Sport

Liga e Kombeve, Skocia pret në shtëpi Ukrainën

Të dy këto kombëtare pozicionohen në Grupin 1 të këtyre kualifikimeve së bashku me Irlandën dhe Armeninë.

Published

4 years ago

September 21, 2022

UBT.News

Liga e Kombeve i rikthehet sot aksionit, ku në programin e sotëm do të zhvillohet vetëm një ndeshje interesante.

Me fillim nga ora 20:45, stadiumi “Hampden Park” në Glasgow do të jetë nikoqir i përballjes mes Kombëtares së Skocisë dhe asaj të Ukrainës.

Të dy këto kombëtare pozicionohen në Grupin 1 të këtyre kualifikimeve së bashku me Irlandën dhe Armeninë.

Momentalisht, pas tre ndeshjeve të zhvilluara vendin e parë në grup e zë Ukraina me shtatë pikë, një më shumë se kundërshtari i sotëm, Skocia, që renditet në vendin e dytë.

Takimi i fundit mes Skocisë dhe Ukrainës daton në qershor të këtij viti, ku asokohe Ukraina shënoi fitore me rezultat 3:1 për të eliminuar Skocinë nga kualifikimet drejt Kampionatit Botëror “Katar 2022”.

20:45 Skocia – Ukraina stadiumi (Hampden Park)

Related Topics:Ukraina Skocia Liga e Kombeve

Up Next

Federer pranon se ai ‘ndaloi së besuari’ se mund të rikthehej pas lëndimeve

Don't Miss

Ylli debuton sot në Ligën e Kampionëve

Vendi

Akil Gjakova mbyll garën pa medalje në Abu Dhabi

Published

1 day ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

1 day ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

1 day ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/