Teknologji

Linja e iPhone për 2022 përfshin dy modele me kosto të ulët

Sipas Kuo modeli me kosto të ulët 6.7-inç nuk kushton më tepër sesa 900 dollarë ndërsa kujtojmë se iPhone 12 Pro Max ka çmim bazë prej 1,099 dollarësh.

Published

4 years ago

on

Analisti i cili ka qenë historikisht i saktë me parashikimin e planeve të Apple, Ming-Chi Kuo tha ditën e sotme se linja e iPhone për 2022 do të përfshijë dy modele me kosto të ulët 6.1-inç dhe 6.7-inç.

iPhone 14 do të ketë dy modele të shtrenjta dhe dy modele “low-cost” me ekrane 6.1-inç dhe 6.7-inç respektivisht.

Sipas Kuo modeli me kosto të ulët 6.7-inç nuk kushton më tepër sesa 900 dollarë ndërsa kujtojmë se iPhone 12 Pro Max ka çmim bazë prej 1,099 dollarësh.

Përveç modeleve të reja, Kuo thotë se iPhone 2022 kanë sensorë të shenjave të gishtërinjve nën ekran. Shumica e iPhone nuk ka kanë skanerë të tillë se Apple ka zgjedhur Face ID.

Së fundi Kuo foli edhe për kamerat të cilat do të pësojnë transformim me sensorët 48-megapiksel.

Ai që mungon në raport është modeli 5.4-inç iPhone mini i cili nuk ka performuar mirë as sipas raporteve të industrisë. Thuhet se Apple ka prodhuar 70% më pak iPhone mini sesa kishte parashikuar. /PCWorld Albanian

Related Topics:
Continue Reading

Teknologji

Apple humbet dizajnerin kryesor të iPhone Air

Published

2 hours ago

on

November 20, 2025

By

Abidur Chowdhury, një nga dizajnerët kryesorë që kontribuoi në zhvillimin e iPhone Air, është larguar nga Apple për t’u bashkuar me një startup të paidentifikuar të inteligjencës artificiale.

Chowdhury u bë i njohur për publikun pasi u shfaq në videon prezantuese të iPhone Air.

Edhe pse ai nuk ishte i vetmi përgjegjës për drejtimin e projektit, largimi i tij ka lënë boshllëk të ndjeshëm në ekipin e dizajnit të kompanisë.

Ai i’u bashkua Apple 6 vjet më parë, në një periudhë të afërt me largimin e dizajnerit Jony Ive, i cili themeloi agjencinë kreative, LoveFrom.

Një tjetër projekt i lidhur me Ive, i quajtur io, u ble nga OpenAI, megjithëse Ive dhe LoveFrom vazhdojnë të operojnë si entitete të pavarura.

iPhone Air raportohet se po përballet me shitje të dobëta, por burimet thonë se kjo nuk lidhet drejtpërdrejt me largimin e Chowdhury.

Më herët qarkulluan thashetheme se iPhone Air 2 mund të vonohet, por jo domosdoshmërisht të anulohet plotësisht. /A.Z/UBT News/

Continue Reading

Teknologji

Roblox vendos masa të reja për mbrojtjen e fëmijëve online

Published

1 day ago

on

November 19, 2025

By

Roblox do t’i ndalojë fëmijët të bisedojnë me të rritur të panjohur, si pjesë e masave të reja të sigurisë.

Platforma po vendos verifikim të detyrueshëm të moshës për përdoruesit që duan të përdorin opsionet e bisedës, duke nisur në dhjetor në Australi, Zelandë të Re dhe Holandë, e nga janari në gjithë botën.

Roblox është kritikuar për ekspozimin e fëmijëve ndaj përmbajtjeve të papërshtatshme dhe kontaktit me të rritur, dhe aktualisht përballet me disa padi në SHBA. Aktivistët paralajmërojnë se rreziqet mund të vazhdojnë, pavarësisht masave.

Platforma ka rreth 80 milionë përdorues aktivë në ditë, nga të cilët 40% janë nën 13 vjeç. Verifikimi i ri i moshës, i bazuar në fytyrë, do të bëhet i detyrueshëm për qasjen në biseda, duke klasifikuar përdoruesit në grupe të ndryshme moshe.

Lojtarët do të mund të komunikojnë vetëm me persona brenda së njëjtës kategori, përveç kontakteve të besuara.

