesuar fondet nga vendi i Afrikës Perëndimore.

Linja ajrore tha se nuk ka pasur “asnjë përparim” nga autoritetet nigeriane për një zgjidhje.

“Emirates ka provuar çdo rrugë për të adresuar sfidat tona të vazhdueshme në riatdhesimin e fondeve nga Nigeria dhe kanë bërë përpjekje të konsiderueshme për të nisur dialogun me autoritetet përkatëse për ndërhyrjen e tyre urgjente për të ndihmuar në gjetjen e një zgjidhjeje të qëndrueshme. Për keqardhje nuk ka pasur asnjë përparim”, tha Emirates në një deklaratë.

Kompania ajrore tha se nuk mund të hynte në fondet e saj që arrijnë në 85 milionë dollarë të mbajtura në vend. Fondet e ngecura ishin rritur me mbi 10 milionë dollarë çdo muaj, tha linja ajrore në një letër drejtuar ministrit të Aviacionit të Nigerisë, Hadi Sirika.

“Qeveria po punon shumë për të siguruar që këto para të lirohen, jo vetëm për Emirates por të gjitha linjat ajrore të prekura”, shtoi Sirika.

Sirika shtoi se “do të vendosen mekanizma për të siguruar që kjo të mos ndodhë në të ardhmen”.

Ministri nuk shtjelloi se cilët ishin faktorët, megjithëse Nigeria po përballet me mungesa në valutë të huaj, gjë që ka kufizuar aksesin në valutë të huaj për importe.

Nigeria është një nga tregjet më të mëdha të Afrikës për transportuesit ndërkombëtarë./UBTNews/

Lajmet

Sot nafta 1.64 euro, benzina 1.39 euro

Published

on

By

Ministria e Industrisë, Ndërmarrësisë, Tregtisë dhe Inovacionit (MINT) ka publikuar çmimet maksimale të lejuara për shitjen e derivateve të naftës për datën 23 prill 2026.

Sipas vendimit të fundit, çmimet që hyjnë në fuqi nga ora 10:00 janë: Nafta (dizel): 1.64 euro për litër Benzina: 1.39 euro për litër; Gasi: 0.87 euro për litër.

MINT ka njoftuar qytetarët se për çdo parregullsi apo ankesë lidhur me çmimet në treg, mund të adresohen në emailin zyrtar të departamentit të konsumatorit ose përmes numrit të telefonit pa pagesë.

Këto çmime po vazhdojnë të mbeten në nivele të larta, kryesisht si pasojë e pasigurisë në tregjet ndërkombëtare dhe tensioneve të vazhdueshme nga konflikti mes SHBA-së, Iranit dhe Izraelit, gjë që ka reflektuar drejtpërdrejt në koston e karburanteve edhe në tregun tonë.

Continue Reading

Lajmet

Rahoveci drejt një qendre moderne për art dhe inovacion

Published

on

Në Rahovec po vazhdon ndërtimi i Qendrës për Arte, Kulturë dhe Inovacion, një projekt që synon të krijojë një hapësirë bashkëkohore për zhvillimin e jetës kulturore dhe kreative në qytet. Kjo qendër pritet t’u shërbejë artistëve, të rinjve dhe gjithë komunitetit artdashës, duke ofruar kushte më të avancuara për krijimtari, bashkëpunim dhe zhvillim profesional.

Me një investim që tejkalon 3 milionë euro, projekti synon të forcojë infrastrukturën kulturore në Rahovec dhe të hapë mundësi të reja për zhvillimin e artit dhe inovacionit, jo vetëm në nivel lokal, por edhe më gjerë.

Continue Reading

Lajmet

Kapen të dyshuarit që vodhën cigaret elektronike nga vetura në Vushtrri

Published

on

By

Policia e Kosovës ka arrestuar katër persona të dyshuar për përfshirje në një vjedhje të rëndë të ndodhur dy ditë më parë në Vushtrri.

Rasti ishte denoncuar me 22 prill, pasi një qytetar kishte raportuar se persona të panjohur i kishin thyer xhamin e veturës dhe prej andej kishin vjedhur rreth 400 lloje të cigareve elektronike. Pas një pune operative dhe hetimore, njësitet policore kanë arritur t’i identifikojnë dhe t’i prangosin të dyshuarit në Mitrovicën e Jugut.

Gjatë operacionit, policia ka gjetur dhe ka sekuestruar një pjesë të cigareve elektronike që ishin raportuar si të vjedhura.

Pas intervistimit, me urdhër të prokurorit, njëri nga të dyshuarit është dërguar në mbajtje, ndërsa tre të tjerët do të mbrohen në procedurë të rregullt. Ndaj tyre janë iniciuar rastet për veprat penale “Vjedhje e rëndë” dhe “Blerja, pranimi ose fshehja e sendeve të përfituara me kryerjen e veprës penale”.

Continue Reading

Lajmet

Fitore bindëse e Donjeta Sadikut në Kupën Botërore të boksit

Published

on

Boksierja kosovare Donjeta Sadiku ka shënuar fitore bindëse në kuadër të turneut prestigjioz “Kupa Botërore e Boksit”, që po mbahet në Foz do Iguaçu të Brazilit.

Në mbrëmjen e 22 prillit, në kategorinë deri në 60 kilogramë, Sadiku e mposhti përfaqësuesen e Zelandës së Re, Jordan Wilson, me rezultat të pastër 5:0. Ajo e nisi meçin fuqishëm që në raundin e parë, duke e rrëzuar dy herë kundërshtaren në knockdown. Dominimi i saj vazhdoi edhe në raundin e dytë, ku realizoi një tjetër knockdown, duke detyruar gjyqtarin të ndërhyjë me numërim dhe të ndalë përkohësisht kundërshtaren. Në raundin e tretë, Sadiku ruajti kontrollin e plotë të meçit dhe e përmbylli duelin me epërsi të thellë.

Ky turne ka rëndësi të veçantë, pasi pikët e fituara ndikojnë drejtpërdrejt në procesin e kualifikimit për Lojërat Olimpike “Los Angeles 2028”.

Meçi i radhës për Donjeta Sadikun është caktuar më 24 prill, duke filluar nga ora 16:00.

Continue Reading

Të kërkuara