Nën-13 vjeçarët do të kenë ende të kufizuara mesazhet private, përveç nëse prindërit japin leje. Masat e reja vijnë mes shqetësimeve të vazhdueshme për sigurinë e fëmijëve në platformë. /A.Z/UBT News/

Continue Reading

Teknologji

“Cloudflare” pranon gabimin pas rënies masive të faqeve në internet

Published

1 day ago

on

November 19, 2025

By

Shumë faqe interneti të njohura, përfshirë “X” dhe “ChatGPT”, u përballën me rënie të martën për shkak të një problemi që preku kompaninë e njohur të infrastrukturës së internetit, “Cloudflare”, raporton “BBC”.

Mijëra përdorues raportuan vështirësi me uebfaqe dhe shërbime të ndryshme në platformën e monitorimit “Downdetector”, me raportimet që nisën rreth orës 12:00.

Sipas “Cloudflare”, ndërprerja e madhe u shkaktua nga një file konfigurimi i krijuar për menaxhimin e trafikut të kërcënimeve, i cili nuk funksionoi siç ishte parashikuar dhe “shkaktoi një bllokim” në softuerin që përpunon trafikun për shërbimet më të gjera të kompanisë.

“Ne kërkojmë falje ndaj klientëve tanë dhe internetit në tërësi që i zhgënjyem sot. Duke marrë parasysh rëndësinë e shërbimeve të ‘Cloudflare’, çdo ndërprerje është e papranueshme”, deklaroi kompania.

Megjithëse problemi është zgjidhur, “Cloudflare” njoftoi se disa shërbime mund të vazhdojnë të shfaqin gabime ndërsa rikthehen online.

Një gamë e gjerë aplikacionesh dhe faqesh u ndikuan nga ndërprerja, përfshirë edhe portalin KOHA.net.

“Cloudflare” është ndër ofruesit më të mëdhenj të sigurisë në internet, duke ofruar shërbime si verifikimi i trafikut për të dalluar përdoruesit realë nga robotët. Kompania thotë se rreth 20% e faqeve të internetit në botë përdorin shërbimet e saj. /A.Z/UBT News/

Continue Reading

Automobilizëm elektrikë

Partneritet i ri! Ford sjell makinat e përdorura të certifikuara në Amazon

Published

2 days ago

on

November 18, 2025

By

Dy vjet më parë, Hyundai njoftoi se do të shiste makina të reja përmes Amazon, me listat e para që u shfaqën në faqen e tyre në dhjetor të kaluar.

Ford po ndjek të njëjtin model. Kompania njoftoi se do t’i lejojë tregtarët të shesin automjetet e çertifikuara të përdorura përmes Amazon.

Tregtarët do të ruajnë kontrollin mbi çmimet dhe shërbimet, por klientët do të mund të shfletojnë, financojnë dhe blejnë automjetet online, duke caktuar marrjen e tyre në tregtarin përkatës. Blerësit do kenë mundësi të shikojnë makinat e disponueshme nga tregtarët pjesëmarrës të Ford brenda një rrezeje prej 75 miljesh. Listat përfshijnë çmimet, historikun e automjetit, specifikimet e plota dhe raportet e gjendjes.

Çdo automjet i CPO i nënshtrohet një inspektimi dhe mund të marrë një nga tre certifikimet: Gold, EV ose Blue.

Gold: Makina gjashtë vjeç ose më e re me më pak se 80,000 milje. Inspektim prej 172 pikash dhe garanci e kufizuar Ford Blue Advantage 12 muaj/12,000 milje.

EV: Inspektim prej 127 pikash, me kushtet e moshës/kilometrazhit të ngjashme me certifikatën Gold dhe garanci të përputhshme.

Blue: Përfshin automjete Ford e marka tjera deri 10 vjeç me më pak se 150,000 milje. Inspektim prej 139 pikash dhe garanci e kufizuar 90 ditë/4,000 milje për motorin, transmisionin, baterinë dhe sistemin elektrik.

Të gjitha automjetet përfshijnë ndihmë rrugore dhe një garanci 14-ditore/1,000 miljesh për kthim parash.

Tregtarët e Ford në Los Angeles, Seattle dhe Dallas janë të parët që ofrojnë CPO në Amazon, me tregje të tjera që do t’i ndjekin së shpejti.

Ata gjithashtu mund të ofrojnë opsione shtesë, si planet e zgjatura të shërbimit.

Një kontroll i shpejtë i inventarit brenda një rrezeje 75 miljesh nga Los Angeles tregon një gamë të gjerë automjetesh, përfshirë Jeep Cherokee 2018, Chevrolet Suburban 2023, Hyundai Elantra 2025 e modele Ford si Mustang Bullitt 2019 për pak më pak se 40,000 dollarë.

Shikoni inventarin këtu, duke ndryshuar vendndodhjen sipas nevojës. /A.Z/UBT News/

 

Continue Reading

Të kërkuara